သတင်းနှင့် လှုပ်ရှားမှုများ

(၇၈)နှစ်မြောက် ပြည်ထောင်စုနေ့အထိမ်းအမှတ် MSMEs၊ သစ်သီးဝလံနှင့်ပြခန်းများပြပွဲပြိုင်ပွဲ  ဖွင့်ပွဲအခမ်းအနားကို ယမန်နေ့ ညနေပိုင်းက ပုသိမ်မြို့၊ ကျောက်တိုင်အားကစားကွင်း တွင်ပြုလုပ်ခဲ့ရာ တိုင်းဒေသကြီး ဝန်ကြီးချုပ်ဦးတင်မောင်ဝင်းနှင့်ဇနီး၊  အစိုးရအဖွဲ့ဝင်ဝန်ကြီး များနှင့်ဇနီးများ၊  ဌာနဆိုင်ရာများနှင့် ပြခန်းတာဝန်ခံများတက်ရောက်ခဲ့ကြသည်။ဦးစွာ (၇၈)နှစ်မြောက် ပြည်ထောင်စုနေ့အထိမ်းအမှတ် ပြခန်းများအား  တိုင်းဒေသကြီးဝန်ကြီးချုပ်၊ လုံခြုံရေးနှင့်နယ်စပ်ရေးရာဝန်ကြီး၊ သယံဇာတရေးရာဝန်ကြီး တို့က ဖဲကြိုးဖြတ်ဖွင့်လှစ်ပေးပြီး ဘင်ခရာအဖွဲ့နှင့် ဖျော်ဖြေရေးအကအဖွဲ့များကို ဂုဏ်ပြုချီးမြှင့်ငွေများ ချီးမြှင့်ခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့် ဧည့်သည်တော်များသည်  စိုက်ပျိုးရေးဦးစီးဌာနပြခန်း၊  ဆည်မြောင်း နှင့်ရေအသုံးချမှုစီမံခန့်ခွဲရေးဦးစီးဌာနပြခန်း၊ မွေးမြူရေးနှင့်ကုသရေးဦးစီးဌာနပြခန်း၊ ငါးလုပ်ငန်းဦးစီးဌာနပြခန်း၊ ဆောက်လုပ်ရေးဝန်ကြီးဌာနပြခန်း၊ ယာဉ်အန္တရာယ်၊ လမ်းအန္တရာယ် ကင်းရှင်းရေးကောင်စီပြခန်း၊ ပို့ဆောင်ရေးနှင့်ဆက်သွယ်ရေးဝန်ကြီးဌာနပြခန်း၊ တိုင်းဒေသကြီးပညာရေးမှူးရုံးပြခန်း၊ ပုသိမ်ပညာရေး ဒီဂရီကောလိပ်ပြခန်း၊ ပုသိမ်တက္ကသိုလ်ပြခန်း၊ နည်းပညာတက္ကသိုလ်(ပုသိမ်)၊ ကွန်ပျူတာတက္ကသိုလ် (ပုသိမ်)၊ အစိုးရနည်းပညာအထက်တန်းကျောင်း (ပုသိမ်)၊ စက်မှုလယ်ယာဦးစီးဌာနပြခန်း အစရှိသည့် ဌာနဆိုင်ရာပြခန်းများနှင့် ကုမ္ပဏီများမှပြသထားသည့် သဘာဝမြေဩဇာ၊ ဇီဝမြေဩဇာပြခန်းများနှင့် စိုက်ပျိုးမွေးမြူရေးဆိုင်ရာပြခန်းများအား လှည့်လည်ကြည့်ရှုအားပေးခဲ့ရာ ပြခန်းတာဝန်ခံများက သိလိုသည်များကို ရှင်းလင်းတင်ပြခဲ့ကြသည်။

