သတင်းနှင့် လှုပ်ရှားမှုများ

၂၀၂၅ခုနှစ်၊ ဖေဖော်ဝါရီလ(၁၃)ရက်နေ့၊ နံနက်(၁၀း၃၀)အချိန်တွင် မြိတ်ခရိုင်စားသုံး သူရေးရာဦးစီးဌာနမှဦးဆောင်၍ မြိတ်မြို့တွင်ရောင်းချလျက်ရှိသော ဆန်အရောင်းဆိုင်များ အား ကုန်စျေးနှုန်းတည်ငြိမ်ရေးအဖွဲ့ဝင်များဖြစ်သော အထူးစုံစမ်းစစ်ဆေးရေးဦးစီးဌာန၊ မြို့ နယ်ကျေးလက်ဖွံ့ဖြိုးရေးဦးစီးဌာန၊ ဗဟိုစာရင်းအင်းအဖွဲ့ စသောဌာနများဖြင့် ကွင်းဆင်း စစ်ဆေးခြင်းဆောင်ရွက်ခဲ့ပါသည်။

ကွင်းဆင်းစစ်ဆေးရာတွင် ဒေသတွင်း စျေးနှုန်းမှန်ကန်စွာရောင်းချမှုရှိစေရေး၊ အလေး ချိန်မှန်ကန်စွာရောင်းချမှုရှိစေရေး၊ စျေးကစားရန် ရည်ရွယ်ချက်ဖြင့် သိုလှောင်မှုမရှိစေရေးနှင့် ဖြစ်သင့်ဖြစ်ထိုက်သောစျေးနှုန်းများဖြင့် ရောင်းချမှုရှိစေရေး ကွင်းဆင်းစစ်ဆေးခြင်းဆောင် ရွက်ခဲ့ကြောင်း သတင်းရရှိပါသည်။

DOCA(တနင်္သာရီ)

          (၇၈)ကြိမ်မြောက် ပြည်ထောင်စုနေ့အထိမ်းအမှတ်အား ကြိုဆိုသောအားအားဖြင့် (၁၁.၂.၂၀၂၅) ရက်နေ့တွင် ဧရာဝတီတိုင်းဒေသကြီး၊ ပုသိမ်မြို့ရှိ ဧရာဝတီတိုင်းဒေသကြီး အစိုးရရုံးအဖွဲ့အရှေ့တွင်ရှိသော လွတ်လပ်ရေး ကျောက်တိုင်အားကစားကွင်းတွင် MSME ထုတ်ကုန် ပြပွဲနှင့် ပြိုင်ပွဲ၊ သစ်သီးဝလံ ပန်းမန် များ ပြပွဲ နှင့် ပြိုင်ပွဲ တို့အား ကျင်းပခဲ့ရာ အခမ်း အနားသို့ တိုင်းဒေသကြီး ဝန်ကြီးချုပ် ဦးတင်မောင်ဝင်း နှင့် ဇနီး၊ အစိုးရအဖွဲ့ဝင် ဝန်ကြီးများ နှင့်ဇနီးများ၊ တိုင်း/ခရိုင်/မြို့နယ် များရှိ ဌာနဆိုင်ရာများ တက်ရောက်ခဲ့ကြပါသည်။ အဆိုပါ ပြပွဲပြိုင်ပွဲတွင် (၁၁.၂.၂၀၂၅ ရက်နေ့မှ ၁၄.၂.၂၀၂၅ရက်နေ့အထိ) ဌာနဆိုင်ရာမျာဆောင်ရွက် ချက်များအားပြခန်းများဖြင့် ပြသခြင်း၊ ခရိုင်အလိုက်ထွက်ရှိသည့် ဒေသထွက်ကုန်များအား ရောင်းချခြင်းများကို ဆောင်ရွက်ခဲ့ရာ စားသုံးသူရေးရာဦးစီးဌာနအနေဖြင့် စားသုံးသူ ကာကွယ် ရေး ဆောင်ရွက်ချက်များ၊ ဌာန၏ လုပ်ငန်းစဉ်များ နှင့် ကုန်အညွှန်းအမှတ်အသား ဖော်ပြထား သော ဒေသထွက်ကုန်ပစ္စည်းများအား ပြခန်းဖြင့် ပြသခဲ့ကြောင်း သိရှိရပါသည်။

DOCA(ဧရာဝတီ)

