သတင်းနှင့် လှုပ်ရှားမှုများ

            ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ တာဝန်ရှိသူများသည် ပန်းတနော် ဆန်စက်လုပ်ငန်းရှင်(၅)ဦးနှင့် (၆.၃.၂၀၂၅) ရက်နေ့ နေ့လယ် (၁၃:၀၀)နာရီအချိန်တွင် ပန်းတနော်မြို့နယ်တာဝန်ခံရုံးတွင် တွေ့ဆုံပြီး စားသုံးသူကာကွယ်ရေးလုပ်ငန်းနှင့် ဆန်စက်ဖွံ့ဖြိုးရေးလုပ်ငန်းအကြောင်း တွေ့ဆုံဆွေးနွေးခဲ့ကြသည်။

           တွေ့ဆုံဆွေးနွေးရာတွင် ပန်းတနော်မြို့နယ်တာဝန်ခံ ဦးအောင်ကျော်သက်က စားသုံးသူကာကွယ်ရေးလုပ်ငန်းစဉ်အကြောင်းကို ရှင်းလင်းခြင်း၊ ဥပဒေပါ စီးပွားရေးလုပ်ငန်းရှင် တာဝန်များအကြောင်းကို ရှင်လင်းခြင်း၊ ဆန်စက်လုပ်ငန်းဖွံ့ဖြိုးတိုးတက်ရေးအတွက် ထုတ်ကုန်လုံခြုံ စိတ်ချရမှုရှိစေရေးဆွေးနွေးခြင်း၊ ဆန်တန် ၂၅ တန်နှင့်အထက် စပါးတင်း ၂၅၀၀ နှင့်အထက် သိုလှောင်ရုံ တစ်မျိုးမျိုးပိုင်ဆိုင်သူ MyRo တွင် သတ်မှတ်ချက်နှင့်အညီ မှတ်ပုံတင်လျောက် ထားရမည်ဖြစ်‌ကြောင်း၊ မှတ်ပုံတင်သက်တမ်း တစ်နှစ်ပြည်မြောက်ပြီဖြစ်၍ သက်တမ်းတိုး လျှောက်ထားနိုင်ရန်ကိုလည်းကောင်း၊ မှတ်ပုံတင်ခွင့်ပြုပြီး သိုလှောင်ရုံများ ကုန်ရ၊ ကုန်ထုတ်၊ ကုန်လက်ကျန် စာရင်းများ လစဉ်ဖြည့်သွင်းဆောင်ရွက်သွားရမည်ဖြစ်ကြောင်းနှင့် မှတ်ပုံတင်ရန် ကျန်ရှိနေသေးသော သိုလှောင်ရုံများရှိပါက မှတ်ပုံတင်လုပ်ငန်းကို မဖြစ်မနေဆောင်ရွက်ရန် လုပ်ငန်းရှင်များအား ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

         ၂၀၂၅ ခုနှစ်၊ မတ်လ ၄ ရက်နေ့ တွင် ကော့သောင်းမြို့ သီရိမြိုင်ရပ်ကွက် အဝေးပြေး ယာဉ်ရပ်နားစခန်းသို့ Myanmar Oil Alliance Co.,ltd ကုမ္မဏီမှ လက်လီ/လက်ကား ကိုယ်စား လှယ်တိုက်ရိုက်ဖြန့်ဖြူးရောင်းချသည့်စနစ်အရ ကော့သောင်းခရိုင်အတွက် ခန့်အပ်သော ဦးနိုင် လင်း (ကိုယ်စားလှယ်) မှထုတ်ယူခဲ့သော စားအုန်းဆီ(၈၂)ပေပါမှ (၃၂)ပေပါအား ယာဉ် အမှတ် 7I/1512 ရွှေပြည်တိုးကားဖြင့် ဆီကန်မှထုတ်ယူပြီး ကော့သောင်းမြို့သို့ (၄.၃.၂၀၂၅) ရက်နေ့တွင် ရောက်ရှိလာမှုအား ခရိုင်စားသုံးသူရေးရာဦးစီးဌာနနှင့် တာဝန်ရှိသူများနှင့်အတူ သွားရောက်စစ် ဆေးခဲ့ကြောင်း သိရှိရပါသည်။

DOCA(တနင်္သာရီ)

             ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲနှင့်အတူ (၆.၃.၂၀၂၅) ရက်နေ့ နံနက် (၁၀း၀၀) နာရီအချိန်က ဓနုဖြူမြို့နယ်အတွင်း အသင့်စားကြက်အူချောင်း၊ ဝက်အူချောင်းရောင်းဝယ်နေမှု လုပ်ငန်းများဖြစ်သော ဦးကျော်ဆွေဝင်း၊ မြို့မဈေး၊ ဒေါ်လွင်မာချို မြို့မဈေး၊ ရွှေမုန့်ဆိုင်၊ ဦးဝင်းလွင် (၈)ရပ်ကွက် စုစုပေါင်း (၃)ဆိုင်အား ရောင်းဝယ်နေမှုအခြေအနေကို ကွင်းဆင်းစစ်ဆေးခဲ့ကြသည်။

