သတင်းနှင့် လှုပ်ရှားမှုများ

   ဧရာဝတီတိုင်းဒေသကြီး ဓနုဖြူမြို့နယ် မြို့ပေါ်ရှိ စက်သုံးဆီများ ရောင်းချနေသော ဓါတ်ဆီဆိုင်များအား ၂-၉-၂၀၂၅ ရက်နေ့ နေ့လည် ၃နာရီအချိန်က  တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။

   ထို့သို့ စစ်ဆေးရာတွင် မြို့နယ် အထွေထွေအုပ်ချုပ်ရေးဦးစီးဌာနမှတာဝန်ရှိသူများ၊ မြို့နယ် ရဲတပ်ဖွဲ့မှူးရုံးမှ တာဝန်ရှိသူများ၊  မီးသတ်ဦးစီးဌာနမှ  တာဝန်ရှိသူများ၊ စားသုံးသူရေးရာဦးစီးဌာနမှ တာဝန်ရှိသူများ၊ ရန်ကုန်- ဟင်္သတ္တ ကားလမ်းဘေးရှိ DENCO  စက်သုံးဆီဆိုင်နှင့် ထွန်း စက်သုံးဆီဆိုင်၊ ရွှေဗျိုင်းဖြူ စက်သုံးဆီဆိုင်များတို့တွင် စက်သုံးဆီရောင်းဝယ်မှုနှင့် ပတ်သတ်၍ မေးမြန်းခြင်း၊ စက်သုံးဆီ အရည်အသွေးပြည့်မီမှုရှိ မရှိ စစ်ဆေးခြင်း၊ စက်သုံးဆီရောင်းချရာတွင် အချိန်တွယ်ပြည့်မပြည့် စစ်ဆေးခြင်း၊ ဆီနမူနာများ ရယူစစ်ဆေးပြီး မှတ်တမ်းဓာတ်ပုံရိုက်ခြင်း၊ မီးသတ်ဆေးဘူး ထားရှိမှုရှိ မရှိ၊ စက်သုံးဆီများအား ရောင်းဝယ်ရာတွင် စနစ်တကျ ဆီသိုလှောင်ကန်ထားမှုရှိ မရှိတို့ကို စစ်ဆေးခဲ့ပြီး မီးဘေးလုံခြုံရေးအတွက် အထူးဂရုပြုဆောင်ရွက်ရန် မှာကြားခဲ့ကြောင်း သိရသည်။

DOCA(ဧရာဝတီ)

  ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး မအူပင်မြို့နယ်မှ တာဝန်ရှိသူများသည် မြို့နယ်စည်ပင်သာယာရေးအဖွဲ့နှင့်အတူ မြို့မဈေး၊ မင်္ဂလာဈေး၊ အခွန်လွတ်ဈေးနှင့် ကမ်းနားလမ်းရှိ အခြေခံစားသောက်ကုန် ရောင်းချနေသော ဆိုင်ကြီးများမှ ရောင်းချနေသည့် အခြေခံစားသောက်ကုန်ဈေးနှုန်းများကို ကွင်းဆင်း၍ မေးမြန်းစုံစမ်းခြင်းလုပ်ငန်းကို ၃-၉-၂၀၂၅ ရက်နေ့ နေ့လည် ၂နာရီအချိန်က တိုင်းဒေသကြီးဦးစီးမှူးရုံးသို့ အပါတ်စဉ် ကုန်ဈေးနှုန်း သုံးသပ်တင်ပြနိုင်ရန် အတွက် မြေပြင်ကွင်းဆင်းစစ်ဆေးခြင်းများ လုပ်ဆောင်ခဲ့ကြောင်း သိရသည်။

