သတင်းနှင့် လှုပ်ရှားမှုများ

          မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူးတို့၏လမ်းညွှန်မှုဖြင့် ဂန့်ဂေါခရိုင်ဦးစီးမှူးရုံးမှ  ဒုတိယဦးစီးမှူးနှင့်ဝန်ထမ်းသည် (၆.၂.၂၀၂၅)ရက်နေ့၊ နံနက်(၁၁:၀၀)နာရီ အချိန်တွင် ကျောင်းနေအရွယ်ကလေးများ အစားအစာဘေးကင်းလုံခြုံမှုရှိစေရေး၊ ကုန်စည် နှင့်ဝန်ဆောင်မှုများကို အသုံးပြုရာတွင် နစ်နာဆုံးရှုံးမှုမရှိစေရေးနှင့် စားသုံးသူအခွင့်အရေးကိုသိရှိပြီး ရယူတောင်းဆိုတတ်စေရေး ရည်ရွယ်၍ ဂန့်ဂေါမြို့၊ မြောက်ကုန်းရပ်ကွက်၊ အခြေခံပညာအလယ်တန်းကျောင်း၌ စားသုံးသူကာကွယ်ရေးအသိပညာပေး ဟောပြောပွဲကျင်းပပြုလုပ်ခဲ့ကြောင်း သိရသည်။

             ဒုတိယဦးစီးမှူးက စားသုံးသူရေးရာဦးစီးဌာနဖြစ်ပေါ်လာပုံသမိုင်းကြောင်း၊ ဌာန၏ ရည်မှန်းချက်၊ မျှော်မှန်းချက်များအကြောင်း၊ စားသုံးသူကာကွယ်ရေးဥပဒေပါ ရည်ရွယ်ချက်များ၊ ဌာနမှ ယခုလက်ရှိ ဆောင်ရွက်နေသည့်လုပ်ငန်းများအကြောင်း၊ စားသုံးသူအခွင့်အရေးနှင့်တာဝန်များ၊ ကုန်အညွန်းအမှတ် အသားဆိုင်ရာအချက်များအား၊ ကုန်စည်နှင့်ဝန်ဆောင်မှုများ ဝယ်ယူအသုံးပြုရာတွင် စားသုံးသူနစ်နာ ဆုံးရှုံးမှုများရှိပါက တိုင်ကြားနိုင်သည့်အကြောင်းအရာ၊ တိုင်ကြားနိုင်သူများနှင့် တိုင်ကြားရမည့်နေရာများအား အသေးစိတ်ရှင်းလင်းဆွေးနွေးခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်း စာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

           မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူးတို့၏လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဝန်ထမ်းများသည် (၇.၂.၂၀၂၅)ရက်နေ့၊ နံနက်(ဝ၉:၁၅)နာရီအချိန်တွင် စားသုံးသူအခွင့်အရေးများသိရှိပြီး တောင်းဆိုတတ်စေရေးနှင့် ကုန်စည်၊ ဝန်ဆောင်မှုများ ဝယ်ယူရာတွင် နစ်နာဆုံးရှုံးမှုများ ဖြစ်ပေါ်ပါက ပြောရေးဆိုခွင့်၊ တိုင်ကြားခွင့်များ သိရှိစေရေး ရည်ရွယ်၍ ပခုက္ကူမြို့၊ အမှတ်(၁၅)ရပ်ကွက်၊ အမှတ်(၁၃၄)အခြေခံပညာမူလတန်းကျောင်း၌ စားသုံးသူကာကွယ်ရေးအသိ ပညာပေးဟောပြောပွဲ ကျင်းပပြုလုပ်ခဲ့ကြောင်း သိရသည်။

