သတင်းနှင့် လှုပ်ရှားမှုများ

             တနင်္သာရီတိုင်းဒေသကြီး၊ လူမှုဝန်ထမ်းဦးစီးဌာနမှ ကျင်းပပြုလုပ်သည့် ၂၀၂၅ ခုနှစ်၊ မတ်လ(၈)ရက်နေ့၊ နံနက်(၉း၀၀) နာရီအချိန်တွင် အပြည်ပြည်ဆိုင်ရာအမျိုးသမီများနေ့ အခမ်း အနားအား ထားဝယ်မြို့၊ မြို့တော်ခန်းမ၌ ကျင်းပပြုလုပ်ခဲ့ရာ တနင်္သာရီတိုင်းဒေသကြီး ဝန်ကြီးချုပ်၊ တိုင်းဒေသကြီးအစိုးရ အဖွဲ့ဝင်များ၊ တိုင်းဒေသကြီးအဆင့်ဌာနဆိုင်ရာများနှင့်အတူ တိုင်းဒေသကြီး စားသုံးသူရေးရာဦးစီး ဌာနမှ တက်ရောက်ခဲ့ပါသည်။

            အဆိုပါအခမ်းအနားတွင် တနင်္သာရီတိုင်းဒေသကြီးဝန်ကြီးချုပ်မှ အဖွင့်အမှာစကားပြော ကြားခဲ့ခြင်း၊ Video Clip များပြသခြင်းနှင့်ဝန်ထမ်းများနှင့်ကလေးများမှ ကပြဖျော်ဖြေခဲ့ကာ အခမ်း အနားအား (၁၀း၀၀) အချိန်တွင် ရုတ်သိမ်းခဲ့ကြောင်း သိရှိရပါသည်။

DOCA(တနင်္သာရီ)

မြန်မာနိုင်ငံစက်သုံးဆီ တင်သွင်း/ သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

          မြင်းခြံမြို့ စက်သုံးဆီဆိုင်များတွင် ပုံမှန်ဖွင့်လှစ်ရောင်းချလျက်ရှိပြီး ယခု မတ်လပထမပတ် စက်သုံးဆီဈေးနှုန်းများမှာ ဒီဇယ် ( ရိုးရိုး) တစ်လီတာလျှင် (၂၈၀၅ )ကျပ်၊ ဒီဇယ် ( ပရီမီယံ) တစ်လီတာလျှင် (၃၄၄၅) ကျပ်၊ ဓာတ်ဆီ (92 ) တစ်လီတာလျှင် ( ၃၂၇၀ )ကျပ် ၊ဓာတ်ဆီ (95) တစ်လီတာလျှင် ( ၃၃၂၀ ) ကျပ် ဖြင့် ရောင်းချလျက်ရှိကြောင်း သိရသည်။

          ယခင် ဖေဖော်ဝါရီလ နောက်ဆုံးပတ်တွင် စက်သုံးဆီဈေးနှုန်းများမှာ ဒီဇယ် ( ရိုးရိုး) တစ်လီ တာလျှင် (၂၈၇၀)ကျပ်၊ ဒီဇယ် ( ပရီမီယံ) တစ်လီတာလျှင် (၃၅၂၀) ကျပ်၊ ဓာတ်ဆီ (92 ) တစ်လီ တာလျှင် ( ၃၃၄၀ )ကျပ် ၊ဓာတ်ဆီ (95) တစ်လီတာလျှင် (၃၃၉၀)ကျပ် များဖြင့် ဖြစ်ပေါ်ရောင်းချခဲ့၍ ယခင်တစ်ပတ်နှင့်နှိုင်းယှဉ်လျှင် ယခုတစ်ပတ်တွင် ဒီဇယ် ( ရိုးရိုး) တစ်လီတာလျှင် (၆၅)ကျပ်နှင့် ဒီဇယ် ( ပရီမီယံ) တစ်လီတာလျှင် မှာ(၇၅)ကျပ် ကျဆင်းခဲ့ပြီး ဓာတ်ဆီ (92 ) နှင့်(95)  တစ်လီ တာလျှင် (  ၇၀ )ကျပ် ကျဆင်းခဲ့ကြောင်း စက်သုံးဆီအရောင်းဆိုင်များမှ သိရသည်။

