သတင်းနှင့် လှုပ်ရှားမှုများ

            နတ်တလင်းခရိုင် ၊ စားသုံးသူရေးရာဦးစီးဌာန ၊ ဒု - ခရိုင်တာဝန်ခံ ဦးခင်မောင်ထွန်း မြို့နယ် တာဝန်ခံ ဒေါ်အေးအေးဆွေနှင့် ဝန်ထမ်းများသည် (၁၈.၈.၂၀၂၅)ရက်နေ့ နေ့လယ် (၂း၀၀)နာရီ အချိန်တွင် မြို့နယ်အထူးစုံစမ်းစစ်ဆေးရေးဦးစီးဌာန ၊ မြန်မာနိုင်ငံရဲတပ်ဖွဲ့၊ အထွေထွေအုပ်ချုပ်ရေး ဦးစီးဌာနနှင့် မြို့နယ်စည်ပင်သာယာရေးအဖွဲ့တို့ပူးပေါင်း၍ နတ်တလင်းမြို့ပေါ်ရှိ အိမ်ဆောက်ပစ္စည်း ရောင်းချသော ကုန်မာဆိုင်များသို့ သွားရောက်ပြီး သွပ် ၊ သံ ၊ ဘိလပ်မြေ ရောင်းချနေမှု၊ သံချောင်း ၊ အိမ်သုပ်ဆေး ၊ ရောင်းချနေမှုနှင့် ဈေးကွက်၊ ဈေးနှုန်း၊ အခြေအနေတို့အား အဖွဲ့စုံတို့ဖြင့် စစ်ဆေးခဲ့ ပါသည်။

     ထိုသို့ ကွင်းဆင်းစစ်ဆေးရာတွင် နတ်တလင်းမြို့ပေါ်ရှိဘိလပ်မြေရောင်းချသည့်ဆိုင်များ၏ ဘိလပ်မြေဝယ်ယူရရှိမှု အခြေအနေများ အားလည်းကောင်း၊ အိမ်ဆောက်ပစ္စည်း အခြေအနေများ အားလည်းကောင်း၊ ကွင်းဆင်းစစ်ဆေးခဲ့ရာ ဘိလပ်မြေနှင့် အိမ်ဆောက်ပစ္စည်းများ ပြတ်လပ် မှုမရှိ ကြောင်း  သိရှိရပါသည်။                                                           

 DOCA(ပဲခူး)

          ကျောက်ဆည်ခရိုင် စားသုံးသူရေးရာဦးစီးဌာနမှ စစ်ဆေးရေးအရာရှိများသည် ဩဂုတ်လ (၂၅) ရက်နေ့တွင် မြို့နယ်စည်ပင်သာယာရေးအဖွဲ့များနှင့်အတူ ပူးပေါင်း၍ စဉ့်ကိုင်မြို့၊ အုန်းပင်ခြံရပ်ရှိ အောင်သိဒ္ဓိ ဆန်လက်လီ၊ လက်ကားရောင်းချနေသော ဆန်အရောင်းဆိုင်သို့ သွားရောက်၍ ဆန်ဖြန့်ဖြူးရောင်းချမှုအခြေအနေများကို ကွင်းဆင်းစစ်ဆေးခဲ့ပါသည်။ ထိုသို့စစ်ဆေးရာတွင် စဉ့်ကိုင်မြို့ ၊ အုန်းပင်ခြံရပ်ရှိ အောင်သိဒ္ဓိ ဆန်အရောင်းဆိုင်အား စားသုံးသူရေးရာဦးစီးဌာနမှ ဆန်သတ်မှတ်ရည်ညွှန်းဈေးများအား လစဉ်ထုတ်ပြန်ပေးလျက်ရှိကြောင်း၊ ဩဂုတ်လအတွင်း သတ်မှတ်ထားသည့် ရည်ညွှန်းဈေးနှုန်းထက် ဈေးနှုန်းမြှင့်တင်ရောင်းချဖြန့်ဖြူးခြင်း၊ ဈေးကစားရန်ရည်ရွယ်ချက်ဖြင့် ဆန်များကို သိုလှောင်ခြင်းမပြုရန်နှင့် သက်ဆိုင်ရာဌာနတို့၏ လမ်းညွှန်ချက်များကို လိုက်နာဆောင်ရွက်ရန်လိုအပ်ကြောင်း၊ ဆန်တန်ချိန် (၂၅)တန်အထက် သိုလှောင်ပါက မြန်မာ့ဆန်စပါးအွန်လိုင်း (Myanmar Rice Online) တွင် မဖြစ်မနေ မှတ်ပုံတင်ရမည်ဖြစ်ကြောင်း ဆွေးနွေးပြောကြားခဲ့သည်ဟု သတင်းရရှိပါသည်။  

DOCA(မန္တလေး)

                   စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ သာယာဝတီခရိုင် ၊ လက်ပံတန်းမြို့နယ် မအူကုန်ရပ်ကွက်၊ ဦးအောင်သက်ခိုင် Aroma ရေသန့်လုပ်ငန်းရှင်နှင့် ( ၁၈.၈.၂၀၂၅ ) ရက်နေ့ ၊ နေ့လယ် ( ၁၀:၀၀ ) နာရီအချိန်တွင်၊ လက်ပံတန်းမြို့နယ်တာဝန်ခံနှင့်ဝန်ထမ်းများ မှတွေ့ဆုံ၍ စားသုံးသူ ကာကွယ်ရေး ဥပဒေအခန်း (၁၈)ပါ ကုန်စည်များပေါ်တွင် ကုန်အညွှန်းအမှတ်အသား ‌ဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက်  သတ်မှတ်ချက်များနှင့် အညီဖြန့်ဖြူး ရောင်းချရန်၊ ကုန်စည်၏ အရည်အသွေး၊ ထုတ်လုပ်ရက်စွဲ၊ သက်တမ်းကုန်ဆုံးရက်စွဲများ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်းများအားလည်းကောင်း ဥပဒေအခန်း(၁၀) ပါ စီးပွားရေးလုပ်ငန်းရှင်၏တာဝန်များ၊  ဥပဒေအခန်း(၁၁)ပါကုန်စည်နှင့်စပ်လျဉ်း၍ စားသုံးသူ လက်ခံနိုင်သည့်အရည်အသွေးရှိခြင်းကို အထူးအလေးထားဆောင်ရွက်ရန်  အသိပညာပေး ဆွေးနွေးဆောင်ရွက်ခဲ့ပြီး လက်ကမ်းစာစောင်ဖြန့်ဝေခဲ့ပါသည်။

