သတင်းနှင့် လှုပ်ရှားမှုများ

 ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ဝန်ထမ်းများ သည် (၁၀.၂.၂၀၂၅)ရက်နေ့ နေ့လည်(၁၃:၃၀)အချိန်တွင် အနောက်ပိုင်းရပ်ကွက်မြို့မ ဈေးအတွင်းရှိ မုန့်မျိုးစုံဆိုင်(၄)ဆိုင် ပန်းတနော်ဘုရင်နောင်လမ်းမပေါ်ရှိ စတိုးဆိုင်(၄)ဆိုင်တို့အား  စားသုံးသူရေး ရာဦးစီးဌာနမှ ၂၀၂၄-၂၀၂၅ ဦးစားပေးကုန်စည် ထုတ်ပြန်ထားပြီး ၎င်းကုန်စည်များထဲမှ အမှတ်စဉ်(၉) ကလေး အာဟာရဖြည့်စွက်စာ အမျိုးမျိုးတို့အား ဈေးကွက်စောင့်ကြည့် စစ်ဆေးခဲ့ပါသည်။

     ထိုသို့စစ်ဆေးရာတွင် စားသုံးသူရေးရာဦးစီးဌာနမှ စစ်ဆေးရေးအရာရှိ ဦးဇော်မင်းနှင့် ဝန်ထမ်းများ သက်ဆိုင်ရာအဖွဲ့ဝင်များသည် ညွှန်ကြားချက်အမှတ်(၂/၂၀၁၉) မြန်မာဘာသာဖြင့် ဖော်ပြရာတွင် သာမန်မျက်စိဖြင့် မြင်နိုင်သော စာလုံးအရွယ်အစားများ ကြည်ရှုစစ်ဆေးခြင်း၊ ကလေးအဟာရ ဖြည့်စွက်စာအမျိုးမျိုးတွင် ကုန်အညွှန်းအမှတ်အသား ပြည့်စုံစွာ ဖော်ပြထားခြင်း ရှိ/မရှိ၊ သက်ဆိုင်ရာ ဌာန၏ ခွင့်ပြုချက်၊ ထောက်ခံချက်အမှတ်ပါဝင်မှု ရှိ/မရှိ၊ စားသုံးသူ ဘေးအန္တရာယ် ဖြစ်စေနိုင်သော ဖြည့်စွက်စာ များရောင်းချခြင်းရှိ/မရှိ၊ သက်တမ်းလွန် ကုန်စည်များ ရှိ/မရှိ တို့အား စစ်ဆေးခဲ့ပြီး စစ်ဆေးခဲ့သော ကုန်မျိုးစုံ အရောင်းဆိုင်မှ ဖြည့်စွပ်စာ များသည် သတ်မှတ်ချက် အတိုင်းကိုက်ညီမှု ရှိကြောင်း စစ်ဆေးတွေ့ရှိရပါသည်။

စစ်ဆေးရာတွင် စားသုံးသူရေးရာဦးစီးဌာန၊ မြို့နယ် အထွေထွေအုပ်ချုပ်ရေးဦးစီးဌာန၊ စည်ပင် သာယာရေးအဖွဲ့၊ ကျန်းမာရေးဦးစီးဌာန၊ တိုင်းရင်းဆေးဦးစီးဌာန၊  တို့ပါဝင်ကြပြီး ကုန်စုံဆိုင်၌ ရောင်းချနေသော ဆိုင်ရှင်များကို ကုန်အညွှန်း အမှတ်အသား ပြည့်စုံစွာ ဖော်ပြထားသည့် ဖြည့်စွက် စာများကိုသာ ဈေးကွက်အတွင်း တင်သွင်းရောင်းချစေရန် ကို အသိပညာပေး ပြောကြားခဲ့ ကြောင်းသိရသည်။

DOCA (ဧရာဝတီ)

မအူပင်ခရိုင်၊ ဓနုဖြူမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် ၁၀.၂.၂၀၂၅ ရက်နေ့က ချောင်းစောက်ကျေးရွာအုပ်စု၊ နေကြာစိုက်ပျိုးသူ လုပ်ငန်းရှင် (၁၃)ဦးအား စားသုံးသူကာကွယ်ရေးလုပ်ငန်းစဉ် နှင့် ဆီထွက်သီးနှံ အထွက်တိုးစေရေးကို အသိပညာပေး ဆွေးနွေး ဟောပြောခဲ့ကြသည်။

