သတင်းနှင့် လှုပ်ရှားမှုများ

မကွေးတိုင်းဒေသကြီး၊ သရက်ခရိုင်၊ ကံမမြို့နယ်တာဝန်ခံသည် (၁၄-၂-၂၀၂၅)ရက်နေ့၊ (၁၄း၀၀)နာရီအချိန်တွင် ကံမမြို့၊ အမှတ်(၁)ရပ်ကွက်၊ မင်းကုန်းအလယ်တန်းကျောင်း(ခွဲ)၌ အသိ ပညာပေးဟောပြောပွဲ ကျင်းပခဲ့ကြောင်း သိရသည်။

ကံမမြို့နယ်တာဝန်ခံမှ စားသုံးသူကာကွယ်ရေးဥပဒေပါ စာသုံးသူ၏အဓိပ္ပါယ်၊ အခန်း(၉) စားသုံး သူအခွင့်အရေးအကြောင်းအရာများအားလည်းကောင်း၊ သရက်ခရိုင်ဦးစီးမှူးရုံးမှ မင်းတုန်းမြို့နယ် တာဝန်ခံက အခန်း(၁၈) ကုန်အညွှန်းအမှတ်အသားပြည့်စုံသည့်ကုန်စည်များ ဝယ်ယူအသုံးပြုစေ ရေးအကြောင်းကို လည်းကောင်း အသီးသီးရှင်းလင်းပြောကြားခဲ့ပြီး ကျောင်းသား၊ ကျောင်းသူများမှ သိရှိလိုသည့် အချက်များအား မေးမြန်းရာတွင် ပြန်လည်ရှင်းလင်းပြောကြားပြီး အသိပညာပေး လက်ကမ်း စာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

မကွေးတိုင်းဒေသကြီး၊ သရက်ခရိုင်၊ ကံမမြို့နယ်တာဝန်ခံသည် (၁၃-၂-၂၀၂၅)ရက်နေ့၊ (၁၃း၀၀)နာရီအချိန်တွင် ကံမမြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၌ စားသုံးသူများ ဘေးကင်းလုံခြုံစိတ်ချရမှုရှိစေရေးအတွက်  အသိပညာပေး Talk Show ဟောပြောပွဲဆောင်ရွက် ခဲ့ကြောင်း သိရသည်။

ကံမမြို့နယ်တာဝန်ခံမှ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ အဓိပ္ပါယ်၊ အခန်း(၁၀)စီးပွားရေးလုပ်ငန်းရှင်၏ တာဝန်များအကြောင်းများအား အသေးစိတ်ရှင်းလင်း ပြောကြား ခြင်း၊ စားသုံးသူများနစ်နာဆုံးရှုံးမှုများရှိခဲ့ပါက ဆက်သွယ်တိုင်ကြားနိုင်သည့် စားသုံးသူသတင်း ပြန်ကြားရေးနှင့် လက်ခံဆောင်ရွက်ရေးစင်တာ(CICC) မကွေးတိုင်းဒေသကြီးဦးစီးမှူးရုံးသို့ လည်းကောင်း၊ Consumer Call Center Hotline (1535)သို့ နေပြည်တော်ရုံးချုပ်တွင် လိုင်းခွဲ (၁)သို့လည်းကောင်း၊ ရန်ကုန်တိုင်းဒေသကြီးဦးစီးမှူးရုံး လိုင်းခွဲ(၂)သို့လည်းကောင်း၊ မန္တလေးတိုင်း‌ ဒေသကြီးဦးစီးမှူးရုံး လိုင်းခွဲ(၃)သို့လည်းကောင်း ဖွင့်လှစ်ထားရှိပြီး ပြည်တွင်းမှ မည်သည့်ဖုန်းနံပါတ်များဖြင့် ဆက်သွယ် တိုင်ကြားလျှင် တိုက်ရိုက်တိုင်းဒေသကြီး (သို့မဟုတ်) ပြည်နယ်များသို့ ချိတ်ဆက်ဆောင်ရွက်ပေးလျက် ရှိပါကြောင်း စားသုံးသူပြည်သူများသိရှိစေရန် အသိပညာပေး Talk Show ဟောပြောခဲ့ကြောင်း သိရှိရပါသည်။

