ပြည်တွင်းကုန်သွယ်မှုသတင်း

        ကယားပြည်နယ်တွင် အစေ့ထုတ်ပြောင်း တစ်ဧက စိုက်ပျိုးမှုအတွက် စိုက်ခင်းပြုပြင် ခြင်းမှ ဈေးကွက်အတွင်း ရောက်ရှိသည်အထိ ကုန်ကျစရိတ် အသေးစိတ်မှာ စိုက်ခင်းပြုပြင် ခြင်းအတွက် ထည်၊ထွန်၊ စိုက်ကြောင်းဆွဲ ၊ဓာတ်မြေကြီး၊နွားချေးချခြင်းများအတွက် ကုန်ကျစရိတ်မှာ(၁၂၄၀၀၀/-) ကျပ်ခန့်၊ စိုက်ပျိုးခြင်းအတွက် မျိုးစေ့ချ၊ မျိုးစေ့ဖုံး ကုန်ကျစရိတ် (၂၄၀၀၀/-)ကျပ်ခန့် ၊ အပင်ပြုစုခြင်းအတွက် ပေါင်းလိုက်/သားခွဲ ၊ မြေဩဇာချ၊ ဆေးဖြန်း ကုန်ကျစရိတ်မှာ(၆၄၀၀၀/-) ကျပ်ခန့်၊ ရိတ်သိမ်းခြင်းအတွက် အဖူးချိုး၊ သလင်းသယ်၊ အခွံခွာ၊ အခြောက်လှန်း၊ အစေ့ချွေ(စက်ဖြင့်) ကုန်ကျစရိတ်(၂၂၅၀၀၀/-)ကျပ်ခန့်၊ သွင်းအားစုများအတွက် မျိုးစေ့၊ ကွန်ပေါင်း၊ ယူရီးယား၊ ပိုတက်၊ ပိုးသတ်ဆေး၊ မှိုသတ်ဆေး ကုန်ကျစရိတ်(၅၄၅၀၀၀/-) ကျပ်ခန့် ရှိပြီး တစ်ဧကထွက်ရှိသော ပိဿာမှာ ၁၅၀၀ပိဿာ၊ တစ်ပိဿာရောင်းဈေးမှာ ၁၀၀၀/-ကျပ်ဖြစ်သည့်အတွက် တစ်ဧက ဝင်ငွေမှာ ၁၅၀၀၀၀/-၊ တစ်ဧက အကျိုးအမြတ်မှာ (၅၀၀၀၀၀/-) ကျပ်ရှိကြောင်း စိုက်ပျိုးရေးဦးစီးဌာနစာရင်းအရ သိရှိရပါသည်။

DOCA(ကယား)

             ပြည်ဈေးကွက်ရှိ မီးဖိုချောင်သီးနှံများဖြစ်သည့် ကြက်သွန်ဖြူများအနေဖြင့် ရှမ်းစများဖြစ်သော ထူးလွန် တစ်ပိဿာလျှင် (၁၇၀၀၀)ကျပ်၊ ထူး-၅ တစ်ပိဿာလျှင် (၁၆၀၀၀)ကျပ်၊ ထူး-၄ တစ်ပိဿာ လျှင် (၁၅၀၀၀‌)ကျပ်ဈေးရှိပြီး ဆိုဒ်အသေးများမှာ တစ်ပိဿာလျှင် (၁၂၀၀၀-၁၃၀၀၀)ကျပ်ဈေး၊ ကြူကုတ်မှာ တစ်ပိဿာလျှင် (၂၂၀၀၀-၂၃၀၀၀)ကျပ်ဈေးရှိပါသည်။ ရှမ်းစများမှာ အောင်ပန်းမှ တစ်ပတ်လျှင် ကား(၂)စီးခန့် အဝင်ရှိပြီး (၁)စီးလျှင် အိတ် (၃၀၀)ခန့် ပါဝင်၍ (၁)အိတ်လျှင် ပိဿာ (၂၀-၃၀)ခန့် ဝင်ဆံ့သောကြောင့် တစ်ပတ်လျှင် ပိဿာ (၁၂၀၀၀-၁၈၀၀၀)ခန့် အဝင်ရှိကြောင်း သိရပါသည်။ ကြူကုတ်မှာလည်း မန္တလေးမှ တစ်ပတ်လျှင် အိတ် (၃၀၀)ခန့် ပါဝင်သော ကား (၂)စီးအဝင်ရှိပြီး (၁)အိတ်လျှင် (၆-၇)ပိဿာခန့် ဝင်ဆံ့သောကြောင့် တစ်ပတ်လျှင် ပိဿာ (၃၆၀၀-၄၂၀၀)ခန့် အဝင်ရှိကြောင်း သိရပါသည်။ အာလူးသီးနှံမှာလည်း အောင်ပန်းမြို့မှပင် အဝင်ရှိပြီး တစ်ပတ်လျှင် ကား(၄)စီးခန့် အဝင်ရှိကာ (၁)စီးလျှင် အိတ်(၁၅၀)ခန့် ပါဝင်ကြောင်းနှင့် (၁‌)အိတ်လျှင် ပိဿာ (၃၀)ခန့် ဝင်ဆံ့သည့်အတွက် တစ်ပတ်လျှင် ပိဿာ (၁၈၀၀၀)ခန့် အဝင်ရှိပါသည်။ ဈေးနှုန်းများအနေဖြင့် S₂ (ချော) တစ်ပိဿာလျှင် (၈၄၀၀)ကျပ်၊ S₁ တစ်ပိဿာလျှင် (၇၉၀၀)ကျပ်၊ OK တစ်ပိဿာလျှင် (၇၈၀၀)ကျပ်၊  A₁ တစ်ပိဿာလျှင် (၆၈၀၀)ကျပ်နှင့် အလုံးသေး တစ်ပိဿာလျှင် (၆၃၀၀)ကျပ် ဈေးရှိပါသည်။ အ‌ရောင်းအဝယ်အနေဖြင့် ဒေသတွင်း လက်လီ/ လက်ကားဝယ်ယူသူများ၊ လုပ်ငန်းရှင်များမှ အဝယ်ရှိသလို ခရိုင်အတွင်းရှိ အခြားမြို့နယ်များနှင့် ပြည်မြို့အနီးတဝိုက်ရှိမြို့များသို့ ပုံမှန်တင်ပို့ရောင်းချရပါကြောင်း သိရှိရပါသည်။