ရှင်းလင်းဆွေးနွေးရာတွင် စားသုံးသူကာကွယ်ရေး ဥပဒေ (၂၀၁၉)ကို ရှင်းလင်းဆွေးနွေးခဲ့ပြီးနောက် စားသုံးသူကာကွယ်ရေး လုပ်ငန်းစဉ်ကိစ္စရပ် ကိုရှင်းလင်း ခြင်း၊ စီးပွားရေးလုပ်ငန်းရှင်၏ လိုက်နာရမည့် တာဝန်များ ကိုရှင်းလင်းခြင်း၊ နေကြာစိုက်ပျိုးရာတွင် လိုအပ်၍ သုံးစွဲရန် မြေဩဇာများ ဝယ်ယူအသုံးပြု သည့်အခါ စားသုံးသူကာကွယ်ရေးဥပဒေ အခန်း(၁၈) ကုန်အညွှန်းအမှတ်အသားဖော်ပြ ခြင်နှင့် စပ်လျဉ်း၍ ကုန်စည်အုပ်စုအလိုက် မြန်မာစာဖြင့် ရေးသာဖော်ပြသော ကုန်စည်လမ်း ညွှန်ချက်များအတိုင်း လိုက်နာသုံးစွဲ ရွေးချယ် ဝယ်ယူရန်အတွက် သတိပြုသင့်သည့်အချက်များ အကြောင်းကို လုပ်ငန်းရှင်များ အား ရှင်လင်းရှင်းလင်းခြင်း၊ ဆီထွက်သီ’နှံ နေကြာစိုက်ပျိုးမှုနှင့် ပတ်သက်၍ မိုးနှောင်းရာသီများတွင် စိုက်ပျိုးသောနေကြာများကို မျိုးသန့်ပွားများရေးလုပ်ငန်းကို ကြိုတင်လေ့လာ ဆောင်ရွက်နိုင်ရန်၊  နေကြာသီးနှံ မျိုးစေ့ထုတ်လုပ်ငန်းကို ဌာနပိုင်ခြံများတွင် မျိုးသန့်မျိုးပွားမှုလုပ်ငန်း အဆင့်အလိုက် ဆောင်ရွက်လျက်ရှိသည့် အခြေအနေများကို လေ့လာဆောင်ရွက်ရန် လိုအပ်ကြောင်း၊ နေကြာမျိုးစေ့ ဖူလုံရေးအတွက် မျိုးစေ့ထုတ်လုပ်ငန်းနှင့် ဆီစက်ဖွံ့ဖြိုးရေးလုပ်ငန်းများကိုလည်း ဆောင်ရွက်နိုင်မှသာ ဘေးအန္တရာယ်ကင်းပြီး ဆီဖူလုံစွာဖြင့် ဈေးကွက်ရရှိနိုင်မည်ဖြစ်ကြောင်း၊ စားသုံးသူကာကွယ်ရေး လုပ်ငန်းစဉ်နှင့် ပြည်တွင်းဒေသစိုက်ပျိုး သီးနှံ ဈေးကွက် ဈေးနှုန်း အခြေအနေများကို လေ့လာသိရှိလိုပါက  အလွယ်တကူဆက်သွဘ်လို့ရသည့် နံပတ် တစ်ခုဖြစ်သော Consumer Call  Center 1535 ကို ဆက်သွယ်၍ မေးမြန်းဆောင်ရွက် လို့ရသည့်အကြောင်းကို လုပ်ငန်းရှင်များအား အသိပေးပြော ကြားခဲ့ကြောင်း သိရသည်။

DOCA (ဧရာဝတီ)

 စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးသည် မိတ်ဘက်ဌာနဆိုင်ရာများနှင့် ပူးပေါင်း ၍(၈.၂.၂၀၂၅)ရက်နေ့၊ နံနက်(၁၀:၃၀)အချိန်တွင် မြန်အောင်မြို့မနေခြည်ဈေးအတွင်းရှိ စတိုးဆိုင်နှင့် ဆေးဆိုင်များတွင် ရောင်းချသော ကလေးဖြည့်စွက်စွာ အာဟာရမှုန့်များအား ထုတ်ကုန် လုံခြုံစိတ်ချရမှုရှိစေရေး ဈေးကွက်စောင့် ကြည့်စစ်ဆေးခြင်းကိုဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာတွင်  စားသုံးသူမိဘပြည်သူများ ဘေးအန္တရာယ်ကင်းရှင်းစေရန် အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိ၊ သက်ဆိုင်ရာဌာနများ၏ ထောက်ခံချက် ဖော်ပြထားမှုရှိ/မရှိ တို့ကို စစ်ဆေးခဲ့ပြီး၊ မြန်မာနိုင်ငံ စားသုံးသူကာကွယ်ရေး  ကော်မရှင်မှ ထုတ်ပြန် ကြော်ငြာထားသော ညွှန်ကြားချက်အမှတ် (၂/၂၀၁၉) နှင့်အညီ မြန်မာဘာသာ ဖြင့် ပြည်စုံစွာဖော်ပြထားသော ကုန်စည်များကိုသာရောင်းချရန်၊ ကုန်အညွှန်း အမှတ်အသားဖော်ပြ ခြင်းနှင့်စပ်လျဉ်း၍ မည်သည့် စီးပွားရေး လုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြား ဘာသာတစ်ခု(သို့)တစ်ခုထက် ပို၍တွဲလျက်ဖြစ်စေ၊ ရေးသားဖော်ပြရ မည်ဖြစ်ကြောင်း အသိပညာပေး ပြောကြားခဲ့ပြီး ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