DOCA(ပဲခူး)

          ပဲခူးတိုင်းဒေသကြီး၊ သာယာဝတီခရိုင်၊ စားသုံးသူရေးရာဦးစီးဌာန ၊စားသုံး/ထုတ်လုံဌာနခွဲ တာဝန်ခံဦးချစ်ကိုကို၊ ခရိုင်စားသုံးသူရေးရာဦးစီးဌာန စားသုံး/ထုတ်လုံဌာနခွဲမှ ဦးဇော်ထွန်း၊ လက်ပံတန်းမြို့နယ်တာဝန်ခံ ဦးကျော်မျိုးထွန်းနှင့် ဝန်ထမ်းများသည် (၁၈.၈.၂၀၂၅) ရက်နေ့ နံနက် (၁၀:၃၀) နာရီတွင် လက်ပံတန်းမြို့မဈေးအတွင်းနှင့်မြို့နယ်အတွင်းရှိဆိုင်များသို့ သွားရောက်၍ Ready Made အရန်သင့်အစားအစာများ ရောင်းချနေမှုများတွင် ကုန်ညွှန်းအမှတ်အသားများ ပြည့်စုံမှန်ကန်စွာ ဖော်ပြပါရှိခြင်းရှိ/မရှိ ကွင်းဆင်းစစ်ဆေးခဲ့ပါကြောင်း သတင်းရရှိပါသည်။

DOCA(ပဲခူး)

             စားသုံးသူရေးရာဦးစီးဌာန၊ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲရေး ဌာနမှ ဌာနမှူး၊ ဦးသန့်စင်နှင့် မြန်မာ့ကုန်ပစ္စည်း စစ်ဆေးရေးနှင့်စမ်းသပ်မှုလုပ်ငန်း လီမီတက် (MITS)မှ လက်ထောက်မန်နေဂျာ ဦးကျော်ဇင်တို့သည် ဩဂုတ်လ ၁၇ ရက်နေ့က The General Administration of Customs of the People’s Republic of China (GACC) မှတ်ပုံတင်လက်မှတ် လျှောက်ထားသည့် တောင်ငူခရိုင် အုတ်တွင်းမြို့ရှိ ရွှေဖလားဆန်စက်သို့ စစ်ဆေးကြည့်ရှုရာ တောင်ငူခရိုင်ဦးစီးမှူး ဦးမျိုးအောင် ပူးပေါင်း ပါဝင်ဆောင်ရွက်ခဲ့ပါသည်။

              တရုတ်ပြည်သူ့သမ္မတနိုင်ငံသို့ ဆန်နှင့် ဆန်ထွက်ပစ္စည်းများတင်ပို့သည့် ကုမ္ပဏီများသည် အဆင့်မီဆန်စက်ကြီးများနှင့် စာချုပ်ချုပ်ဆို၍ ဆန်နှင့်ဆန်ထွက်ပစ္စည်းများနိုင်ရေးအတွက် The General Administration of Customs of the People’s Republic of China (GACC) မှတ်ပုံတင်လက်မှတ် လျှောက်ထားရာ စားသုံးသူရေးရာဦးစီးဌာန၊ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲရေးဌာနနှင့် မြန်မာ့ကုန်ပစ္စည်း စစ်ဆေးရေးနှင့်စမ်းသပ်မှုလုပ်ငန်း လီမီတက် (MITS)တို့ ပူးပေါင်း၍ Sanitary and Phytosanitary Protocol - SPS Protocol ပါ သတ်မှတ်ချက်များနှင့် ကိုက်ညီမှုရှိ/မရှိကို စစ်ဆေးခြင်း ဖြစ်ပါသည်။

              စစ်ဆေးရေးအဖွဲ့သည် Sanitary and Phytosanitary Protocol -  SPS Protocol ပါ သတ်မှတ်ချက်များနှင့် ကိုက်ညီမှုရှိ/မရှိစစ်ဆေးရာတွင် ကုန်ကြမ်းနှင့်ကုန်ချော သိုလှောင်ရုံများကို စစ်ဆေးခြင်း၊ စက်ရုံအတွင်း ကုန်ကြမ်းနှင့်ကုန်ချောထားရှိမှုများကို စစ်ဆေးခြင်း၊ လုပ်သားများ ကျန်းမာရေးနှင့် တစ်ကိုယ်ရေသန့်ရှင်းရေး စစ်ဆေးခြင်းများဆောင်ရွက်ရာ စက်ပိုင်ရှင် ဦးထွန်းဇော်ဦးက လိုက်လံရှင်းလင်းပြသပါသည်။ စစ်ဆေးတွေ့ရှိချက်အပေါ် အခြေခံ၍  (GACC) မှတ်ပုံတင်လက်မှတ် ထုတ်ပေးနိုင်ရေးကို ဆက်လက်ဆောင်ရွက်သွားမည် ဖြစ်ကြောင်း သိရပါသည်။

DOCA(ပဲခူး)