သတင်းနှင့် လှုပ်ရှားမှုများ

          ၁၀.၃.၂၀၂၅ ရက်နေ့၊ ၁၅:၀၀ နာရီအချိန်မှ ၁၇:၀၀ နာရီအချိန်အထိ သင်္ဃန်းကျွန်းမြို့နယ် အထွေထွေအုပ်ချုပ်‌ရေးဦးစီးဌာနရုံး အစည်းအဝေးခန်းမ၌ အရှေ့ပိုင်းခရိုင်စားသုံးသူရေးရာ ဦးစီးဌာန၊ မြို့နယ်စီမံအုပ်ချုပ်ရေးအဖွဲ့ ဥက္ကဌ နှင့် အဖွဲ့ဝင်များ၊ မြိုနယ်စည်ပင်နှင့် စျေး ၆ စျေးမှ တာဝန်ခံများ၊ စားသုံးဆီဖြန့်ဖြူးသည့် ကုမ္ပဏီ ၅ ခုမှ တာဝန်ခံများ၊ ရပ်ကွက်အုပ်ချုပ်ရေးမှူးများ၊ လက်လီ/ လက်ကားကိုယ်စားလှယ်များဖြင့် အစည်းအဝေးပြုလုပ်ခဲ့ကြောင်း သိရှိရပါသည်။

အဆိုပါအစည်းဝေးတွင် စားသုံးဆီဖြန့်ဝေရောင်းချမှုနှင့် ပတ်သက်၍ မြို့နယ်အတွင်းရှိ အိမ် ထောင်စုအလိုက် စာအုပ်ဖြင့် စားသုံးဆီရောင်းချပေးသည့် စနစ်ဖြင့်ဆောင်ရွက်ရာတွင် ရပ်ကွက် အုပ်ချုပ်ရေးမှူးများနှင့် ကုမ္ပဏီတာဝန်ရှိသူများပူးပေါင်းကာ အိမ်ထောင်စုတစ်စုချင်းစီ အလိုက် စား သုံးဆီ အမှန်တကယ်ရောင်းချပေးရာတွင် အခက်အခဲရှိ/မရှိတို့ကိုဆွေးနွေးခြင်းနှင့် ရပ်ကွက်အုပ်ချုပ်ရေးမှူးများမှ မိမိတို့ရပ်ကွက်အတွင်းရှိ အိမ်ထောင်စုစာရင်း၊ ဧည့်စာရင်း မိတ္တူများရရှိရေး အမြန်ဆုံး ဆောင်ရွက်၍ မြို့နယ်ရုံးသို့ တင်ပြရန်နှင့် စားသုံးဆီဖြန့်ခွဲမှုနှင့် ပတ်သက်သည့် အစီအမံများအား ချပြရှင်းလင်း      ဆွေးနွေးခဲ့ပါကြောင်းနှင့် အစည်းအဝေး တက်ရောက်လာသူများ၏ တင်ပြဆွေးနွေးမှုများအပေါ် ပြန်လည်ရှင်းလင်းဆွေးနွေး ခဲ့ပါကြောင်း သိရှိရပါသည်။

DOCA(ရန်ကုန်)

          ၂၀၂၅ခုနှစ်၊ မတ်လ ၆ ရက်နေ့တွင်  ခရိုင်ဦးစီးမှူးနှင့် ဝန်ထမ်းများသည် မြောက်ဒဂုံ မြို့နယ်၊ (၃၀) ဈေးအတွင်း စားသုံးဆီအမျိုးမျိုး(ဘူးသွင်းဆီ)ရောင်းချသည့် ဆိုင်(၅)ဆိုင်များကို သက်ဆိုင်ရာဌာနများနှင့် ပူးပေါင်းကွင်းဆင်း စစ်ဆေးခဲ့ကြောင်း သိရသည်။

     ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ အရှ့ပိုင်းခရိုင်ဦးစီးမှူးရုံးအနေဖြင့် ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းစေရေးအတွက် သက်ဆိုင်ရာဌာနများနှင့် ပူးပေါင်း၍ မြေပြင်ကွင်းဆင်းစစ်ဆေးခြင်းများ ဆောင်ရွက်လျက်ရှိသည့်အတွက် ဈေးကွက် အတွင်း ရောင်းချနေသည့် ဘူးသွင်းစားသုံးဆီများကိုစစ်ဆေးရာတွင် အမေထွားပဲဆီသန့်၊ ရန်ကုန်ပဲဆီသန့်၊ မေဇင် (ဟင်းသီး ဟင်းရွက်ဆီ၊ Goody ပဲပိစပ်ဆီ၊ ပုဇွန်နှစ်ကောင်ဆီအပါအဝင် အခြားဆီဘူးများ တို့တွင် ကုန်အညွှန်း အမှတ်အသားများကို ညွှန်ကြားချက်နှင့်အညီဖော်ပြ ထားသည်ကို စိစစ်တွေ့ရှိရသဖြင့် လုပ်ငန်းရှင် များအနေဖြင့် တရားမဝင်တင်သွင်းလာသော စားသုံးဆီများကို ရောင်းချခြင်းမပြုလုပ်ရန် ပြောကြား ခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာအသိပညာပေးခြင်းများဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

