သတင်းနှင့် လှုပ်ရှားမှုများ

           နတ်တလင်းခရိုင်၊ ပေါင်းတည်မြို့နယ်တွင် (၉.၁.၂၀၂၅)ရက်နေ့ နေ့လည် (၁:၀၀)နာရီ အချိန်တွင် ပေါင်းတည်မြို့နယ် ဘွဲ့ပင်ကန်ရပ်ကွက်အတွင်းရှိ အခြေခံပညာ အလယ်တန်းကျောင်းသို့ သွားရောက်၍ စားသုံးသူရေးရာဌာနနှင့် ပြန်ဆက်ဦးစီးဌာနတို့ ပူးပေါင်း၍ စားသုံးသူအသိပညာပေး ဟောပြောခြင်း ၊ နယ်လှည့်စာကြည့်တိုက်၊ နံရံကပ်စာစောင်၊ ဓာတ်ပုံပြပွဲအခမ်းအနားများ ပြုလုပ်ခဲ့ ပါသည်။

           စားသုံးရေးရာဦးစီးဌာနမှ မြို့နယ်တာဝန်ခံဦးနိုင်ဝင်းသိန်းက စားသုံးသူကာကွယ်ရေးဥပဒေ အခန်း(၉) ပုဒ်မ(၁၉)ပါ စားသုံးသူအခွင့်အရေးနှင့်စားသုံးသူ၏ လိုက်နာဆောင်ရွက်ရမည့် တာဝန်များ အကြောင်းအသေးစိတ်ရှင်းလင်း ဆွေးနွေးဟောပြောခဲ့ပါပြီး ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၊ ဦးစီးမှူး ဒေါ်အေးစုစံမှ လူကုန်ကူးမှု နံရံကပ်စာစောင်များနှင့် လူကုန်ကူးမှုအန္တရာယ် ဓာတ်ပုံပြပွဲအကြောင်း၊ စာဖတ်ခြင်းမှရရှိသည့် အကျိုးကျေးဇူးများအကြောင်း ဟောပြော ဆွေးနွေး ခဲ့ရာ ဆရာ/ဆရာမဦးရေ(၁၅)ဦးနှင့် ကျောင်းသား/ကျောင်းသူဦး ရေ(၁၀၀)ဦး တက်ရောက်ခဲ့ကြောင်း သိရပါသည်။

DOCA(ပဲခူး)

          (၉.၁၂.၂၀၂၄) ရက်နေ့  နံနက်(၁၁:၀၀)နာရီအချိန်က စားသုံးသူရေးရာဦးစီးဌာန၊ ညောင်တုန်းမြို့နယ် ဦးစီးမှူးရုံးမှ တာဝန်ရှိသူများသည် ဆားမလောက်ကျေးရွာ Goodbrother ဆန်စက်သို့ ထုတ်ကုန်လုံခြုံစိတ်ချရမှုရှိစေရေး ဆန်စက်လုပ်ငန်းဖွံ့ဖြိုးရေးအတွက် မြို့နယ်စည်ပင်သာယာရေးအဖွဲ့ နှင့် အတူ ကွင်းဆင်းစစ်ဆေးဆောင်ရွက်ခဲ့ကြောင်းသိရသည်။

           ကွင်းဆင်းစစ်ဆေးရာတွင် ညောင်တုန်းမြို့နယ်ဦးစီးမှူး ဦးအောင်လွင်က ကုမ္မဏီမှ တာဝန်ရှိသူနှင့် တွေ့ဆုံ၍ Goodbrother ဆန်စက်တွင် စပါးဝယ်ယူထားရှိမှုနှင့် လက်ရှိစပါးတင်း ၅၀၀၀ သိုလှောင်ထားရှိကြောင်း၊  စပါးကြိတ်ခွဲပြီး ဆန်သိုလှောင်ထားရှိမှု အိတ်ရေ ၂၀၀၀၀ အိတ် ကိုကြည်ရှုစစ်ဆေးပြီး ပြည်ပတင်ပို့နိုင်ရေး အခန်းကဏ္ဍ ကိစ္စရပ်များ အကြောင်း ဆွေးနွေးခြင်း၊ လယ်ယာသုံး စက်ပစ္စည်း အမျိုးမျိုးရောင်းချနေမှုများကို ကြည်ရှုလေ့လာကာ ကုမ္ပဏီမှ  အမှတ်တံဆိပ်ပါ ဆန်ထုတ်ကုန်အတွက် ကုန်အညွှန်းအမှတ်အသား ပြည်စုံစွာပါရှိရေး ထုတ်ကုန်လုံခြုံစိတ်ချရမှုရှိစေရေးနှင့် ပတ်သက်၍ ဆွေးနွေးခြင်း၊ ဒေသတွင်း စက်မှုလယ်ယာကဏ္ဍ ဘက်စုံဖွံ့ဖြိုးတိုးတက်စေရန်နှင့် စိုက်ပျိုးသီးနှံများအား အချိန်မီရိတ်သိမ်းခြွေလှေ့ ဆောင်ရွက်နိုင်ရန်အတွက် လက်ငင်းစနစ်၊ အရစ်ကျစနစ်ဝယ်ယူဖြန့်ဖြူးရောင်းချပေးရခြင်း၊ လယ်ယာ လုပ်သားရှာပါးမှု ကုစာနိုင်ရေး  ဝန်ဆောင်မှုနှင့် စပ်လျဉ်း၍ဆွေးနွေးခြင်း၊ လယ်ယာစိုက်ပျိုးရေးသည် မြန်မာနိုင်ငံ၏ အဓိကလုပ်ငန်းကြီးတစ်ခုဖြစ်သကဲ့သို့ နိုင်ငံ၏ (၆၀)ရာခိုင်နှုန်းသော GDP သည် လယ်ယာစိုက်ပျိုးရေးတွင် မှီခိုနေကြောင်း စသည်တို့ကို ညောင်တုန်းမြို့နယ်ဦးစီးမှူးက ထည့်သွင်းဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

