ပြည်တွင်းကုန်သွယ်မှုသတင်း

   စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များ တွင် စိုက်ပျိုးရေးလုပ်ငန်းကို လုပ်ကိုင်စားသောက်ကြရာမှ စားဖိုဆောင်သီးနှံဖြစ်သည့် ပဲတောင့်ရှည်သီးများနှင့် ကြောင်လျှာသီးပင်များကိုလည်း တစ်နိုင်တစ်ပိုင် စိုက်ပျိုးလျက် ရှိပြီး မုံရွာမြို့သာစည်ဈေးတွင် လာရောက်ရောင်းချလျက်ရှိကြောင်း သိရပါသည်။

      ၂၀၂၅ ခုနှစ်၊ ပထမပတ်တွင် မုံရွာမြို့၊ သာစည်ဈေးတွင် ပဲတောင့် ရှည်သီး ဈေးနှုန်းများမှာ ပဲတောင့်ရှည်သီး ငါးတောင့်ပါတစ်စီးလျှင် (၃၅၀) ကျပ်ရှိပြီး ဆယ်တောင့်ပါ တစ်စီးလျှင်(၇၀၀)ကျပ်၊ ကြောင်လျှာသီးအကြီး တစ်တောင့်လျှင် (၁၀၀၀)ကျပ်၊ ကြောင်လျှာ သီးအသေး တစ်တောင့်လျှင် (၈၀၀)ကျပ်ဖြစ်ပြီး ယခု စက်တင်ဘာလ ပထမပတ်တွင် သာစည်ဈေးတွင် ပဲတောင့်ရှည်သီး ဈေးနှုန်းများမှာ ပဲတောင့်ရှည်သီး ငါးတောင့်ပါတစ်စီးလျှင် (၃၀၀) ကျပ်ရှိပြီး ဆယ်တောင့်ပါတစ်စီးလျှင်(၆၀၀)ကျပ်၊ ကြောင်လျှာသီးအကြီး တစ်တောင့် လျှင် (၉၀၀)ကျပ်၊ ကြောင်လျှာသီးအသေး တစ်တောင့်လျှင် (၇၀၀)ကျပ်ဖြစ်ပြီး ဈေးနှုန်း အနည်းငယ်ကျဆင်းသွားကြောင်း ကုန်စိမ်းရောင်းသူများထံမှ သိရှိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ မုံရွာမြို့၊ အနီးတစ်ဝိုက်ရှိ ကျေးရွာများတွင် ရာသီပေါ်သီးနှံ များကို စိုက်ပျိုးရောင်းချလျက်ရှိရာ ယခုအခါ သီးသီးပင်များနှင့် ဩဇာသီးပင်များကို နေအိမ် ခြံဝင်းများတွင်လည်းကောင်း၊ ယာကွက်ခြံစည်ရိုးများတွင်လည်းကောင်း တစ်နိုင်တစ်ပိုင် စိုက်ပျိုး၍ ရောင်းချလျက်ရှိကြောင်းသိရသည်။ သီးသီးပင်သည် အပင်ကြီးမျိုးဖြစ်ပြီး ပင်စည် မှာ အခေါက်ကြမ်းကြမ်းနှင့်  ဆူးများပါရှိသော အပင်မျိုးဖြစ်ပါသည်။  သီသီးမှာ အမျှင် ဓာတ်ကြွယ်ဝတဲ့ အသီးဖြစ်တာကြောင့် အစာခြေစနစ်ကို ကောင်းမွန်စေပါသည်။ သီးသီး ကို သကြား၊ ထန်းလျက်တို့နှင့် ယိုထိုးပြီးလည်း စားသုံးကြကြောင်း သိရှိရပါသည်။