ထို့နောက် ပုသိမ်၊ ကျုံပျော်၊ မြန်အောင်၊ ဟင်္သာတ၊ မြောင်းမြ၊ မအူပင်၊ ဖျာပုံ၊ လပွတ္တာ ခရိုင်ရှစ်ခရိုင်မှ ခင်းကျင်းပြသထားသည့် သစ်သီးဝလံ၊ ပန်းမန်နှင့် ဒေသထွက်ကုန်ပြခန်းများအား လှည့်လည်ကြည့်ရှုအားပေးခဲ့ပြီး ခရိုင်အလိုက် စိုက်ပျိုးမွေးမြူရေးကိုအခြေခံသည့် ဒေသထွက်ကုန်များပိုမိုထုတ်လုပ်စေရေး၊ စားသောက် ကုန်များကိုလည်း ပြည်တွင်းဈေးကွက် သာမက ပြည်ပစျေးကွက်များအထိ တင်ပို့ရောင်းချနိုင်စေရေး၊ ထုတ်ပိုးမှု ပိုမိုသေသပ်ကောင်းမွန်စေရေးနှင့် ထုတ်လုပ်မှုစနစ်များအဆင့်မြှင့်တင်နိုင်ရေး ကြိုးစားဆောင်ရွက်ကြရန် မှာကြားခဲ့သည်။ (၇၈)နှစ်မြောက်ပြည်ထောင်စုနေ့အထိမ်းအမှတ် ပြခန်းများအား ယ‌နေ့မှ(၁၄)ရက်နေ့အထိ ပြသသွားမည်ဖြစ်ပြီး ဌာနဆိုင်ရာပြခန်းများ၊ ခရိုင်ရှစ်ခရိုင်မှ MSMEs ထွက်ကုန်ပြခန်းများနှင့် သဘာဝမြေဩဇာ၊ ဇီဝမြေဩဇာစသည့် စိုက်ပျိုးရေးသွင်းအားစု ပြခန်းများ၊ ဒေသအစားအစာဆိုင်ခန်းများအပါအဝင် ပြခန်းစုစုပေါင်း (၁၀၀)ခန်း ပါဝင်ပြသသွားမည်ဖြစ်ကာ အများပြည်သူများ လေ့လာဝယ်ယူအားပေးနိုင်စေရေး ဆောင်ရွက်ထားရှိ ကြောင်း သိရသည်။

DOCA (ဧရာဝတီ)

          ကျုံပျော်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် ၁၀.၂.၂၀၂၅ ရက်နေ့ နေ့လည် (၁၂:၀၀) အချိန်တွင် ကျုံပျော်မြို့နယ် အ.ထ.က -၁ တွင် ကျောင်းအုပ်ဆရာမကြီး၊ မြို့နယ်ကျန်းမားရေးဦးစီးဌာနမှ လက်ထောက်ဆရာဝန်၊ ကျန်းမာရေးဆရာမ များနှင့် အတူသွားရောက်၍ ကျောင်းမုန့်ဈေးတန်းတွင် ရောင်းချလျက်ရှိသော မုန့်များတွင် ကုန်အညွှန်း အမှတ်အသားပြည့်စုံစွာပါရှိရေး၊ ရက်လွန်မုန့်များ မရှိစေရေး၊ FDA မှ တားမြစ်ထားသော အမှတ်တံဆိပ် မုန့်များ‌ရောင်းချမှုမရှိစေရေးနှင် မုန့်ဈေးရောင်းချသူများအား ကျန်းမာရေးဌာနမှ ညွှန်ကြားထားရှိမှုများ အား လိုက်နာမှုရှိစေရေး ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

DOCA (ဧရာဝတီ)

          ၇.၂.၂၀၂၅ ရက်နေ့၊ နံနက် (၉:၃၀) အချိန်တွင် ရေကြည်မြို့နယ် အ.လ.က (ကျုံဖား) ကျောင်းတွင် စားသုံးသူရေးရာဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ အားကစားနှင့် ကာယပညာဦးစီးဌာနတို့ ပူးပေါင်း၍ ကျောင်းသား/သူ (၁၄၇) ဦးတို့အား လူငယ်ရေးရာ အသိပညာပေး ဟောပြောဆောင်ရွက်ခဲ့ပါသည်။

          အဆိုပါ အသိပညာပေးပွဲတွင် စားသုံးသူရေးရာဦးစီးဌာနမှ မြို့နယ်တာဝန်ခံသည် ကုန်အညွှန်း အမှတ်အသားဖော်ပြခြင်းနှင့် စားသုံးသူအခွင့်အရေး(၈) ချက်အကြောင်းကိုလည်းကောင်း၊ မြို့နယ် ပြန်/ဆက်ဦးစီးဌာနမှ မြို့နယ်ဦးစီးမှူးမှ လူငယ်နှင့် ရည်မှန်းချက်အကြောင်းနှင့် မြို့နယ်အားကစားမှူးမှ  လူငယ်နှင့်အားကစားခေါင်းစဉ်များအကြောင်း အသီးသီး အသိပညာပေး ဟောပြောခဲ့ကြောင်း သိရှိရပါ သည်။

DOCA (ဧရာဝတီ)