ပန်းဂေါ်ဖီစိမ်း အမျိုးအစားမှ(၂)မျိုးရှိ၍ သက်တမ်း(၇၅-၉၀)ရက်ခန့်တွင် ဆွတ်ခူးနိုင်သည်။ အေးမြခြောက်သွေ့သော ဒေသများတွင် အပင်သက်တမ်း(၁၁)လခန့်အထိ ကြာရှည်စွာ ခူးဆွတ်ရရှိ နိုင်သည်။ မြေဆီဩဇာထက်သန်သည့်မြေမျိုးနှင့် သဲဆန်သောနှံမြေတွင် ကောင်းစွာဖြစ်ထွန်း နိုင်သည်။ အအေးကြိုက်ပြီး အစိုဓါတ်ရရှိသည့် ရာသီဥတုကဲ့သို့သော စက်တင်ဘာနှင့်ဒီဇင်ဘာလ များတွင်စိုက်ပျိုးနိုင်သည်။ တောင်ပေါ်ဒေသများတွင် တစ်နှစ်ပါတ်လုံးစိုက်ပျိုးနိုင်သည်။ ရေကိုလိုအပ် ချက်အရ တစ်ပတ်(သို့)နှစ်ပတ် တစ်ကြိမ်သွင်းပေးရန် လိုအပ်ပါသည်။ စိုက်ပျိုးပြီး ရက်(၃၀)ကြာလျှင် (၁)ကြိမ်နှင့်(၄၅)ရက်ကြာတွင် (၁)ကြိမ်ဘေးတက်ဖွဲ့ပေးရပါမည်။ ထိပ်ပိုင်းရှိပန်းပွင် ဆွတ်ခူးပြီး(၂) ပတ်ခန့်အကြားတွင် ဘေးတက်များမှ ပန်းပွင့်များကို ဆွတ်ခူးနိုင်သည်။ ရာသီဥတုအေးမြ၍ မြေဆီထက်သန်သောမြေများတွင် ဘေးတက်မှပန်းပွင့်များသည် ထိပ်ပိုင်းမှပွင့်သော ပန်းပွင့်နီးပါး ကြီးနိုင်၍ တစ်ပတ်လျှင် ဘေးတက်(၂၀)ခန့်ထွက်ရှိနိုင်သည်။ တစ်ဧကလျှင် ပန်းဂေါ်ဖီစိမ်းမျိုး လိုက်၍ တန်ချိန်(၅-၈)တန် ထွက်ရှိနိုင်ပြီး ပန်းဂေါ်ဖီစိမ်းသည်နူးညံ့ပြီး ဗီတာမင်ကေ ပါဝင်မှုအထူးများပြား၍ နှလုံးသွေးကြောကျဉ်းရောဂါ၊ အစာအိမ်ကင်ဆာနှင့် ရင်သားကင်ဆာတို့ကို ပျောက်ကင်းစေနိုင် ပါသည်။

DOCA(ပဲခူး)