          ရေစကြိုမြို့နယ်တာဝန်ခံက စားသုံးသူရေးရာဦးစီးဌာနဖြစ်ပေါ်လာပုံသမိုင်းကြောင်း၊ ဌာန၏ ရည်မှန်းချက်၊ မျှော်မှန်းချက်များအကြောင်း၊ ဌာနမှယခုလက်ရှိဆောင်ရွက်နေသည့် လုပ်ငန်းများအကြောင်း၊ ကမ္ဘာ့စားသုံးသူအခွင့်အရေးများနေ့ ပေါ်ပေါက်လာပုံအကြောင်းကိုလည်းကောင်း၊ သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာနခွဲတာဝန်ခံက စားသုံးသူအခွင့်အရေးနှင့် တာဝန်များ၊ ကုန်စည်နှင့်ဝန်ဆောင်မှုများ ဝယ်ယူအသုံးပြုရာတွင် စားသုံးသူနစ်နာဆုံးရှုံးမှု များရှိပါက တိုင်ကြားနိုင်သည့် အကြောင်းအရာ၊ တိုင်ကြားနိုင်သူများနှင့် တိုင်ကြားရမည့်နေရာများအကြောင်းကို လည်းကောင်း၊ မူဝါဒလေ့လာရေးနှင့်စီမံကိန်းစာရင်းအင်းဌာနခွဲ(ပြည်တွင်း)မှဝန်ထမ်းက ကုန်အညွှန်း အမှတ်အသားဆိုင်ရာဖော်ပြခြင်းနှင့်အကြောင်းအရာများကိုလည်းကောင်း အသီးသီးရှင်းလင်းဆွေးနွေးခဲ့ပြီး ဟောပြောပွဲသို့တက်ရောက်သည့် ကျောင်းသား၊ ကျောင်းသူများအား စားသုံးသူကာကွယ်ရေး အသိပညာပေးဟောပြောဆွေးနွေးမှုအပေါ် မေးမြန်းမှုများဆောင်ရွက်ပြီး ပြန်လည်ဖြေကြားနိုင်သူများ အား အမှတ်တရဂုဏ်ပြုချီးမြှင့်ခြင်းများ ဆောင်ရွက်ခဲ့ပြီး စားသုံးသူကာကွယ်ရေးဆိုင်ရာ အသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

             မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ ကြီးကြပ် မှုဖြင့် ပခုက္ကူခရိုင်ဦးစီးမှူးရုံးမှ စားသုံးသူရေးရာဌာနခွဲတာဝန်ခံနှင့် ဝန်ထမ်းများသည် (၇.၂.၂၀၂၅) ရက်နေ့၊ နံနက်(၀၉:၀၀)နာရီအချိန်တွင် ပခုက္ကူမြို့၊ ဆုကြီးပန်ပညာသင်တန်းကျောင်း၌ စားသုံးသူ ကာကွယ်ရေးအသိပညာပေး ဟောပြောပွဲပြုလုပ်ခဲ့ကြောင်း သိရသည်။

             စားသုံးသူရေးရာဌာနခွဲတာဝန်ခံက စားသုံးသူရေးရာဦးစီးဌာန၏ သမိုင်းကြောင်း၊ ဌာနဖြစ်ပေါ်လာ ပုံအဆင့်ဆင့်၊ ယခုဌာနမှဆောင်ရွက်နေသည့်လုပ်ငန်းများအကြောင်း၊ ဆောင်ပုဒ်၊ မျှော်မှန်းချက်၊ ရည်မှန်းချက်များ၊ စားသုံးသူ၏အခွင့်အရေးနှင့်တာဝန်များအကြောင်းကိုလည်းကောင်း၊ ငွေစာရင်းဌာန ခွဲမှဝန်ထမ်းက စားသုံးသူကာကွယ်ရေးဥပဒေ အခန်း(၁၈)ပါ ကုန်စည်များတွင် ဖော်ပြရမည့် ကုန်အညွှန်းအမှတ်အသားအကြောင်းအား ရှင်းလင်းခဲ့ပြီး အခန်း(၁၉)ပါ တိုင်ကြားခြင်းနှင့် စိစစ်ညှိနှိုင်းဖြေရှင်း ဆောင်ရွက်ခြင်း၊ တိုင်ကြားနိုင်သည့် လူပုဂ္ဂိုလ်များ၊ နေရာနှင့်နည်းလမ်းများအကြောင်းအားလည်းကောင်း အသီးသီးရှင်းလင်းဆွေးနွေးခဲ့ပြီး ကျောင်းသား၊ ကျောင်းသူများနှင့် အပြန်အလှန် အမေးအဖြေပြုလုပ်၍ ဖြေဆိုနိုင်သူအား ဆုချီးမြှင့်ခဲ့ပြီး အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

            မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူး၏လမ်းညွှန်မှုဖြင့် ဆိပ်ဖြူ မြို့နယ်တာဝန်ခံသည် စားသုံးသူအခွင့်အရေးနှင့် အကျိုးစီးပွားတို့ကိုကာကွယ်ရန်၊ အစားအစာများ ဘေးကင်းလုံခြုံစေရန် ရည်ရွယ်၍ (၇-၂-၂၀၂၅)ရက်နေ့၊ နံနက်(၁၀:၀၀)နာရီအချိန်တွင် မြို့နယ်ပြန်ကြား ရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ကြက်ခြေနီအဖွဲ့ဝင်များနှင့်အတူ ပူးပေါင်း၍ ဆိပ်ဖြူမြို့၊ အနောက်ပိုင်းရပ်ကွက်၊ အခြေခံပညာအထက်တန်းကျောင်း၌ စားသုံးသူကာကွယ်ရေးဆိုင်ရာ အသိပညာပေးဟောပြောပွဲ ပြုလုပ်ခဲ့ကြောင်း သိရသည်။