DOCA(မန္တလေး)

၂၀၂၅ -ခုနှစ် မတ်လ (၄) ရက်နေ့၊ နေ့လည် (၁၅:၃၀)နာရီအချိန်တွင် ကျောက်ပန်းတောင်း မြို့နယ် စားသုံးသူရေးရာဦးစီးဌာန မြို့နယ်တာဝန်ခံရုံး၌ မြို့နယ်အတွင်းရှိ MSME လုပ်ငန်းရှင်များကို မိမိတို့၏ ကုန်စည်များတွင် ကုန်အညွှန်းအမှတ်အသားပြည့်စုံစွာ ပါရှိစေရေးနှင့် စက်မှုလုပ်ငန်းသုံး စားသုံးဆီများ    အမှန်တကယ်အသုံးပြုစေရေးအတွက် စားသုံးသူရေးရာဦးစီးဌာန၊ မြင်းခြံခရိုင် ဦးစီး မှူး  ဦးသန်းစိုး (လက်ထောက်ညွှန်ကြားရေးမှူး) နှင့် ကျောက်ပန်းတောင်းမြို့နယ် အတွင်းရှိ MSME လုပ်ငန်းရှင်များ တွေ့ဆုံဆွေးနွေးပွဲ အခမ်းအနား ကျင်းပခဲ့သည်။

          အဆိုပါ  တွေ့ဆုံဆွေးနွေးမှုတွင်  စားသုံးသူရေးရာဦးစီးဌာန ၊  မြင်းခြံခရိုင်ဦးစီးမှူး ဦးသန်းစိုး လက်ထောက်ညွှန်ကြားရေးမှူး) က MSME လုပ်ငန်းများတွင် အသုံးပြုရန်အတွက် စက်မှုလုပ်ငန်း သုံးစားအုန်းဆီများကို နိုင်ငံတော်မှ ရောင်းချထုတ်ပေးခဲ့ပါကြောင်း၊ ယခုလည်း ဆက်လက်ထုတ်ပေး သွားမည်ဖြစ်ပြီး MSME လုပ်ငန်းများတွင် အသုံးပြုရမည့်စားအုန်းဆီများအား လုပ်ငန်းရှင်များ လျှောက်ထားခဲ့သည့် စက်မှုလုပ်ငန်များတွင် အမှန်တကယ်အသုံးပြုရမည်ဖြစ်ပါကြောင်း၊ စားအုန်း ဆီသည် အရေးကြီးကုန်စည်အမျိုးအစားတွင် ပါဝင်သဖြင့်သတ်မှတ်လုပ်ငန်းများမှလွှဲ၍ အခြား နည်းဖြင့် ပြန်လည်သယ်ယူရောင်းချခွင့်မရှိပါကြောင်း လုပ်ငန်းရှင်များ၏လစဉ်စားအုန်းဆီ လိုအပ် ချက်များကို ကွင်းဆင်းစိစစ်၍ လုပ်ငန်းပမာဏအလိုက် ခွင့်ပြုပေးလျှက်ရှိပါကြောင်း၊ စားသုံးသူ ရေးရာဦးစီးဌာနအနေဖြင့် MSME လုပ်ငန်းများ ဖွံဖြိုးတိုးတက်စေရေး ကုန်စည်နှင့် ဝန်ဆောင်မှုများ နှင့်ပတ်သက်၍စားသုံးသူများ ထိခိုက်နစ်နာမှုမဖြစ်ပေါ်စေရေး ကာကွယ်ပေးခြင်း၊ စီးပွားရေးလုပ်ငန်း ရှင်များအား ဥပဒေနှင့်အညီ ဆောင်ရွက်နိုင်ရေးနှင့် ဖွံဖြိုးတိုးတက်စေရေး ကူညီပေးခြင်း၊ MSME လုပ်ငန်းများမှထွက်ရှိလာသည့် ကုန်စည်များတွင် စားသုံးသူကာကွယ်ရေးဥပဒေပါ ကုန်အညွှန်း အမှတ်အသားများ ပြည့်စုံမှန်ကန်စွာ ဖော်ပြနိုင်စေရေးတို့ကို ဆောင်ရွက်လျှက်ရှိပါကြောင်း ဆွေးနွေး ပြောကြားခဲ့သည်။

