ပြည်တွင်းကုန်သွယ်မှုသတင်း

            ပြည်တွင်းစားသုံးမှုများပြားခြင်းနှင့် ပြည်ပသို့တင်ပို့သည့်မတ်ပဲမှာ မန္တလေးတိုင်းဒေသကြီးအတွင်း၂၀၂၄-၂၀၂၅ခုနှစ်မတ်ပဲသီးနှံစိုက်ပျိုးမှု(၃၂၁၄၂)ဧရိတ် သိမ်း(၁၀၄၉၅) ဧက၊ အထွက် နှုန်း(၁၂.၆၅)တင်းနှင့် အထွက်(၁၃၂၇၀၉)တင်းဖြစ်ကြောင်းသိရပါသည်။ မန္တလေးပွဲစား၊ ကုန်သည်၊ စက်ပိုင်များမဟာကထိန်တော်အသင်းတွင် ၂၀၂၅ ခုနှစ်အောက်တိုဘာ လပထမပတ်အတွင်း ဖြစ် ပေါ်လျှက်ရှိသောပေါက်စျေးမှာ ၃တင်းဝင်တစ်အိတ်လျှင် မတ်ပဲ (ကျောက်စရစ်)၂၇၁၀၀၀ကျပ်၊ မတ်ပဲ ၁၇၀၀၀၀ ကျပ်နှင့် ၂၆၀၀၀၀ကျပ်၊ တစ်ပိဿာစျေးမှာ မတ်ပဲ (ကျောက်စရစ်) ၄၅၁၇ ကျပ်၊ မတ်ပဲ ၂၈၃၃ ကျပ်နှင့် ၄၃၃၃ ကျပ်ဖြစ်ပြီး၊ ယခင်နှစ် ကာလတူ တစ်ပိဿာစျေးမှာ မတ်ပဲ (ဟောင်း)  ၆၂၅၀ ကျပ်ဖြစ်ကြောင်းသိရှိရပါသည်။ ယခုနှစ်နှင့် ယခင်နှစ်ကာလတူစျေးနှိုင်းယှဉ်ပါက မတ်ပဲစျေး မှာ အနည်းငယ်ကျဆင်းသွားကြောင်း သိရှိရပါသည်။

DOCA (မန္တလေး)

  ကြိမ်စေ့လှော်သည် မြန်မာနိုင်ငံတွင်ရေပန်းစားသော သွားရေစာတစ်မျိုးဖြစ်၍ ကြိမ်ပင်များမှ ထွက်သောအစေ့များကို လှော်ထားခြင်းဖြစ်ကြောင်း၊ ‌‌တောင်ကုန်းတောင်တန်း ဒေသများဖြစ်သော ရှမ်းပြည်နယ်၊ ကယားပြည်နယ်၊ ကရင်ပြည်နယ်နှင့် ချင်းပြည်နယ်များတွင်ကြိမ်ပင် များပိုမို စိုက်ပျိုးထွက်ရှိကြောင်း သိရှိရသည်။ မြင်းခြံမြို့၊အေးမြသီတာဈေးတွင်ရောင်းချနေသော ကြိမ်စေ့ လှော်များကို ရှမ်းပြည်နယ်၊ တောင်ကြီးမြို့တို့မှ မှာယူရောင်းချ၍ ဒေသတွင်းဖြန့်ဖြူး ရောင်းချ ကြောင်း၊ ၂၀၂၅ခုနှစ်၊ စက်တင်ဘာလ နောက်ဆုံးပတ်တွင် ကြိမ်စေ့လှော်လက်လီဈေး နို့ဆီဗူး တစ်ဗူးလျှင်(၃၀၀၀)ကျပ်၊ လက်ကားဈေးတစ်ပြည်လျှင်  (၂၀၀၀၀) ကျပ်ခန့်ပေါက်ဈေး များဖြင့် ရောင်းချကြောင်း၊ ကျန်းမာရေးနှင့် ညီညွတ်သည့်အဆီဓာတ်များပါဝင်သောကြောင့် နှလုံး ကျန်းမာရေးကိုအကျိုးပြုပြီး   ပရိုတင်းဓာတ်ကြွယ်ဝသောကြောင့် ခန္ဓာကိုယ်ကြီးထွားရန်နှင့် ကြွက်သား ဖွံ့ဖြိုးမှုကိုအထောက်အကူပြုကြောင်း၊  ကြိမ့်စေ့လှော်သည် အာဟာရဓာတ်ကြွယ်ဝ သဖြင့်  ကယ်လိုရီပါဝင်မှုမြင့်မားသောကြောင့် လွန်ကဲစွာစားသုံးပါက ကိုယ်အလေးချိန်တက်နိုင် သဖြင့် သင့်တင့်မျှတစွာ စားသုံးသင့်ပါကြောင်း သိရှိရသည်။