တွံတေးမြို့နယ် ၊ မတ်လ  (၁၀) ရက်

          ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ်တွင် ယခုနှစ်နွေစပါး (၄၂၈၀၄) ဧက စိုက်ပျိုးရန် လျာထားဧက ရာခိုင်နှုန်းပြည့် စိုက်ပျိုးပြီးစီးခဲ့ပြီး သီးထပ်သီးနှံ နွေစပါးများ စိုက်ပျိုး အောင်မြင်လျက်ရှိကြောင်း စိုက်ပျိုးရေးဦးစီးဌာနမှ သိရှိရသည်။

          တွံတေးမြို့နယ်၌ ယခုနှစ်နွေစပါးလျာထားဧက (၄၂၈၀၄) ပြည့်မီအောင် စိုက်ပျိုးနိုင်ရေး အတွက် ၂၀၂၄ ခုနှစ် ဒီဇင်ဘာလမှ စတင်စိုက်ပျိုးခဲ့ရာ ယခုအချိန်တွင် ရာနှုန်းပြည့် စိုက်ပျိုးနိုင်ခဲ့ပြီး နွေစပါးစိုက်ပျိုးချိန်၌ အထွက်နှုန်းကောင်းမွန်အောင် စိုက်ပျိုးနည်းမှန်ကန်စေရေး၊ မျိုးကောင်း မျိုးသန့်များ ရွေးချယ်စိုက်ပျိုးနိုင်ရေး၊ သီးနှံဖျက် ပိုးမွှား အန္တရာယ်ကင်းရှင်းစေရေးအတွက် ပိုးသတ်ဆေးစနစ်တကျ အသုံးပြုနိုင်ရေး၊ စိုက်ပျိုး သွင်းအားစုများအား စနစ်တကျထည့်သွင်းနိုင်ရေးစတဲ့ တောင်သူ အသိပညာပေးခြင်း များအား သက်ဆိုင်ရာမြို့နယ် စိုက်ပျိုးရေး ကြီးကြပ်မှုကော်မတီများမှ ဆောင်ရွက်ပေးကာ သီးနှံအထွက်နှုန်းကောင်းမွန်အောင် စိုက်ပျိုးနိုင်ပါက ဒေသအတွင်းစားသုံးဖူလုံမှုကို အထောက်အကူ ဖြစ်စေမည့်အပြင် ပြည်ပသို့ လည်း ပိုမိုတင်ပို့နိုင်မည်ဖြစ်ကာ နိုင်ငံ့ဝင်ငွေနှင့် ဆန်ဈေးနှုန်းတည်ငြိမ်ရေးကိုလည်း အထောက် အကူပြုမည်ဖြစ်ကြောင်း သိရသည်။

DOCA(ရန်ကုန်)

ကွမ်းခြံကုန်းမြို့နယ်၊ မတ်လ  (၁၀) ရက်

ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနရုံး၊ လူထုအခြေပြုဗဟိုပြုအခန်းမ၌ မတ်လ(၇)ရက်နေ့၊ နံနက်(၁၀:၀၀) နာရီအချိန်တွင် မြန်မာ့သနပ်ခါး ယဉ်ကျေးမှုဓလေ့ အသိပညာပေးဟောပြောပွဲတွင် စားသုံးသူရေးရာဦးစီးဌာနမှ စားသုံးသူအသိပညာပေး ဟောပြောခြင်းများ ပြုလုပ်ခဲ့ပါသည်။

