စားသုံးသူရေးရာဦးစီးဌာနသည် စားသုံးသူအခွင့်အရေးနှင့် အကျိုးစီးပွားကို ကာကွယ်ရန် အလို့ငှာ ဘေးအန္တရာယ်ရှိသော ကုန်စည်နှင့်ဝန်ဆောင်မှုများ ဈေးကွက်အတွင်းသို့ ဝင်ရောက်မှုမရှိ စေရန် (သို့မဟုတ်) ဈေးကွက်အတွင်းမှ ပပျောက်စေရန် ရည်ရွယ်၍ ဈေးကွက်စောင့်ကြည့်စစ်ဆေး ခြင်းလုပ်ငန်းများ အစဉ်တစိုက် ဆောင်ရွက်လျက်ရှိပါသည်။ ရှမ်းပြည်နယ်(မြောက်ပိုင်း)၊ စားသုံးသူ ရေးရာဦးစီးဌာန၊ ဒုတိယပြည်နယ်ဦးစီးမှူးရုံးအနေဖြင့် (၁၂.၁၁.၂၀၂၅)ရက်နေ့၊ နံနက် (၁၀:00) အချိန်တွင် စည်ပင်သာယာရေးဌာန၊ မြို့မဈေးကော်မတီအဖွဲ့၊ မှုခင်းရဲတပ်ဖွဲ့စသည့် ဌာနဆိုင်ရာများ နှင့်ပူးပေါင်း၍ လားရှိုးမြို့ပေါ်ရပ်ကွက်များနှင့် လားရှိုးမြို့မဈေးအတွင်းရှိ ဆေးဆိုင်နှင့် ကုန်စုံဆိုင် များအား ကွင်းဆင်း၍ ဖြည့်စွက်စာအမျိုးမျိုးကိုသွားရောက် ဈေးကွက်စောင့်ကြည့်ကွင်းဆင်း စစ်ဆေးခဲ့ကြောင်း သိရှိရပါသည်။
DOCA(ရှမ်း)