          ဆိပ်ဖြူမြို့နယ်တာဝန်ခံက ဌာန၏သမိုင်းကြောင်း၊ မျှော်မှန်းချက်၊ ရည်မှန်းချက်များ၊ ဌာနက ဆောင်ရွက်နေသည့် လုပ်ငန်းများအကြောင်း၊ ၂၀၁၉ စားသုံးသူကာကွယ်ရေးဥပဒေပါ စားသုံးသူအခွင့် အရေးများနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊  ကုန်အညွှန်းအမှတ်အသားဆိုင်ရာ အချက်များ၊ ကုန်စည်နှင့်ဝန်ဆောင်မှုကို ဝယ်ယူသုံးစွဲရာတွင် နစ်နာဆုံးရှုံးမှုများ ဖြစ်ပေါ်လာပါက ပြောရေးဆိုခွင့်၊ တိုင်ကြားနိုင်ခွင့်၊ ပြန်လည်ကုစားနိုင်ခွင့်များနှင့် CICC ရုံးများ ဖွင့်လှစ်ထားရှိပြီးဖြစ်၍ နစ်နာသည့်စားသုံးသူများက တိုင်ကြားနိုင်ကြောင်း၊ Facebook စာမျက်နှာ၊ DOCA Myanmar Mobile Application နှင့်  Consumer Call Center (1535)တို့တွင် တိုင်ကြားနိုင်ကြောင်းတို့ကိုလည်းကောင်း၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဝန်ထမ်းက ပလတ်စတစ်သုံးစွဲမှုလျှော့ချရေး အသိပညာပေးခြင်းအကြောင်းကိုလည်းကောင်း၊ မြို့နယ်ကြက်ခြေနီအဖွဲ့မှ ဝန်ထမ်းက  ရှေးဦးသူနာပြုစု နည်းအကြောင်းကိုလည်းကောင်း အသီးသီးရှင်းလင်းဆွေးနွေးခဲ့ပြီး မြို့နယ်တာဝန်ခံမှ တက်ရောက်လာ သည့် ကျောင်းသား၊ ကျောင်းသူများအား ဟောပြောဆွေးနွေးခဲ့သည့် အကြောင်းအရာများမှ အမေးအဖြေ ပြုလုပ်ပြီး ဖြေဆိုနိုင်သည့်ကျောင်းသားကျောင်းသူများကို ဆုချီးမြှင့်ခြင်းများဆောင်ရွက်ခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

တနင်္သာရီတိုင်းဒေသကြီး၊ မြိတ်ခရိုင်တွင် စားသုံးသူကာကွယ်ရေးဆိုင်ရာ စားသုံးသူ ကာကွယ်ရေးလုပ်ငန်းများ ခိုင်မာတိုးတက်စေရေးနှင့် စားသုံးသူကာကွယ်ရေးလုပ်ငန်းများ အောင်မြင်စွာလုပ်ကိုင်နိုင်ရေးအတွက် မြိတ်ခရိုင်စားသုံးသူရေးရာဦးစီးဌာနမှ ခေတ္တခရိုင်ဦးစီး မှူးနှင့် ဝန်ထမ်းများသည် ၂၀၂၅ခုနှစ်၊ ဖေဖော်ဝါရီလ(၁၀)ရက်နေ့တွင် မြိတ်မြို့၊ ဆိပ်ငယ်ရပ်၊ မြိတ်ခရိုင်စားသုံးသူရေးရာဦးစီးဌာနတွင် စားသုံးသူကာကွယ်ရေးဆိုင်ရာအသိပညာပေး သင် တန်းဖွင့်လှစ်ကျင်းပခဲ့ပါသည်။

အဆိုပါသင်တန်းတွင် စားသုံးသူရေးရာဦးစီးဌာန၏ Vision နှင့် Mission အကြောင်း၊ စားသုံးသူအသိပညာပေးဟောပြောခြင်းဆိုင်ရာသိကောင်းစရာများအကြောင်းနှင့်  စားသုံးသူ တိုင်ကြားမှုနှင့်ဖြေရှင်းဆောင်ရွက်ရေးဆိုင်ရာကိစ္စရပ်များအကြောင်းကို ရှင်းလင်းပြောကြားခဲ့ ကြောင်းသိရှိရပါသည်။

DOCA(တနင်္သာရီ)