မြန်မာ့သနပ်ခါး ယဉ်ကျေးမှုဓလေ့ အသိပညာပေး ဟောပြောပွဲတွင် ကွမ်းခြံကုန်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်နန်းဆွေနွယ်ဦးမှ မြန်မာ့သနပ်ခါး ကို မြန်မာ့ရိုးရာယဉ်ကျေးမှု အမွေအနှစ်အဖြစ် ထင်ရှားစေရန် မြန်မာ့ယဉ်ကျေးမှုကို ယူနက်စကို၏ ကမာ္ဘဒြပ်မဲ့ယဉ်ကျေးမှု အမွေအနှစ်စာရင်းဝင် ဖြစ်စေရေး အကောင်အထည်ဖော် ဆောင်ရွက် လျက်ရှိ  ကြောင်း၊ မြို့နယ်တိုင်းရင်းဆေးပညာဦးစီးဌာနမှ တိုင်းရင်းဆေးဒု ဒေါ်အေးမြတ်စိုးမှ သနပ်ခါး၏ ဆေးဖက်ဝင် ပုံအကြောင်းအရာများနှင့်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ် အေးက သနပ်ခါးကို အချိန်ကုန်သက်သာစေရန်၊ တာရှည်သုံးစွဲနိုင်ရန်၊ အမှုန့်ဖြစ်လည်းကောင်း၊ အခဲ အဖြစ်လည်းကောင်း ထုပ်ပိုးရာတွင် အလှကုန်ပစ္စည်းအမျိုးမျိုးတွင် ပါရှိရမည့် ကုန်အညွှန်း အမှတ် သားများအကြောင်းနှင့် ကုန်အညွှန်းအမှတ်အသားများ ပြည့်စုံစွာပါရှိမှ စားသုံးသူများ ဘေးအန္တရာယ် ကင်း စိတ်ချလုံခြုံမည်ဖြစ်ကြောင်း အသိပညာပေး ဟောပြောခဲ့သည်။ ထို့ပြင် စားသုံးသူများ နစ်နာမှု ရှိလာပါက Consumer Call Center Hotline ဖုန်းနံပါတ် ၁၅၃၅ လိုင်းခွဲ ၁,၂,၃ များသို့ တိုင်ကြားနိုင် ကြောင်း အသိပညာပေး ဟောပြောခဲ့ကြသည်။

အဆိုပါ ဟောပြောပွဲသို့ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်အထွေ ထွေအုပ်ချုပ်ရေးဦးစီးဌာန၊ မြို့နယ်အမျိုးသမီးရေးရာအဖွဲ့၊ မြို့နယ်တိုင်းရင်းဆေး ဦးစီးဌာန၊ မြို့နယ် စားသုံးသူရေးရာဦးစီးဌာနတို့ ပူးပေါင်း၍ ဆောင်ရွက်ခဲ့ကြပြီး ပြန်/ဆက် ဦးစီးဌာနသို့ စာအုပ်လာ ရောက်ဌားရမ်းသည့် ကလေးငယ်များအား သနပ်ခါးလိမ်းခြယ်မှု လက်တွေ့အရုပ်ပြ လိမ်းခြယ်ခဲ့ပြီး တင်ရောင်းသူဦးရေ (၃၀)ဦးရှိကြောင်း သိရသည်။

DOCA(ရန်ကုန်)

          စားသုံးသူရေးရာဦးစီးဌာန ၊မြန်အောင်မြို့နယ်ဦးစီးမှူးရုံးမှ ဒု-ဦးစီးမှူး ဒေါ်ယဉ်ယဉ်ထွန်းသည် (၆.၃.၂၀၂၅)ရက်နေ့ နံနက်(၁၀:၃၀) နာရီအချိန်တွင် မြန်အောင်မြို့နယ်၊ ပြန်ကြားရေးနှင့်ပြည်သူ့ဆက်ဆံ ရေးဦးစီးဌာန၊လူထုအခြေပြုဗဟိုဌာန(Community Centre)ခန်းမ၌ ကမ္ဘာ့စားသုံးသူအခွင့်အရေးများနေ့အကြောင်း အသိပညာပေး  Talk Show အစီအစဉ်ကိုဆောင်ရွက်ခဲ့ပါသည်။

          အဆိုပါ အစီအစဉ်တွင် ဒု-ဦးစီးမှူး ဒေါ်ယဉ်ယဉ်ထွန်းက ၁၉၈၃ ခုနှစ်မှစ၍ နှစ်စဉ်မတ်လ(၁၅) ရက်နေ့ကို ကမ္ဘာ့စားသုံးသူအခွင့်အရေးများနေ့ အဖြစ်သတ်မှတ်ရန် Consumer International(CI) အဖွဲ့အစည်းမှ Anwar Fazal မှ အဆိုပြုခဲ့ခြင်းဖြစ်ပြီး၊ ထိုမှအစပြု၍ နှစ်စဉ်နှစ်တိုင်း မတ်လ(၁၅)ရက်နေ့ကိုသတ်မှတ်၍ စားသုံးသူလှုံ့ဆော် ဆောင်ရွက်မှုများကို ကျင်းပပြုလုပ်ခဲ့ကြောင်း၊ ဆက်လက်၍ စားသုံးသူအခွင့်အရေးဆိုသည်မှာ၊ စားသုံးသူအခွင့်အရေးစတင်ဖြစ်ပေါ်လာပုံ သမိုင်းကြောင်း၊ ကမ္ဘာ့စားသုံးသူအခွင့်အရေးများနေ့ အခမ်းအနားများအား နှစ်စဉ်ကျင်းပဆောင်ရွက်ခဲ့မှုများအကြောင်း၊ Media Campaign ဆောင်ရွက်မှု၊ နှစ်အလိုက် အခမ်းအနားများကျင်းပဆောင်ရွက်မှုအခြေအနေများအား အသိပညာပေးဆွေးနွေးခြင်းကို ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)