DOCA(မကွေး)

မကွေးတိုင်းဒေသကြီး၊ မကွေးမြို့နယ်တာဝန်ခံသည်(၁၄.၂.၂၀၂၅)ရက်နေ့၊ နံနက်(၀၈:၀၀) နာရီ အချိန်တွင် မကွေးမြို့၊ ရန်ပယ်ဈေးတွင်ရောင်းချလျက်ရှိသော ကုန်စည်များအား၊ နမူနာ ဝယ်ယူ၍ Mobile Lab Van ဖြင့် ရှောင်တခင်စစ်ဆေးခြင်းကို အစားအသောက်နှင့်ဆေးဝါး ကွပ်ကဲရေးဦးစီးဌာန၊ စည်ပင်သာယာရေးအဖွဲ့နှင့် ကျန်းမာရေးဦးစီးဌာနတို့ဖြင့် ပူးပေါင်းဆောင်ရွက် ခဲ့ကြောင်း သိရသည်။

ထိုသို့ နမူနာဝယ်ယူစစ်ဆေးခဲ့သော သရက်ချဉ်၊ လက်ဖက်၊ မုန့်ဟင်းခါးဖက်၊ ပဲသွေးနှင့် အမဲသွေးခဲတို့၌ အစားအစာများတွင်သုံးစွဲရန် မသင့်သော ချွတ်ဆေးများ၊ တာရှည်ခံဆေးများ သုံးစွဲထား ခြင်း ရှိ/ မရှိ  Mobile Lab Van     ဖြင့် ချက်ချင်းစစ်ဆေးခဲ့ရာ သုံးစွဲရန်မသင့်သော ချွတ်ဆေးများနှင့် တာရှည်ခံဆေးများသုံးစွဲထားခြင်းမရှိကြောင်း၊ ငပိနှင့် အရောင်တင်မှုန့်တို့အား အစားအသောက်နှင့်  ဆေးဝါးကွပ်ကဲရေးဦးစီးဌာန  ဓာတ်ခွဲခန်းသို့ ယူဆောင်စစ်ဆေးပြီး စားသုံးရန်မသင့်ကြောင်း စစ်ဆေး တွေ့ရှိပါက ထုတ်လုပ်သူလုပ်ငန်းရှင်များအား ဥပဒေအရ အရေးယူဆောင်ရွက်သွားမည် ဖြစ်ကြောင်း သိရှိရပါသည်။

DOCA(မကွေး)

          မှော်ဘီမြို့နယ်အတွင်းရှိ ဓါတ်မြေဩဇာအမျိုးအစားတို့အား ဝယ်ယူသုံးစွဲရာတွင် ဈေးကွက်အတွင်းပစ္စည်းပြတ်လပ်မှုမရှိစေရေးနှင့်ဈေးနှုန်းမြှင့်တင်ရောင်းချခြင်းများ မပြုလုပ်ရန် ရည်ရွယ်၍ (၁၄.၂.၂၀၂၅)ရက်နေ့ နံနက်(၁၀:၀၀) နာရီအချိန်တွင် မမူစိုက်ပျိုးရေးဆေးမျိုးစေ့နှင့် ဓါတ်မြေဩဇာ အရောင်းဆိုင်သို့ ကွင်းဆင်းစစ်ဆေးခဲ့ပါသည်။

           ထိုသို့ကွင်းဆင်းစစ်ဆေးရာ၌ မြို့နယ်သမဝါယဦးစီးဌာနမှ ဦးဆောင်၍ မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စိုက်ပျိုးရေးဦးစီးဌာနနှင့် စားသုံးသူရေးရာဦးစီးဌာနတို့ ပူးပေါင်းပါဝင်သော အဖွဲ့များသည် မှော်ဘီမြို့နယ်၊ မြို့မဈေးအတွင်းရှိ မမူစိုက်ပျိုးရေး ဆေးမျိုးစေ့နှင့် ဓါတ်မြေ ဩဇာအရောင်းဆိုင်သို့ ရှောင်တခင်ဝင်ရောက် ကွင်းဆင်းစစ်ဆေးခဲ့ရာ ဓါတ်မြေဩဇာဆိုင်များတွင် ပစ္စည်းများပြတ်လပ်မှုမရှိပါကြောင်းနှင့် သတ်မှတ်ရည်ညွှန်းဈေးနှင့် အညီ ရောင်းချလျက်ရှိပြီး ဈေးနှုန်းမြှင့်တင်ရောင်းချခြင်းမရှိပါကြောင်း သိရှိရပါသည်။