DOCA(မန္တလေး)

  မြင်းခြံမြို့နယ်အတွင်းရောင်းချနေသော ကွမ်းသီးများကို ပဲခူးတိုင်းဒေသကြီး တောင်ငူမြို့နှင့် မန္တလေးမြို့တို့မှ တင်သွင်းရောင်းချကြောင်းသိရှိရသည်။ ကွမ်းသီးပင်များသည် ရာသီဥတုသင့်တင့်မျှ တသော ဒေသများတွင်ဖြစ်ထွန်းပြီး ကွမ်းသီးပင်များသည် စိုက်ပျိုးပြီး (၈)နှစ်အကြာတွင် ကွမ်းသီးများစတင်ခူးဆွတ်နိုင်ကြောင်း၊ အပင်မြင့်မျိုးဖြစ်ပြီး လေဒဏ်မခံနိုင်သောကြောင့် လေပြင်း ပါက အပင်လဲနိုင်သဖြင့် အပူချိန်မြင့်မားချိန်တွင် အပူဒဏ်ခံနိုင်ရန် လေကာပင်များနှင့် တောင်အရိပ် ရှိပါက ကွမ်းသီးပင်များဖြစ်ထွန်းနိုင်ကြောင်းသိရှိရသည်။ ၂၀၂၅ခုနှစ်၊ စက်တင်ဘာ နောက်ဆုံးပတ် ကွမ်းသီးအစိပ်ထိပ်စတစ်ပိဿာလျှင် (၃၅၀၀၀) ကျပ်၊ ကွမ်းသီးအလတ်စ တစ်ပိဿာလျှင် (၃၀၀၀၀)ကျပ်၊ ကွမ်းသီးလုံးတစ်ပိဿာလျှင် (၂၅၀၀၀) ကျပ်ခန့်ပေါက်ဈေးများဖြင့်‌ ရောင်းချ ကြောင်း၊ အရည်အသွေးအမျိုးအစားပေါ်မှုတည်၍ ဈေးနှုန်းများကွာခြားကြောင်း၊ မြန်မာနိုင်ငံတွင် ကွမ်းယာစားသုံးမှုများသောကြောင့် ကွမ်းသီးရောင်းဝယ်ရေးသည် ဈေးကွက်တစ်ခုအဖြစ် ခိုင်ခိုင် မာမာရပ်တည်လျက်ရှိကြောင်း၊ အရောင်းအဝယ်လည်းကောင်းကြောင်း ကွမ်းရွက်နှင့် ကွမ်းသီး ရောင်းချသူများ ထံမှသိရှိရသည်။

DOCA(မန္တလေး)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန လက်အောက်ရှိမြင်းခြံခရိုင်စားသုံးသူ ရေးရာဦးစီးဌာနသည် ပြည်တွင်းကုန်သွယ်မှု လုပ်ငန်းများဖွံ့ဖြိုးတိုးတက်စေရန် အတွက်ဈေးကွက် အတွင်းဘိလပ်မြေများ ပြတ်လပ်မှုရှိ/မရှိနှင့် ဈေးနှုန်းကြီးမြင့်မှုရှိ/မရှိ အခြေအနေများအား ကြပ်မတ်ဆောင်ရွက်လျက်ရှိသည်။