          ဆွေးနွေးပွဲသို့ တက်ရောက်လာသည့် MSME လုပ်ငန်းရှင်များမှ သိရှိလိုသည်များ ဆွေးနွေး မေးမြန်းရာ ခရိုင်ဦးစီးမှူးမှ ပြန်လည်ပြောကြားဆွေးနွေးခဲ့ပြီး လုပ်ငန်းရှင် ( ၄၂ ) ဦး တက်ရောက်ခဲ့ ပြီး စားသုံးသူရေးရာဦးစီးဌာန ခရိုင်ဦးစီးမှူးနှင့် MSME လုပ်ငန်းရှင်များ တွေ့ဆုံဆွေးနွေးပွဲ အခမ်းအနားကို (၁၆:၃၀) နာရီတွင် အောင်မြင်စွာ ရုပ်သိမ်းခဲ့ကြောင်းသိရသည်။

DOCA(မန္တလေး)

    စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးမှ ဝန်ထမ်းများအဖွဲ့သည် ၂၅-၂-၂၀၂၅ရက်နေ့၊ မွန်းလွဲ(၁၄:၃၀)နာရီအချိန်၌ မြင်းခြံမြို့၊အမှတ် (၁၆)ရပ်ကွက်ရှိ မုန့်လုပ်ငန်းများသို့ သွားရောက်၍ စားသုံးသူ၏အခွင့်အရေးများ၊ စီးပွားရေးလုပ်ငန်းရှင်များ၏တာဝန်များ၊ မြန်မာ ဘာသာဖြင့်ထည့်သွင်း ဖော်ပြရမည့်အချက်အလက်များအား သိရှိစေရန်တွေ့ဆုံဆွေးနွေး အသိ ပညာပေးခဲ့ကြောင်း သိရှိရသည်။

            မုန့်လုပ်ငန်းရှင်များအနေဖြင့် စားသုံးသူကာကွယ်ရေးဥပဒေ(၂၀၁၉)၏ အခန်း(၁၈)တွင် ပြဌာန်းထားသည့် ကုန်အညွှန်းအမှတ်အသားတွင်ပါဝင်သော ကုန်စည်၏ တံဆိပ်အမှတ်အသား၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ထုတ်လုပ်သည့်ရက်စွဲ၊ သက်တမ်းကုန်ဆုံးသည့် ရက်စွဲ၊ ထုတ်လုပ်မှုအမှတ်စဉ်၊ တင်သွင်းသူ၏ အမည်နှင့်လိပ်စာ၊ လုပ်ငန်းအမည်နှင့်လိပ်စာ၊ ထုတ်လုပ်သည့်နေရာ၊ ပြန်လည်ထုပ်ပိုးသည့်နေရာ၊ ပါဝင်ပစ္စည်း၊ ဘေးထွက်ဆိုးကျိုး၊ ဓါတ်မ တည့်ကြောင်းဖော်ပြချက်၊ ကြိုတင်သတိပေးချက်၊ အစိုးရဌာနများက သတ်မှတ်ထားသော အချက် အလက်များ၊ ပုဒ်မ(၄၁)၊ ပုဒ်မခွဲ(ခ)နှင့်(ဆ)တို့ပါ ကုန်ညွှန်းအမှတ်အသားဖော်ပြရာတွင် မြန်မာ ဘာသာဖြင့်ဖြစ်‌စေ၊ မြန်မာဘာသာ နှင့်အခြားဘာသာတစ်ခု (သို့မဟုတ်) တစ်ခုထက်ပို၍တွဲလျက် ဖြစ်စေ ရေးသားဖော်ပြရမည့်အချက်များအား အသေးစိတ်ရှင်းလင်းပြောကြားခဲ့ပါကြောင်း၊ လုပ်ငန်း ရှင်များအနေဖြင့် မိမိတို့ထုတ်လုပ်သော ကုန်စည်များတွင် ကုန်အညွှန်းအမှတ်အသား ပြည့်စုံမှန်ကန် စွာဖော်ပြနိုင်ရန် ကုန်အမှတ်တံဆိပ်ဖော်ပြမှု နှင့်ပတ်သက်၍ မိမိတို့စားသုံးသူရေးရာဦးစီးဌာန သို့လာရောက်၍ စိစစ်ခွင့်ပြုချက်လျှောက်ထားရမည်ဖြစ်ကြောင်း၊  အခြားဌာနများ၏ ခွင့်ပြုချက် လိုင်စင်များ ပြုလုပ်နိုင်ရန်အတွက်လည်း သက်ဆိုင်ရာဌာန များနှင့်ချိတ်ဆက်၍ ကူညီဆောင်ရွက် ပေးသွားမည်ဖြစ်ကြောင်း ရှင်းလင်းဆွေးနွေးခဲ့ကြောင်း သိရှိရသည်။