            စစ်ဆေးဆောင်ရွက်ရာတွင် ဓနုဖြူမြို့နယ်တာဝန်ခံရုံးမှ ဦးဝင်းမင်းစိုးက ဓနုဖြူမြို့နယ်အတွင်း ရောင်းချနေသော အသင့်စားကြက်အူချောင်းနှင့် ဝက်အူချောင်းရောင်းချနေသည့် ဆိုင်(၃)ဆိုင်မှ ရောင်းဝယ်မှု အခြေအနေများကိုမေးမြန်းခဲ့ပြီး ရောင်းချနေသော ကြက်အူချောင်းနှင့် ဝက်အူချောင်းများမှာ ဝမ်းဝမ်း ရေတာရှည် ကြက်အူချောင်း 120g  3600ကျပ်ဝက်အူချောင်း  3600ကျပ်၊ တော့စတား ကြက်အူချောင်း 140g  2200ကျပ်၊ တော့စတား ဝက်အူချောင်း 140g 2200ကျပ်ဖြင့်ရောင်းချနေပြီး Cp ကုမ္ပဏီမှ ရောင်းချလျက်ရှိသည့် အသင့်စားနိုင်သည့် ကြက်အူချောင်း၊ ဝက်အူချောင်းတံဆိပ်များ ရောင်းချခြင်းမျိုးမရှိကြောင်း စစ်ဆေးတွေ့ရှိရပါသည်။  အခြားသော တံဆိပ်ပါ ကြက်အူချောင်း၊ ဝက်အူချောင်းများကိုသာတွေ့ရှိရပြီး ၎င်းအခြား တံဆိပ်ကုန်စည်များသည်လည်း ကုန်အညွှန်းအမှတ်အသား ပြည်စုံစွာဖော်ပြပါဝင်ကြောင်း  တွေ့ရှိရပြီး အသင့်စားနိုင်သည့် ကြက်အူချောင်း၊ ဝက်အူချောင်းများသည် ရန်ကုန်မြို့ လက်ကားအရောင်းဆိုင်များမှ  မှာယူရောင်းချကြောင်း ရောင်းချသူလုပ်ငန်းရှင်ထံမှ သိရှိရပါသည်။

DOCA(ဧရာဝတီ)

စားအုန်းဆီများကို ရန်ကုန်တိုင်း‌ဒေသကြီးရှိ ဆီကုမ္ပဏီများမှ မြိတ်ခရိုင်အပါအဝင် အခြားတိုင်းနှင့်ပြည်နယ်များသို့  ဖြန့်ဖြူးရောင်းချပေးလျက်ရှိပြီး သတ်မှတ်ရည်ညွှန်းစျေးနှင့် သတ်မှတ်ခွဲတမ်းများဖြင့် တင်ပို့ရောင်းချလျက်ရှိကြောင်း သိရှိရပါသည်။ ၂၀၂၅ခုနှစ်၊ မတ်လ(၆) ရက်နေ့တွင် GGPG ကုမ္ပဏီမှ ဖြန့်ခွဲရောင်းချပေးသော စားအုန်းဆီပေပါ(၇၀)သည် မြိတ်မြို့သို့ ရောက်ရှိလာခဲ့ကြောင်းသိရှိရပါသည်။ အဆိုပါစားအုန်းဆီများကို ၂ ရာခိုင်နှုန်းအမြတ်ဖြင့် လက် လီ ဆိုင်များသို့ ခွဲဝေ‌ရောင်းချပေးသွားမည်ဖြစ်ကြောင်းနှင့် ၎င်းတို့မှတဆင့်ပြည်သူများသို့ ရောင်းချပေးမည်ဖြစ်ကြောင်းသိရှိရပါသည်။

DOCA(တနင်္သာရီ)

တနင်္သာရီတိုင်းဒေသကြီး၊ မြိတ်ခရိုင်သည် ဆန်စပါးစိုက်ပျိုးသော်လည်း ဆန်စပါးထွက်ရှိမှု မလုံလောက်ခြင်းတို့ကြောင့် မြိတ်ခရိုင်ဆန်ကုန်သည်များအသင်းမှ မြိတ်ခရိုင်အတွက်လိုအပ် သောဆန်များကို အခြားတိုင်းနှင့်ပြည်နယ်များမှ သယ်ယူလျက်ရှိပြီး ၂၀၂၅ခုနှစ်၊ မတ်လ(၄)ရက် နေ့တွင် ဧရာဝတီတိုင်းဒေသကြီး၊ ကျိတ်လတ်မြို့နယ်တို့မှ သယ်ယူလာသော ဆန်အိတ် ၉၀၀၀ (၄၅၀တန်)သည် မြိတ်မြို့သို့ ရောက်ရှိလာခဲ့ကြောင်း သိရှိရပါသည်။

ထိုသို့ရောက်ရှိလာသောဆန်အိတ်များကို စားသုံးသူရေးရာဦးစီးဌာနအပါအဝင် မြိတ်ခရိုင် ကုန်သွယ်ရေးဦးစီးဌာန၊ အကောက်ခွန်ဦးစီးဌာန၊ မြို့နယ်ရဲတပ်ဖွဲ့ စသော ဌာနဆိုင်ရာပူးပေါင် အဖွဲ့များဖြင့် ကွင်းဆင်းစစ်ဆေးခဲ့ကြောင်းသတင်းရရှိပါသည်။

DOCA(တနင်္သာရီ)