             စားသုံးသူရေးရာဦးစီးဌာန၊မန္တလေးတိုင်းဒေသကြီးဦးစီးမှူးရုံးရှိ ထုတ်ကုန်လုံခြုံစိတ်ချရမှု ဌာနခွဲသည်စားသုံးသူများအား ဘေးအန္တရာယ်ကင်းရှင်းရေး၊ ကျန်းမာရေးစိတ်ကျေနပ်မှုရရှိစေ ရေးတို့အတွက် အာမခံချက်ပေးနိုင်သော အရည်အသွေးမြင့်မားသည့် ကုန်စည် (သို့မဟုတ်) ဝန်ဆောင်မှုများကို ဖော်ဆောင်ဖြည့်ဆည်းနိုင်စေရန် စားသုံးသူကာကွယ်ရေးဥပဒေပါ သတ်မှတ် ပြဌာန်းချက်များနှင့်အညီဆောင်ရွက်လျက်ရှိပါသည်။ ယင်းသို့ဆောင်ရွက်ရာတွင်ထုတ်ကုန်လုံခြုံ စိတ်ချရမှုဌာနခွဲအနေဖြင့်စားသုံးသူများအသုံးပြုမည့် ကုန်စည်နှင့်ဝန်ဆောင်မှုများ ဘေးအန္တရာယ် ကင်းရှင်းစေပြီး လုံခြုံစိတ်ချမှုရှိစေရေးအတွက် စစ်ဆေးရေးအရာရှိများ ခန့်အပ်၍ ဈေးကွက်စောင့်ကြည့်စစ်ဆေးခြင်း၊ ဘေးအန္တရာယ်ရှိသော ကုန်စည်များကို ဈေးကွက်အတွင်းမှ ပြန်လည် သိမ်းဆည်းစေခြင်း (သို့မဟုတ်) ရောင်းချဖြန့်ဖြူးခြင်းကို တားမြစ်ခြင်းနှင့် ဘေးအန္တရာယ်ရှိသော ဝန်ဆောင်မှုကိုတားမြစ်ခြင်း၊စီးပွားရေးလုပ်ငန်းရှင်များအား စားသုံးသူကာကွယ်ရေး ဥပဒေပါ ပြဌာန်းချက်များကို လိုက်နာမှုရှိစေရေးအသိပညာပေးဆွေးနွေးခြင်း၊ ကုန်အညွှန်းအမှတ်အသား ဖော်ပြချက်များကို စိစစ်ဆောင်ရွက်ခြင်းနှင့် ၁.၁.၂၀၂၅ ရက်နေ့မှစ၍ Online Sale မှတ်ပုံတင် လျှောက်ထားသည့်အချက်အလက်များ မြေပြင်မှာအမှန်တကယ် မှန်ကန်မှုရှိ/မရှိ သက်ဆိုင်ရာ ဌာနများနှင့် ပူးပေါင်း၍ မြေပြင်ကွင်းဆင်းစစ်ဆေးခြင်းများ ဆောင်ရွက်လျက်ရှိပါသည်။

            ထိုသို့ဆောင်ရွက်ရာတွင်ထုတ်ကုန်လုံခြုံစိတ်ချရမှုရှိစေရေးဆိုင်ရာကိစ္စများ နှင့် စပ်လျဉ်း၍ လှုပ်ရှားဆောင်ရွက်မှုများကို သက်ဆိုင်ရာဌာနများ၊ စားသုံးသူပြည်သူများ၊ စီးပွားရေးလုပ်ငန်း ရှင်များ၊ အစိုးရနှင့် အခြားအဖွဲ့အစည်းများပူးပေါင်း၍ အကောင်အထည်ဖော် ဆောင်ရွက်ခြင်းဖြင့် စီးပွားရေးလုပ်ငန်းရှင်များမှလည်း စီးပွားရေးလုပ်ငန်းကျင့်ဝတ်နဲ့အညီ လုပ်ကိုင်ဆောင်ရွက်မှုများ တိုးတက်လာပြီး စားသုံးသူများမှ ကုန်စည်နှင့်ဝန်ဆောင်မှုများကို မှန်ကန်စွာ ရွေးချယ်ဝယ်ယူနိုင် သည့် အခွင့်အလမ်းများ အပြည့်အဝရရှိနိုင်မည်ဖြစ်ပြီး စားသုံးသူနစ်နာဆုံးရှုံးမှုများကိုလည်း အရေးဆို တိုင်ကြားလာမှုများအား အမြန်ဆုံး အရေးယူဆောင်ရွက်ပေးမှုများ လုပ်ဆောင်ပေးနိုင် ခြင်းဖြင့် စီးပွားရေးလုပ်ငန်းရှင်များအနေဖြင့် စီးပွားရေးကျင့်ဝတ်စည်းကမ်းများနှင့်အညီ တာဝန် ယူမှု၊တာဝန်ခံမှုရှိသော အပြုအမှုများ ဖြစ်ပေါ်လာစေရန်နှင့် ထုတ်ကုန်လုံခြုံစိတ်ချရမှုရှိစေရေး နှင့်စားသုံးသူများဘေးအန္တရာယ်ကင်းရှင်းပြီး နစ်နာဆုံးရှုံးမှုမရှိစေရေးအတွက် ရည်ရွယ်၍ ၂၀၂၄-၂၀၂၅ဘဏ္ဍာနှစ်၊ဇန်နဝါရီလတွင် ထုတ်ကုန်လုံခြုံစိတ်ချရမှုဌာနခွဲအနေဖြင့် ဈေးကွက်စောင့်ကြည့်စစ်ဆေးခြင်း ပုံမှန်စစ်ဆေးရာတွင် အလှကုန်ပစ္စည်းအမျိုးမျိုး အားဦးစားပေး ကုန်စည် အဖြစ် သတ်မှတ်ပြီး၊ မြို့နယ်များအတွင်းရှိ ဈေးများ၊ရပ်ကွက်၊ကုန်စုံဆိုင်၊စတိုးဆိုင်များသို့ သွားရောက်၍ စစ်ဆေးခြင်း၊ အထူးဈေးကွက်စောင့်ကြည့်စစ်ဆေးရာတွင် စက်သုံးဆီ အရောင်း ဆိုင် များ၊ စားအုန်း ဆီအရောင်းဆိုင်များ၊ဆေးနှင့်ဆေးပစ္စည်းအရောင်းဆိုင်များသို့သွားရောက်၍ သတ်မှတ်ဈေးနှုန်း ဖြင့်ရောင်းချမှုရှိ /မရှိနှင့် ဈေးနှုန်းမြှင့်တင်ရောင်းချမှု ရှိ/မရှိ တို့အားစစ်ဆေး ခြင်း၊ ကုန်အညွှန်းအမှတ်အသားများစိစစ်ဆောင်ရွက်ပေးခြင်းနှင့် Online Sale မှတ်ပုံတင် လျှောက်ထားသည့် အချက်အလက်များ မြေပြင်မှာအမှန်တကယ် မှန်ကန်မှုရှိ/မရှိ သက်ဆိုင်ရာဌာနများနှင့် ပူးပေါင်း၍ မြေပြင်ကွင်းဆင်းစစ်ဆေးခြင်းများ ဆောင်ရွက်လျက်ရှိကြောင်း သတင်းရရှိပါသည်။