          ၂၀၂၅ ခုနှစ်၊ ဖေဖော်ဝါရီလ(၈)ရက်နေ့ နေ့လည်(၁၃:၀၀)နာရီအချိန်တွင် မြန်အောင်မြို့နယ် စားသုံးသူရေးရာဦးစီးဌာနမှ မြို့နယ်ဦးစီးမှူးသည် မြန်အောင်မြို့၊ အမှတ်(၁)ရပ်ကွက်၊ ဗောဓိလမ်း၊ စည်ပင်ရုံး၌ ဒေသအတွင်း ဖြန့်ဖြူးရောင်းချလျက်ရှိသော စားသောက်ကုန်များ ဘေးအန္တရာယ်ကင်း ရှင်းစေရေးအတွက် ထုတ်လုပ်သူ၊ တင်သွင်းသူ၊ ဖြန့်ဖြူးရောင်းချသူများဖြစ်သည့် စီးပွားရေးလုပ်ငန်း ရှင်များမှ ကျင့်ဝတ်သိက္ခာရှိပြီး စားသုံးသူအကျိုးအတွက် အလေးထားသည့်သူများဖြစ်စေရန် နှင့် စားသုံးသူကာကွယ်ရေးဥပဒေဖော်ပြချက်ပါ စီးပွားရေးလုပ်ငန်းရှင်တာဝန်များကို လိုက်နာကျင့်သုံး နိုင်စေရန်ရည်ရွယ်၍ ကုန်စုံဆိုင်လုပ်ငန်းရှင်များအား စားသုံးသူကာကွယ်ရေးဆိုင်ရာ အသိပညာပေး ဟောပြောပွဲ ဆောင်ရွက်ခဲ့ကြောင်း သိရှိရပါသည်။

          အဆိုပါဟောပြောပွဲတွင် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးမြင့်အောင်က စီးပွား ရေးနှင့်ကူးသန်းရောင်းဝယ်ရေးဝန်ကြီးဌာနသည် စားသုံးသူပြည်သူများ၏ အခွင့်အရေးနှင့်အကျိုး စီးပွားများကို ကာကွယ်နိုင်ရန်အတွက် ဥပဒေ စည်းမျဉ်းစည်းကမ်းများ ချမှတ်ကာ အကောင်အထည် ဖော်ဆောင်ရွက်လျက်ရှိပါကြောင်း၊ ယခင်ကာလများက စားသုံးသူများသည် မိမိတို့၏အခွင့်အရေး နှင့်အကျိုးစီးပွားများကို တောင်းဆိုရကောင်းမှန်းမသိရှိကြဘဲ သင့်တင့်မျှတသည့် အခွင့်အရေးများ ကိုဆုံးရှုံးခဲ့ကြပါကြောင်း၊ စီးပွားရေးလုပ်ငန်းရှင်များမှ မိမိတို့၏အကျိုးစီးပွားကိုသာ ကြည့်ရှုရောင်းချ သူများမဖြစ်ကြစေရန်နှင့် စီးပွားရေးဆိုင်ရာကျင့်ဝတ်များ စောင့်ထိန်းပြီး စားသုံးသူအတွက် ထိခိုက် နစ်နာမှုမရှိစေရေး လိုက်နာဆောင်ရွက်ရန် လိုအပ်ကြောင်း၊ စားသုံးသူပြည်သူများမှလည်း အစား အသောက်၊ ကုန်စည်၊ဝန်ဆောင်မှုများကို အလွယ်တကူဝယ်ယူစားသောက်သုံးစွဲလာကြသဖြင့် စီးပွား ရေးလုပ်ငန်းရှင်များကလည်း လူတို့၏လိုအပ်ချက်နှင့်အညီ အလွယ်တကူအသင့် စားသောက် အသုံးပြု နိုင်သည့်ကုန်စည်၊ ဝန်ဆောင်မှုများကို ထုတ်လုပ်လာကြပါကြောင်း၊ စီးပွားရေး လုပ်ငန်းရှင်များသည် စားသုံးသူများ ဘေးအန္တရာယ်ကင်းရှင်းစွာ အသုံးပြုနိုင်ရေးအတွက် မိမိတို့ ထုတ်လုပ်သည့်ကုန်စည် များ၏သတင်းအချက်အလက်များကို ပြည့်စုံမှန်ကန်စွာ ဖော်ပြရန် လိုအပ်ပြီး စားသုံးသူကာကွယ်ရေး ဥပဒေအခန်း(၁၈)ပုဒ်မ(၄၁)တွင်ပါရှိသည့် ကုန်အညွှန်း အမှတ် အသားဖော်ပြခြင်းဆိုင်ရာ အချက်များ နှင့်စပ်လျဉ်းပြီး ကုန်စည်အမျိုးအစားအလိုက် သတ်မှတ်ချက် များနှင့်ကိုက်ညီစွာ ဖော်ပြရမှာဖြစ်ကြောင်း ရှင်းလင်းဆွေးနွေးခဲ့ပါသည်။ ဆက်လက်၍ စီးပွားရေး လုပ်ငန်းရှင်များလိုက်နာရမည့် တာဝန်(၁၁)ချက်ကိုလည်း အသေးစိတ် ဆွေးနွေးဟောပြောခဲ့ ကြောင်း သတင်းရရှိပါသည်။

