ပြည်တွင်းကုန်သွယ်မှုသတင်း

               တန်ဆောင်မုန်းပုရစ်များ မန္တလေးစျေးကွက်သို့ ဝင်ရောက်မှုလျော့နည်းလာသည့်အတွက် ပုရစ်စျေးအနည်းငယ်မြင့်တက်သွားကြောင်း ‌ရေကြည်ညောင်ပင်စျေးရှိ   ပုရစ်စျေးကွက်မှ သိရှိရပါ သည်။   မြစ်ကြီးနား၊ ရွှေကူ၊ ကသာ၊  မတ္တရာနှင့်  ဆည်တော်လေးဒေသတို့မှ ဝင်ရောက်သည့် ပုရစ် အား မိုးပုရစ်နှင့်ဆောင်းပုရစ်နှစ်မျိုးခွဲခြားရောင်းလေ့ရှိပြီး၊မိုးပုရစ်မှာ  အထီးနှင့်အမစျေး ကွာခြားမှု မရှိဘဲရောင်းချလျက်ရှိကြောင်းသိရှိရပါသည်။ဆောင်းပုရစ်မှာ သီးတင်းကျွတ်လဆန်းပိုင်းမှစတင်ဝင် ရောက်လျက်ရှိပြီး၊ပုရစ်အမများတွင် ဥပါဝင်မှုများသဖြင့်  လူကြိုက်များသကဲ့သို့ စျေးအနည်းငယ်မြင့် ကြောင်းသိရှိရပါသည်။ မန္တလေး‌မြို့၊ရေကြည်ညောင်ပင်စျေးရှိဆောင်းပုရစ်စျေးကွက်တွင် ၂၀၂၅ခုနှစ် နိုဝင်ဘာလဒုတိယပတ်အတွင်း လက္ကားစျေးမှာ  ပုရစ်အကောင်ကြီး (၂၀၀ပါ) တစ် ထုပ်လျှင်   ပုရစ် (အမ) ၅၅၀၀၀ ကျပ်နှင့် ၅၉၀၀၀ ကျပ်၊ ပုရစ်(အထီး) ၂၅၀၀၀ ကျပ်နှင့် ၂၇၅၀၀ ကျပ်၊   သဲပုရစ် ခေါ် ပဲပုရစ်(အကောင်သေး)(၂၀၀ပါ)တစ်ထုပ်လျင် ၁၅၀၀၀ကျပ်နှင့် ၁၆၅၀၀ ကျပ်၊ လက်လီစျေးမှာ ပုရစ် အကောင်ကြီး(၁၀၀)လျှင်ပုရစ်(အမ) ၂၈၀၀၀ကျပ်နှင့်၃၂၀၀၀ကျပ်၊ပုရစ်(အထီး)၁၄၀၀၀ ကျပ် နှင့် ၁၅၅၀၀ ကျပ်၊ သဲပုရစ်(အကောင်သေး)(၁၀၀)လျှင် ၈၀၀၀ ကျပ်နှင့် ၈၅၀၀ ကျပ်စျေးတို့ဖြစ် ပေါ်လျက်ရှိပြီး၊ နိုဝင်ဘာလပထမပတ်စျေးနှင့်နှိုင်းယှဉ်ပါက ပုရစ်ဝင်ရောက်မှုအနည်းငယ်လျော့နည်း လာသည့်အတွက် စျေးအနည်းငယ်မြင့်တက်သွားကြောင်း သိရှိရပါသည်။    

DOCA(မန္တလေး)                                                                                                             

