ပြည်တွင်းကုန်သွယ်မှုသတင်း

     တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်တွင် ကွမ်းရွက်စိုက်ပျိုးသူများ များပြားကြောင်းသိရှိရပါသည်။ ကွမ်းရွက်သည် ဆေးဖက်ဝင်ပစ္စည်းတစ်မျိုးဖြစ်သည့်အပြင် မြန်မာလူမျိုးများ အများဆုံးစားသုံးကြသည့် ကွမ်းယာတွင်မပါမဖြစ်သော အဓိက ပါဝင်ပစ္စည်း တစ်မျိုးဖြစ်သည်။ ယခုအခါ ကုန်ဈေးနှုန်းများမြင့်တက်လာသော်လည်း ကွမ်းရွက်ဈေးနှုန်းမှာ ကျဆင်းနေကြောင်း သိရှိရပါသည်။ ကွမ်းရွက်ဈေးနှုန်းကျဆင်းရခြင်းသည် လမ်းပန်း ဆက်သွယ်ရေးအခြေအနေကြောင့် ဖြစ်ကြောင်းသိရှိရပါသည်။ ကွမ်းရွက်ကိုမိုးကာလတွင် အများဆုံးစိုက်ပျိုးကြပြီး မိုးနှင့်ဆောင်းကာလများတွင် ဈေးကောင်းရရှိကြောင်း သိရှိရပါ သည်။ ယခု မိုးရာသီတွင် ကွမ်းရွက်စိုက်ပျိုးသူများ ပိုပိုများပြားကြောင်း သိရှိရပါသည်။

          ယခုအောက်တိုဘာလ ပထမပတ်တွင် မြိတ်မြို့ပေါ်ရှိ ကွမ်းရွက်အကြီးလက်ကားဈေး တစ်စည်းလျှင် (၉၀၀)ကျပ်ရှိပြီး ကွမ်းရွက်အကြီးလက်ကားဈေးတစ်စည်းလျှင် (၁၀၀၀)ကျပ်ရှိ ကြောင်း ကွမ်းရွက်စိုက်ပျိုးသူများထံမှ သိရှိရပါသည်။

DOCA(တနင်္သာရီ)

     ထားဝယ်မြို့တွင် ရိုးရာသပိတ်မျှောပွဲကို သီတင်းကျွတ်လဆန်း (အဖိတ်နေ့ညနှင့် လပြည့်နေ့ မနက်ပိုင်း)တွင် ပြုလုပ်လေ့ရှိပါသည်။ သပိတ်မျှောခြင်းဆိုသည်မှာ မြေသပိတ်အိုး အတွင်း၌ ဆွမ်း ၊ မုန့် ၊ သစ်သီး ၊ ပန်း ၊ တံခွန်ကုက္ကား ၊ ဆီမီး နှင့် အမွှေးတိုင်များထည့်၍ သီတင်းကျွတ်လပြည့် နံနက် အာရုဏ်တက်တွင် ရှင်ဥပဂုတ္တအား ရည်စူး၍ မြစ်အတွင်းမျှောကာ သပိတ်မျှော ဆွမ်းကပ်ကြခြင်း ဖြစ်သည်။.သပိတ်မျှောပွဲကို ထားဝယ်မြို့အပြင် ထားဝယ်မြစ်ကြောင်းတစ်လျှောက်ရှိ ရေဖြူမြို့နယ်၊ လောင်းလုံးမြို့နယ်နှင့် သရက်ချောင်းမြို့နယ်များရှိ လှေလုပ်ငန်းဖြင့် အသက်မွေးသည့် ကျေးရွာများ တွင် သပိတ်မျှောပွဲကို နှစ်စဥ်ကျင်းပလေ့ရှိပါသည်။ မြေထည်သပိတ်များကို ထားဝယ်ဒေသတွင် သီတင်းကျွတ်ကာလ သပိတ်မျှောပွဲကျင်းပရာတွင် အသုံးပြုပြီး မြိတ်နှင့် ကော့သောင်းမြို့တို့တွင် လှေလုပ်ငန်းဖြင့် အသက်မွေးသူများ လှေထွက်ချိန် သပိတ်မျှော၍ ဆွမ်းတင်ရာ၌ အသုံးပြုကြောင်း မြေထည်လုပ်ငန်း လုပ်ကိုင်သူများထံမှ သိရှိရပါသည်။

          သပိတ်အိုးစျေးနှုန်းမှာ သပိတ်အိုးနှင့် ဆီမီးခွက် ပြုလုပ်ရာတွင်အသုံးပြုသည့် မြေကြီးနှင့် အလှ ဆေးခြယ်ရာတွင် အသုံးပြုသည့် သုတ်ဆေးတို့မှာ ဝယ်ယူရခက်ခဲသလို စျေးတက်သဖြင့် ​မြေထည် သပိတ်စျေးနှုန်းမှာ သပိတ်အသေး တစ်လုံးလျှင် ၂၅၀၀ ကျပ်နှင့်အကြီးတစ်လုံးလျှင် ၃၅၀၀ ကျပ်ဖြင့် ရောင်းချလျက်ရှိကြောင်း ထားဝယ်မြို့ပေါ်ရှိ သပိတ်အိုးရောင်းချသူများထံမှသိရှိရပါည်။

DOCA(တနင်္သာရီ)

