သတင်းနှင့် လှုပ်ရှားမှုများ

     ၂၀၂၅ ခုနှစ်၊ ဇွန်လ၊ ၅ ရက်နေ့၊ နေ့လယ် (၁၃း၄၅) နာရီအချိန်တွင် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးတွင်၊ တိုင်းဒေသကြီးဦးစီးမှူးမှ ထားဝယ်ခရိုင်ဆောက်လုပ်ရေးလုပ်ငန်းသုံး ပစ္စည်းရောင်းဝယ်ရေးအသင်းဥက္ကဋ္ဌနှင့် ဆွေ့ဆုံဆွေးနွေးခဲ့ပါသည်။

    အဆိုပါတွေ့ဆုံဆွေး‌နွေးရာတွင် တိုင်းဒေသကြီးဦးစီးမှူးမှ ဒေသတွင်း ဆောက်လုပ်ရေးလုပ်ငန်းသုံးပစ္စည်းအရောင်းဆိုင်များတွင် ရောင်းချလျက်ရှိသော ဆောက်လုပ်ငန်းရေးလုပ်ငန်းသုံး ပစ္စည်းများ၏ စျေးနှုန်း/စျေးကွက်အခြေအနေများ၊ ဒေသတွင်း ဘိလပ်မြေစျေးနှုန်းများ တည်ငြိမ်စေရေးအတွက် ဘိလပ်မြေစျေးနှုန်း/စျေးကွက် အခြေအနေများ၊ ရရှိ/လက်ကျန်အခြေအနေများနှင့် စပ်လျဥ်း၍ မေးမြန်းရှင်းလင်းဆွေးနွေးခြင်းများဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

              မအူပင်ခရိုင်အတွင်း မြို့နယ်များတွင် ကုမ္ပဏီမျညူမှ စားအုန်းဆီခွဲတမ်း ရရှိမှုအပေါ် မေလအတွက် ဆီပေပါများကို မြို့နယ်များမှ သတ်မှတ်နေရာများတွင် စနစ်တကျထုတ်ယူပြီး စားသုံးသူပြည်သူများ လက်ဝယ်အရောက် ရောင်းချဖြန့်ဖြူးပေးလျက်ရှိပြီး သတ်ဆိုင်ရာများမှလည်း ကြပ်မတ်စစ်ဆေးဆောင်ရွက်လျက်ရှိကြောင်း သိရသည်။

            မအူပင်ခရိုင်အနေဖြင့် စားအုန်းဆီခွဲတမ်းများကို Central Myanmwr International Trading ကုမ္ပဏီ၊ Myanmar Top Notch ကုမ္ပဏီ၊ Resources Group Trading ကုမ်ပဏီ တို့မှ မြို့နယ်အလိုက် ဆီပေပါများ သတ်မှတ်ရက်အတွင်း ထုတ်ယူရန် သတ်မှတ်နေရာနှင့် အချိန်နှင့်တပြေးညီ ထုတ်ယူရရှိပြီ စားအုန်းဆီထုတ်ကိုယ်စားလှယ်များမှ ငွေပေးသွင်းပြီး ပြည်သူများထံ  သက်ဆိုင်ရာများ၏ ကြီးကြပ်ဆောင်ရွက်မှုနှင့်အညီ ရောင်းချနေပြီး မအူပင်မြို့နယ်ရရှိပေပါ (၁၀၇၈)လုံး၊ ပန်းတနော်မြို့နယ်မှ (၇၆၄)ပေပါ၊ ညောင်တုန်းမြို့နယ်မှ ပေပါ (၇၆၅)၊ ဓနုဖြူမြို့နယ်မှ ပေပါ (၆၆၀)ရရှိကြောင်း စုစုပေါင်း (၃၂၆၇) ပေပါကို သတ်မှတ်ရက်အတွင်း ဆီကားများရောက်ရှိလာကြောင်း သိရှိရပါသည်။

DOCA(ဧရာဝတီ)

              ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြိုနယ်ချောင်းကြီးကျေးရွာ အထကကျောင်း၊ ကျောင်းမုန်ဈေးတန်းတွင် မုန့်ဈေးရောင်းချမည့် ဆိုင်ရှင်(၉)ဦးနှင့် ကျောင်းမုန့်ဈေးတန်းကြီးကြပ်မည့် ဆရာမ (၁၅)ဦးတိုအား (၃.၆.၂၀၂၅)ရက်နေ့ နံနက် (၁၀:၀၀) နာရီအချိန်က အ.ထ.က ကျောင်းအုပ်ကြီး အစည်းအဝေးခန်းမတွင် မုန့်ဈေးတန်းတွင် ရောင်းချသော မုန့်များတွင် ကုန်အညွှန်းအမှတ်အသားပြည်စုံစွာ မုန်များနှင့် သန့်ရှင်လတ်ဆပ်သည့် အစားအသောက်များရောင်းချနိုင်ရေးကို မြို့နယ်စားသုံးသူရေးရာဦးစီးဌာနမှ မြို့နယ်ဦးစီးမှူးက အသိပညာပေး ဟောပြောခြင်းလုပ်ငန်းကို ဆောင်ရွက်ခဲ့သည်။