          စက်တင်ဘာလ ပထမပတ်တွင် နန္ဒဝန်‌ဈေးသစ်တွင် ရောင်းချလျက်ရှိသော သီးသီး ဈေးနှုန်းမှာ တစ်လုံးလျှင်(၃၀၀)ကျပ်၊(၄)လုံးလျှင် (၁၀၀၀)ကျပ် နှင့် ဩဇာသီးဈေးနှုန်းများမှာ အရွယ်အစားအလိုက်ဈေးအမျိုးမျိုးရှိပြီး အရွယ်ကြီးအလုံးလှ(၁)လုံးလျှင် (၇၀၀)ကျပ်၊ အရွယ် သေး အလုံးသေး (၁)လုံးလျှင်(၅၀၀)ကျပ်ဖြင့် ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကျွန်းလှမြို့၊ ပိတောက်မြိုင်ရပ်ကွက်တွင် ၊ မိသားစု စားဝတ် နေရေးအတွက် တစ်ဖက် တစ်လမ်းမှ အပိုဝင်ငွေရရှိရန်အတွက်သော်လည်းကောင်း ဝါသနာအရသော်လည်း ကောင်း  စိုက်ပျိုးရေးနှင့် မွေးမြူရေးကို လုပ်ကိုင်ကြရာမှ ပန်းပျိုးပင်မျိုးစုံ ဖြစ်သည့် တယူဇနာပန်း (ခေါ်) တောင်ကြီးသနပ်ခါးပန်း၊ ငှက်ပျောပန်း၊ ပိန်းပန်း၊ ရှင်သီဝလိပန်း၊ သစ်ခွပန်း၊ ဒေစီပန်း၊ သဇင်ပန်း ၊ ခွာညိုပန်း နှင့် နှင်းဆီပန်းများကို အပင်ပေါက်ရော အပွင့်ပါ ရောင်းချရန်အတွက်  တစ်နိုင်တစ်ပိုင် စိုက်ပျိုးလာကြသည်။

    တယူဇနာပန်း (ခေါ်) တောင်ကြီးသနပ်ခါးပန်းသည် အဖြူမျိုးနှင့်အဝါမျိုး နှစ်မျိုးရှိပါသည်။ တယူဇနာ ပန်း(ခေါ်)တောင်ကြီးသနပ်ခါးပန်းသည် ရေကြိုက်သောအပင်ဖြစ်ပြီး အရိပ်ရသည့်နေရာတွင် စိုက်ပျိုးရပါ သည်။ တယူဇနာပန်း(ခေါ်)တောင်ကြီးသနပ်ခါးပန်းသည် နာမည်နဲ့လိုက်အောင် တယူဇနာအကွာအဝေးထိ မွှေးပျံ့လွန်းနိုင်သည်ဟု တင်စားခေါ်ဝေါ်ခြင်းဖြစ်သည်။ တယူဇနာပန်းသည် လေသင့်တိုင်းမွှေးသောပန်းမို့ ရနံ့လေးရှူလိုက်ရင်ဖြင့် တစ်နေ့တာ ဘဝအမောတွေ ပြေစေပြီး စိတ်ကိုကြည်လင်အေးမြလန်းဆန်း စေသော ပန်းကလေးဖြစ်ပါသည်။

    ၂၀၂၅ ခုနှစ်၊ စက်တင်ဘာလ ပထမပတ် ကျွန်းလှမြို့၏ တယူဇနာပန်း(ခေါ်)တောင်ကြီးသနပ်ခါးပန်း ပျိုးပင်ဈေးနှုန်း နှင့် တယူဇနာပန်း(ခေါ်)တောင်ကြီးသနပ်ခါးပန်းပွင့် ဈေးနှုန်းအနေဖြင့် တယူဇနာပန်း(ခေါ်) တောင်ကြီးသနပ်ခါးပန်း ပျိုးပင် တစ်ပင်လျှင်(၂၀၀၀)ကျပ်ဈေးနှုန်းရှိပြီး တယူဇနာပန်း(ခေါ်)တောင်ကြီး သနပ်ခါးပန်း တစ်ခက်လျှင်(၃၀၀)ကျပ်၊ (၂)ခက်လျှင်(၅၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း ပန်းဥယာဉ် စိုက်ပျိုး ရောင်းချသူ  ထံမှ သိရှိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ မုံရွာမြို့၊ မြသလ္လာဈေးနှင့် သံလမ်းဈေးတို့တွင် မုံရွာမြို့နယ် အတွင်းရှိ ကျေးရွာများ၊ မြို့ပေါ်ရပ်ကွက်များနှင့် ဒေသအသီးသီးမှ သံပုရာသီးများ လာရောက် ရောင်းချသည့်အတွက် ဈေးကွက်အတွင်း အရောင်းအဝယ်ဖြစ်လျက်ရှိကြောင်း သိရှိရပါသည်။

