သတင်းနှင့် လှုပ်ရှားမှုများ

အွန်လိုင်းစနစ်ဖြင့်ရောင်းဝယ်ခြင်းလုပ်ငန်းကို အရေးကြီးဝန်ဆောင်မှုအဖြစ် စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနမှ အမိန့်ကြော်ငြာစာအမှတ် (၅၀/၂၀၂၃)ဖြင့် သတ်မှတ် ကြေညာခဲ့ပြီး ဖြစ်ပါသည်။ ထို့ကြောင့် Online Sales လုပ်ငန်းများအနေဖြင့် လုပ်ငန်းမှတ်ပုံတင်ခြင်း ကို www.ecomreg.gov.mm မှ တစ်ဆင့်ဝင်ရောက် လျှောက်ထားနိုင်ကြပြီး အဆိုပါလုပ်ငန်း များမှ လျောက်ထားလာသည့် လုပ်ငန်းဆိုင်ရာ အချက်အလက်များမှာ မှန်ကန်မှု ရှိ/ မရှိ ကို စားသုံးသူရေးရာဦးစီးဌာနမှ မြေပြင်ကွင်းဆင်းစစ်ဆေးမှုများ ဆောင်ရွက်လျက်ရှိပါသည်။

(၁၄.၂.၂၀၂၅) ရက်နေ့တွင် ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ် ခရိုင်ဦးစီးမှူး ရုံးမှ စစ်ဆေးရေးအရာရှိ ဦးအောင်ဇော်ဦး သည် မအူပင်မြို့နယ်ရှိ Panda Lay အွန်လိုင်းဖြင့် ရောင်းချသည့် အရောင်းဆိုင်သို့ သွားရောက်၍ Online Sales ဆောင်ရွက်ခြင်းအတွက် လိုအပ်သောအချက်အလက် များကို မြေပြင်ကွင်းဆင်း စစ်ဆေးမှုများ ဆောင်ရွက်ခဲ့ပါသည်။ စစ်ဆေးရေးအရာရှိသည် မြေပြင်ကွင်းဆင်း စစ်ဆေး တွေ့ရှိချက်များကို Online Sales application တွင် ဖြည့်သွင်းပေးပို့ခဲ့ပြီး အဆိုပါစစ်ဆေး ချက်များကို ကုန်သွယ်ရေးဦးစီးဌာနမှ ဆက်လက်စိစစ်ပေး ပြီးပါက Online Sales လုပ်ငန်းမှတ်ပုံတင်လက်မှတ် ထုတ်ပေး ခြင်း(သို့)ပယ်ဖျက်ခြင်း တို့ကို ဆက်လက်ဆောင်ရွက် သွားမည်ဖြစ်ကြောင်းသိရှိရပါသည်။

DOCA(ဧရာဝတီ)

            ရန်ကုန်တိုင်းဒသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ ညွှန်ကြား ချက်အရ ရန်ကုန်တိုင်းဒေသကြီး၊ သင်္ဃန်းကျွန်းခရိုင်၊ တောင်ဥက္ကလာပမြို့နယ်၊ အမှတ် (၁၂၃) မင်္ဂလာလမ်း၊ (၁၃)ရက်ကွက်ရှိ ဟိန်းနဒီ Online   ရောင်းဝယ်ရေးလုပ်ငန်း သို့ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ ဒုတိယညွှန်ကြားရေးမှူး၊ ဦးတင်မိုးအောင်၊ သင်္ဃန်းကျွန်းခရိုင် တရားမဝင်ကုန်သွယ်မှုတိုက်ဖျက်ရေးအထူးအဖွဲ့ ခေါင်းဆောင် ခရိုင်ရဲတပ်ဖွဲ့မှူးဒုတိယရဲမှူးကြီး လှသိန်း+၅ ၊   အရှေ့ပိုင်းခရိုင်စားသုံးသူရေး ရာဦးစီးဌာနမှ ခရိုင်မှူးဦးလှစိုး+၁၊     မြောက်ပိုင်းခရိုင် စားသုံးသူရေးရာဦးစီးဌာနမှ ခရိုင်မှူး ဦးအောင်တင်စိုး + ၁ ၊  အကောက်ခွန်ဦးစီးဌာနမှ ဒု-အကောက်ခွန်မှူး ဦးဝင်းဇော် (၅)+၁၊  မြို့နယ်အထွေထွေအုပ်ချုပ်ဦးစီးဌာနမှ ဒု-ဦးစီးမှူး ဒေါ်မိုးအိစံ + ၁ ၊ (၁၃) ရပ်ကွက်ဥက္ကဌ ဦးသန်းလိူင်တို့ပါဝင်လျက် ဖော်ပြပါလိပ်စာနေရာသို့ (၁၁.၂.၂၀၂၅)ရက်နေ့၊ ညနေ( ၁၅း၀၀)  အချိန်တွင် သွားရောက်စစ်ဆေးခဲ့ကြောင်းသိရှိရပါသည်။

