ပြည်တွင်းကုန်သွယ်မှုသတင်း

         ပြောင်းသီးနှံမှာမွေးမြူရေး အစားစပ်လုပ်ငန်း တွင်သုံးစွဲမှု များပြားခြင်း၊ ပြည်ပတင်ပို့ ခြင်း တို့ကြောင့်အရောင်းသွက်လျက်ရှိကြောင်း သိရပါသည်။  မန္တလေးတိုင်းဒေသကြီးအတွင်း ၂၀၂၄ - ၂၀၂၅ ခုနှစ်တွင် အစေ့ ထုတ်ပြောင်းစိုက်ပျိုးမှု  ၃၆၆၂၂  ဧက၊  ရိတ်သိမ်းမှု ၁၃၃၃၁ ဧက၊ အထွက် နှုန်း  ၄၉.၅၅  တင်း၊ အထွက်တင်းစုစုပေါင်း   ၆၆၀၅၉၁  တင်းဖြစ်ကြောင်းသိရပါသည်။  မန္တလေး ပွဲစား၊ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ် အောက်တိုဘာလပထမပတ် အတွင်း ဖြစ်ပေါ်သည့်အစေ့ထုတ်ပြောင်းစျေးမှာပြောင်းဖူးစေ့(ရှမ်း)နှင့်ပြောင်းဖူးစေ့ (စီပီ) ၇၆၀၀၀ ကျပ် နှင့်၇၇၀၀၀ ကျပ်၊ပြောင်းဖူးစေ့(ဗမာ)၇၁၀၀၀ကျပ်နှင့် ၇၂၀၀၀ကျပ်၊ တစ်ပိဿာစျေးအနေဖြင့် ပြောင်းဖူးစေ့(ရှမ်း)နှင့်(စီပီ) ၁၄၀၇ကျပ် နှင့်၁၄၂၆ကျပ်၊ပြောင်းဖူးစေ့(ဗမာ)၁၃၁၅ ကျပ်နှင့် ၁၃၃၃ ကျပ်စျေးတို့ဖြစ်ကြောင်း သိရှိရပါသည်။ယခင်နှစ်ကာလတူတစ်ပိဿာစျေးမှာပြောင်းဖူးစေ့ (ရှမ်း)နှင့် (စီပီ) ၁၃၈၀ ကျပ်နှင့် ၁၃၈၉ ကျပ်တို့ ဖြစ်ကြောင်း သိရှိရပါ သည်။ ယခုနှစ်စေျး နှင့်ယခင်နှစ် ကာလ တူ စျေးနှိုင်းယှဉ်ပါက အစေ့ထုတ်ပြောင်းစျေးမှာ အနည်းငယ်ကျဆင်းသွားကြောင်း သိရှိရပါသည်။

DOCA (မန္တလေး)

     ကန့်ဘလူမြို့၊ မြို့မဈေးတွင်ရောင်းချနေသော ငါးခြောက်များမှာ ရန်ကုန်မြို့မှမှာယူရောင်းချကြကြောင်း သိရှိရသည်။ စစ်ကိုင်းတိုင်းဒေသကြီး ၊ ကန့်ဘလူခရိုင်၏ ၂၀၂၅ ခုနှစ်၊ အောက်တိုဘာလ ဒုတိယပတ်အတွင်း ကန့်ဘလူမြို့၊ မြို့မဈေးတွင်ရောင်းချနေသော ငါးခြောက်ဈေးနှုန်းများမှာ ငါးရံ့ ခြောက်(လုံး)(၁)ပိဿာလျှင် (၂၈၀၀၀)ကျပ်၊ ငါးကြီးသားခြောက်(၁)ပိဿာလျှင် (၁၀၀၀၀၀)ကျပ်၊ ငါးနီတူခြောက်(၁)ပိဿာလျှင် (၃၂၀၀၀)ကျပ်၊ လသာခြောက်(အချို)(၁)ပိဿာလျှင် (၂၀၀၀၀)ကျပ်၊ ငါးရောင်ခြောက်(၁)ပိဿာလျှင်(၃၇၀၀၀)ကျပ်၊ အာပြဲခြောက်(၁)ပိဿာလျှင်(၃၅၀၀၀)ကျပ်၊ အသား မျှင်ခြောက်(၁)ပိဿာလျှင်(၄၅၀၀၀)ကျပ်၊ ငါးတံခွန်ခြောက်(၁)ပိဿာလျှင်(၂၅၀၀၀)ကျပ်ဖြင့်ရောင်း ချကြောင်း၊ ယခုအခါ အလှူအတန်းများပြုလုပ်ရာတွင် ငါးခြောက်များကို အသုံးပြုကြသဖြင့် အရောင်းဝယ်သွက်လျက်ရှိကြောင်း ကန့်ဘလူမြို့၊ မြို့မဈေးအတွင်း ငါးခြောက်ရောင်းချသည့် လုပ်ငန်းရှင်ထံမှ သိရသည်။