     သံပုရာသီးသည် ကျန်းမာရေးအတွက် ကောင်းမွန်ပြီး သံပုရာယို၊ သံပုရာ ဖျော်ရည်နှင့် အသုပ် များတွင် ထည့်သွင်း စားသုံးရပြီး ရှောက်သီးနှင့် စောင်းလျားသီးမှာ ဆေးဖော်စပ်ရာတွင် လည်းကောင်း၊ ‌အသုံးပြုကြသည့်အတွက် အရောင်းအဝယ်ဖြစ် လျက်ရှိကြောင်း သိရှိရပါသည်။

          စက်တင်ဘာလ ပထမပတ်တွင် မုံရွာမြို့ မြသလ္လာဈေး၊ သံလမ်းဈေးနှင့် ရပ်ကွက်ဈေး တို့၌ သံပုရာသီးဈေးနှုန်းမှာ အရွယ်အစား အကြီး/ အသေး  အပေါ်မူတည်၍ တစ်လုံးလျှင် (၁၀ဝိ/-)ကျပ်မှ (၁၅၀)ကျပ်ထိလည်းကောင်း၊ ရှောက်သီး(အသေး)(၁)လုံးလျှင် (၂၀၀)ကျပ်နှင့်  ရှောက်သီး (အကြီး) (၁)လုံးလျှင်(၂၅၀)ကျပ်ထိလည်းကောင်း၊ စောင်းလျားသီးဈေးနှုန်းမှာ တစ်ပိဿာလျှင် (၅၀၀၀-၅၃၀၀)ကျပ်ထိ ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

     မုံရွာမြို့၊ သာစည်ဈေးတွင် ရောင်းချနေသော ဟင်းသီးဟင်းရွက်ဈေးတန်းများတွင် ခါကြက်ဥ၊  ရုံးပတီသီးနှင့် သခွားသီးများလည်း ရောင်းချလျက်ရှိပါသည်။ ခါကြက်ဥ၊ ရုံးပတီသီး နှင့် သခွားသီးများကို အိမ်ရှင်မများက အိမ်သုံးချက်ပြုတ်ရန်အတွက် ဝယ်ယူကြပြီး  စားသောက်ဆိုင်များမှလည်း  စီးပွားဖြစ်အသုံးပြန်ရန် အဓိကဝယ်ယူကြောင်း သိရှိရပါသည်။

          ၂၀၂၅ ခုနှစ်၊ စက်တင်ဘာလ ပထမပတ်တွင်  သာစည်ဈေးအတွင်းဖြစ်ပေါ်နေသော ခါကြက်ဥဈေးနှုန်းမှာ ခါကြက်ဥ ဥကြီး တစ်ပိဿာလျှင်(၄၀၀၀)ကျပ်၊ ခါကြက်ဥ ဥသေး တစ်ပိဿာလျှင် (၃၅၀၀) ကျပ်၊  ရုံးပတီသီး (၄)တောင့်လျှင် ကျပ် (၁၀၀)ဖြင့်ရောင်းချပြီး အတောင့် (၁၀၀)ဈေးနှုန်းမှာ ကျပ်(၂၀၀၀)ဖြင့် ရောင်းချ လျက်ရှိပါသည်။ သခွားသီး ဈေးနှုန်း အနေဖြင့် အသေးတစ်လုံးလျှင် (၂၅၀)ကျပ်၊ အကြီးတစ်လုံးလျှင် (၃၀၀)ကျပ်ဖြင့် အရောင်းအဝယ်ဖြစ်နေကြောင်း ကုန်စိမ်းသီးနှံ ရောင်းချသူများထံမှ သိရသည်။

DOCA(စစ်ကိုင်း)