သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ရုံးမှ စစ်ဆေးရေးအရာရှိ ဦးနေလင်းနှင့် ဝန်ထမ်းများသည် အွန်လိုင်းစနစ်ဖြင့် ရောင်းချခြင်းလုပ်ငန်းများ မှတ်ပုံတင်လက်မှတ် စိစစ် ထုတ်ပေးခြင်း၊ မြေပြင်လုပ်ငန်းနှင့် မှတ်ပုံတင်ထားရှိမှု ကိုက်ညီမှု ရှိ/မရှိ လုပ်ငန်းလိပ်စာမှန်ကန်မှု ရှိ/မရှိ ကို (၃.၂.၂၀၂၅) ရက်နေ့ ၊နံနက်(၀၉:၀၀)အချိန်တွင် အလင်းအိမ်မက် အိမ်အလှဆင်  ဝန်ဆောင်မှုလုပ်ငန်း အမှတ်(၅၀၀) ၊တဂေါ(၄)လမ်း၊(၅)ရပ်ကွက်၊တောင်ဥက္ကလာပမြို့နယ် သို့ သွားရောက်၍  စစ်ဆေးခဲ့ကြောင်း သိရှိရပါသည်။

            ကွင်းဆင်းစစ်ဆေးရာတွင် စစ်ဆေးရေးအရာရှိက လုပ်ငန်းရှင်များကို လိုအပ်သည်များမေးမြန်းခြင်း၊ မြေပြင်စစ်ဆေးရမည့် အချက်(၁၈) ချက်နှင့် ကိုက်ညီမှုရှိ/မရှိ စစ်ဆေးခြင်းနှင့် စားသုံးသူကာကွယ်ရေးဥပ‌ဒေပါ အခန်း(၁၇)ရှိ ကုန်စည် သို့မဟုတ် ဝန်ဆောင်မှုအပေါ်တာဝန်ရှိမှုနှင့် ပတ်သက်၍  အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

          စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ရုံးမှ စစ်ဆေးရေးအရာရှိ ဦးဝင်းနိုင်နှင့် ဝန်ထမ်းများသည်  (၃.၂.၂၀၂၅) ရက်နေ့ ၊နံနက်(၁၁:၀၀)အချိန်တွင် ဝါဝါအွန်လိုင်းတိုင်းရင်းဆေး ပစ္စည်အရောင်းဆိုင် Online Sale လုပ်ငန်း၊ အမှတ် -၁၄၆ ၊ (၄)လွှာA၊ အထက်ပုဇွန်တောင် လမ်း၊ တောင်လုံးပြန် ရပ်ကွက်၊မင်္ဂလာတောင်ညွှန့်မြို့နယ်သို့သွားရောက်၍ Online Sale မှတ်ပုံတင် မြေပြင် စစ်ဆေးခြင်း ဆိုင်ရာ အချက်အလက်များ ကိုက်ညီမှု ရှိ/မရှိကို စစ်ဆေးခဲ့ကြောင်း သိရှိရပါသည်။

          ကွင်းဆင်းစစ်ဆေးရာတွင် စစ်ဆေးရေးအရာရှိက လုပ်ငန်းရှင်များနှင့် ဆွေးနွေးရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေဖြင့် စားသုံးသူများကို အကာအကွယ်ပေးရန်နှင့် e-Commerce လုပ်ငန်းများ ဖွံ့ဖြိုးတိုးတက်စေရန် အွန်လိုင်းစနစ်နဲ့ ရောင်းချခြင်းလုပ်ငန်းများကို အရေးကြီးကုန်စည် ဝန်ဆောင်မှုအဖြစ် သတ်မှတ်ပြီး လုပ်ငန်းမှတ်ပုံတင်လက်မှတ်များကို ခွင့်ပြု ထုတ်ပေးလျက်ရှိကြောင်း ၊ e-Commerce Registration စနစ်မှတစ်ဆင့် လျှောက်ထားလာသော အွန်လိုင်းစနစ်နဲ့ရောင်းချခြင်း လုပ်ငန်း များရဲ့ လျှောက်လွှာများနှင့် သက်တမ်းတိုးသော လျှောက်လွှာများကို သက်ဆိုင်ရာ တာဝန်ရှိသူများက အချက်အလက်များမှန်ကန်မှု ရှိ၊ မရှိ မြေပြင်ကွင်းဆင်း စစ်ဆေးပြီးမှသာ Online Sales လုပ်ငန်းမှတ်ပုံတင် လက်မှတ်များထုတ်ပေးသွားမှာ ဖြစ်ကြောင်း ပြောကြားခဲ့ပြီး၊ ၊ စားသုံးသူကာကွယ်ရေးဥပဒေပါ အခန်း(၁၈) ရှိ ကုန်အညွှန်းအမှတ် အသားဖော်ပြခြင်းနှင့် ပတ်သက်၍  အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ၄.၂.၂၀၂၅ ရက်နေ့ နံနက်(၉:၃၀)အချိန်တွင် အင်းစိန်ဈေးစည်ပင်သာယာရေးအဖွဲ့နှင့်အတူ အင်းစိန်ဈေး အတွင်းရှိ အခြေခံစားသောက်ကုန်များ၏ ဈေးနှုန်းအခြေအနေများကို စာရင်းကောက်ယူစုံစမ်း စစ်ဆေးခဲ့ပါ သည်။