   ကွင်းဆင်းဆောင်ရွက်ရာတွင် မအူပင်ခရီုင်ဦးစီးမှူးရုံးမှ ဒေါ်ခိုင်ခိုင်လင်း ဒုဦးစီးမှူးနှင့် ဝန်ထမ်းများသည် အခြေခံ စားသောက်ကုန်များဖြစ်သည် ကြက်သွန်နီ၊ ကြက်သွန်ဖြူ၊ ငရုတ်ခြောက်၊ငရုတ်အပွ၊ ကုလားပဲ၊ ဆီ၊ ဆား၊ ဂျင်း၊ အသားဈေးနှုန်းများ၊ ငါးဈေးနှုန်းများ၊ သစ်သီးဝလံဈေးနှုန်းများ၊ ဟင်းသီးဟင်းရွက် ဈေးနှုန်းများ ဈေးနှုန်းသုံသပ်ချက်စာရင်း စိစစ်တင်ပြနိုင်ရန်၊ ကွင်းဆင်းကောက်ခံခဲ့ကြပြီး ရောင်းချသူလုပ်ငန်းရှင်များကို ဈေးနှုန်းမြင့်တင်၍ ရောင်းချခြင်းများ မပြုရန်နှင့် သင့်တင့်မျှတသော ဈေးဖြင့် ရောင်းချရန်၊ အသိပညာပေး ပြောကြားခဲ့ကြောင်း သိရသည်။

DOCA(ဧရာဝတီ)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ နေပြည်တော်ရုံးချုပ်မှ ပြုလုပ်သော ဝန်ထမ်းထု ဆန္ဒဖော်ထုတ်ပွဲ အခမ်းအနားကို ပုသိမ်ခရိုင် ငပုတောမြို့နယ်မှ တာဝန်ခံ ဦးဇော်မင်းဦးနှင့်ဝန်ထမ်းများ သည် (၃.၉.၂၀၂၅) ရက်နေ့ နံနက်(၁၀:၀၀) နာရီ အချိန်တွင် Zoom Meeting ဖြင့် ဝန်ထမ်းထုဆန္ဒ ဖော်ထုတ်ပွဲ အခမ်းအနားကို ပြုလုပ်ဆောင်ရွက်ခဲ့ပါသည်။

            ထိုသို့ဟောပြောရာတွင် ညွှန်ကြားရေးမှူးချုပ်မှ အဖွင့်မှာစကားပြောကြားပြီး ဝန်ထမ်းများ၏ ဝတ်စားဆင်ယင်မှုနှင့်ပတ်သက်၍လည်းကောင်း ဝန်ထမ်းတိုင်း ဝန်ထမ်းကျင်ဝတ်အပါး(၃၀) မြဲနေစေရန် လည်းကောင်းပြောကြားခဲ့ပါသည်။ ရုံးချုပ်စီမံရေးရာဌာနခွဲမှ ၈/၂၀၂၅၏အစည်းအဝေးတင်ပြချက်များအား ဖတ်ကြားပြီး ၉/၂၀၂၅၏ အစည်းအဝေးအကြိုတင်ပြချက်ကိုလည်း ဖတ်ကြားတင်ပြခဲ့ပါသည်။ ထို့နောက် တိုင်းနှင့်ပြည်နယ်များ ဖြစ်ကြသော ဦးစွာကချင်ပြည်နယ်၊ ကယားပြည်နယ်၊ ကရင်ပြည်နယ်၊ စစ်ကိုင်းတိုင်း၊ တနင်္သာရီတိုင်း၊ ပဲခူးတိုင်း၊ မကွေးတိုင်း၊ မန္တလေးတိုင်း၊ မွန်ပြည်နယ်၊ ရန်ကုန်တိုင်း၊ ရှမ်းပြည်နယ်၊ ဧရာဝတီတိုင်း၊ နေပြည်တော် အစရှိသည့်တိုင်းနှင့်ပြည်နယ် အသီးသီးမှလိုအပ်သည်များကို ဆွေးနွေး တင်ပြခဲ့ကြပါသည်။  ဌာနခွဲခေါင်းဆောင်များအလိုက်ဆုံးဖြတ်ချက်များ အတည်ပြုဆောင်ရွက်ရမည့် လုပ်ဆောင် ချက်များကို မှတ်တမ်းတင်ဆောင်ရွက်ရန် ဌာနခွဲတာဝန်ခံများက တင်ပြလာသော ဆုံးဖြတ်ချက်များအား ပြန်လည်သုံးသပ်၍ ညွှန်ကြားရေးမှူးချုပ်မှ နိဂုံးချုပ်အမှာကားပြောကြားကာ   နေပြည်တော်ရုံးချုပ်မှ ပြုလုပ် သော ဝန်ထမ်းထုဆန္ဒဖော်ထုတ်ပွဲ အခမ်းအနားကို နံနက် (၁၁:၅၀) အချိန်တွင်  ရုတ်သိမ်းခဲ့ပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင် ငပုတောမြို့နယ် တာဝန်ခံ ဦးဇော်မင်းဦးနှင့်ဝန်ထမ်းများသည် (၃.၉.၂၀၂၅)ရက်နေ့ နံနက်(၉:၃၀)အချိန်တွင် ငပုတောမြို့နယ် မြို့မဈေးတွင် ကုန်မျိုးစုံရောင်းချနေသောဆိုင်များအား စွန်ညီနောင်အမှတ်တံဆိပ် ခေါက်ဆွဲတွင် ကုန်အညွှန်းအမှတ်အသားပြည့်စုံခြင်း ရှိ/မရှိ ကွင်းဆင်းစစ်ဆေးခဲ့ပါသည်။

