ပြည်တွင်းကုန်သွယ်မှုသတင်း

မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံ ဦးစီးမှူး ဒေါ်ဇင်ဖြူဝင်းနှင့် ဝန်ထမ်းများသည် (၁၀.၁.၂၀၂၅) ရက်နေ့တွင် ဘီးလင်းမြို့နယ်၊ ဘိုးရာဇာရပ်ကွက်ရှိ “မိဘစွမ်းအား” သောက်ရေသန့်လုပ်ငန်းသို့သွားရောက်၍ လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။

ထိုသို့ တွေ့ဆုံဆွေးနွေးခဲ့ရာတွင် “မိဘစွမ်းအား” သောက်ရေသန့်စက်ရုံ၏ တာဝန်ရှိသူ ဒေါ်သင်းသင်းခိုင်(တာဝန်ခံ)အား စားသုံးသူရေးရာဦးစီးဌာန၊ မြို့နယ်တာဝန်ခံမှ စားသုံးသူ များသန့်ရှင်းသော ဘေးအန္တရာယ်ကင်းသော သောက်သုံးရေရရှိစေရန်၊ ကုန်ထုတ်လုပ်မှု အဆင့်ဆင့်အား သတ်မှတ်စံချိန်စံညွှန်းအတိုင်းထုတ်လုပ်ရန်၊ ကုန်အညွှန်းအမှတ်အသား ဖော်ပြရာတွင် စားသုံးသူကာကွယ်ရေးဥပဒေ ၂၀၁၉၊ အခန်း (၁၈) ပြဌာန်းချက်နှင့်အညီ ပြည့်စုံစွာဖော်ပြရန်၊ ကုန်စည်နှင့်ဝန်ဆောင်မှုအကြောင်းအရာများနှင့် ပတ်သက်သော စီးပွားရေးလုပ်ငန်းရှင်များ လိုက်နာရမည့်အချက်များကို အသိပညာပေးဆွေးနွေးခဲ့ပြီး ရောင်းချဖြန့်ဖြူးမှုအခြေအနေအား မေးမြန်းရာတွင် လက်ရှိကာလ၌ ရေသန့်တစ်ဗူး (20 Litres) လျှင် ၁၅၀၀ ကျပ်၊ (1 Litre) တစ်ကဒ် (၆) လုံးလျှင် ၂၉၀၀ ကျပ်၊ 350 ml တစ်ကဒ် (၁၂) လုံးလျှင် ၃၉၀၀ ကျပ်ဖြင့် ဘီးလင်းမြို့နယ်အတွင်း၌ ရောင်းချကြောင်း သိရှိရပါသည်။

DOCA(မွန်)

မွန်ပြည်နယ်၊ မော်လမြိုင်ခရိုင်၊ ချောင်းဆုံမြို့နယ်အတွင်းရှိ နေအိမ်များတွင် ဒန့်သလွန် သီးပင်များကို စားသုံးသီးနှံအဖြစ် အိမ်ခြံဝင်းများ၌ စိုက်ပျိုးကြသည်။ ဒန့်သလွန်ပင်သည် နှစ်ရှည်ပင်အမျိုးအစားဖြစ်ပြီး အပွင့်၊ အသီး၊ အရွက်များအားလုံးကို စားသောက်ရန်နှင့် ဆေးဝါးအဖြစ် အသုံးပြုကြပါသည်။ ဒန့်သလွန်ပင်အမြင့်မှာ (၁၀) ပေမှ (၁၃) ပေထိမြင့်ပါသည်။ တစ်ပင်လျှင် အသီးအတောင့်ရေ (၈၀) မှ (၁၂၀) ကြားထွက်ရှိပါသည်။ ဒန့်သလွန်အရွက်ကို ဟင်းချိုချက်၍ စားသုံးနိုင်သကဲ့သို့ အသီးအတောင့်ကို ခရမ်းချဉ်သီး၊ ငါးနှင့် တွဲဖက်၍ ချက်စားလျှင်လည်း အလွန်အရသာရှိပါသည်။

ဒန့်သလွန်သီးများကို ချောင်းဆုံမြို့နယ်ရှိ ကျေးရွာ၊ ရပ်ကွက်ဈေးများ၌ ဒီဇင်ဘာလတွင် စတင်ရောင်းချနေကြောင်း သိရသည်။ ရာသီစာပေါ်ဦးပေါ်ဖျား ဒန့်သလွန်သီးဈေးနှုန်းများမှာ တစ်တောင့်လျှင် (၃၀၀) ကျပ်၊ ၅ တောင့်တစ်စည်းလျှင် (၁၅၀၀) ကျပ်ဖြင့် ဈေးကောင်းရရှိပြီး အရောင်းအဝယ်ဖြစ်လျက်ရှိကြောင်း သိရသည်။