DOCA(ရန်ကုန်)

            ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်တွင် ၁၃.၂.၂၀၂၄ ရက်နေ့ နံနက်ပိုင်းက ၇၈ နှစ်မြောက် ပြည်ထောင်စုနေ့အထိမ်းအမှတ် မြို့နယ်စီမံအုပ်ချုပ်ရေးအဖွဲ့ ဥက္ကဌဖလား ရပ်ကွက် ကျေးရွာပေါင်းစုံ အသက် ၂၃နှစ်အောက် အမျိုးသားဘောလုံးပြိုင်ပွဲနှင့် ဆဒချီမြှင့်ပွဲ အခမ်းအနား ကျင်းပပြလုပ်ခဲ့ကြောင်း သိရသည်။

အခမ်းအနားကို မြို့နယ်စီမံအုပ်ချုပ်ရေးအဖွဲ့ ဥက္ကဌဖလား အမျိုးသားဘောလုံးပြိုင်ပွဲ ကျင်းပရာ ညောင်တုန်းမြို့နယ် အားကစား ဘောလုံးကွင်းတွင်ကျင်းပခဲ့ပြီး မအူပင်ခရိုင် စီမံအုပ်ချုပ်ရေးဥက္ကဌ ဦးမျိုးကျော်နှင့် အဖွဲ့ ဝင်များ၊ ခရိုင်အဆင့်ဌာနဆိုင်ရာများ၊ မြို့နယ်အဆင့်ဌာနဆိုင်ရာများ၊ တိုင်းဒေသကြီး အဖွဲ့ချုပ် ဒုတိယဥက္ကဌ ဦးမြင့်လွင့်နှင့် အဖွဲ့ဝင်များ၊ လူမှုရေးအသင်းအဖွဲ့ဝင်များ တက်ရောက်ခဲ့ကြပြီး ရပ်ကွက်ကျေးရွာအုပ်စု၊ အသက် ၂၃နှစ်အောက် အမျိုးသာဘောလုံးပြိုင်ပွဲကို အဆင့်ဆင့်နှင့် ဗိုလ်လုပွဲကို ကြည့်ရှုအားပေးခဲ့ကြပါသည်။ ဆက်လက်၍ ဗိုလ်လုပွဲတွင် အနိုင်ရသူအသင်းကို ဆုချီးမြှင့် အခမ်းအနားကို ဆက်လက်ပြုလုပ်ခဲ့ပြီး အမျိုးသားဘောလုံးပြိုင်ပွဲပွဲစဉ်တစ်လျှောက် နေရာအလိုက် ဂိုး၊ နောက်တန်း၊ အလယ်တန်း၊ ရှေ့တန်းနှင့် အကောင်းဆုံးဘောလုံးသမားဆုရရှိသူများကို ဆုတံဆိပ်နှင့် ငွေသားဆုများ မြို့နယ်စီမံအုပ်ချုပ်ရေးအဖွဲ့ ဥက္ကဌနှင့် အဖွဲ့ဝင်များ၊ တိုင်းဒေသကြီးဘောလုံးအဖွဲ့ချုပ် ဒုတိယ ဥက္ကဌနှင့် တာဝန်ရှိသူများက လည်းကောင်း၊ ပူးတွဲပထမဆု ရရှိသသည့် မြို့မဇုန်အသင်းနှင့် ဆားမလောက်ဇုန် အသင်းတို့ကို ဆုဖလားနှင့် ငွေသားဆုများ ခရိုင်စီမံအုပ်ချုပ်ရေး ဥက္ကဌနှင့် ခရိုင်အဆင့် ဌာနဆိုင်ရာ အကြီးအကဲများက လည်းကောင်း ဆုချီးမြှင့်ခဲ့ကြောင်း သိရပါသည်။

DOCA (ဧရာဝတီ)