    ထိုသို့ကွင်းဆင်းစစ်ဆေးဆောင်ရွက်ရာတွင် ငပုတောမြို့နယ်တာဝန်ခံမှ မြို့မဈေးရှိ ကုန်မျိုးစုံ ရောင်းချနေသော ဒေါ်ခင်မာအေးကုန်စုံဆိုင်နှင့် ဒေါ်လှလှမြင့် ကုန်စုံဆိုင်တို့တွင် ရောင်းချနေသော စွန်ညီနောင်ခေါက်ဆွဲခြောက်ထုတ်များအား ကုန်အညွှန်းပြည့်စုံစွာ ဖော်ပြထားခြင်း ရှိ/မရှိ၊ စားသုံးသူဘေးအန္တရာယ်ဖြစ်စေနိုင်သော ပါဝင်ပစ္စည်းများ ရှိ/မရှိ စစ်ဆေးခဲ့ပြီး သက်ဆိုင်ရာဌာနမှ ခွင့်ပြုထားသော ကုန်အညွှန်းအမှတ်အသား ပြည့်စုံစွာ ဖော်ပြထားသည့် ခေါက်ဆွဲခြောက်များကိုသာ ဈေးကွက်အတွင်း တင်သွင်းရောင်းချကြရန် အသိပညာပေး ဆွေးနွေးခဲ့ပါသည်။

DOCA(ဧရာဝတီ)

    ပုသိမ်ခရိုင်၊ သာပေါင်းမြို့နယ်၊ စားသုံးသူရေးရာဦးစီးဌာန၊ မြို့နယ်ဦးစီးမှူးသည် ဧရာဝတီ တိုင်းဒေသကြီး မြန်မာ့ရေနံထွက် ကုန်ပစ္စည်းရောင်းဝယ်ရေးမှ တာဝန်ရှိသူများနှင့် စားသုံးသူ‌ရေးရာ ဦးစီးဌာန၊ အထွေထွေအုပ်ချုပ်ရေးဦးစီးဌာန၊ မီးသတ်ဦးစီးဌာနတို့နှင့် ပူးပေါင်း၍ လှေကြီးတက် ကျေးရွာရှိ မိဘမေတ္တာစက်သုံးဆီအရောင်းဆိုင်သို့သွားရောက်၍ ဓာတ်ဆီဈေးနှုူန်း၊ ဒီဇယ်ဈေးနှုူန်း မှန်ကန်စွာ ရောင်းချခြင်းရှိ/မရှိ၊ သတ်မှတ်ဈေးနှုန်း၊ သတ်မှတ်အလေးချိန်နှင့် ရောင်းချခြင်းရှိ/မရှိ ဌာနဆိုင်ရာများနှင့် ပူးပေါင်း၍ ‌ဈေးကွက်စောင့်ကြည့်စစ်ဆေးခဲ့ပြီးနောက် ငဝန်ကြိုကုန်းကျေးရွာအုပ်စု၊ ကွမ်းခြံကုန်းကျေးရွာရှိ ကုန်စုံဆိုင်ငယ်များ၌ ဓာတ်ဆီ၊ ဒီဇယ်ဆီ တရားမဝင်ရောင်းချသည့် ဆိုင်များအား သတိပေးမှတ်တမ်းရေးထိုးခဲ့ကြောင်း သိရှိရပါသည်။

DOCA(ဧရာဝတီ)