သတင်းနှင့် လှုပ်ရှားမှုများ

          ၂၀၂၅ ခုနှစ်၊ ဖေဖော်ဝါရီလ ၄ ရက်နေ့၊ ၁၃း၀၀ နာရီ အချိန်တွင် ထားဝယ်မြို့၊ အိမ်ရှေ့ပြင်ရပ် ကွက်၊ ရေးလမ်းရှိ ရတနာဦးယာဥ်ရပ်နားစခန်းသို့ မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း ၏ စီစဥ်မှုဖြင့် Kaung Hlyan New Asia ၊ Myanmar Oil Alliance Co,Ltd မှ တင်ပို့ရောင်းချသည့် စားအုန်းဆီ ၁ ပေပါလျှင် ၁၁၀ ပိဿာပါ စားအုန်းဆီ (၇၆)ပေပါကို ယာဥ်မောင်း ဦးနိုင်ဇော်ထွန်း ၊ ယာဉ် အမှတ် 7B-8921/Nissan Diesel မော်တော်ယာဥ်ဖြင့်တင်ဆောင်၍ ရောက်ရှိလာရာ စားသုံးသူရေးရာ ဦးစီးဌာန၊ တိုင်းဒေသကြီးဦးစီးမှူး ဦးစိုးဦးနှင့်တာဝန်ရှိသူများက သွားရောက်စစ်ဆေးခဲ့ကြောင်း၊ အဆိုပါ စားအုန်းဆီစုစုပေါင်း(၇၆)ပေပါအား ကုမ္ပဏီ၏ လက်ကားအ​ရောင်းကိုယ်စားလှယ်မှတစ်ဆင့် ထားဝယ် မြို့၊ အနောက်ရပ်၊ ဦးကျော်ရင်လမ်းရှိ ဦးစန်းအောင်၏ အောင်ပွဲရုံ ကုန်စုံဆိုင် အပါအဝင် လက်လီဆိုင် ၁၅ ဆိုင်မှတစ်ဆင့် သတ်မှတ်ရည်ညွှန်း စျေးအတိုင်း စားသုံးသူများအား ရောင်းချပေးသွားမည်ဖြစ်ကြောင်း သိရှိရပါသည်။

DOCA(တနင်္သာရီ)

          တိုင်းဒေကြီးဦးစီးမှူး၏ လမ်းညွှန်မှုဖြင့် (၃.၂.၂၀၂၅)ရက်နေ့ နံနက်(၁၀:၀၀)နာရီအချိန်တွင် မုံရွာခရိုင်ဦးစီးမှူးရုံးမှ ခရိုင်ဦးစီးမှူးနှင့်  မုံရွာမြို့နယ်တာဝန်ခံတို့သည် Online Sales မှတ်ပုံတင်ထားသော မုံရွာမြို့၊ ပြည်တော်သာရပ်ကွက်ရှိ Shwe Latt Twel လုပ်ငန်းသို့ မှတ်ပုံတင်လျှောက်ထားရာတွင် ဖော်ပြထားသောအချက်များနှင့် မြေပြင်အချက်အလက်များ ကိုက်ညီမှု ရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ကြောင်းသိရသည်။

           ထိုသို့ ကွင်းဆင်းစစ်ဆေးခဲ့ရာတွင် မုံရွာမြို့၊ ပြည်တော်သာရပ်ကွက် ဒေါ်ဖြူဖြူလွင် ၊ Shwe Latt Twel Online Sales မှတ်ပုံတင်ရာတွင် ထည့်သွင်းလျှောက်ထားသည့်အချက်များ (၁၈)ချက်နှင့် မြေပြင်တွင် သွားရောက်စစ်ဆေးသည့်အချက်အလက်များ ကိုက်ညီမှုရှိ/ မရှိ ကွင်းဆင်းစစ်ဆေးခဲ့ပြီး စီးပွားရေးလုပ်ငန်းရှင်၏ လိုက်နာရမည့်တာဝန်များအကြောင်း အသိပညာပေးဆွေးနွေးခဲ့ကြောင်း သိရှိရပါသည်။

DOCA(စစ်ကိုင်း)

            စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မုံရွာခရိုင် ဦးစီးမှူးရုံးအနေဖြင့် ဌာန၏မျှော်မှန်းချက်ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူ ကာကွယ်ရေး လုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှု ဖွံ့ဖြိုးရေးလုပ်ငန်းများအပြင် စားသုံးသူကာကွယ်ရေးလုပ်ငန်းများကိုဆောင် ရွက်လျက်ရှိပါသည်။

             မုံရွာခရိုင်အနေဖြင့် ၂၀၂၅ ခုနှစ်၊ ဇန်နဝါရီလအတွင်း စီးပွားရေးလုပ်ငန်းရှင်များအား တွေ့ဆုံခြင်း (၂) ကြိမ် ဆောင်ရွက်ခဲ့ရာ ခရိုင်ဦးစီးမှူးနှင့် ဝန်ထမ်း(၃)တို့သည် (၂၄.၁.၂၀၂၅) ရက်နေ့တွင် ချောင်းဦးမြို့၊ ဆင်ပြေကျေးရွာရှိ “La La” မုန့်လုပ်ငန်းရှင်နှင့်  မုံရွာမြို့၊ ချမ်းမြဝတီ ရပ်ကွက်ရှိ “yati Bakery & Flocal Supply” Online Sale” လုပ်ငန်းရှင်တွေ့ဆုံပြီး စားသုံးသူကာကွယ် ရေးဥပဒေပါအကြောင်းအရာများ၊ အမိန့်နှင့် ညွှန်ကြားချက်များ၊ ဌာနမှဆောင်ရွက်လျက်ရှိသော လုပ်ငန်းများအားအသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

