သတင်းနှင့် လှုပ်ရှားမှုများ

          ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ် တွင် ပြည်တွင်းစားသုံးဆီ ဖူလုံမှုရှိစေရေး တောင်သူများဝင်ငွေတိုးပွားစေရန်အတွက် စိုက်ပျိုးထားသော ဆောင်းသီးနှံ မြေပဲသီးနှံများ မတ်လ၏ ပထမပတ်တွင် စတင်ထွက်ပေါ်လာပြီဖြစ်၍ မြို့နယ်အတွင်းရှိ ဆီကြိတ်ခွဲထုတ်လုပ်သော ဆီစက်များတွင် တောင်သူများ၏ မြေပဲများအား မြေပဲဆီများ စတင်ကြိတ်ခွဲထုတ်လုပ်နေကြောင်း သိရသည်။

          ခရမ်းမြို့နယ်အတွင်းရှိ အောင်ရတနာ ဆီစက်၊ သောင်လုံးကျော်ဆီစက်၊ စမ်းမြမြဆီစက် နှင့် ရတနာအောင်ဆီစက်များသည် တောင်သူများ၏ မြေပဲများအား မတ်လ ပထမပတ်မှစတင်၍ ကြိတ်ခွဲပေးလျက်ရှိရာ မြေပဲဆီစုစုပေါင်း ပိဿာချိန် ၂၀၀၀၀ ခန့် ကြိတ်ခွဲထုတ်လုပ်ပြီးဖြစ်၍ နဝလီစက်ကြိတ်ခမှာ ဆီ(၁)ပိဿာလျှင် (၁၈၀၀)ခန့်ရှိကြောင်းသိရပြီး ကြိတ်ခွဲထွက်ရှိသော မြေပဲဆီများအား တောင်သူများမှ ဝမ်းစာအဖြစ်ထားရှိရန်နှင့် နီးစပ်ရာစားသုံးမည့်သူများအား ပြန်လည်ရောင်းချရန် ဖြစ်၍ ကြိတ်ခွဲထွက်ရှိလာသော ကုန်ကြမ်းပဲဖတ်များအား ပြန်လည် ရောင်းချလျက်ရှိပြီး ပဲဖတ်(၁)ပိဿာလျှင် (၅၃၀၀)ဈေးဖြင့် ဆီစက်မှ ပြန်လည် ဝယ်ယူကြောင်း သိရသည်။

DOCA(ရန်ကုန်)

          ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်တွင် ၂၀၂၄-၂၀၂၅ ခုနှစ် ဆောင်းသီးနှံ စိုက်ပျိုးရာသီတွင် စိုက်ပျိုးခဲ့သော ပဲတီစိမ်းများ ယခုမတ်လအတွင်း ရာနှုန်းပြည့် ခူးဆွတ်ခဲ့ကြောင်းသိရသည်။

          ခရမ်းမြို့နယ်တွင် မိုးစပါးများ ရိတ်သိမ်းပြီးပါက စီးပွားရေးအရ အကျိုးရှိပြီး ပြည်ပဈေးကွက်ဝယ်လိုအားရှိသည့် ပဲတီစိမ်းသီးနှံများအား တောင်သူများ ဝင်ငွေတိုးပွားစေရန် နှင့် နိုင်ငံတော်၏ နိုင်ငံခြားဝင်ငွေ ရရှိစေရန်အတွက် နှစ်စဉ် စိုက်ပျိုးခဲ့ရာ ယခုနှစ်တွင် ပဲတီစိမ်း စိုက်ပျိုးဧက (၁၀၄၄၉၄)ဧက စိုက်ပျိုးခဲ့ပြီး သီးနှံပေါ်ချိန် ဖေဖော်ဝါရီလမှစတင်ခူးဆွတ်ခဲ့ရာ ယခုမတ်လတွင် စိုက်ပျိုးဧက (၁၀၄၄၉၄)ဧက အားလုံး ရာနှုန်းပြည့်ခူးဆွတ်နိုင်ခဲ့ပြီး (၁)ဧကလျှင် ပျမ်းမျှ (၁၆)တင်းနှုန်းခန့်ထွက်ရှိ၍ အထွက်တင်း စုစုပေါင်း (၁၇၄၁၉၁၅)တင်းထွက်ရှိခဲ့ပြီး ပဲတီစိမ်း (၁)တင်းလျှင် (၁၁၅၀၀၀/-) ဖြင့် ပဲအဝယ်ဒိုင်များမှ ဝယ်ယူလျက်ရှိသည်။ ယခုနှစ်တွင် ပဲတီစိမ်း (၁)ဧကစိုက်ပျိုးကုန်ကျစရိတ်မှာ မြေပြုပြင်ခြင်း၊ မျိုးစေ့စရိတ်၊ ဓါတ်မြေဩဇာ သွင်းအားစုထည့်သွင်းစရိတ်၊ လုပ်သားခ၊ ပိုးသတ်ဆေး၊ အသီးအားဆေးများ အပါစုစုပေါင်း (၉၅၀၀၀၀/-)ကျပ်ခန့် ကုန်ကျစရိတ်ရှိပြီး တောင်သူအကျိုးအမြတ်မှာ (၈၅၀၀၀၀/-)ကျပ်ခန့် အမြတ်ရရှိခြင်းကြောင့် တောင်သူများဝင်ငွေတိုးပွား၍ တွက်ခြေကိုက်သော သီးနှံဖြစ်ခြင်း ကြောင့် နှစ်စဉ်ပဲတီစိမ်းအား အလေးထားစိုက်ပျိုးလျက်ရှိကြောင်း သိရသည်။