DOCA(မန္တလေး)

           မကွေးတိုင်းဒေသကြီး၊ ချောက်ခရိုင်၊ ချောက်မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီး ဌာနနှင့် စားသုံးသူရေးရာဦးစီးဌာနတို့ပူးပေါင်း၍ ကုန်အညွှန်းအမှတ်အသားများပြည့်စုံစွာ ထည့်သွင်းဖော်ပြရေး အသိပညာပေး Talk Show ကို (၁၀.၁.၂၀၂၅)ရက်နေ့၊ နံနက်(၁၁:၀၀)နာရီအချိန်တွင် လူထုအခြေပြုဗဟိုဌာန Community Centre ခန်းမ၌ ကျင်းပပြုလုပ်ခဲ့ကြောင်း သိရသည်။

          မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိက Talk Show ပြုလုပ်ရခြင်း၏ ရည်ရွယ်ချက်ကို ရှင်းလင်းဆွေးနွေးခဲ့ပြီး စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များ၊ ကုန်စည်နှင့်ဝန်ဆောင်မှုများအပေါ် အာမခံချက်ပေးရမည့်အချက်များ၊ စားသုံးသူကာကွယ်ရေးဥပဒေပါ ကုန်စည်များပေါ်တွင် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များ စသည့်အကြောင်းအရာများနှင့် ပတ်သက်၍ မေးမြန်းဆွေးနွေးချက်များအပေါ် မြို့နယ်စားသုံးသူရေးရာဦးစီးဌာန၊ ချောက်မြို့နယ်တာဝန်ခံမှ ပြန်လည်ရှင်းလင်းဆွေးနွေးပြောကြားခဲ့ပြီး စျေးကွက်အတွင်း ဖြန့်ဖြူးရောင်းချနေသည့် ကုန်စည်အမျိုးအစားများ၊ စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေအရ ကုန်စည်များတွင် ကုန်အညွှန်းများအား ထည့်သွင်းဖော်ပြရာ၌ လိုက်နာဆောင်ရွက်ရမည့်အချက်များနှင့် ကုန်အညွှန်းအမှတ်အသားများ ထည့်သွင်းဖော်ပြမှုနှင့်ပတ်သက်၍ ဥပဒေနှင့်အညီ ဆောင်ရွက်ရန်အတွက် စားသုံးသူရေးရာဦးစီးဌာနအနေဖြင့် စစ်ဆေးဆောင်ရွက်နေမှုအခြေအနေများကိုလည်း  ရှင်းလင်းဆွေးနွေးခဲ့ကြောင်း သိရှိရပါသည်။

DOCA(မကွေး)