သတင်းနှင့် လှုပ်ရှားမှုများ

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မြောင်းမြမြို့နယ်မှ ခရိုင်ဦးစီးမှူး ဦးဇော်လင်းအောင်၊ ဒု-ခရိုင်ဦးစီးမှူး ဦးလှထွဋ်ဦးနှင့်  ဝန်ထမ်းများသည် (၁၈.၂.၂၀၂၅)ရက်နေ့ နံနက် (၁၀:၀၀) နာရီအချိန်တွင် မြို့နယ်တာဝန်ခံရုံး၌ Delivery လုပ်ငန်းလုပ်ကိုင်နေသောလုပ်ငန်းရှင်များအား စားသုံးသူကာကွယ်ရေး အသိပညာပေး ဟောပြောခြင်းဆောင်ရွက်ခဲ့ပါသည်။

           ထိုသို့ဟောပြောဆောင်ရွက်ရာတွင် မြောင်းမြမြို့နယ် စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်လင်းအောင်က အမြန်ချောပို့လုပ်ငန်းများဖြစ်ကြသော Royal Express, MGL(Madnate Group Lodistics) စသည့်  Delivery လုပ်ငန်းရှင်များအား ခေါ်ယူတွေ့ဆုံ၍ မိမိတို့ဌာနအနေဖြင့် လက်ရှိဆောင်ရွက်လျက်ရှိသော လုပ်ငန်းတာဝန်များ၊ ရှေ့ဆက်လုပ်ဆောင်ရွက်ရမည့် လုပ်ငန်းတာဝန်များ အားဦးစွာရှင်းလင်းပြောကြားခဲပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေများ အကြောင်း၊ ဌာနမှထုတ်ပြန်ထားသော ဥပဒေညွှန်ကြားချက်များအား သိရှိလိုက်နာဆောင်ရွက်ကြရန် ရှင်းလင်းဆွေးနွေးခဲ့ပါသည်။ ဆက်လက်၍ ဒုခရိုင်ဦးစီးမှူး ဦးလှထွဋ်ဦးမှလည်း စားသုံးသူကာကွယ်ရေးနှင့်ပတ်သက်သော အကြောင်းအရာများ လိုအပ်သည်များကိုလည်း ပြည့်စုံစွာဖြည့်စွက်၍ အမြန်ချောပို့လုပ်ငန်းရှင်များအား အသေးစိတ်ရှင်းလင်း ဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် လပွတ္တာမြို့နယ် တာဝန်ခံ  ဦးမြင့်ဌေးနှင့် ဝန်ထမ်းများသည် (၁၈.၂.၂၀၂၅)ရက်နေ့ နံနက် (၁၀:၀၀)အချိန်တွင် မြို့နယ်တာဝန်ခံရုံး၌ Delivery လုပ်ငန်းလုပ်ကိုင်နေသောလုပ်ငန်းရှင်များအား စားသုံးသူကာကွယ်ရေး အသိပညာပေး ဟောပြောခြင်းဆောင်ရွက်ခဲ့ပါသည်။

         ထိုသို့ဟောပြောဆောင်ရွက်ရာတွင် လပွတ္တာမြို့နယ် စားသုံးသူရေးရာဦးစီးဌာန တာဝန်ခံမှ အမြန်ချောပို့လုပ်ငန်းများဖြစ်ကြသော Royal Express, Ninjavan Delivery Services, MGL(Madnate Group Lodistics), Myanmar Fast စသည့်  Delivery လုပ်ငန်းရှင်များအား ခေါ်ယူတွေ့ဆုံ၍ မိမိတို့ဌာနအနေဖြင့် လက်ရှိဆောင်ရွက်လျက်ရှိသော လုပ်ငန်းတာဝန်များ၊ ရှေ့ဆက်လုပ်ဆောင်ရွက်ရမည့် လုပ်ငန်းတာဝန်များအားဦးစွာရှင်းလင်းပြောကြားခဲပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေများအကြောင်း၊ ဌာနမှထုတ်ပြန်ထားသော ဥပဒေညွှန်ကြားချက်များအား သိရှိလိုက်နာဆောင်ရွက်ကြရန် ရှင်းလင်းဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

             ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် ဝါးခယ်မမြို့နယ် တာဝန်ခံ  ဦးအောင်မိုးနှင့် ဝန်ထမ်းများသည် (၁၈.၂.၂၀၂၅)ရက်နေ့ နံနက် (၁၀:၀၀)နာရီအချိန်တွင် ရေကျော်ရပ်ကွက် အုပ်ချုပ်ရေးမှူးရုံးခန်း၌ Delivery လုပ်ငန်းလုပ်ကိုင်နေသောလုပ်ငန်းရှင်များအား စားသုံးသူကာကွယ်ရေး အသိပညာပေးဟောပြောခြင်းဆောင်ရွက်ခဲ့ပါသည်။

          ထိုသို့ဟောပြောဆောင်ရွက်ရာတွင် ဝါးခယ်မမြို့နယ် စားသုံးသူရေးရာဦးစီးဌာန တာဝန်ခံမှ အမြန်ချောပို့လုပ်ငန်းများဖြစ်ကြသော Bee Express, Royal Express, Ninjavan Delivery Services စသည့်  Delivery လုပ်ငန်းရှင်များအား ခေါ်ယူတွေ့ဆုံ၍ မိမိတို့ဌာနအနေဖြင့် လက်ရှိဆောင်ရွက်လျက်ရှိသော လုပ်ငန်းတာဝန်များ၊ ရှေ့ဆက်လုပ်ဆောင်ရွက်ရမည့် လုပ်ငန်းတာဝန်များအားဦးစွာရှင်းလင်းပြောကြားခဲပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေများ အကြောင်း၊ ဌာနမှထုတ်ပြန်ထားသော ဥပဒေညွှန်ကြားချက်များအား သိရှိလိုက်နာဆောင်ရွက်ကြရန် ရှင်းလင်းဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် (၁၃.၂.၂၀၂၅)ရက်နေ့၊ နံနက် (၁၀:၀၀) နာရီအချိန်တွင် လေးမျက်နှာမြို့နယ်၊ ဗိုလ်ချုပ်လမ်း၊အမှတ်(၃)ရပ်ကွက်ရှိ မြို့နယ်စည်ပင်ရုံး၌ လုပ်ငန်းရှင်များအား စားသုံးသူကာကွယ်ရေးဆိုင်ရာအသိပညာပေးဟောပြောခြင်းဆောင်ရွက်ခဲ့ကြောင်းသိရသည်။