         စစ်ဆေးတွေ့ရှိချက်များအရ ဖော်ပြပါနေအိမ်အတွင်း ဘေထုပ်အဝတ်အထည်မျိုးစုံ (40kg)၊  ထုပ်များကို စစ်ဆေးတွေ့ရှိရပြီး အဆိုပါဘေထုပ်များမှာ တရားဝင်တင်သွင်းထား ခြင်းမဟုတ်ကြောင်း သက်ဆိုင်ရာအကောက်ခွန်ဦးစီးဌာနမှ စစ်ဆေးတွေ့ရှိခဲ့သောကြောင့် တရားမဝင်ကုန်ပစ္စည်းများအဖြစ် သိမ်းဆည်း၍ အကောက်ခွန်ဦးစီးဌာန၏ လုပ်ထုပ်လုပ်နည်းများနှင့်အညီ ဆက်လက်ဆောင်ရွက်သွားမည်ဖြစ်ပါကြောင်း သိရှိရပါသည်။

DOCA(ရန်ကုန်)

            ၁၁.၂.၂၀၂၅ ရက်နေ့တွင် သင်္ဃန်းကျွန်းခရိုင် အထွေထွေအုပ်ချုပ်ရေးဦးစီးမှူးရုံး၌ ဌာနပေါင်းစုံလုပ််ငန်းညှိနှိုင်းအစည်းအဝေး (၂/၂၀၂၅) သို့ စားသုံးသူရေးရာဦးစီးဌာန အရှေ့ ပိုင်းခရိုင်ဦးစီးမှူးရုံမှ ဒေါ်အေးအေးနွယ်(ဦးစီးအရာရှိ)မှ အစည်းအဝေးပွဲတက် ရောက်ခဲ့ကြောင်းသိရှိ ရပါသည်။

           အစည်းအဝေးပွဲတွင် ဘာသာရေးဆိုင်ရာကိစ္စရပ်များ၊ ပြည်ထောင်စုနေ့အခမ်းအနား ကျင်းပဆောင်ရွက်မည့်ကိစ္စရပ်များ၊ လုံခြုံရေးဆိုင်ရာကိစ္စရပ်များနှင့် လစဉ်ဆောင်ရွက် လျှက်ရှိသော လုပ်ငန်းဆောင်တာ ကိစ္စရပ်အပါအဝင် မြို့နယ်အတွင်း ဖွင့်လှစ်ရောင်းချ လျှက်ရှိသော စားအုန်းဆီ ခွဲတမ်းများ ရောင်းချမှုအခြေအနေနှင့် City Mark ရှိဆန်များနှင့် ရက်ကွက်/ဈေးများရှိ ဆန်ဆိုင်များမှ အများပြည် သူများထံ သင့်တင့်မျှတသည့် ဆန်ဈေးနှုန်းအတိုင်း ရောင်းချနိုင်ရန် ကြပ်မတ်ဆောင်ရွက်နိုင်ရေး ကိစ္စရပ်များအားဆွေးနွေးခဲ့ကြ ကြောင်း သက်ဆိုင်ရာဌာနများမှ တာဝန်ရှိသူများနှင့် ဆီကိုယ်စားလှယ်များမှ အပြန်အလှန်ဆွေးနွေးပေးခဲ့ကြကြောင်း သိရှိရပါသည်။