DOCA(စစ်ကိုင်း)

  ဟင်းသီးဟင်းရွက်သီးနှံများတွင်အပါအဝင်ဖြစ်သည့် မုန်လာဥဖြူကိုမိတ္ထီလာခရိုင် အနေဖြင့်စိုက်ပျိုးမှုနည်းပါးသော်လည်း မိတ္ထီလာမြို့နယ်ဆည်ကုန်း၊ ငွေကုန်းကျေးရွာများ၌ စိုက်ပျိုးမှုရှိကြောင်းသိရသည်။

          မုန်လာဥဖြူစိုက်ပျိုးရာတွင် အရပ်မျိုးစေ့ကိုအစေ့ချစိုက်ပျိုးပြီးနောက် ဘောင်ခတ်ပေး ရပါသည်။ (.၅၀)ဧကလျှင်မျိုးစေ့နို့ဆီဘူး (၄)ဘူးကုန်ကြကြောင်းတစ်ထုပ်လျှင်(၁၅၀၀၀) နှုန်းဖြင့် (၆၀၀၀၀)ကျပ်မြေဩဇာဖိုး (၁၅၀၀၀၀)လုပ်အားခ(၁၂၀၀၀၀)  အပါအဝင် (.၅၀)ဧကကုန်ကျ စရိတ်(၃၃၀၀၀၀)ကုန်ကျပါသည်။ မုန်လာဥဖြူသည်စိုက်ပျိုးပြီး (၄၅)ရက်အကြာတွင် စတင်နှုတ်သိမ်းပြီး အထွက်နှုန်းမှာ ကျပ်သိန်း(၂၀)ခန့် ရရှိပါသည်။ တောင်သူအကျိုးအမြတ်ရရှိမှုမှာ (.၅၀)ဧကလျှင်(၁၆၇၀၀၀၀)ကျပ်ရရှိသဖြင့် အကျိုးအမြတ်များသော သီးနှံဖြစ်ပြီး ထွက်ရှိမှုမှာ(၂)လခန့် ကြာပါသည်။ မုန်လာဥဖြူတစ်စီးလျှင် လက်လီ(၁၀၀၀)ရှိပြီး လက်ကား(၁၀)စီးလျှင် (၅၀၀-၆၀၀)ကျပ်ထိရှိပြီး (၁)စီးလျှင်(၅)ပင်ပါရှိသည်။

          မိတ္ထီလာဈေးကွက်အနေဖြင့် မုန်လာဥကို ရှမ်းပြည်နယ်တောင်ပိုင်းမှ အများဆုံးတင်သွင်း ရသည့်အတွက် ယခုလိုဒေသထွက် စိုက်ပျိုးမှုရှိခြင်းမှာ စိုက်ပျိုးတောင်သူများအတွက် အကျိုးအမြတ်ရရှိရုံသာမက စားသုံးသူများအတွက် ဈေးနှုန်းသက်သာစွာဖြင့် ဝယ်ယူစားသုံးနိုင်ပါသည်။ မိတ္ထီလာခရိုင်အတွင်း (၂၀၂၅-၂၀၂၆) ခုနှစ်ဟင်းသီးဟင်းရွက် ဧကပေါင်း (၉၀၇၂)ဧကရှိကြောင်း မြေစာရင်းဦးစီးဌာန၏ စာရင်းအရသိရပါသည်။

DOCA(မန္တလေး)