DOCA(မွန်)

၈.၁.၂၀၂၅ ရက်နေ့ နံနက် (၁၀:၃၀) နာရီအချိန်တွင် မွန်ပြည်နယ်၊ သထုံခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူး ဦးစီးအရာရှိ ဦးထွန်းအောင်ဖြူနှင့် ဦးစီးအရာရှိ ဦးအောင်ကျော်မင်းတို့သည် သထုံမြို့နယ်အတွင်း ဖြန့်ဖြူးရောင်းချလျှက်ရှိသော ဆန်ဆိုင် များ၊ ဆန်သိုလှောင်ရုံများ၌ ဈေးနှုန်းမြှင့်တင်ရောင်းချခြင်းရှိ/မရှိနှင့် ဈေးနှုန်းမြှင့်တင် ရောင်းချရန်အလို့ငှာ သိုလှောင်ထားခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

ထိုသို့ ကွင်းဆင်းစစ်ဆေးခဲ့ရာ ကျားပျံ (၁၀၈) ပေါင်ပါ တစ်အိတ်လျှင် ကျပ်(၁၃၂၀၀၀)၊ ပေါ်ဆန်းဝါ (၁၀၈) ပေါင်ပါ တစ်အိတ်လျှင် ကျပ် (၁၁၅၀၀၀)၊ ဧည့်မထ (၁၀၈) ပေါင်ပါ တစ်အိတ်လျှင် ကျပ် (၇၂၀၀၀)၊ ကမာကြည် (၁၀၈) ပေါင်ပါ တစ်အိတ်လျှင် ကျပ် (၈၇၀၀၀) ဖြင့် အရောင်းအဝယ်ဖြစ်နေကြောင်း  စစ်ဆေးတွေ့ရှိရပြီး ဈေးနှုန်းမြှင့်တင်ရောင်းချရန် အလို့ငှာ သိုလှောင်ထားခြင်းမရှိသည်ကို စစ်ဆေးတွေ့ရှိရကြောင်း သိရှိရပါသည်။

DOCA(မွန်)

          ၈.၁.၂၀၂၅ ရက်နေ့ နံနက် (၁၀:၃၀) နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံ ဦးအောင်ညီညီခန့်နှင့် ဝန်ထမ်းများ သည် မော်လမြိုင်မြို့ပေါ်ရှိဘိလပ်မြေအရောင်းဆိုင်များသို့ သွားရောက်၍ ကွင်းဆင်းစစ်ဆေး ခဲ့ကြောင်း သိရှိရပါသည်။

          ထိုသို့ ကွင်းဆင်းစစ်ဆေးရာတွင် ဘိလပ်မြေ လက်လီ၊ လက်ကားရောင်းချသည့် ဆိုင်များတွင် ပစ္စည်းပြတ်လပ်မှု ရှိ/မရှိနှင့် မြေပြင်လက်ကျန်အခြေအနေများ၊ ဈေးနှုန်း ဈေးကွက် အခြေအနေများအား ကွင်းဆင်းစစ်ဆေးခဲ့ရာ ပစ္စည်းပြတ်လပ်မှုမရှိကြောင်း၊ ဈေးနှုန်းအနေဖြင့် ကြံ့နှစ်ကောင် အမှတ်တံဆိပ် ဘိလပ်မြေတစ်အိတ်လျှင် (၁၆၅၀၀) ကျပ်၊ ကြံ့အမှတ်တံဆိပ်(အပြာ) ဘိလပ်မြေတစ်အိတ်လျှင် (၁၆၀၀၀) ကျပ်ဖြင့် ရောင်းချလျက် ရှိကြောင်း သိရှိရပြီး၊ ယခင်လဈေးနှုန်းနှင့်နှိုင်းယှဉ်ပါကလည်း ဈေးနှုန်းထူးခြားစွာ ပြောင်းလဲမှုမရှိပါကြောင်း သိရှိရပါသည်။

DOCA(မွန်)