DOCA(ပဲခူး)

          ပဲခူးတိုင်းဒေသကြီးအတွင်း အခြေခံစားသောက်ကုန်ဈေးနှုန်းများ ကျဆင်းစေရန်ရည်ရွယ်၍ စားသုံးသူပြည်သူများအား သက်သာသောဈေးနှုန်းများဖြင့်ဝယ်ယူ စားသုံးနိုင်ရေးအတွက် ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ်၏ လမ်းညွှန်မှုအပေါ် ပဲခူးတိုင်းဒေသကြီးအစိုးရအဖွဲ့ စီးပွားရေးဝန်ကြီးဦးဆောင်မှုဖြင့် ပြည်မြို့နယ်အတွင်း၊ ရပ်ကွက်များရှိ အခြေခံလူတန်းစားများသို့ ကားဖြင့်လှည့်လည်၍ သက်သာသောနှုန်းထားဖြင့် ဆန်၊ ဆီနှင့် ကြက်ဥများကို ရောင်းချပေးလျက်ရှိပါသည်။ ထိုသို့ရောင်းချရာတွင် ဆန်တစ်ပြည်လျှင် (၃၀၀၀)ကျပ်၊ ဆီတစ်ပိဿာလျှင် သတ်မှတ်ရည်ညွှန်းဈေးနှင့် ကြက်ဥတစ်လုံးလျှင် (၃၅၀)ကျပ်ဖြင့် နေ့စဉ်ရောင်းချပေးနေကြောင်းသိရသည်။

       ထို့ပြင် ပြည်မြို့၊ မြို့မဈေးကြီးတွင်စိုက်ပျိုးထုတ်လုပ်သူများမှ တိုက်ရိုက်‌ရောင်းချသော ဈေးတွင်လည်းမြို့နယ်စည်ပင်သာယာရေးအဖွဲ့နှင့် ပူးပေါင်း၍ မိမိတို့စားသုံးသူရေးရာဦးစီးဌာနမှ ကြက်ဥ၊ ဆန်နှင့် စားအုန်းဆီတို့ကိုပူးပေါင်းရောင်းချပေးလျက်ရှိသည့်အပြင် တက္ကသိုလ်၊ ကောလိပ်နှင့် သင်တန်းကျောင်းများတွင်လည်း အပတ်စဉ်အင်္ဂါနေ့တိုင်း ရောင်းချ‌ပေးလျက်ရှိပါကြောင်း သိရှိရပါသည်။

DOCA(ပဲခူး)

            စစ်ကိုင်းတိုင်းဒေသကြီး၊ မုံရွာမြို့နယ်တွင် ငှက်ပျောတိုးချဲ့စိုက်ပျိုးလာကြပြီး  မိမိတို့ အိမ်ခြံဝင်းအတွင်း တစ်နိုင်တစ်ပိုင်အနေဖြင့်လည်းကောင်း၊ အပိုဝင်ငွေရရှိရန်အတွက်လည်းကောင်း စီးပွားဖြစ်စိုက်ပျိုးကြကြောင်းသိရသည်။

