မကွေးတိုင်းဒေသကြီး၊ ပခုက္ကူခရိုင်အတွင်းရှိ ပခုက္ကူ၊ မြိုင်၊ပေါက်၊ရေစကြိုနှင့် ဆိပ်ဖြူမြို့နယ် အတွင်းရှိကျေးရွာများတွင် ဒေသခံပြည်သူများသည် လယ်ယာစိုက်ပျိုးရေးကိုအဓိကလုပ်ကိုင်ကြပြီး သီးနှံမျိုးစုံစိုက်ပျိုးရာမှ ပဲတီစိမ်းသီးနှံကိုလည်းမိုး၊ဆောင်းနှစ်ရာသီစိုက်ပျိုးကြရာ မိုးပဲတီစိမ်းကို စိုက် ဧက (၂) သောင်းခန့်စိုက်ပျိုးကြောင်း သိရှိရသည်။
မိုးပဲတီစိမ်းကို မတ်လတွင် စတင်စိုက်ပျိုးပြီး ဇွန်၊ဇူလိုင်လတွင် သီးနှံစတင်ထွက်ပေါ်ကြောင်း၊ ပဲတီစိမ်းမြကြေးမှုံ၊ ကျောက်စိမ်း၊ ပဲတီစိမ်း၊ ပဲနောက်သေးမျိုးများကိုစိုက်ပျိုးကြကြောင်း၊ စိုက်ပျိုးရာ တွင် မြေပြုပြင်ပြီးနွားရှဉ်းဖြင့်ကြောင်းဆွဲပြီး အစေ့ချစနစ်ဖြင့် ပင်ကြား(၅)လက်မ၊ တန်းခြား(၁) ပေအကွာဖြင့် စိုက်ပျိုးကြပြီး တစ်ဧကလျှင် မျိုးစေ့ (၄)ပြည်ခန့် ကုန်ကျကြောင်း၊ စိုက်ပျိုးထုတ်လုပ်မှု ကုန်ကျစရိတ်မှာ တစ်ဧကလျှင် စုစုပေါင်းငွေ ကျပ်(၇)သိန်းခန့် ကုန်ကျကြောင်း၊ တ စ်ဧကပျှမ်းမျှအ ထွက်တင်းမှာ (၁၀-၁၅)တင်းခန့် ထွက်ရှိပြီး စိုက်ပျိုးမြေနှင့်ရာသီဥတုပေါ်မှုတည်၍ သီးနှံအထွက် နှုန်းကွာခြားမှုရှိကြောင်း၊ အကျိုးအမြတ်အနေဖြင့် (၁)ဧကလျှင် ငွေကျပ်(၅)သိန်းမှ (၈)သိန်းထိ ရရှိကြောင်း သိရှိရသည်။
၂၀၂၅ခုနှစ်၊ ဩဂုတ်လ(ဒုတိယပတ်)တွင် ပခုက္ကူပဲမျိုးစုံဈေးကွက်၌ ပဲတီစိမ်းသီးနှံများ လှိုင်လှိုင်ဝင်ရောက်လျက်ရှိပြီး ဈေးအနည်းငယ်ကျဆင်နေကြောင်း၊ တစ်ရက်လျှင် ပဲတီစိမ်းပိဿာ (၃၀)ဝင် အိတ်(၃၀၀-၃၅၀)ခန့် ဝင်ရောက်ပြီး ရေစကြိုမြို့နယ်ထွက် ပဲတီစိမ်းများအများဆုံးဝင် ရောက်အရောင်းအဝယ်ဖြစ်ကြောင်း သိရှိရသည်။ ဈေးနှုန်းအနေဖြင့် သီးနှံပေါ်စဇွန်လတွင် ပဲတီစိမ်း တစ်တင်းလျှင်ကျပ်(၁၂၀၀၀၀-၁၃၂၀၀၀) ဈေးဖြင့်အရောင်းအဝယ်ဖြစ်ခဲ့ပြီး၊ ဇူလိုင်လတွင် ပဲတီစိမ်း တစ်တင်းလျှင်ကျပ်(၁၀၀၀၀၀-၁၃၀၀၀၀)ဈေးဖြင့် ဈေးအနည်းငယ်ကျဆင်းအရောင်းအဝယ်ဖြစ်ခဲ့ကြောင်း၊ ယခုဩဂုတ်လ(ဒုတိယပတ်)တွင် ပဲတီစိမ်းတစ်တင်းလျှင် ကျပ်(၉၅၀၀၀-၁၂၅၀၀၀)ဈေးဖြင့် ဈေးဆက်လက်ကျဆင်း အရောင်းအဝယ်ဖြစ်ကြောင်း၊ ဈေးကွက်အနေဖြင့် ပခုက္ကူပွဲရုံများသို့ ဝင် ရောက်လာသည့် ပဲတီစိမ်းများကိုဒေသတွင်းဖြန့်ဖြူးမှုအပြင် ရန်ကုန်၊ မန္တလေးမြို့များသို့ တင်ပို့ လျက်ရှိပြီးထိုမှ တစ်ဆင့် တရုတ်၊ဗီယက်နန်နိုင်ငံများသို့ တင်ပို့လျက်ရှိကြောင်း သိရှိရသည်။
DOCA(မကွေး)