DOCA(ရန်ကုန်)

          ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ်ရှိ စားအုန်းဆီလက်လီ/လက်ကား အရောင်းကိုယ်စားလှယ်ဆိုင်သို့ မတ်လ ၂၃ ရက်နေ့ နေ့လယ် ၁နာရီအချိန်တွင် စားသုံးသူရေးရာ ဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်အရ စားအုန်းဆီ ကိုယ်စားလှယ် များအနေဖြင့် စားသုံးသူပြည်သူများထံသို့ လက်လီလက်ကားဖြန့်ဖြူး ရောင်းချနေမှု အခြေအနေ အား ရှောင်တခင်ကွင်းဆင်းစိစစ်ကြပ်မတ်စစ်ဆေးခဲ့ကြောင်းသိရသည်။

          ထိုသို့ ဈေးကွက်စောင့်ကြည့်ကွင်းဆင်းစစ်ဆေးခဲ့ရာတွင် သန်လျင်ခရိုင်၊ စားသုံးသူရေးရာ ဦးစီးဌာန ခရိုင်ဦးစီးမှူးနှင့် အထူးစုံစမ်းစစ်ဆေးရေးဦးစီးဌာနမှ စစ်ဆေးရေးမှူး၊ စားသုံးသူရေးရာ ဦးစီးဌာန ဒလမြို့နယ်တာဝန်ခံတို့ ပူးပေါင်း၍ စားအုန်းဆီကိုယ်စားလှယ်ရရှိသော ဒလမြို့နယ်ရှိ ဦးကျော်ဇင်ထူး၏ စားအုန်းဆီ ဖြန့်ဖြူးရောင်းချလျက်ရှိသော ဈေးဆိုင်သို့ သွားရောက ်တွေ့ဆုံခဲ့ပြီး မိမိအနေဖြင့် စားအုန်းဆီ ခွဲတမ်းရရှိနေသည့် ကုမ္ပဏီအမည်၊ ခွဲတမ်းရရှိသည့် ပေပါအရေအတွက်၊ တစ်ရက်ဖြန့်ဖြူးရောင်းချနေသည့် စားအုန်းဆီပေပါ၊ ပိဿာနှင့် ပြည်သူများထံသို့ ပြန်လည်ရောင်းချပေးနေသည့် နှုန်းထားခွဲတမ်းပုံစံများနှင့် လက်လီ/ လက်ကားဈေးနှုန်းများစာရင်းကောက်ယူခဲ့ပြီး စားအုန်းဆီကိုယ်စားလှယ်အနေဖြင့် တစ်ရက် ထုတ်ယူရရှိသည့် ပေပါနှင့် တစ်ရက်ပြန်လည်ဖြန့်ဖြူးရောင်းချနေသည့် ပေပါစာရင်း ကိုက်ညီမှု ရှိ/မရှိနှင့် စားအုန်းဆီဈေးနှုန်းတည်ငြိမ်မှုရှိစေရန်အတွက် ဈေးကစားရန် ရည်ရွယ်ချက်ဖြင့် သိုလှောင်ထားခြင်းများ သတ်မှတ်ထားသည့် အခြေခံရည်ညွှန်းဈေးအပေါ် နှစ်ရာခိုင်နှုန်း ထက်ပိုသော ဈေးနှုန်းဖြင့် ပြန်လည်ရောင်းချဖြန့်ဖြူးခြင်းများ မပြုလုပ်ကြရန် စားသုံးသူ ကာကွယ်ရေးအသိပညာပေးပြောကြားခဲ့ပြီး ရှောင်တခင်ကွင်းဆင်းစိစစ်ကြပ်မတ် စစ်ဆေးခဲ့ ကြောင်းသိရသည်။