          နတ်တလင်းခရိုင်၊ သဲကုန်းမြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်း များသည်  (၃.၂.၂၀၂၅)ရက်နေ့ နံနက်( ၁၀:၀၀) နာရီ အချိန်တွင် သဲကုန်းမြို့နယ်  ရဲ့ရဲ့ ကန်အုပ်စု၊ ရဲ့ရဲ့ကန်ကျေးရွာ (အ.မ.က)တွင် စားသုံးသူအသိပညာပေး ဟောပြောဆွေးနွေး ပွဲကျင်းပ ပြုလုပ်ခဲ့ပါသည်။

          ရှေးဦးစွာ ကျောင်းအုပ်ကြီးမှ အဖွင့်အမှာစကားပြောကြား ပြီးနောက် စားသုံးသူရေးရာ ဦးစီးဌာန မြို့နယ်တာဝန်ခံမှ စားသုံးသူကာကွယ်ရေးဥပဒေပါ  စားသုံးသူအခွင့်အရေးနှင့် တာဝန်များ၊ ဥပဒေအခန်း(၁၈)ပါ ကုန်ညွှန်းအမှတ်အသား ဖေါ်ပြခြင်းနှင့် ပတ်သက်၍ ပုဒ်မ ၄၁။ (ခ) နှင့် (ဆ) တို့တွင် ဖော်ပြထားသည့် ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင် ပမာဏ၊ ထားသိုသိမ်းဆည်းမှု အညွှန်း၊ သုံးစွဲပုံနည်းလမ်း ကျန်းမာရေးဆိုင်ရာ ဘေးထွက် ဆိုးကျိုး သို့မဟုတ် ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်တို့ကို မြန်မာဘာသာ ဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည်ဖြစ်ကြောင်း၊ နစ်နာဆုံးရှုံးမှုများရှိပါက တိုင်ကြားနိုင်သည့် နည်းလမ်းများကို ရှင်းလင်းဆွေးနွေးခဲ့ပြီး ကျောင်းသား/ကျောင်းသူတို့မှ ကုန်ညွှန်းအမှတ် အသားများကိုလက်တွေ့ ဖက်ရှု သရုပ်ပြသခြင်းနှင့် လက်ကမ်းစာ စောင်များဖြန့်ဝေခြင်း တိုကိုပြုလုပ်ခဲ့ရာ အဆိုပါဆွေးနွေး ပွဲသို့ ဆရာ/ဆရာမ(၅)ဦး ကျောင်းသား/  ကျောင်းသူ (၈၇)ဦး တက်ရောက်ခဲ့ကြောင်း သိရပါသည်။

DOCA(ပဲခူး)

          ပဲခူးတိုင်းဒေသကြီး၊  သာယာဝတီခရိုင် စားသုံးသူရေးရာဦးစီးဌာနရုံး ခရိုင်ဦးစီးမှူး၏ လမ်းညွှန် ချက်၊အုတ်ဖိုမြို့နယ်အထွေထွေအုပ်ချုပ်ရေးအဖွဲ့၏ စီမံမှုများနှင့်အညီ အုတ်ဖိုမြို့နယ် စားသုံးသူ  ရေးရာဦးစီးဌာန မြို့နယ်တာဝန်ခံနှင့်ဝန်ထမ်းများသည် မြို့နယ်ဆန်စက်ပိုင်ရှင်နှင့် ဆန်ကုန်သည် ကြီးများ၊ အုတ်ဖိုမြို့နယ်ဆီကုန်သည်နှင့် ဆီစက်ပိုင်ရှင်ကြီးများအသင်းနှင့်ပူးပေါင်းလျက် အုတ်ဖိုမြို့ နယ်ကိုယ်တိုင်စိုက်ပျိုး ရောင်းချသူများသက်သာဈေးဆိုင်နှင့်အေးမြသာယာစိုက်ပျိုး မွေးမြူရေးသိပ္ပံ အထက်တန်းကျောင်းတို့တွင် အပတ်စဉ်တနင်္လာ၊အင်္ဂါ၊ဗုဒ္ဓဟူးနေ့များတွင် သက်သာသောနှုန်းထား ဖြင့် ဆန်၊စားအုန်းဆီ၊ကြက်ဥနှင့်အသား၊ငါး၊ ဟင်းသီးဟင်းရွက်များကို ရောင်းချပေးလျက်ရှိပါသည်။

          ထိုသို့ရောင်းချရာတွင် မြို့နယ်စည်ပင်သာယာရေးအဖွဲ့ ငါးလုပ်ငန်းဦးစီးဌာန စိုက်ပျိုးရေး ဦးစီးဌာန၊မွေးမြူရေးနှင့်ကုသရေးဦးစီးဌာနတို့မှ ပူးပေါင်းပါဝင်ပြီး ဧည့်မထဆန်တစ်ပြည်လျှင် ၃၀၀၀ ကျပ်၊စားအုန်းဆီ ၅၀ ကျပ်သားလျှင် ၄၀၀၀ ကျပ်၊ငါးတစ်ပိဿာလျှင် ၆၀၀၀ကျပ်၊ကြက်ဥတစ်လုံး လျှင် ၃၅၀ ကျပ်၊ပန်းဂေါ်ဖီတစ်ပွင့်(အလတ်)လျှင် ၇၀၀ ကျပ်တို့ဖြင့် သက်သာစွာရောင်းချပေးလျက် ရှိပြီးစားသုံးသူရေးရာဦးစီးဌာနအနေဖြင့် တစ်ရက်လျှင် ဆန်(၃)အိတ်နှင့်ဆီ(၁၁၀)ပိဿာရောင်းချ လျက်ရှိပါသည်။

DOCA(ပဲခူး)