                တန်ဆောင်မုန်းရာသီအခါသမယအတွင်း ပန်းစျေးကွက်သို့  မန္တလေးတိုင်းဒေသကြီးရှိ အမရပူရခရိုင်၊ပြင်ဦးလွင်ခရိုင်၊ ကျောက်ဆည်ခရိုင်၊မိတ္တီလာခရိုင်နှင့်မြင်းခြံခရိုင်တို့မှထွက်သည့် ပန်း များ၊ စစ်ကိုင်းတိုင်းဒေသကြီးနှင့် ရှမ်းပြည်နယ်၊ တောင်ကြီးဒေသတို့မှ ထွက်ရှိသည့်သစ္စာပန်းများ ဝင်ရောက်မှုများပြားလျက်ရှိပြီး၊ အရောင်းသွက်လျက်ရှိကြောင်း သိရှိရပါသည်။ သစ္စာပန်းအပွင့် အရောင်မှာ အဖြူ၊ကြက်သွေးနီ၊မိတ်ကပ်ရောင်၊ပန်းရောင်၊ အဝါရောင်တို့တွေ့ရှိရပြီး၊ ၂၀၂၅ ခုနှစ် နိုဝင်ဘာ ဒုတိယပတ်အတွင်း ဖြစ်ပေါ်သည့် လက်လီ စျေးနှုန်းများမှာ သစ္စာပန်း(၅ခက်ပါ)၁စီးလျှင် (ပန်းပွင့်ကြီး)၂၅၀၀ကျပ်နှင့်၃၅၀၀ကျပ်၊ (ပန်းပွင့်သေး) ၂၀၀၀ကျပ်နှင့်၂၃၀၀ကျပ်စျေးတို့ဖြင့် ရောင်းချ လျှက်ရှိကြောင်း သိရှိရပါသည်။ တန်ဆောင်မုန်းလရာသီအခါသမယအတွင်း ဘုရားပွဲနှင့် အလှူ ပွဲတော်များကျင်းပသည့်အချိန်ဖြစ်၍ သစ္စာပန်းမှာစျေးကွက်အတွင်း ဝယ်ယူမှုများပြား လျှက်ရှိကြောင်း သိရှိရပါသည်။

DOCA(မန္တလေး)                                                                                                             

           သခွားသီးကို မန္တလေးတိုင်းဒေသကြီး၊ စစ်ကိုင်းတိုင်းဒေသကြီးနှင့် ရှမ်းပြည်နယ်တောင်ပိုင်း ဒေသများမှ ရာသီမရွေးဝင်ရောက်မှုများပြားပြီး၊ အရောင်းသွက်လျက်ရှိကြောင်း သိရှိရပါသည်။ သခွားသီးမှာအသားအရေကိုအေးမြစေပြီး၊ဘတ်တီးရီးယားပိုးမွှားများကိုသေစေနိုင်ခြင်း၊ဝက်ခြံနှင့် အဖုအပိမ့် များ၊ချွေးပေါက်ကျယ်ခြင်းများကို သက်သာစေခြင်း၊နေလောင်ဒဏ်ကာကွယ်ပေးခြင်းတို့ကြောင့် အလှ အပ ထိန်းသိမ်းသည့်နေရာတွင် အသုံးများသည့် ကျန်းမာရေးအဟာရအစားအစာတစ်မျိုးဖြစ်ကြောင်း သိရှိရပါသည်။ မန္တလေးမြို့၊ ၄၁လမ်း၊ ကမ်းနားလမ်း၊ ကုန်စိမ်းဈေးတွင် ၂၀၂၅ခုနှစ် နိုဝင်ဘာလပထမ ပတ်တွင်သခွားသီးစက်တွန့်မျိုးအလုံးကြီးလက္ကားစျေး(၁၀)လုံးလျှင်၆၀၀ဝိ/-နှင့်၇၀၀ဝိ/-၊လက်လီစျေး (၁၀)လုံးလျှင် ၇၅၀ဝိ/-နှင့် ၈၀၀ဝိ/-စျေး၊ သခွားသီးအခွံစိမ်းမျိုး အလုံးလှလက္ကားစျေး(၁၀)လုံးလှျင် ၂၀၀ဝိ/-နှင့်၂၅၀ဝိ/-၊လက်လီစျေး(၁၀)လုံးလျှင် ၃၀၀ဝိ/-နှင့် ၃၅၀ဝိ/-စျေး ဖြစ်ပေါ်လျှက်ရှိပြီး၊ အသီး ဝင်ရောက်မှုအပေါ် မူတည်ပြီး ဈေးနှုန်းပြောင်းလဲမှုရှိကြောင်းသိရှိကြောင်း ကုန်စိမ်းရောင်းချသူ တစ်ဦး ၏ပြောပြချက်အရ သိရှိရပါသည်။

 DOCA(မန္တလေး)                                                             