DOCA(ရန်ကုန်)

ရန်ကုန်တိုင်းဒေသကြီး၊ စားသုံးသူရေးရာဦးစီးဌာန အရှေ့ပိုင်းခရိုင်ဦးစီးမှူးရုံးမှ ဦးဝင်းနိုင် (ဦးစီးအရာရှိ)နှင့်ဝန်ထမ်းများသည် ၂၀၂၅ ခုနှစ် မတ်လ (၂၁) ရက်နေ့တွင် ပုဇွန်တောင်မြို့နယ်၊ ရေကျော် City Mar ရှိ တာဝန် ခံနှင့်တွေ့ဆုံ၍ City Mark အတွင်း ရောင်းချလျှက်ရှိသော နို့နှင့်နို့ထွက်ပစ္စည်းများတွင်  ကုန်အညွှန်း အမှတ်အသားများမြန်မာဘာသာဖြင့် ပြည့်စုံစွာရေးသား ဖော်ပြထားခြင်း ရှိ/ မရှိ အား ဈေးကွက် စောင့်ကြည့် စစ်ဆေးခဲ့ကြောင်း သိရသည်။

           ထိုသို့ ဈေးကွက်စောင့်ကြည့်စစ်ဆေးရာတွင် နို့နှင့်နို့ထွက်ပစ္စည်းမျာဖြစ်‌သော  Walco, Double Cow, Pep စသည့် အမှတ်တံဆိပ်များ၏ နွားနို့နှင့် ဒိန်ချဉ်ဗူးများတွင် အမျိုးအမည်၊ အသားတင်ပမာဏ၊ ကြိုတင်သတိပေးချက်၊ ထားသိုသိမ်းဆည်းမှုအညွှန်း၊ ဓာတ်မတည့် ဖော်ပြချက် စသည့် ကုန်အညွှန်းအမှတ်အသားဖော်ပြထားသည်ကို  စစ်ဆေးတွေ့ရှိရပြီး စားသုံးသူပြည်သူများ ဘေးအန္တာရာယ်ကင်းဝေးစေရေး၊ ထိခိုက်မှုမရှိစေရန်အတွက် ယခုလို ဈေးကွက်စောင့်ကြည့်စစ် ဆေးရခြင်းဖြစ်ကြောင်း အသိပညာပေးခဲ့ကြောင်း သိရှိရပါသည်။

DOCA(ရန်ကုန်)

ရန်ကုန်တိုင်းဒေသကြီး၊ စားသုံးသူရေးရာဦးစီးဌာန အရှေ့ပိုင်းခရိုင်ဦးစီးမှူးရုံးမှဝန်ထမ်း များသည် ၂၀၂၅ ခုနှစ် မတ်လ (၂၁) ရက်နေ့၊ နေ့လယ်(၁၂:၀၀) နာရီအချိန်တွင် မြောက်ဥက္ကလာပမြို့နယ်၊ Orange ရှိ တာဝန်ခံများနှင့် တွေ့ဆုံ၍ ကလေးကစားစရာ အရုပ်များတွင်  ကုန်အညွှန်းအ မှတ်အသားများ မြန်မာဘာသာဖြင့် ရေးသားဖော်ပြထား ခြင်း ရှိ/ မရှိ အား ဈေးကွက်စောင့်ကြည့် စစ်ဆေးခဲ့ကြောင်း သိရသည်။

           ထိုသို့ ဈေးကွက်စောင့်ကြည့်စစ်ဆေးရာတွင် ကလေးကစားစရာအရုပ်များဖြစ်သော Lego (Set the Piece of toy)၊ Fishing toy၊ Robot Card၊ Water gun စသည့် ကစားစရာများတွင် အမျိုး အမည်၊ ကြိုတင်သတိပေးချက်၊ ထားသိုသိမ်းဆည်းမှုအညွှန်း၊ စသည့် ကုန်အညွှန်းအမှတ်အသား ဖော်ပြထားသည်ကို  စစ်ဆေးတွေ့ရှိရပြီး ကလေးကစားစရာ အရုပ်များတွင်  ဘေးအန္တရာယ်ကင်း ရှင်းစေရန် ကြိုတင်သတိပေးချက်များကို မဖြစ်မနေ ရေးသား ဖော်ပြရမှာဖြစ်ကြောင်းနှင့် ကလေးများ ထိခိုက်မှုမရှိစေရန်အတွက် ယခုလို ဈေးကွက်စောင့်ကြည့်စစ်ဆေးရခြင်းဖြစ်ကြောင်း အသိပညာပေး ခဲ့ကြောင်း သိရှိရပါသည်။

DOCA(ရန်ကုန်)