           ဒေသတွင်းဖီးကြမ်းငှက်ပျော(ရိုးရိုး)နှင့် ဖီးကြမ်း(ကျောက်စိမ်း) စသည့် မျိုး(၂)မျိုးကိုသာအများဆုံးစိုက်ပျိုးကြပြီး ငှက်ပျောသားပေါက်များကို တစ်ပင်လျှင် ၄၅၀ကျပ် နှုန်းဖြင့် ကနီမြို့နယ်မှ ဝယ်ယူစိုက်ပျိုးကြောင်း၊ စိုက်ပျိုးပုံမှာ တစ်ဧကလျှင် အပင်ရေ(၈၀၀)ခန့် စိုက်ပျိုးကြောင်း၊ မစိုက်မီ ထယ်နှစ်စပ်ထိုး၍ တစ်ပင်နှင့်တစ်ပင်အကြား ၉ပေခန့်အကွာအဝေးဖြင့် ရေသွင်းစိုက်ပျိုးကြောင်း၊ စိုက်ပင်၁၅ရက်သားတွင် အရွက်မထွက်သည့်အပင်များကို ထိပ်ဖွင့်ပြီး ၂၀ရက်သားတွင် အပင်မပေါက်သည်များကို ဖာထေး၍ ၃၅ရက်သားတွင် ရိုလာစက်ဖြင့် ပေါင်းသတ်ပေးပြီး ၄၅ရက်သားတွင် ထယ်တစ်စပ်ထိုးကာ ရေသွင်းပေးရကြောင်း၊ ငှက်ပျောစိုက်ပင် (၁၀)လသားအထိ တစ်လလျှင် တစ်ကြိမ် ထယ်တစ်စပ်ထိုး၊ ရေတစ်ကြိမ်သွင်းပြီး သားပင်များကို တံစဉ်ဖြင့် ထိပ်ဖြတ်ပေးရကြောင်း၊ ငှက်ပျောပင်(၁၃)လသားအရွယ်တွင် ၎င်းအပင်အားလုံးမှာ အခိုင်ထွက်ပြီး တစ်ပင်လျှင် တစ်ခိုင်၊ တစ်ခိုင်လျှင် (၁၀) ဖီးခန့်ပါရှိပြီး ရောင်းတန်းဝင်သည့် ငှက်ပျောဖီး(၅)ဖီးရယူကြောင်း၊ မြေဆီမြေသားကောင်းမွန်မှုနှင့် ရေရရှိမှုအပေါ်မူတည်၍ (၅)နှစ်မှ (၇)နှစ်ခန့်အထိ ရောင်းတန်းဝင်ငှက်ပျောခိုင်များထွက်ရှိကြောင်း၊ ထွက်ရှိသောငှက်ပျောများကို မြို့ပေါ်ရှိကုန်သည်များက ခြံအရောက် တစ်ဖီးလျှင် (၂၀၀၀-၂၅၀၀) ကျပ်နှုန်းဖြင့် လာရောက်ဝယ်ယူကြပြီး မြို့တွင်းလက်လီဈေးများတွင် ပြန်လည်ရောင်းချမှုများရှိသောကြောင့် ငှက်ပျောစိုက်တောင်သူများအနေဖြင့် ဈေးကောင်းရရှိပြီး တွက်ခြေကိုက်ကာအဆင်ပြေနေကြကြောင်း သိရှိရပါသည်။

          စစ်ကိုင်းတိုင်းဒေသကြီး၊ ကသာခရိုင်၊ ကုန်ဈေးနှုန်းတည်ငြိမ်ရေးလုပ်ငန်းအဖွဲ့၏ ကြီးကြပ် မှုဖြင့် ကသာခရိုင်၊ ကသာမြို့ပေါ်ရှိ ပြည်သူများအား (၁၂.၁၂.၂၀၂၄)ရက်နေ့တွင် စားအုန်းဆီများရောင်းချပေးခဲ့ကြောင်း သိရှိရပါသည်။

          အဆိုပါ စားအုန်းဆီအား ကသာမြို့ရှိ ပြည်သူများအား ဆီကုန်သည်ဒေါ်ချိုတီမှ ကသာမြို့၊ မြို့တော်ခန်းမတွင် သင့်တော်သောဈေးနှုန်းဖြင့် တစ်ဦးလျှင် (၅၀)ကျပ် သားနှုန်းဖြင့် စားအုန်းဆီ (၁၀) ပေပါအား နံနက် (၀၇:၀၀)နာရီ မှ (၁၁:၃၀) နာရီထိ ရောင်းချပေးခဲ့ပြီး ကသာခရိုင်၊ စားသုံးသူရေးရာဦးစီးဌာနမှ သွားရောက်ကြီးကြပ်ခဲ့ကြောင်း သိရှိရပါသည်။

DOCA(စစ်ကိုင်း)