              ဟောပြောဆွေးနွေးရာတွင် ဦးအောင်လွင် ဦးစီးအရာရှိက ကျောင်းဈေးတွင်ရောင်းချ နေသော မုန့်များတွင် စားသုံးသူကာကွယ်ရေးဥပဒေတွင် ဖော်ပြပါဝင်သည့် လုံခြုံစိတ်ချမှု အစ ကုန်အညွှန်းအမှတ် အသားက ဆိုသည့်အတိုင်း ကုန်စည်များတွင် မြန်မာ့စားသုံးသူပြည်သူများ အလွယ်တကူနားလည်စေရန် အတွက် ပုဒ်မ(၄၃)တွင် ကုန်စည်၏ အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှု အညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာ ဘေးထွက်ဆိုးကျိုး သို့မဟုတ် ဓာတ်မတည့်ကြောင်း ဖော်ပြချက်နှင့် ကြိုတင်သတိပေးချက် စသည့်အချက်များအား မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည်ဟု ပါရှိသဖြင့် အထူးသတိပြု လိုက်နာဆောင်ရွက် ရန်နှင့် မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်းကြားချက်အမှတ် (၂/၂၀၁၉) နှင့် အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာ ရောင်းချကြရန်ဖြစ်ကြောင်းနှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများစိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီ သောကုန်စည်များကို သာရောင်းချရန်၊ စားသုံးသူဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာနနှင့်  မြန်မာကုန်ပစ္စည်းစစ်ဆေးရေးနှင့် စမ်းသပ်မှုလုပ်ငန်း လီမီတက် (MITS)၊ မြန်မာ့ကုန်သွယ်ရေးမြှင့်တင်ရေးအဖွဲ့၊ မြန်မာနိုင်ငံ ဆန်စပါးအသင်းချုပ်နှင့် DOT အဖွဲ့တို့သည် (၃.၆.၂၀၂၅) ရက်နေ့က ရန်ကုန်- ပုသိမ်လမ်း၊ဆားမ​​လောက်ကျေးရွာ၊ ညောင်တုန်းမြို့နယ်ရှိ မိုင်တိုင် (၂၃)တွင် တည်ရှိသော    Good Brothers' Co.,Ltd Myanmar White Rice 10% Broken Sinthukha (WMDPS) 702 MT  သို့ သွားရောက်၍ ပို့ကုန်လျောက်ထားမှုအပေါ် မြေပြင်တွင် အမှန်တကယ် သိုလှောင်ထားရှိမှုရှိ/ မရှိ အခြေအနေများကို ကွင်းဆင်းစစ်ဆေးခဲ့ကြသည်။

              ကွင်းဆင်းပူးပေါင်းစစ်ဆေးရေးတာဝန်ရှိသူများက ညောင်တုန်းမြို့နယ် Goodbrother ကုမ္ပဏီမှ ပို့ကုန်လိုင်စင် လျှောက်ထားသည့် ဆင်းသုခ ဆန်သတ်မှတ်အရည်အသွေးနှင့်အညီ သိုလှောင်ထားရှိမှု ဆန်စက်သိုလှောင်ရုံများတွင် ဆန်နှင့် ဆန်ကွဲပြင်ဆင်ထားရှိမှု စနစ်တကျသိုလှောင်ထားရှိမှု ဖြစ်ပေါ်စေရန်နှင့် လိုင်စင်လျှောက်ထားသည့် ဆန်/ ဆန်ကွဲအမျိုးအစား၊ ဆန်တန်မြေပြင်အခြေအနေများကို အဖွဲ့ဖြင့် ကွင်းဆင်းစစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

    မြိတ်ခရိုင်ဆန်ကုန်သည်များအသင်မှ မြိတ်မြို့အတွက် ဆန်များအား ရန်ကုန်တိုင်းနှင့် ဧရာဝတီတိုင်းတို့မှ မှာယူလျက်ရှိပြီး (၃၀.၅.၂၀၂၅)ရက်နေ့တွင် ဧရာဝတီတိုင်း၊ ဖျာပုံခရိုင်၊ ဖျာပုံမြို့နယ်မှ Mv-သန်းတိုးအောင်ရေယာဉ်ဖြင့် ထွက်ခွာလာသော ဆန်တန်(၂၀၀) ၊ အိတ်ရေ (၄၀၀၀)သည် ၂၀၂၅ခုနှစ် ၊ ဇွန်လ ( ၆)ရက်နေ့ တွင် မြိတ်မြို့သို့ရောက်ရှိလာခဲ့ပြီး အဆိုပါဆန်လှေအား မြိတ်ခရိုင် စားသုံးသူ‌ရေးရာဦးစီးဌာန၊ မြိတ်ခရိုင်အကောက်ခွန်ဦးစီးဌာန၊ မြိတ်ခရိုင် ကုန်သွယ်ရေးဦးစီးဌာန၊ ခရိုင်လူဝင်မှု ကြီးကြပ်ရေးနှင့် ပြည်သူ့အင်အားဦးစီးဌာနတို့ဖြင့် ဆန်တန်(၂၀၀) ၊ အိတ်ရေ(၄၀၀၀)အား စစ်ဆေးခဲ့ပြီး ကုန်စည်စီးဆင်းမှုမှန်ကန်စေရေးဆောင်ရွက်ခဲ့ကြောင်း သိရှိ ရပါသည်။

DOCA(တနင်္သာရီ)