ပြည်တွင်းကုန်သွယ်မှုသတင်း

ဧရာဝတီတိုင်းဒေသကြီး၊ ပုသိမ်မြို့အတွင်း ဂေါ်ဖီထုပ်ဈေးနှုန်းများ သိသိသာသာ ကျဆင်းလျက် ရှိကြောင်း ပုသိမ်မြို့မှ ဟင်းသီးဟင်းရွက် ရောင်းချသူများထံမှ သိရသည်။ ဂေါ်ဖီထုပ်များကို ရှမ်းပြည်နယ် မှ အဓိက တင်သွင်းရောင်းချလျက်ရှိပြီး ယခင်ရက်များက တစ်ပိဿာလျှင် ကျပ် (၂၀၀၀) ဝန်းကျင်အထိ ဈေးနှုန်းရှိခဲ့သော်လည်း ယခုရက်ပိုင်းအတွင်း တစ်ပိဿာလျှင် ကျပ် (၈၀၀) မှ (၁၀၀၀) ဝန်းကျင်အထိသာ ဈေးနှုန်းရှိကြောင်း သိရသည်။

"ရှမ်းပြည်နယ်က ဂေါ်ဖီထုပ်တွေ အများကြီးဝင်လာတော့ ဈေးကွက်ထဲမှာ ဂေါ်ဖီထုပ်တွေ ပေါနေ တယ်။ အရင်က တစ်လုံးကို ၁၅၀၀ လောက်ထိ ရောင်းရတယ်။ အခုတော့ ၅၀၀ ကနေ ၈၀၀ လောက်ပဲ ရောင်းရတော့တယ်" ဟု ပုသိမ်မြို့မှ ဟင်းသီးဟင်းရွက် ရောင်းချသူ တစ်ဦးက ပြောသည်။ ဂေါ်ဖီထုပ် ဈေးနှုန်းကျဆင်းမှုကြောင့် ဝယ်ယူစားသုံးသူများအတွက် အဆင်ပြေစေသော်လည်း ရောင်းချသူများ အတွက် အရှုံးပေါ်ကာ အခက်အခဲများ ဖြစ်ပေါ်နေကြောင်း သိရသည်။

DOCA(ဧရာဝတီ)

ဧရာဝတီတိုင်းဒေသကြီးသည် မြန်မာနိုင်ငံ၏ စိုက်ပျိုးရေးထွန်းကားသော ဒေသဖြစ်ပြီး၊ ဩဇာသီး ကို ဒေသတွင်းတွင် စိုက်ပျိုးမှု အနည်းငယ်ရှိသော်လည်း၊ အများစုမှာ အခြားဒေသများမှ တင်ပို့ရောင်းချ နေခြင်း ဖြစ်သည်။ ဩဇာသီးသည် ကျန်းမာရေးအတွက် အထောက်အကူပြုပြီး၊ ဗီတာမင်နှင့် သတ္တုဓာတ်များ ကြွယ်ဝသောကြောင့် လူကြိုက်များသော သစ်သီးတစ်မျိုးဖြစ်သည်။ ဩဇာသီးများကို အဓိကအားဖြင့် မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ရှမ်းပြည်နယ်နှင့် ကချင်ပြည်နယ်တို့မှ တင်ပို့လာခြင်း ဖြစ်သည်။ ထိုဒေသများတွင် ဩဇာသီးစိုက်ပျိုးမှု များပြားပြီး၊ ရာသီအလိုက် ထွက်ရှိ သောကြောင့် ဖြစ်သည်။ ဩဇာသီးများကို လတ်လတ်ဆတ်ဆတ် ရောင်းချသလို၊ ခြောက်သွေ့အောင် ပြုလုပ်ပြီး ရောင်းချသည့် ဈေးသည်များလည်း ရှိသည်။

ဩဇာသီးကို လတ်လတ်ဆတ်ဆတ် စားသုံးခြင်းအပြင်၊ ဖျော်ရည်များ၊ ခြောက်သွေ့အောင် ပြုလုပ်ပြီး စားသုံးခြင်း၊ ဆေးဖက်ဝင်အဖြစ် အသုံးပြုခြင်းများလည်း ရှိသည်။ ဩဇာသီးသည် ကျန်းမာရေး အတွက် အထောက်အကူပြုပြီး၊ ဗီတာမင်စီ၊ သံဓာတ်နှင့် အမျှင်ဓာတ်များ ကြွယ်ဝ သောကြောင့် လူကြိုက်များလာသည်။ ဩဇာသီးသည် ကျန်းမာရေးနှင့် ညီညွတ်ပြီး စားသုံးမှုများပြားလာသည်နှင့်အမျှ ဈေးကွက်တွင် ပိုမိုတွင်ကျယ်လာမည်ဟု မျှော်လင့်ရပါသည်။ ထို့ပြင်ဩဇာသီးဈေးနှုန်းများသည် ရာသီ အလိုက် ပြောင်းလဲမှုရှိပြီး၊ သယ်ယူပို့ဆောင်ရေး ကုန်ကျစရိတ်ပေါ်တွင်လည်း မူတည်သည်။ ပေါ်ဦး ပေါ်ဖျားချိန်တွင် (၁) လုံးလျှင် (၃၀၀၀) ကျပ်အထိ ဈေးကောင်းရလျက်ရှိပြီး ပုံမှန်ချိန်တွင်  (၁) လုံးလျှင် ၇၀၀/၁၀၀၀ ကျပ်အထိ ဈေးနှုန်းရှိကြောင်း သိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ကျုံပျော်မြို့နယ် စားသုံးသူရေးရာဦးစီး ဌာနမှ ဝန်ထမ်းများသည် ကျုံပျော်မြို့နယ်၊ ပဲ၊ နှမ်းကုန်သည်များအသင်း ဥက္ကဋ္ဌနှင့် သွားရောက် တွေ့ဆုံ၍ မတ်ပဲ၊ ပဲတီစိမ်းနှင့် ပတ်သတ်၍ ဈေးနှုန်းဈေးကွက်အခြေအနေများအား လေ့လာစုံစမ်းခဲ့ ပါသည်။