DOCA(ရန်ုကုန်)

               ၁၀.၂.၂၀၂၅ ရက်နေ့တွင် ဗိုလ်တထောင်ခရိုင် အထွေထွေအုပ်ချုပ်ရေးဦးစီးမှူးရုံး၌ ဌာန ပေါင်းစုံလုပ်ငန်းညှိနှိုင်းအစည်းအဝေး (၂/၂၀၂၅) သို့ စားသုံးသူရေးရာဦးစီးဌာန အရှေ့ပိုင်းခရိုင် ဦးစီးမှူးရုံမှ ဦးဝင်းနိုင်(ဦးစီးအရာရှိ)မှ အစည်းအဝေးပွဲတက် ရောက်ခဲ့ကြောင်းသိရှိရပါသည်။

            အစည်းအဝေးပွဲတွင် ဘာသာရေးဆိုင်ရာကိစ္စရပ်များ၊ ပြည်ထောင်စုနေ့အခမ်းအနား ကျင်းပဆောင်ရွက်မည့်ကိစ္စရပ်များ၊ လုံခြုံရေးဆိုင်ရာကိစ္စရပ်များနှင့် လစဉ်ဆောင်ရွက် လျှက်ရှိသော လုပ်ငန်းဆောင်တာကိစ္စရပ်အပါအဝင် မြို့နယ်အတွင်း ဖွင့်လှစ်ရောင်းချ လျှက်ရှိသော City Mark ရှိဆန်များနှင့် ရက်ကွက်/ဈေးများရှိ ဆန်ဆိုင်များမှ အများပြည် သူများထံ သင့်တင့်မျှတသည့် ဆန်ဈေးနှုန်းအတိုင်းရောင်းချနိုင်ရန် ကြပ်မတ်ဆောင်ရွက်နိုင်ရေးကိစ္စရပ်များအား ဆွေးနွေးခဲ့ကြကြောင်း သက်ဆိုင်ရာဌာနများမှ ဆွေးနွေးပေးခဲ့ကြကြောင်း သိရှိရပါသည်။

DOCA(ရန်ကုန်)

             ၂၀၂၅ ခုနှစ် ဖေဖော်ဝါရီလ ၁၀ ရက်နေ့ တွင် ခရိုင်ကျန်းမာရေးဦးစီးဌာန၊ ခရိုင်စားသုံးသူရေးရာဦးစီးဌာန၊ မြို့နယ်အထွေထွေအုပ်ချူပ်ရေးဦးစီးဌာန၊ မြို့နယ်စည်ပင်သာယာရေးအ၊ မြို့ နယ်တိုင်းရင်းဆေးပညာဦးစီးဌာန တို့ပူးပေါင်းအဖွဲ့တို့သည် ကော့သောင်းမြို့ပေါ်ရှိ တိုင်းရင်းဆေး ဝါးအရောင်းဆိုင်(၇)ဆိုင်တို့အား တိုင်းရင်းဆေးပညာဦးစီးဌာနမှ ထုတ်ပြန်ကြေငြာထားသော တိုင်းရင်းဆေးဝါးများ ရောင်းချခြင်းရှိ/ မရှိ သက်တမ်းလွန်ဆေးဝါးများရောင်းချခြင်းရှိ/ မရှိတို့အား ကွင်းဆင်းစစ်ဆေးခြင်းနှင့် ဆေးဆိုင်လုပ်ငန်းရှင်များအား တရားဝင်မှတ်ပုံတင်ထားသည့် ဆေးဝါးများကိုသာ ရောင်းချစေရေး အသိပညာပေးဆွေးနွေးခဲ့ကြောင်းသိရှိရပါသည်။

DOCA(တနင်္သာရီ)