        ပြည်မြို့နယ်တွင် ငရုတ်ပင်ကို နေရာအနှံအပြားတွင်စိုက်ပျိုးကြသလို တစ်နှစ်ပတ်လုံးလည်း ထွက်ရှိပါသည်။ နေရာဒေသကိုလိုက်၍ ငရုတ်သီးထွက်ပေါ်ချိန်နှင့် အထွက်နှုန်းသာကွာခြားပါသည်။ ပြည်ခရိုင်အနေဖြင့် ငရုတ်စိုကိုဦးစားပေး၍ စိုက်ပျိုးကြသဖြင့် မိုးငရုတ်သီးစိမ်းစိုက်ဧကမှာ (၆၇၅) ဧကရှိပြီး အထွက်းနှုန်းမှာ ပျမ်းမျှ ပိဿာ ၁၃၀၀ကျော်ထွက်ရှိကြောင်း သိရပါသည်။ ယခုအချိန်တွင် ဆောင်းငရုတ်စိုများစိုက်ပျိုးလျှက်ရှိပြီး စိုက်ဧကမှာ (၁၀၃)ဧကရှိစိုက်ပျိုးထားကြောင်း သိရှိရပါ သည်။ ငရုတ်စိုကို စိုက်ပျိုးပြီး (၂-၃)လအကြာတွင် ငရုတ်သီးများစတင်ခူးဆွတ်ရပါသည်။ ငရုတ်သီ းခူးဆွတ်ရာတွင် တစ်ဧကလျှင် ငါးရက်တစ်ကြိမ်ခူးဆွတ်ရပါသည်။ ငရုတ်သီးစိမ်းအမျိုးမျိုးရှိပြီး ကျောက်စိမ်းငရုတ်၊ ပီနန်ငရုတ်၊ ပီနန်ယောက်ဖ၊ ကုလားအော်သီး၊ မိုးမျှော်ငရုတ်သီးဟူ၍ အမျိုးအစားပေါင်းများစွာရှိပါသည်။ ငရုတ်သီးစိမ်းအရောင်မှာလည်းကွဲပြားပါသည်။ အဖြူရောင်၊ ဆင်စွယ်ရောင်၊ အဝါနုရောင်၊ အဝါရင့် ရောင်၊ အစိမ်ရောင်ဆိုပြီး အရောင်အမျိုးမျိုးရှိပြီး ရင့်မှည့်လျှင် အနီရောင်နှင့် အဝါဖျော့ဖျော့ အရောင်များလည်းရှိပါသည်။

           ပြည်မြို့နယ်တွင် ငရုတ်သီးစိမ်းကို ခွေးရဲကျေးရွာ၊ မှော်ဇာကျေးရွာတို့အပြင် အချို့သော ကျေးရွာအတော်များများမှာလည်း စီးပွားဖြစ်စိုက်ပျိုးကြပါသည်။ ငရုတ်သီးစိမ်းဈေးကွက်အနေဖြင့် ထွက်ရှိလာသော ငရုတ်သီးစိမ်းများကို ပြည်ဈေးကွက်သို့တင်ပို့ရောင်းချပြီး ပြည်ဈေးကွက်မှ တစ်ဆင့် ရန်ကုန်မြို့နှင့် အခြားနယ်မြို့များသို့ တင်ပို့ရောင်းချကြောင်းသိရပါသည်။ ဈေးနှုန်းများ အဖြင့် ပီနန်ငရုတ်သီးစိမ်းတစ်ပိဿာလျှင် (၁၂၀၀၀)ကျပ်ဈေးဖြင့် ရောင်းချသလို ကျောက်စိမ်း ငရုတ်သီးတစ်ပိဿာလျှင် (၉၀၀၀)ကျပ်ဖြင့်ရောင်းဝယ်လျှက်ရှိပါသည်။

             ငရုတ်သီးစိုက်ပျိုးသူတောင်သူများအဖို့ ငရုတ်သီးဈေးမှာ ယခင်နှစ်ထက် ကောင်းမွန်လာသဖြင့် တိုးချဲ့စိုက်ပျိုးလာကြသလို အမြတ်အစွန်းများလည်းပိုမိုရရှိလာမည်ဖြစ်ပါသည်။ ငရုတ်သီး ဝယ်လိုအားများလာလျှင် စိုက်ပျိုးမှုများလာသဖြင့် ဝယ်လိုအားအနည်း အများပေါ်မူတည်နေကြောင်း သိရပါသည်။ ငရုတ်သီးကို မျိုးကောင်းမျိုးသန့်ရွေးခြယ်စိုက်ပျိုးပြီး၊ နည်းပညာများဖြင့် မှိုရောဂါကင်းပြီး အရည်အသွေးပြည့်မီလျှင် ပြည်ပဝယ်လိုအားကောင်းလာမည်ဖြစ်ပြီး အကျိုးအမြတ်များပိုမိုရရှိလာနိုင်မည်ဖြစ်ကြောင်းသိရှိရပါသည်။

DOCA(ပဲခူး)