          ကျုံပျော်မြို့နယ် ပဲ၊ နှမ်းကုန်သည်များအသင်းဥက္ကဋ္ဌမှ ယခုနှစ်တွင် လက်ရှိဖြစ်ပေါ်နေသော ဈေးနှုန်းများမှာ မတ်ပဲ (၁) တင်းလျှင် (၉၆၅၀၀) ကျပ်မှ (၉၇၀၀၀) ကျပ်နှင့် ပဲတီစိမ်း (၁) တင်းလျှင် (၁၁၀၀၀၀) ကျပ်မှ (၁၁၂၀၀၀) ကျပ်ဖြင့် အရောင်းအဝယ်ဖြစ်နေပြီး၊ ရန်ကုန်ပွဲရုံအရောက်တွင် မတ်ပဲ (၁) တင်းသည် (၉၉၂၀၀) ကျပ်နှင့် ပဲတီစိမ်း (၁) တင်းလျှင် (၁၂၀၀၀၀) ကျပ်ထိ တင်ပို့နေကြောင်း သိရှိရပါသည်။

DOCA(ဧရာဝတီ)

          ပူပြင်းသောနွေရာသီ ကာလကို အမှီပြု၍ ကြံပင်များစိုက်ပျိုးထားကြပြီး ကြံအမျိုးအစား သုံးမျိုးရှိပြီး အဖြူ၊ အနီ၊ အဝါ ဟူ၍ ဖြစ်ကြောင်း သိရပါသည်။ ဒေသစိုက်ပျိုးကာလအနေဖြင့် ကဆုန်၊ နယုန်လတို့တွင် စိုက်ပျိုးပြီး နတ်တော်၊ ပြာသိုလများတွင် ကြံပင်များကိုခုတ်ပြီး အတိုအရှည်ခွဲ၍ သုံးထောင့်ထွာ (၁၀) ချောင်းစီး (၁) စီး ဆိုလျှင် ကျပ် (၆၀၀၀) နှင့် ကျပ် (၈၅၀၀) ဈေးရှိကြောင်း၊ ယခင်နှစ်တွင် ကျပ် (၅၅၀၀) ကျပ် ရှိပြီး၊ လေးထောင့်ထွာ (၁၀) ချောင်းစီး’ (၁) စီးဆိုလျှင် ကျပ် (၈၀၀၀) နှင့် ကျပ် (၁၂၀၀၀) ရှိပါသည်။ တန်ခူးလဆိုလျှင် ကြံရာသီကုန်တော့မည်ကိုလည်း သိရှိရပါသည်။

          ကြံစိုက်ပျိုးမှုသည် စိုက်ပျိုးသူ၊ ရောင်းချသူ တွက်ခြေကိုက်သော သီးနှံတစ်မျိုးဖြစ်ကြောင်း ကြံစိုက်ပျိုးသူထံမှ သိရှိရပြီး သုံးထောင့်ထွာ ကြံ(၁)ချောင်းကြိတ်လျှင် ကြံရည် (၂) ခွက်ခွဲ (သို့မဟုတ်) ၃ ခွက် ရရှိပြီး ကြံရည်တစ်ခွက်လျှင် (၁၀၀၀) ကျပ်ဖြင့် ရောင်းချလျက်ရှိကြောင်း သိရှိရပါသည်။

DOCA(ဧရာဝတီ)

          မုန့်လက်ဆောင်းသည် တစ်နှစ်ပတ်လုံးရနိုင်သည့်ဟုဆိုသော်လည်း ယခုလိုဆောင်းအကုန်၊ နွေအကူး ကာလသို့ ရောက်လျှင် မုန့်လက်ဆောင်းများရောင်းအားကောင်းလာသည်ကို တွေ့ရပါသည်။ မုန့်လက်ဆောင်းသည် ပူပြင်းခြောက်သွေ့သည့် ရာသီဥတုနဲ့အလိုက်ဖက်ဆုံး မုန့်တစ်မျိုးဖြစ်သလို သောက်လိုက်ရင်လည်း ရင်ထဲအေးပြီး အမောပြေစေပါသည်။

          မုန့်လက်ဆောင်းခွက်သေး(၁) ခွက်လျှင် (၅၀၀) ကျပ်နှင့် မုန့်လက်ဆောင်းခွက်ကြီး (၁) ခွက်လျှင် (၁၀၀၀) ကျပ်ဖြင့် ရောင်းချကြောင်းသိရပါသည်။ မုန့်လက်ဆောင်းကို ထန်းလျက်၊ သကြား၊ အုန်းသီး၊ ရေခဲ တို့ဖြင့် ပြုလုပ်ရကြောင်း၊ မုန့်လက်ဆောင်းကို အထမ်းများးဖြင့်လှည့်ပြီး ရောင်းချသလို လမ်းဘေးတွင်ဈေးဆိုင်များဖြင့်လည်း ရောင်းချကြောင်း သိရပါသည်။

DOCA(ဧရာဝတီ)