            မြင်းခြံမြို့နယ် အမှတ်(၉)ရပ်ကွက်၊ ဘဘလမ်းရှိ မိုးကျော်အိမ်ဆောက်ပစ္စည်း အရောင်းဆိုင် တွင်ရောင်းချနေသာ ဈေးနှုန်းများမှာ Crown ဘိလပ်မြေ (50)kg တစ်အိတ်လျှင် (၂၀၅၀၀) ကျပ်၊ ခေါင်အုပ်သွပ်thick-0.42 mm တစ်ပေလျှင် (၂၅၀၀)ကျပ်၊ ကြယ်စိမ်း သွပ်ပြားလိုင်းပါအလတ်တစ်ပေလျှင်(၁၆၀၀)ကျပ်၊ ကြယ်စိမ်းသွပ်ပြားလိုင်းပါ အထူတစ်ပေလျှင် (၂၆၀၀)ကျပ်၊ သွပ်ပြား4-Angle0.36mmတစ်ပေလျှင် (၂၈၀၀)ကျပ်၊ အိမ်ရိုက်သံ၁လက်မအသေးနှင့် သွပ်ရိုက်သံတစ်ပိဿာလျှင် (၉၅၀၀)ကျပ်၊ အိမ်ရိုက်သံ(၂-၄)လက်မတစ်ပိဿာလျှင် (၇၅၀၀)ကျပ်၊ သံချောင်း(သုံးမှုး)ချောင်း (၉၅၀၀)ကျပ်၊ သံချောင်းလုံးတစ်တန်လျှင် (၁၅၅၀၀၀၀-၂၀၀၈၅၀၀)ကျပ်၊ Hollow သံချောင်း1.2mm ချောင်း (၂၅၀၀၀)ကျပ်၊ U/I Bean တစ်ချောင်းလျှင် (၁၉၀၀၀) ကျပ်အသီးသီးရောင်းချကြောင်း၊ ဒေသတွင်းအဆာက်အဦများဆောက်လုပ်ရန် ဖြန့်ဖြူးရောင်းချ လျက်ရှိပြီး၊ ဈေးကွက်ဝင်ရောက်မှု အနေဖြင့်ရန်ကုန်မြို့နှင့် မန္တလေးမြို့မှ ဝယ်ယူရောင်းချကြောင်း သိရှိရပြီး ဘိလပ်မြေရောင်းချသူများအား ဈေးကွက်အတွင်း သင့်တင့်မျှတသော နှုန်းထားများ အတိုင်း ရောင်းချရန်၊ ဈေးနှုန်းကြီးမြင့်မှုမရှိစေရန်၊ ဈေးကစားရန်ရည်ရွယ်ချက်ဖြင့် သိုလှောင်ခြင်း များ မပြုလုပ်ရန်နှင့် အရောင်းဆိုင်များတွင် ဘိလပ်မြေများပြတ်လပ်မှုမရှိကြောင်းသိရှိရသည်။

DOCA(မန္တလေး)

        စားတော်ပဲမှာ ပြည်တွင်းစားသုံးမှုများပြားသည့်ပဲဖြစ်ပြီး၊စျေးကွက်အတွင်း အရောင်းသွက် သည့်ပဲအမျိုးအစားဖြစ်ကြောင်း သိရပါသည်။မန္တလေးတိုင်းဒေသကြီးအတွင်းအမရပူရ၊ပြင်ဦးလွင်၊  မိုးကုတ်၊ တကောင်း၊ စဉ့်ကူး၊မတ္တရာနှင့်မြင်းခြံမြို့နယ်တို့တွင် စားတော်ပဲများစိုက်ပျိုး ပြီး၊၂၀၂၄-၂၀၂၅ ခုနှစ်အတွင်း စားတော်ပဲအပါအဝင် ပဲမျိုးစုံစိုက်ပျိုးမှု  ၁၀၁၉၄၇၇ ဧကဖြစ်ကြောင်း သိ ရပါ သည်။မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင်၂၀၂၅ခုနှစ် အောက်တိုဘာ လပထမပတ်အတွင်းဖြစ်ပေါ်သည့်ပေါက်စျေးမှာ၃တင်းဝင်တစ်အိတ်လျှင် စားတော်ပဲ(ကနေဒါ)    ၃၄၀၀၀၀ကျပ်၊စားတော်ပဲ(ကျွန်း) ၇၄၀၀၀၀ ကျပ်နှင့် ၇၅၀၀၀၀ ကျပ်၊ တစ်ပိဿာလျှင်စားတော်ပဲ (ကနေဒါ) ၅၇၃၈ကျပ်၊စားတော်ပဲ(ကျွန်း)၁၂၄၈၉ကျပ်နှင့် ၁၂၆၅၈ ကျပ်တို့ဖြစ်ကြောင်းသိရှိရပါသည်။ ယခင်နှစ်ကာလတူတစ်ပိဿာပေါက်စေျးမှာ စားတော်ပဲ(ကနေဒါ) ၆၄၁၄ ကျပ်၊စားတော်ပဲ (ကျွန်း) ၆၂၄၅ ကျပ်နှင့် ၆၄၉၈ကျပ်ဖြစ် ပြီး၊ ယခုနှစ်နှင့်ယခင်နှစ် ကာလတူစျေးနှိုင်းယှဉ်ပါက တစ်ပိဿာ လျှင် စားတော်ပဲ (ကျွန်း) ၅၇၁၀ ကျပ်တို့စျေးပိုမိုရရှိကြောင်း သိရှိရပါသည်။

DOCA (မန္တလေး)