        အဆိုပါဟောပြောပွဲတွင် မြို့နယ်တာဝန်ခံ ဦးအောင်သန်းဌေးက  စားသုံးကာကွယ်ရေးဥပဒေ ပါ စီးပွားရေးလုပ်ငန်းရှင်၏တာဝန်များအကြောင်း၊ ကုန်အညွှန်းအမှတ်အသား အဓိပ္ပာယ်ဖွင့်ဆိုချက်၊ ကုန်အညွှန်း အမှတ်အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁) ပုဒ်မခွဲ(ခ) နှင့်(ဆ) တို့ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခု ထက်ပို၍ တွဲလျက်ဖြစ်စေ ရေးသားဖော်ပြရမည့်အကြောင်း၊ စီးပွားရေးလုပ်ငန်းရှင်များအနေဖြင့်လည်း Online စနစ်ဖြင့်ရောင်းချရာတွင်  မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ လုပ်ငန်းရှင်များ လျှောက်လွှာပုံစံတွင် ဖြည့်သွင်း ထားသည့် လိပ်စာအတိုင်း လုပ်ငန်းအမှန်တစ်ကယ် တည်ရှိခြင်း၊ မှတ်ပုံတင်လက်မှတ် လျှောက်ထားစဉ်က ရောင်းချရန်တင်ပြထားသော ကုန်စည်(သို့)ဝန်ဆောင်မှု အမျိုးအစားစာရင်းအတိုင်း မြေပြင် တွင် အမှန်တစ်ကယ်ရောင်းချရမည်ဖြစ်ကြောင်း၊အွန်လိုင်းမှတ်ပုံတင်ခြင်းဆိုင်ရာလုပ်ငန်းစဉ်များ အကြောင်း၊  စားသုံးသူ မိဘပြည်သူများ အနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များ အကြောင်း သိရှိလိုပါက www.doca.gov.mm Websiteတွင် ဝင်ရောက်လေ့လာနိုင်ကြောင်း၊ စားသုံးသူ သတင်းပြန်ကြားရေး နှင့် တိုင်ကြားမှုလက်ခံ ဆောင်ရွက်ရေးစင်တာ (CICC) ရုံးခန်းများ ဖွင့်လှစ်ထားရှိမှု အခြေအနေတို့ကိုလည်းကောင်း အသိပညာပေးဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ်၊ နတ်မော်ကျေးရွာအုပ်စုရှိ စက်မှု၊ စိုက်ပျိုး၊မွေးမြူရေးအထက်တန်းကျောင်းသား/ကျောင်းသူ(၅၂)ဦးသည် ၂၀၂၅ ခုနှစ် ဖေဖော်ဝါရီလ ၁၃ ရက်နေ့ နေ့လည်(၁၆:၀၀)နာရီအချိန်တွင် ခရိုင်စိုက်တိုးမြှင့်ဥက္ကဌ ဦးအောင်မြင့်စိုး၊  ခရိုင်စိုက်တိုး မြှင့်အဖွဲ့ဝင်များ၊ မြို့နယ်စိုက်တိုးမြှင့် ဥက္ကဌ ဦးညွှန့်ဆန်းထွန်းနှင့် အဖွဲ့ဝင်များ၊ မြို့နယ်စိုက်ပျိုးရေး ဦးစီးဌာန၊ မြို့နယ်မွေးမြူရေးနှင့်ကုသရေးဦးစီးဌာနနှင့်အတူ စားသုံးသူရေးရာဦးစီးဌာန ဟင်္သာတမြို့ နယ်တာဝန်ခံတို့သည်  နတ်မော်ကျေးရွာနေ တောင်သူဦးလှစိုး စိုက်ပျိုးထားသော ဆောင်းနေကြာစိုက်ခင်းသို့ ကွင်းဆင်းလေ့လာခြင်းကို ဆောင်ရွက်ခဲ့ပါသည်။

           ထိုသို့ကွင်းဆင်းလေ့လာရာတွင် တောင်သူ ဦးလှစိုး၏ လယ်မြေဧရိယာ( ၃ ဧက )တွင် စိုက်ပျိုးထားရှိသော ရေဆင်းစပ်မျိုး-(၁) နေကြာမျိုး အောင်မြင်ဖြစ်ထွန်းနေမှု၊ နေကြာမျိုးစေ့များအား စိုက်ပျိုးဆောင်ရွက်မှု ပုံစံအဆင့်ဆင့်နှင့် နေကြာပင်များ ဖြစ်ထွန်းအောင်မြင်ရေးအတွက် ဝတ်မှုံကူးရန် ပျားပုံးများထားရှိမှု၊ ပျားမျိုးများခွဲခြားမှုပုံစံများစသည်တို့ကို မြို့နယ်စိုက်ပျိုးရေးဦးစီးဌာန ဒေါ်ကလျာနှင့် မြို့နယ်မွေးမြူရေးနှင့်ကုသရေးဦးစီးဌာန လက်ထောက်ကြီးကြပ်ရေးမှူး ဒေါ်သင်းသင်းဆွေတို့မှ  ချပြရှင်းလင်းဆောင်ရွက်နေမှုတို့အား ဌာနဆိုင်ရာများမှ ကြည့်ရှုအားပေး၍ လိုအပ်သည် များအားဖြည့်စွက် ရှင်းလင်း ဆောင်ရွက်ပေးခဲ့ကြပြီး ညနေ(၁၈:၀၀)နာရီအချိန်တွင် ရုပ်သိမ်းခဲ့ကြောင်း သိရှိရပါသည်။

DOCA(ဧရာဝတီ)