   တနင်္သာရီတိုင်းဒေသကြီး၊ ထားဝယ်မြို့ပေါ်တွင် ဆေးဖက်ဝင်နှမ်းနက်(နှမ်းမဲ)အား ငါးမုန့်များ၊ ရိုးရာ အစားအစာ ကြက်ဥမုန့်လိပ်၊ ရိုးရာ ကောက်ညှင်းမုန့်ခြောက်များ၊ နှမ်းထမင်းများတွင် ထည့် သွင်းအသုံးပြုကြသလို ကောက်ညှင်းမုန့်ခွဲသိပ်နှင့် ကောက်ညှင်းပေါင်းများတွင် တွဲဖက်၍ အများဆုံး အသုံး ပြုကြသည့် နှမ်းနက်များကို တနင်္သာရီတိုင်းဒေသကြီး၊ ထားဝယ်ခရိုင် ကံပေါက်ကျေးရွာနှင့် အရှေ့တောဒေသများတွင် စိုက်ပျိုးလျက်ရှိသော်လည်း နယ်မြေအခြေအနေအရ နှမ်းစိုက်သူများ နည်းပါးလာပြီး မြန်မာနိုင်ငံအလယ်ပိုင်းမှ ဝယ်ယူလျက်ရှိရာ ထားဝယ်မြို့ပေါ်ရှိ နှမ်းနက်(နှမ်းမဲ) စျေးနှုန်းများမှာ အောက်တိုဘာလ၊ ပထမအပတ်အတွင်း တစ်ပိဿာလျှင် ၁၇၀၀၀/၁၇၅၀၀ ကျပ်ဖြင့် ရောင်းချလျက်ရှိကြောင်း ထားဝယ်မြို့ပေါ်ရှိ ကုန်စုံဆိုင်များမှသိရှိရပါသည်။

DOCA(တနင်္သာရီ)

   တနင်္သာရီတိုင်းဒေသကြီး ထားဝယ်မြို့ပေါ်ရှိ အခြေခံစားကုန်များမှ နေ့စဥ်စားသုံးလျက်ရှိ သော ဟင်းလျာအများစုတွင် မပါမဖြစ်ထည့်သွင်းချက်ပြုတ်အသုံးပြုရသော ကြက်သွန်နီ/ကြက်သွန် ဖြူများကို ရန်ကုန်ပွဲရုံများမှအဓိက ဝယ်ယူရောင်းချလျက်ရှိရာ ထားဝယ်မြို့ပေါ်တွင် ရောင်းချလျက် ရှိသော လက်လီပိဿာစျေးနှုန်းများမှာ အောက်တိုဘာလ ပထမအပတ်အတွင်း ကြက်သွန်နီ ၂၅၀၀ ကျပ်၊ ကြက်သွန်ဖြူ ကြူကုတ် ၁၈၀၀၀ ကျပ်၊ ကြက်သွန်ဖြူရှမ်းစ ၁၁၀၀၀ ကျပ်(အခွံကြမ်းခွာသန့်စင် ပြီး)ဖြင့် အသီးသီးရောင်းချ လျက်ရှိကြောင်း ထားဝယ်မြို့ပေါ်ရှိ ကုန်စုံဆိုင်များနှင့် မေတ္တာကမ္ဘာအေး ကိုယ်ပိုင်ဟင်းသီးဟင်းရွက်စျေးမှ ကုန်သည်များထံမှ သိရှိရပါသည်။

DOCA(တနင်္သာရီ)

    သင်္ဘောသီးပင်ကို မြန်မာနိုင်ငံတွင် နေရာအနှံ့အပြား စိုက်ပျိုးကြပြီး အပူပိုင်းနှင့်အပူ အနည်းငယ်လျော့သည့် ဒေသများတွင် ပိုမိုဖြစ်ထွန်းပါသည်။ သင်္ဘောပင်တွင် အဖိုပင်၊ အမပင်နှင့် လိင်စုံပင်ဆိုပြီး (၃)မျိူးရှိပါသည်။ သင်္ဘောသီးအစိမ်းကို သင်္ဘောသီးသုပ်၊ ယိုးဒယားသင်္ဘောသီးထောင်း စသောအမယ်များအပြင် အသုပ်စုံထဲတွင်လည်း အနည်းငယ် ထည့်၍ စားလေ့ရှိပါသည်။ တချို့မှာ သင်္ဘောသီးယိုအဖြစ်လည်းထိုး၍ စားကြသည်။ သင်္ဘော သီးဟာ အစာချေဖျက်ခြင်းကို ထောက်ကူတဲ့ သဘာဝဝမ်းနုတ်ဆေး တစ်မျိုးလည်း ဖြစ်တာ ကြောင့် ပုံမှန်စားပေးရင် ဝမ်းချုပ်တာ၊ လိပ်ခေါင်းရောဂါဖြစ်တာနဲ့ ဝမ်းလျှောတာတွေကို ကာကွယ်ပေးနိုင်ပါသည်။ယခုတနင်္သာရီတိုင်း၊ မြိတ်မြို့ပေါ်ရှိ ဈေးကြီးများနှင့် အခြားသော ဈေးများတွင် သင်္ဘောသီးအစိမ်းများကို အသီးအရွယ်အစားပေါ်မူတည်၍ ဈေးနှုန်းများကို (၇၀၀)ကျပ် နှင့် (၁၀၀၀)ခန့်ကျပ်ထိ ဈေးရရှိကြောင်း တစ်နိုင်တစ်ပိုင်စိုက်ပျိုးသူထံမှ သိရှိရပါ သည်။

DOCA(တနင်္သာရီ)