စာရင်းကောက်ယူခဲ့သည့် အခြေခံစားကုန်များတွင် ဆန်ကြမ်း/ဆန်ချောနှင့် စားအုန်းဆီ တို့မှာ သက်ဆိုင်ရာဌာန/အသင်းအဖွဲ့များမှ သတ်မှတ်ပေးထားသည့် ရည်ညွှန်းဈေးနှုန်းအပေါ် အခြေခံ ရောင်းချရသဖြင့် ဈေးကွက်အတွင်း ဈေးနှုန်းအဆမတန်ကြီးမြင့်မှုမရှိဘဲ ကြက်ဥ ဈေးနှုန်းမှာလည်း အထွေထွေအုပ်ချုပ်ရေးဦးစီးဌာနနှင့် မြို့နယ်စည်ပင်သာယာရေးကော်မတီ၏ ကြီးကြပ်မှုဖြင့် ရောင်းချ ပေးခြင်းတို့ကြောင့် စားသုံးသူများအနေဖြင့် ဈေးနှုန်းချိုသာစွာ ဝယ်ယူ စားသုံးနိုင်ကြောင်း တွေ့ရှိရ ပါသည်။ အခြားအခြေခံစားသောက်ကုန်များအနေဖြင့် ဈေးကွက် အတွင်း ကုန်ပစ္စည်းပုံမှန်ဝင်ရောက်လျက်ရှိပြီး ပစ္စည်းပြတ်လပ်မှုမရှိပဲ အမှန်တကယ်ဖြစ်ပေါ် နေသည့်ဈေးကွက်ဆိုင်ရာ ဈေးနှုန်းအခြေ အနေများကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

၄.၂.၂၀၂၅ ရက်နေ့ နံနက်(၁၀:၃၀)အချိန်တွင် စားသုံးသူရေးရာဦးစီးဌာန၊ မှော်ဘီမြို့နယ် ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးပါ (၂)ဦးတို့သည်  တပ်ကြီးကုန်းနှင့်ပြည်လမ်းမပေါ်ရှိ ဆန်အရောင်း ဆိုင်များသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

ထိုသို့ ကွင်းဆင်းစစ်ဆေးရာတွင် ဆန်ဆိုင်များဖြစ်သော ဦးအောင်ဝင်း၊ ဒေါ်ကျော့ကေခိုင် နှင့် ဒေါ်ပပဝင်းဆိုင်တို့တွင် ရွှေဘိုပေါ်ဆန်း၊ ရက် (၉၀)၊ သုခ၊ ဧရာဝတီပေါ်ဆန်းနှင့် သုခဆန်များ တွင် မြန်မာနိုင်ငံဆန်စပါးအသင်းချုပ်မှ သတ်မှတ်ရည်ညွှန်းဈေးအတိုင်းရောင်းချလျက်ရှိပြီး ဆန်အရည် အသွေးများလည်း မှန်ကန်မှုရှိကြောင်း စစ်ဆေးတွေ့ရှိရပြီး ရောင်းချနေသော ဆန်များကို ဈေးနှုန်း မြှင့်တင်ရောင်းချမှု မရှိစေရေးနှင့် ရောင်းချခြင်းတွေ့ရှိပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူခြင်းခံရမည်ဖြစ်ကြောင်း အသိပညာပေးပြောကြား ခဲ့ကြောင်း သိရှိရပါသည်။

DOCA(ရန်ကုန်)

၃.၂.၂၀၂၅ ရက်နေ့ နံနက် (၉:၄၅)အချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ဒေါ်နီလာဝင်း၊ ဦးစီးမှူးနှင့်ဝန်ထမ်းများသည် အမှတ်(ဈ)/၂)၊ နံ့သာကုန်းရပ်ကွက်၊ သာယာကုန်းလမ်း၊ အင်းစိန်မြို့နယ်ရှိ ဂုဏ်ရည်ဆေးတိုက်သို့ အွန်လိုင်းမှတ်ပုံတင်မြေပြင် စစ်ဆေးခြင်းဆိုင်ရာ အချက်အလက်များ ကိုက်ညီမှုရှိ/မရှိကို ကွင်းဆင်းစစ်ဆေးဆောင်ရွက် ခဲ့ပါသည်။

ထိုသို့ ကွင်းဆင်းစစ်ဆေးရာတွင် ဒေါ်နီလာဝင်း၊ ဦးစီးမှူးက ဂုဏ်ရည်ဆေးတိုက်ပိုင်ရှင် ဦးသန်းထိုက်အောင်နှင့်တွေ့ဆုံကာ အွန်လိုင်းစနစ်ဖြင့် ရောင်းချခြင်းလုပ်ငန်းများ၊ လျှောက်လွှာ နှင့် မြေပြင်စစ်ဆေးခြင်းဆိုင်ရာ အချက်အလက်များ ကိုက်ညီမှုရှိ/မရှိတို့ကို စစ်ဆေးခဲ့ပြီး စားသုံးသူ ကာကွယ်ရေးဥပဒေပါ အခန်း(၁၈)တွင် ကုန်အညွှန်းအမှတ်အသားနှင့်ပတ်သက်၍ ရှင်းလင်းဆွေးနွေး ခဲ့ကြောင်း သိရှိရပါသည်။

DOCA(ရန်ကုန်)