          တန်ဆောင်းမုန်းလရာသီအခါသမယအချိန်မန္တလေးစျေးကွက်အတွင်းကိုက်လံဟင်းရွက်ကုန်စိမ်းများဝင်ရောက်မှုများလျက်ရှိပြီး အရောင်းသွက်လျက်ကြောင်း သိရှိရပါသည်။ ၂၀၂၅ ခုနှစ် နိုဝင်ဘာလပထမပတ်အတွင်း ကိုက်လံဟင်းရွက်စျေးအနေဖြင့် လက္ကားစျေး (၁၀စီးပါ) တစ်စည်း လျှင် ၅၅၀၀ကျပ်နှင့် ၆၅၀၀ကျပ်၊ လက်လီစျေးတစ်စည်းလျှင် ၇၀၀ကျပ် နှင့် ၉၀၀ကျပ်အသီးသီးဖြင့် ရောင်းချလျက်ရှိကြောင်း သိရှိရပါသည်။ မန္တလေးမြို့၊သီရိမာလာစျေးအတွင်း နေ့စဉ်ကုန်စိမ်းသီးနှံဝင်ရောက်မှုမှာ ကုန်စည်အမျိုးအစားအလိုက် Canter ၁၂ဘီးနှင့် ၆ ဘီး) ယာဉ်(၄၀)စီး နှင့်(၆၀)စီး အကြား ဝင်ရောက်လျက်ရှိကြောင်း သိရှိရပါသည်။

DOCA(မန္တလေး)                                                                                          

            မြင်းခြံမြို့နယ်အတွင်းရှိ ရပ်ကွက်များနှင့် ကျေးရွာများတွင် မိသားစုတစ်နိုင်တစ်ပိုင် စားဝတ်နေရေးအတွက် ပဲနီပြားပင်ပေါက်လုပ်ငန်းများလုပ်ကိုင်ကြကြောင်း၊ ပဲပင်ဖောက်ရာတွင် ပဲများကို တစ်ညရေစိမ်ရကြောင်း၊ ထို့နောက်ပဲခင်းကို အလျား ၅ ပေအရှည်၊ အနံ ၂ ပေခန့်၊ အနက် ၇ လက်မခန့်တူးထားသော ကျင်းထဲသို့ သဲများထည့်ရကြောင်း၊ အဆိုပါကျင်းထဲသို့ ပဲစေ့များထည့်ပြီး သဲများဖြင့်ဖုံးအုပ်၍ ပဲစေ့ကိုအညှောင့်ဖောက်ရကြောင်း၊ ပဲခင်းကို နံနက်တစ်ကြိမ်၊ ညနေတစ်ကြိမ် ရေလောင်းပေးရကြောင်း၊ (၄-၅) ရက်ခန့်ကြာသော် ပဲစေ့များအညှောင့်ထွက်လာကြောင်း၊ သဲခင်းထဲတွင် ပျိုးထားသော ပဲပင်ဖောက်များကို တူးဖော်ကာ ပဲပင်ဖောက်များရရှိကြောင်း၊ ပဲခင်းများမှထွက်ရှိသော ပဲပင်ပေါက်များကို ဈေးကွက်သို့ လက်လီ၊ လက်ကားရောင်းချရကြောင်း၊ ၂၀၂၅ ခုနှစ်၊ အောက်တိုဘာလ နောက်ဆုံးပတ်တွင် ပဲပင်ဖောက် လက်လီဈေးနို့ဆီ တစ်ဗူး လျှင်(၈၀၀) ကျပ်၊ လက်ကားဈေး နို့ဆီတစ်ဗူးလျှင် (၇၅၀) ကျပ်ခန့် ပေါက်ဈေးများဖြင့် ရောင်းချလျက်ရှိကြောင်း၊ ယခင်လဈေးနှုန်းများအတိုင်း ရောင်းချလျက်ရှိကြောင်း၊ ရောင်းချမှုအနေဖြင့် နေ့စဉ်  (၁၅-၂၀) ပြည်ခန့်ရောင်းချရကြောင်း၊ ဒေသတွင်းစားသုံးမှုများ၍ အရောင်းအဝယ်ဖြစ်လျက်ရှိကြောင်း ပဲပင်ဖောက်ရောင်းချသူ၏ ပြောပြချက်အရ သိရှိရပါသည်။

DOCA(မန္တလေး)