သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးရုံးမှ၊ ထုတ်ကုန်လုံခြုံ စိတ်ချရမှုဌာနခွဲဒုတာဝန်ခံ ဦးစီးမှူး ဒေါ်စောကြည်သည် ၂၆.၉.၂၀၂၅ ရက်နေ့တွင် heathy life ပန်းကန်ဆေးဆပ်ပြာဆီ လုပ်ငန်းရှင်နှင့်တွေ့ဆုံ၍ ကုန်အညွှန်းအမှတ်အသားဆိုင်ရာများနှင့် ပတ်သက်၍ ဆွေးနွေးခဲ့ပါသည်။

          အဆိုပါ ကုန်အညွှန်းအမှတ်အသားပြုလုပ်ရာတွင် လိုအပ်သည်များကို ထုတ်ကုန်လုံခြုံ စိတ်ချရမှုဌာနခွဲဒုတိယတာဝန်ခံက လုပ်ငန်းရှင်အား ၎င်းတို့၏ ထုတ်ကုန်ပစ္စည်းများပေါ်တွင် စားသုံးသူကာကွယ်ရေးဥပဒေ ၂၀၁၉ အခန်း (၁၈)တွင် ဖော်ပြထားသောပြဌာန်းချက်အတိုင်း ကုန်အညွှန်းအမှတ်အသားကို ပြည့်စုံစွာဖော်ပြရန်၊ ကုန်စည်အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်းတို့ကို မြန်မာဘာသာဖြင့် ဖြစ်စေ၊ မြန်မာဘာသာ (သို့မဟုတ်) အခြားဘာသာတစ်ခုဖြင့်ဖြစ်စေ ဖော်ပြရန် အသိပညာပေး ဆွေးနွေးခဲ့ပြီး ကုန်အညွှန်းအမှတ်အသား ဖော်ပြချက်၊ မူပိုင်ခွင့်လျှောက်ထားခြင်းနှင့် ပတ်သက်၍ အသိပညာပေး ဆွေးနွေးခဲ့ကြောင်း သိရှိရပါသည်။

DOCA (မွန်)

     ကျိုက်ထိုမြို့နယ်အတွင်းရှိ ဆန်စပါးသိုလှောင်ရုံများ မှတ်ပုံတင်သက်တမ်းကျော်လွန်မှု မရှိစေရေး သက်တမ်းတိုးနိုင်ရေးအတွက် စားသုံးသူရေးရာဦးစီးဌာန၊ ကျိုက်ထိုခရိုင်တာဝန်ခံနှင့် မြို့နယ်တာဝန်ခံတို့မှ (၂၆.၉.၂၀၂၅) ရက်နေ့ ညနေပိုင်းတွင် ကွင်းဆင်းဆောင်ရွက်ခဲ့ကြပါသည်။

    ထိုသို့ ကွင်းဆင်းဆောင်ရွက်ရာတွင် ကျိုက်ထိုမြို့နယ်အတွင်းရှိ ဦးဇင်ကိုလတ်၊ ဦးမင်းစိုးဦး၊ ဦးဆန်ဝင်း၊ ဦးမောင်မောင်၊ ဦးသက်လွင်တို့နှင့် တွေ့ဆုံ၍ ဆန်စပါးသိုလှောင်ရုံများ တစ်နှစ်လျှင်တစ်ကြိမ် သက်တမ်းတိုးရန်၊ ကုန်ရ၊ ကုန်ထုတ်၊ ကုန်လက်ကျန်စာရင်းများကိုလည်း လစဥ် လဆန်း (၁) ရက်မှ (၇) ရက်အတွင်း ပုံမှန်ထည့်သွင်းကြရန်နှင့် ဆန်စပါး စျေးနှုန်း တည်ငြိမ်ရေး၊ ဆန်စျေးနှုန်းများ မြှင့်တင်ရောင်းချမှုမရှိစေရေး ကွင်းဆင်းကြပ်မတ် ဆောင်ရွက် ခဲ့ကြောင်း သိရှိရပါသည်။

DOCA (မွန်)

              ရေကြည်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံသည် (၂၂.၉.၂၅) ရက်နေ့တွင် ရေကြည်မြို့နယ်၊ အောင်ဆန်းရပ်ကွက်(၉) လမ်းရှိ ကောင်းဆက်ငှက်ပျော်ကြော်လုပ်ငန်းရှင်နှင့် တွေ့ဆုံခဲ့ပါသည်။ ထိုသို့တွေ့ဆုံရာတွင် စက်မှုလုပ်ငန်းသုံးဆီခွဲတမ်းများ အမှန်တကယ်သုံးစွဲမှုရှိ/မရှိ၊ ကုန်အညွှန်းအမှတ်အသားများပြည့်စုံစွာဖော်ပြပါရှိစေရေးနှင့် ကုန်ကြမ်းရရှိမှုနှင့် ဈေးကွက် အခြေအနေ များကို တွေ့ဆုံဆွေးနွေးခဲ့ကြောင်း သိရှိရပါသည်။

(DOCA (ဧရာဝတီ)

     စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး ညောင်တုန်းမြို့နယ်၊ မြို့နယ်ဦးစီးမှူး ဦးအောင်လွင် နှင့် ဝန်ထမ်းများသည် (၂၂.၉.၂၀၂၅) ရက်နေ့ နေ့လည် (၁၃၀၀) မှ (၁၃၄၅) နာရီအချိန်ထိ စားသုံးသူ ကာကွယ် ရေးအသိပညာပေး ဟောပြောပွဲကို ဌာနဆိုင်ရာ မိတ်ဖက် ဌာနများဖြစ်သော ကျန်းမာရေးဦးစီးဌာန၊ ပြန်ကြား ရေးနှင့် ပြည်သူ့ဆက်ဆံရေးဦးစီးဌာန တို့ပါဝင်ပြီး ညောင်တုန်းမြို့နယ် သခွတ်ချောင်းကျေးရွာ ခွန်အားဆန်စက်တွင် ကျင်းပပြုလုပ်ခဲ့ပါသည်။

         ဟောပြောပွဲတွင် ညောင်တုန်းမြို့နယ်ဦးစီးမှူးမှ စားသုံးသူရေးရာဦးစီးဌာန၏ စားသုံးသူကာကွယ် ပေးရေးဥပဒေများအကြောင်း၊ စားသုံးသူအခွင့်အရေးများအကြောင်း၊  ကုန်အညွှန်းအမှတ်အသားနှင့် စပ်လျဉ်းသည့် ကိစ္စရပ်များအကြောင်းဟောပြောခဲ့ပါသည်။

        ဆက်လက်၍ ကုန်စည်၊ ဝန်ဆောင်မှုနှင့် စပ်လျဉ်း၍ စားသုံးသူများနစ်နာမှု ရှိလာပါကအရေးဆို တိုင်ကြားနိုင်သည့် Call Center 1535 သို့ ဆက်သွယ် မေးမြန်း တိုင်ကြား နိုင်ပြီဖြစ်ကြောင်း၊ စားသုံးသူ များသာမက ကုန်စည်၊ ဝန်ဆောင်မှု ထုတ်လုပ်ဖြန်းဖြူးရောင်းချနေသော လုပ်ငန်းရှင်များပါ စားသုံးသူကာ ကွယ်ရေးကိစ္စရပ်များနှင့် ပတ်သက်၍  သိရှိလိုသည်များကို မည်သူမဆို Call Center 1535  မေးမြန်း နိုင်ပါ ကြောင်း၊ အသိပညာပေးဟောပြောခဲ့ပြီး တက်ရောက်လာသူများမှ စားသုံးသူကာကွယ်ပေးရေးနှင့် စပ်လျဉ်း၍ သိရှိလိုသည်များကို မေးမြန်းကြရာ မြို့နယ်ဦးစီးမှူးမှ အကျယ်တဝင့်ရှင်းလင်း ဖြေကြား ပြီး လက်ကမ်းစာ စောင် များဖြန့်ဝေခဲ့ကြောင်း နှင့် ဟောပြောပွဲသို့ ဆန်စက်လုပ်သား (၂၅) ဦး တက်ရောက်ခဲ့ကြောင်း သတင်းရ ရှိပါသည်။

DOCA(ဧရာဝတီ)

              စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ မအူပင်မြို့နယ်တာဝန်ခံ ဦးအောင်ဇော်ဦးနှင့် ဝန်ထမ်းများသည် မိတ်ဖက်ပူးပေါင်းအဖွဲ့ဖြစ်သော စည်ပင်သာယာရေးအဖွဲ့၊ ကျန်းမာရေးဦးစီးဌာန၊ စက်မှု ကြီးကြပ်ရေးနှင့် စစ်ဆေးရေးဦးစီးဌာန ပူးပေါင်း၍ (၂၂.၉.၂၀၂၅) ရက်နေ့ နေ့လည် (၁)နာရီ အချိန်တွင် မအူပင်မြို့နယ် ရွှေတောင်ပေါ်ကျေးရွာရှိ၊ ဆီစက်ပိုင်ရှင်များဖြစ်သော ဦးမြင့်ဦးနှင့် ဦးအေးလွင် တို့၏ ဆီစက် လုပ်ငန်းသို့ သွားရောက်၍ ကွင်းဆင်းလေ့လာဆောင်ရွက်ခဲ့ပါသည်။

            အဆိုပါ ကွင်းဆင်းလေ့လာဆောင်ရွက်မှုတွင် ဆီကြိတ်ခွဲမှု နေ့၊ ည လည်ပတ်နိုင်မှု အခြေအနေ၊ ဆီကုန်ကြမ်းများဖြစ်သော နေကြာနှင့် မြေပဲများရရှိနိုင်မှု၊ ဈေးကွက်၊ ဈေးနှုန်းတွက်ချေကိုက်မှုနှင့် ဆီဖြန့်ဝေ ရောင်းချနိုင်မှု အခြေအနေများ၊ စားသုံးသူကာကွယ်ပေးရေးဥပဒေပါ ထုတ်လုပ်သောကုန်စည်တွင် ကုန်အညွှန်း အမှတ်အသား ဖော်ပြထားရှိမှုအခြေအနေ၊ ထုတ်ကုန်လုံခြုံစိတ်ချရမှုရှိစေရေး အခြေအနေများကို စစ်ဆေး ဆွေးနွေးဆောင်ရွက်ခဲ့ပြီး စားသုံးသူကာကွယ်ပေးရေး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိ ပါသည်။

DOCA(ဧရာဝတီ)