   မန္တလေးတိုင်းဒေသကြီး၊ မိတ္ထီလာခရိုင်၊ မိတ္ထီလာမြို့၊ ပြည်သာယာ ဈေးတွင်အာလူးသီး များအရောင်းအဝယ်ဖြစ်ကြောင်းသိရပါသည်။ ဈေးကွက်အတွင်းရောင်းချနေသောအာလူးသီးများကို ရှမ်းပြည်နယ်၊ နောင်ချိုမြို့၊ ကလောမြို့၊ မန္တလေးတိုင်း ပြင်ဦးလွင်ဒေသများမှ ဝင်ရောက်ကြောင်း သိရသည်။ အာလူးသီးသည် ကစီဓာတ်ကြွယ်ဝပြီး အမျှင်ဓာတ်ပါဝင်သောကြောင့် ဝမ်းချုပ်ခြင်း ကိုကာကွယ်ပေး နိုင်သလို ကယ်လိုရီပါဝင်မှုနည်းပြီး ကျန်းမာရေးနှင့်ညီညွတ်စွာ ချက်ပြုတ် စားသောက်ခြင်းဖြင့် အာဟာရဓာတ်များကို အပြည့်အဝရရှိစေပါသည်။ ယခု စက်တင်ဘာလ အတွင်းဖြစ်ပေါ်နေသော အာလူးသီးဈေးနှုန်းမှာ တစ်ပိဿာလျှင် (၄၈၀၀-၅၅၀၀)ကျပ်ဖြင့် ရောင်းဝယ်လျှက်ရှိပါသည်။ ယခင်လနှင့် နှိုင်းယှဉ်ပါက တစ်ပိဿာအပေါ် (၁၀၀၀)ကျပ် ဝန်းကျင်ဈေးမြှင့်လာကြောင်းဈေးကွက် အတွင်းမှသိရသည်။

DOCA(မန္တလေး)

   မိတ္ထီလာဈေးကွက်ရှိ စက်တင်ဘာလနောက်ဆုံးပတ်၌ ဆီထွက်သီးနှံနှမ်းဈေးမှာ ဈေးငြိမ် နေကြောင်းသိရသည်။ ဒေသခံတောင်သူများအနေဖြင့် မိုးနှမ်းကို စိုက်ပျိုးမှုများရာမှ နှမ်းညိုနှင့် နှမ်းဖြူကို စိုက်ပျိုးမှုများသဖြင့် ဈေးကွက်တွင် ၎င်းမျိုးများသာ အရောင်းအဝယ်ဖြစ်ကြောင်း ကုန်စည်ဒိုင်မှသိရသည်။ မေ၊ ဇွန်လများကစိုက်ပျိုးခဲ့သော နှမ်းမှာ ဩဂုတ်လမှစတင်၍ ဈေးကွက်သို့ ဝင်ရောက်ခဲ့ရာ နှမ်းညိုတစ်တင်း(၁၅)ပိဿာလျှင် (၈၅၀၀၀-၈၈၀၀၀)ကျပ်၊ နှမ်းဖြူ တစ်တင်းလျှင် (၉၀၀၀၀-၉၂၀၀၀)ကျပ်ဈေးရှိခဲ့ပါသည်။ ဈေးကွက်သို့ အဝင်လှိုင်ချိန်တွင် ဈေးအနည်းငယ်ကျဆင်းလာရာ လက်ရှိအချိန်တွင် နှမ်းညိုတစ်တင်းလျှင်(၈၆၀၀၀-၈၇၀၀၀)ကျပ်၊ နှမ်းဖြူတစ်တင်းလျှင် (၉၀၀၀၀)ကျပ်ဈေးရှိနေပါသည်။ ဒေသတွင်း တောင်သူများက လက်ကျန်ရှိ သောနှမ်းများကို လာရောက်ရောင်းချကြရာ ဆီစက်သမားများနှင့် မန္တလေးကုန်သည်များသို့ ပြန် လည်ရောင်းချရကြောင်း ကုန်သည်များထံမှ သိရသည်။ ဒေသတွင်း နှမ်းထွက်သည့်ကာလဖြစ်၍ နှမ်းဆီဈေးမှာလည်း ကျဆင်းလာရာ ယခင်လက တစ်ပိဿာလျှင် (၁၃၀၀၀)ကျပ်ရှိခဲ့ရာမှ ယခုလ တွင် (၁၂၅၀၀)ကျပ်သို့ ဈေးနှုန်းကျဆင်းလာပါသည်။

DOCA(မန္တလေး)