DOCA(ဧရာဝတီ)

ဟင်္သာတခရိုင်၊ဇလွန်မြို့နယ်၊စားသုံးသူရေးရာဦးစီးဌာနမှစစ်ဆေးရေးအရာရှိနှင့် ဝန်ထမ်းများ သည် ၂၀၂၅ ခုနှစ် ဖေဖော်ဝါရီလ ၄ ရက်နေ့  နေ့လည် ၁၂:၀၀ နာရီအချိန်တွင် လမ်းမတော်(မ)ရပ် ကွက်၊ ဒူးယားလမ်း ပဲ၊ နှမ်းအသင်း ကုန်စည်ဒိုင်၌ ပဲ၊ နှန်းလုပ်ငန်းရှင် (၇)ဦးအား စားသုံးသူကာကွယ် ရေးဆိုင်ရာ အသိပညာပေးဟောပြောပွဲ ဆောင်ရွက်ခဲ့ကြောင်း သတင်းရရှိ ခဲ့ပါသည်။

          စားသုံးသူရေးရာဦးစီးဌာနမှ စစ်ဆေးရေးအရာရှိ ဦးသန့်ဇင်ဦးနှင့် ဝန်ထမ်းများသည် ပဲ၊ နှမ်း လုပ်ငန်းရှင်များအား စားသုံးသူကာကွယ်ရေးဥပဒေအခန်း(၉) ၊ ပုဒ်မ ၁၉ တွင်ဖော်ပြထားသည့် စား သုံးသူအခွင့်အရေး ၈ချက်အား အသေးစိတ်ဆွေးနွေးဟောပြောခဲ့ပြီး၊ စားသုံးသူများတွင် အခွင့်အရေး များရှိသကဲ့သို့ လိုက်နာဆောင်ရွက်ရမည့် တာဝန်များလည်းရှိကြောင်း ၎င်းတာဝန်များကို ပုဒ်မ ၂၀ တွင်ဖော်ပြထားကြောင်းနှင့် အခန်း(၁၀) ပုဒ်မ (၂၁)တွင် ဖော်ပြထားသော စီးပွားရေးလုပ်ငန်းရှင်များ ၏တာဝန် ၁၁ ချက်အား ဆွေးနွေးဟောပြောခဲ့ပြီး စားသုံးသူများဘက်မှလည်း လိုက်နာရမည့်တာဝန် များကို အထူးအလေးထားလိုက်နာဆောင်ရွက်ကြရန်နှင့် စီးပွားရေးလုပ်ငန်းရှင်များဘက်မှလည်း လိုက်နာရမည့် တာဝန်များအား အထူးအလေးထားလိုက်နာဆောင်ရွက်ကြရန် ဟောပြောဆွေးနွေးခဲ့ ပြီး အစည်းအဝေးအား နေ့လည် ၁၃:၀၀ နာရီအချိန်တွင် ရုတ်သိမ်းခဲ့ကြောင်းသတင်းရရှိပါသည်။

DOCA(ဧရာဝတီ)