DOCA(မန္တလေး)

    ၂၀၂၅ ခုနှစ် ဖေ‌ဖော်ဝါရီလ (၂၄)ရက်နေ့ ၊ နေ့လည် (၁၄:၀၀)နာရီအချိန်တွင် စားသုံးသူရေးရာ ဦးစီးဌာန မြင်းခြံခရိုင် ဦးစီးမှူး ဦးသန်းစိုး(လက်ထောက်ညွှန်ကြားရေးမှူး) ဦးဆောင်၍ မြင်းခြံမြို့ အမှတ်(၁၉) ရပ်ကွက်အတွင်းရှိ ထူး ကြက်သွန်ပေါင်းကြော် အမှတ်တံဆိပ် ထုတ်လုပ်ရောင်းချသည့် လုပ်ငန်းအား ထုတ်ကုန်များလုံခြုံစိတ်ချရမှုရှိစေရေးနှင့် ကုန်အညွှန်းအမှတ်အသားပြည့်စုံစွာ ဖော်ပြ ပါရှိရေးတို့နှင့် ပတ်သက်၍ ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ဈေးကွက်စောင့်ကြည့်စစ်ဆေးရာတွင် စားသုံးသူကာကွယ်ရေးဥပဒေပါ  စီးပွားရေး လုပ်ငန်းရှင်၏တာဝန်များ၊နိုင်ငံတော်မှ သက်သာဈေးနှုန်းဖြင့်ချထားပေးသော စားအုန်းဆီများ အမှန် တကယ်အသုံးပြုရေး၊‌ဈေးကွက်အတွင်း မိမိတို့ထုတ်ကုန်များ စားသုံးသူများဘေးအန္တရာယ် ကင်းရှင်း စေခြင်း၊  အာမခံချက်ပေးခြင်း၊သတင်းအချက်အလက်ပြည့်စုံစွာထည့်သွင်းခြင်းတို့ကြောင့် စားသုံးသူ များအနေဖြင့် စီးပွားရေးလုပ်ငန်းရှင်များအပေါ် ယုံကြည်မှုရရှိလာပြီး အကျိုးစီးပွားများ ပိုမိုရရှိလာ နိုင်မည်ဖြစ်ကြောင်း၊  ကုန်အညွှန်းအမှတ်အသား ပြည့်စုံစွာပါရှိရေးဆောင်ရွက်ရန်၊ ထုတ်လုပ်သော ကုန်ပစ္စည်းများ သန့်ရှင်းသပ်ရပ်စွာ အသုံးပြုရေးဆောင်ရွက်ရန် သက်ဆိုင်ရာဌာနများ၏ ပြဌာန်း ချက်များကိုလည်း လိုက်နာဆောင်ရွက်ရန်လိုအပ်ပါကြောင်း အသိပညာပေး၍ ကွင်းဆင်းဆောင် ရွက်ခဲ့ကြောင်း သိရသည်။

DOCA(မန္တလေး)