          (၁၁.၂.၂၀၂၅) ရက်နေ့တွင် နံနက်(၇:၀၀) အချိန်ခန့်၌ ဧရာဝတီတိုင်းဒေသကြီး၊ မအူပင်ခရိုင် စားသုံးသူရေးရာ ဦးစီးဌာနမှ တာဝန်ရှိသူ မအူပင်ခရိုင်ဦးစီးမှူး ဦးဇော်မင်းသည် ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်၊ အမှတ်(၄)ရပ်ကွက်၊ ဧရာဝတီမြစ်ကမ်း နဘေးတွင် ဖွင့်လှစ်မည့် River View အပန်းဖြေနေရာအား မအူပင်ခရိုင် အုပ်ချုပ်ရေးမှူး၊ ဓနုဖြူမြို့နယ်အုပ်ချုပ်ရေးမှူး၊ လူဝင်မှုကြီးကြပ်ရေးဦးစီးဌာန၊ ငါးလုပ်ငန်းဦးစီးဌာန၊ ကျေးလက် ဒေသဖွံ့ဖြိုးတိုးတက်ရေး ဦးစီးဌာန၊ ကျေးလက်လမ်း ဖွံ့ဖြိုးရေးဦးစီးဌာန၊ ကျေးလက်ဒေသဖွံ့ဖြိုး တိုးတက်ရေးဦးစီးဌာန၊ လျှပ်စစ်စွမ်းအားစီမံရေး ဦးစီးဌာနတို့ဖြင့် ပူးပေါင်း၍ ကွင်းဆင်း စစ်ဆေး မှုများ ဆောင်ရွက်ခဲ့ပါသည်။ ထို့နောက် နံနက်(၉:၀၀) နာရီအချိန်ခန့်တွင် River View အပန်းဖြေ နေရာဖွင့်လှစ်ပွဲ အခမ်းအနားအား ဆက်လက်ကျင်းပခဲ့ပြီးအခမ်းအနားသို့ ဓနုဖြူမြို့နယ်ရှိ ရပ်မိရပ်ဖများ၊ မြို့မိမြို့ဖများ နှင့် အလျှူရှင်များ တက်ရောက်ခဲ့ကြကြောင်း သတင်း ရရှိပါသည်။

DOCA(ဧရာဝတီ)

            ၁၂.၂.၂၀၂၅ ရက်နေ့ နံနက် (၅:၃၀) အချိန်တွင် မွန်ပြည်နယ်၊ ဘီးလင်းမြို့နယ်အထွေထွေ အုပ်ချုပ်ရေးဦးစီးဌာနရုံး၌ ကျင်းပပြုလုပ်သော (၇၈) နှစ်မြောက် ပြည်ထောင်စုနေ့ အထိမ်း အမှတ်နိုင်ငံတော်အလံလွှင့်တင်အလေးပြုခြင်းနှင့် ပြည်ထောင်စုနေ့သဝဏ်လွှာဖတ်ပွဲ အခမ်းအနားသို့ ဘီးလင်းမြို့နယ်တာဝန်ခံ ဦးစီးမှူး ဒေါ်ဇင်ဖြူဝင်း တက်ရောက်ခဲ့ကြောင်းသိရသည်။

            ပထမဦးစွာ မြန်မာနိုင်ငံရဲတပ်ဖွဲ့မှ ဦးဆောင်၍ တက်ရောက်လာကြသော ဌာနဆိုင်ရာ ဝန်ထမ်းများနှင့်အဖွဲ့အစည်းများက နိုင်ငံတော်အလံအား အလေးပြုဂုဏ်ပြုခဲ့ကြသည်။ ဆက်လက်၍ (၇၈) နှစ်မြောက် ပြည်ထောင်စုနေ့အထိမ်းအမှတ် သဝဏ်လွှာဖတ်ပွဲကို နံနက် (၇) နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ဆက်လက် ကျင်းပပြုလုပ်ရာ ပြည်ထောင်စုသမ္မတမြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီ ဥက္ကဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ၊ သတိုးသီရိသုဓမ္မ မင်းအောင်လှိုင်မှ ပေးပို့သော (၇၈) နှစ်မြောက် ပြည်ထောင်စုနေ့ အခမ်းအနားသဝဏ်လွှာကို မြို့နယ်စီမံအုပ်ချုပ်ရေးအဖွဲ့ဥက္ကဌ အုပ်ချုပ်ရေးမှူး ဦးစည်သူအောင်မှ ဖတ်ကြားခဲ့ကြသည်။ ထို့နောက် ၂၀၂၄ ခုနှစ် အမျိုးသားအားကစားပွဲတော်တွင် မွန်ပြည်နယ်ကိုယ်စားပြု အမျိုးသမီးပိုက်ကျော်ခြင်းပြိုင်ပွဲတွင် ပထမဆုရရှိသူ မသဇင်မိုးအား မြို့နယ်အုပ်ချုပ်ရေးမှူး ဦးစည်သူအောင်မှ ဂုဏ်ပြုဆုငွေများကို ပေးအပ်ချီးမြှင့်ခဲ့ကြောင်း သိရှိရပါသည်။

DOCA(မွန်)