          ရေကြည်မြို့နယ်၊ အ.ထ.ကမြို့မကျောင်းတော်ဝင်ခန်းမတွင် စဉ်ဆက်ပညာရေးလုပ်ငန်းမြို့နယ် အဆင့်နည်းပြသင်တန်းအား မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌနှင့် အဖွဲ့ဝင်များ၊ မြို့နယ်ဌာနဆိုင်ရာ အကြီးအကဲများ တက်ရောက်ခဲ့ပြီး သင်တန်းတွင် မြို့နယ်အဆင့်ဌာနဆိုင်ရာများဖြစ်သည့် ဘေးစီမံ၊ မီးသတ်ဦးစီးဌာန၊ မြန်မာနိုင်ငံရဲတပ်ဖွဲ့၊ ကြက်ခြေနီ၊ သစ်တောဦးစီးဌာန၊ လူမှုဝန်ထမ်းဦးစီးဌာန၊ ကျေးလတ်ဒေသဖွံ့ဖြိုးတိုးတက်ရေးဦးစီးဌာန၊ စိုက်ပျိုးရေးဦးစီးဌာန၊ ကျန်းမာရေးဦးစီးဌာန၊ စားသုံးသူ ရေးရာဦးစီးဌာနတို့မှ မိမိတို့ဆွေးနွေးပို့ချရမည့် ခေါင်းစဉ်အလိုက် သင်တန်းပို့ချရာတွင် ရေကြည်မြို့နယ်၊ စားသုံးသူရေးရာဦးစီးဌာနမှမြို့နယ်တာဝန်ခံမှ စားသုံးသူအခွင့်အရေး၊ ကုန်အညွှန်းအမှတ်အသားနှင့် ONLINE SALE မှတ်ပုံတင်ခြင်းဆိုင်ရာ သင်ခန်းစာများအား သင်တန်းသား၊ သင်တန်းသူ (၇၅) ဦးတို့အား သင်တန်းပို့ချအသိပညာပေးခဲ့ကြောင်း သိရှိရပါသည်။

DOCA (ဧရာဝတီ)

             နတ်တလင်းခရိုင်၊ နတ်တလင်းမြို့နယ်၊ ရှမ်းကုန်းကျေးရွာ၊ အ.ထ.က(ခွဲ) ရှမ်းကုန်းကျောင်း တွင် စားသုံးသူရေးရာဦးစီးဌာနနှင့်  မြို့နယ်ပြန်ဆက်ဦးစီးဌာန တို့ပူးပေါင်း၍ ဖေဖော်ဝါရီ(ပထမ) ပတ်တွင် အသိပညာပေး ဟောပြောဆွေးနွေးခြင်း ဆောင်ရွက်ခဲ့ပါသည်။

            အဆိုပါ အသိပညာပေး ဟောပြောဆွေးနွေးခြင်းကို ဆရာ/ဆရာမနှင့် ကျောင်းသား/ ကျောင်းသူ (၂၂၅) ဦးအား  နတ်တလင်းမြို့နယ် စားသုံးသူရေးရာဦးစီးဌာန မြို့နယ်တာဝန်ခံမှ စားသုံးသူကာကွယ်ရေးဥပဒေပါ  စားသုံးသူအခွင့်အရေးနှင့်တာဝန်များအကြောင်း၊ ကုန်အညွှန်း အမှတ်အသားဆိုင်ရာအကြောင်း၊ အစားအသောက်များကို ရွေးချယ်ဝယ်ယူစားသုံးတက်စေရန် အသိပညာပေး ဟောပြောဆွေးနွေးခြင်းနှင့် ကျောင်းတွင်းမုန့်ဈေးတမ်းအစားအစာ အန္တရာယ်ကင်းဝေးစေရန် ကျောင်းမုန့်ဈေးတန်းစစ်ဆေးခြင်း ဆောင်ရွက်ခဲ့ပါသည်။ မြို့နယ်ပြန်ဆက်ဦးစီးမှူးမှ ကျောင်းသား၊ ကျောင်းသူများအား အသိပညာဗဟုသုတရရှိစေမည့် စာအုပ်စာစောင်များကိုပြသ၍ ဖတ်ရှု့စေခြင်း၊ ကလေးအလုပ်သမားပပျောက်ရေး နံရံကပ် စာစောင်နှင့် အသိပညာဗဟုသုတ ကြွယ်ဝဖို့ စာအုပ်စာပေဖတ်ကြစို့ အသိပညာပေးနံရံကပ် စာစောင်များပြသခြင်းတို့ကို ဆောင်ရွက်ခဲ့ကြောင်း သိရှိရပါသည်။

DOCA(ပဲခူး)