ညောင်တုန်းမြို့နယ်အတွင်းရှိ ဆေးဆိုင်များအား ကွင်းဆင်းစစ်ဆေးခြင်း
ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်အတွင်းရှိ ဆေးအရောင်းဆိုင်များ သတ်မှတ်စည်းမျဉ်စည်းကမ်းချက်များနှင့် ညီ/မညီ ကျန်းမာရေးဝန်ကြီးဌာနက သတ်မှတ်ချက်များ အတိုင်း ရောင်းချခြင်း ရှိ/မရှိ ကွင်းဆင်းစစ်ဆေးခြင်းလုပ်ငန်းကို ၁၀.၂.၂၀၂၅ ရက်နေ့ နံနက် (၁၀၀၀)နာရီက ကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။
ထိုသို့ကွင်းဆင်းစစ်ဆေးရာတွင် ဒုတိယမြို့နယ်အုပ်ချုပ်ရေးမှူး နှင့် မြို့နယ်စီမံအုပ်ချုပ်ရေး အဖွဲ့ဝင်များ၊ မြို့နယ်ပြည်သူ့ကျန်းမာရေးဦးစီးဌာနမှူး နှင့် တာဝန်ရှိသူများ ပူးပေါင်း၍ ညောင်တုန်း မြို့နယ် (၄)ရပ်ကွက်၊ (၅)ရပ်ကွက်၊ (၇)ရပ်ကွက်ရှိ စျေးတန်းနှင့် ရပ်ကွက်အတွင်းရှိ ဦးမြင်ဆွေ ဆေးဆိုင်၊ မိဘမေတ္တာဆေးဆိုင်၊ ဦးထွန်းဝေဆေးဆိုင်၊ အိမ်သုံးဆေး အရောင်းဆိုင်များတို့အား ကျန်းမာရေးဝန်ကြီးဌာန၏ ညွှန်ကြားချက်များအတိုင်း ရောင်းချခြင်း ရှိ/မရှိ၊ ပြဌာန်းထားသည့် ဥပဒေ၊ နည်းဥပဒေ ညွှန်ကြားချက်များအားလိုက်နာမှု ရှိ/မရှိကို ပုံမှန်စစ်ဆေးခြင်း၊ ဈေးကွက် အတွင်း ဆေးဝါးများ ဈေးနှုန်းမြှင့်တင်ရောင်းချခြင်း နှင့် ဈေးကစားရန်ရဉ်ရွယ်၍ သိုလှောင်ထားခြင်း ရှိ/မရှိကို စစ်ဆေးခြင်း၊ တားမြစ်ဆေးများ၊ မူးယစ်ဆေးအုပ်စုဝင်ဆေးများ၊ ခွင့်ပြုချက်မရှိသည့် ကြီးကြပ်ကန့်သတ်ဆေးဝါးများ၊ ထိန်းချုပ်ဆေးဝါးများ၊ သက်တမ်းလွန်ဆေးဝါးမျာ၊ ဆေးဝါးအတု များ၊ ဆေးဝါးမှတ်ပုံတင်မရှိသည့် ဆေးဝါးများ၊ သုံးစွဲရန်မသင့်သည့် ဆေးဝါးများ ဝယ်ယူတင် သွင်းခြင်း ရောင်းချခြင်း ရှိ/မရှိကို ကွင်းဆင်းစစ်ဆေးခြင်းများဆောင်ရွက်ခဲ့ကြပြီး တွေ့ရှိပါက အရေးကြီးကုန်စည် ဝန်ဆောင်မှု ဥပဒေအရလည်းကောင်း၊ အမျိုးသားဆေးဝါးဉပဒေပါ ပြဋ္ဌာန်းချက် များအရ အရေးယူအပြစ်ပေးခံရနိုင်သည့် အခြေအနေများကို အသိပညာပေး ဆွေးနွေးပြီး လိုအပ်သည်များကို လမ်းညွှန်မှာကြားခဲ့ကြောင်းသိရသည်။
DOCA (ဧရာဝတီ)
ထိုသို့ဆောင်ရွက်ရာတွင်မုံရွာမြို့ပေါ်ရှိ ဆေးရုံ၊ ဆေးနှင့် ဆေးပစ္စည်းအရောင်းများတွင် ကျန်းမာ ရေးအထောက် အကူပြုပစ္စည်းများ၊ ဆေးဝါးများ ဈေးကွက်အတွင်း ဈေးနှုန်းမြှင့်တင်ဖြန့်ဖြူးခြင်း သို့မဟုတ် ဈေးကစားရန်ရည်ရွယ်ချက်ဖြင့် သိုလှောင်ထားခြင်းရှိ/မရှိ ကွင်းဆင်းစစ်ဆေးခဲ့ပြီး၊ ဆိုင်ပိုင်ရှင်များအား သိုလှောင်းထားခြင်းရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွား ရွက် သွားမည်ဖြစ်ကြောင်း၊ စီးပွားရေးလုပ်ငန်းရှင်၏ တာဝန်များနှင့် ကုန်အညွှန်းအမှတ်အသားပြည့်စုံမှုမရှိသော ဆေးနှင့်ဆေးပစ္စည်းများအား တင်သွင်းရောင်းချ ရမည်ဖြစ် ကြောင်း၊ ကောင်းမွန်သောဆေးဝါး ရောင်းချမှုကျင့်စဉ်၊ ကောင်းမွန်သောဆေးဝါး သိုလှောင်မှုကျင့်စဉ်များနှင့် ထားသိုရောင်းချရမည်ဖြစ် ကြောင်း၊ စံမညီဆေးဝါးများ ရောင်းချခြင်း မပြုကြရန်ပြောကြားခဲ့ပြီး လက်ကမ်းစာစောင်များပေးဝေခဲ့ကြောင်း သတင်းရရှိပါသည်။