ဒါးကရွာကလေးကတော့ ဧရာဝတီတိုင်းဒေသကြီး၊ ပုသိမ်ခရိုင်၊ ကန်ကြီးထောင့်မြို့နယ် ထဲက ရွာကလေးတစ်ရွာဖြစ်ပါတယ်။ အခုဆိုရင်တော့ ဒါးကရွာကလေးဟာ မြို့ငယ်ကလေး အဖြစ် စည်ကားနေသောကြောင့် အများကတော့ ဒါးကမြို့လို့ ခေါ်တွင်နေပြီ ဖြစ်ပါတယ်။  လွန်ခဲ့သော နှစ်ပေါင်း(၆၀)ကျော်လောက်က ဒါးကရွာတွင် နေထိုင်သော “ဒေါ်စာမ” ဆိုသည့် အမျိုးသမီးကြီး တစ်ဦးသည် ပုသိမ် နှင့် ဟင်္သာတ သို့ သွား သည့် ရထားတွဲပေါ်တွင် ကိုယ်တိုင်ပြုလုပ်ထားသည့် ဝက်အူချောင်းများ စတင်ရောင်းချ ခဲ့ရာ စားသုံးသူများက “ဒေါ်စာမ ဒေါ်စာမ လာပါဦး”ဟုခေါ်၍ ဝယ်ယူခဲ့ကြသဖြင့် ဒေါ်စာမ ဝက်အူချောင်းဟူ၍ အမည်တွင်ခဲ့ခြင်း ဖြစ်တယ်လို့လဲ သိရှိရပါ တယ်။

ဒေါ်စာမ လက်ထက်တွင် တစ်နိုင်တစ်ပိုင်တစ်နိုင် ရောင်းချလာခဲ့တဲ့ ဝက်အူချောင်းကို ဒေါ်စာမ၏သား ဦးတင်ဦး လက်ထက်တွင် ဒါးကရွာ၌ အလုပ်ရုံတစ်ခု ဖွင့်လှစ်ပြီး ရောင်းချနိုင် သည့်အထိ အောင်မြင်နေခဲ့ပါတယ်။ ယခုဆိုလျှင် ဒါးကရွာကလေးကို ဒေါ်စာမ ဝက်အူချောင်း ဖြင့် ယှဉ်တွဲပြီးမြင်လာကြပြီဖြစ်သလို ဧရာဝတီ တိုင်း အတွင်းသို့ လာရောက်လည်ပတ်ကြသူများ ကလည်း အိမ်ပြန်လက်ဆောင်အနေဖြင့် “ဒေါ်စာမဝက်အူချောင်း” များကို ဝယ်ယူလေ့ရှိကြပါ တယ်။ အခုဆိုရင် “ဒေါ်စာမဝက်အူချောင်း” ဟာ ဒါးကမြို့ငယ်လေးရဲ့ အမှတ်တံဆိပ်လို့ တောင် ဖြစ်နေပါပြီ။

ဒေါ်စာမဝက်အူချောင်း နာမည်ကျော်ကြားရခြင်း၏ လျှို့ဝှက်ချက်မှာ တာရှည်ခံ ယမ်းစိမ်း များ ထည့်သွင်း ထားခြင်း မရှိသည့်အတွက်  ဝက်အူချောင်းကို စားလိုက်သည့်အခါ ဝက်သားရဲ့ အရသာကို ပြည့်ပြည့်ဝဝခံစားရစေတဲ့အတွက် နာမည်ကျော်ကြားရခြင်း ဖြစ်တယ်လို့လည်း သိရှိ ရပါတယ်။ ဒေါ်စာမဝက်အူချောင်း ပြုလုပ်နည်းကတော့ ပထမဦးစွာ ဝက်သားများကို သန့်စင် ပြီး ဆလင်ဒါထဲထည့်၍ ချေပေးရပါသည်။ ဒုတိယအဆင့်အနေဖြင့် ရခါတဲ့ ချေပြီးသား ဝက်သား များကို ဝက်အူချောင်းအလုံးလေးတွေဖြစ်အောင် အစာသွပ်၍ အတွဲလိုက်လေးများ ဖြစ်အောင် ချည်နှောင်ရပါတယ်။ တတိယအဆင့်အနေဖြင့် အဆိုပါဝက်အူချောင်း အတွဲလိုက်များကို (၂၅) မိနစ်ခန့်ကင်ပြီးပါက အဆင်သင့်စားသုံးနိုင်သော ဝက်အူချောင်းအဆင့်သို့ ရောက်ရှိနေပြီ ဖြစ် ကြောင်း သိရှိရပါတယ်။

ယခုဆိုလျှင် ဒါးကရွာကလေးတွင် အခြားသော ဝက်အူချောင်းထုတ်လုပ်သည့် တစ်ပိုင် တစ်နိုင် လုပ်ငန်းလုပ်ကိုင်သူ အများအပြားလည်း ရှိလာနေပြီဖြစ်ပါတယ်။ “ဒေါ်စာမ ဝက်အူ ချောင်း” ပင်ရင်းဆိုင်ကတော့  ရန်ကုန်-ပုသိမ် ကားလမ်းမပေါ်က ဒါးကမြို့ ဈေးထိပ်တွင် ဖွင့်လှစ် ထားပြီး ပုသိမ်မြို့အတွင်း ဈေးကြီးများတွင်လည်း ဝယ်ယူရရှိနိုင်ကြောင်းသိရှိရပါတယ်။ ရန်ကုန် မှာ ဆိုရင်တော့ လှည်းတန်းဗဟိုလမ်းပေါ် နှင့် စမ်းချောင်းမြို့နယ် များတွင်လည်း ဝယ်ယူရရှိ နိုင် ကြောင်း သိရှိရပါတယ်။

DOCA(ဧရာဝတီ)