စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄) ဦးတို့သည် (၄.၁၂.၂၀၂၅) ရက်နေ့ နံနက်(၁၁:၄၀)နာရီအချိန်တွင် အမှတ်(၂၄၆)၊ မက္ခရာမင်းသားကြီး မောင်ပျိုလမ်း၊ စက်မှုဇုန်(၂)၊ လှိုင်သာယာမြို့နယ်ရှိ Ocean Super Center သို့ သွားရောက်၍ အမှတ်တံဆိပ်ပါ စားသုံးဆီအမျိုးမျိုးတွင် ကုန်အညွှန်းအမှတ်အသားပြည့်ခြင်းရှိ/ မရှိ ဈေးကွက်စောင့်ကြည့် ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ရာတွင် Ocean Super Center မှာ တာဝန်ခံ ဦးမျိုးခိုင်ဦးမှ ပူးပေါင်းပါဝင် လျက် ရောင်းချနေသော အမှတ်တံဆိပ်ပါ စားသုံးဆီအမျိုးမျိုးတို့မှာ ဧရာတီ၊ နှစ်သက်၊ စံတော်ဝင်၊ ရွှေ၊ ငွေသဇင်မင်း၊ သူကြီးကတော်၊ ရန်ကုန်၊ ရွှေအုံ၊ Meizan အမှတ်တံဆိပ်တို့တွင် ဖော်ပြရမည့် ကုန်အညွှန်းအမှတ်အသားများဖြစ်သော အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ပိဿာ/ကျပ်သားတို့ကို မြန်မာဘာသာဖြင့် ဖော်ပြထားကြောင်း စစ်ဆေးတွေ့ရှိရပြီး သက်ဆိုင်ရာဌာနများ၏ ထောက်ခံချက်များလည်းပါရှိကြောင်း သိရှိရပါသည်။
DOCA (ရန်ကုန်)