သတင်းနှင့် လှုပ်ရှားမှုများ

       ၂၄.၁၁.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ မုဒုံမြို့နယ်တာဝန်ခံ ဦးညီလွင်အေးသည် မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနတို့နှင့် ပူးပေါင်း၍ “ဘေးအန္တရာယ်ရှိသော ကုန်စည်ကို စျေးကွက်အတွင်းမှ ပြန်လည် သိမ်းဆည်းစေခြင်း သို့မဟုတ် ရောင်းချဖြန့်ဖြူးခြင်းကို တားမြစ်ခြင်းနှင့် ဘေးအန္တရာယ်ရှိသော ဝန်ဆောင်မှုကို တားမြစ်ခြင်းဆိုင်ရာ အသိပညာပေး Talk Show” အား ကျင်းပ ပြုလုပ်ခဲ့ပါသည်။

          ထိုဆွေးနွေးပွဲတွင် မုဒုံမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယ ဦးစီးမှူး ဒေါ်ဇာဇာဖြိုးမှ (Talk Show) ကျင်းပပြုလုပ်ရခြင်း၏ ရည်ရွယ်ချက်အား ရှင်းလင်း ပြောကြားခဲ့ပြီး စားသုံးသူရေးရာဦးစီးဌာန၊ မုဒုံမြို့နယ်တာဝန်ခံ ဦးညီလွင်အေးမှ စားသုံးသူကာကွယ်ရေးဥပဒေပါ ပြဠာန်းချက်အရ ဘေးအန္တရာယ်ရှိသော ကုန်စည်ကို စျေးကွက်အတွင်းမှ ပြန်လည်သိမ်းဆည်းစေခြင်း သို့မဟုတ် ရောင်းချဖြန့်ဖြူးခြင်းကို တားမြစ်ခြင်းနှင့် ဘေးအန္တရာယ်ရှိသော ဝန်ဆောင်မှုကို တားမြစ်ခြင်းနှင့် ပတ်သက်သည့် အချက်များ၊ စျေးကွက်အတွင်း ဖြန့်ဖြူးရောင်းချနေသည့် ကုန်စည်နှင့် ပတ်သက်၍ စားသုံးသူ နစ်နာဆုံးရှုံးမှုရှိပါက တာဝန်ရှိသူနှင့် ပတ်သက်သည့် အချက်များ  တိုင်ကြားနိုင်သည့် နည်းလမ်းများအား ဆွေးနွေးခဲ့ကြောင်း သိရသည်။

DOCA (မွန်)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံး CICC ခန်းမ၌ (၂၁.၁၁.၂၀၂၅)ရက်နေ့၊  နေ့လယ်(၁၃း၀၀)နာရီအချိန်တွင် ၂၀၂၅ခုနှစ်၊ ဒီဇင်ဘာလ လုပ်ငန်း ညှိနှိုင်း အစည်းအဝေးနှင့် ဝန်ထမ်းထု ဆန္ဒဖော်ထုတ်ပွဲ(ဒါဘာ)(၁၂/၂၀၂၅)အစည်းအ‌ဝေးအား ပြုလုပ်ခဲ့ကြောင်း သိရသည်။

   အဆိုပါ အစည်းအဝေးတွင် ခရိုင်ဦးစီးမှူးက ဝန်ထမ်းများအား ရုံးချုပ်၏ လမ်းညွှန်ချက်များ အား ပြောကြား၍ ဌာနခွဲတာဝန်ခံများက ဌာနခွဲအလိုက် ဆောင်ရွက်ပြီးစီးမှုနှင့် ဆက်လက်ဆောင်ရွက်မည့် လုပ်ငန်းများအားတင်ပြခဲ့ရာ ခရိုင်ဦးစီးမှူးက လိုအပ်သည်များ ညွှန်ကြားခဲ့ပြီး ဆက်လက်ဆောင် ရွက်မည့်လုပ်ငန်းများအား ပေါင်းစပ်ဆောင်ရွက်သွားရန် မှာကြားခဲ့ပါသည်။

    ဆက်လက်၍ ဝန်ထမ်းထု ဆန္ဒဖော်ထုတ်ပွဲ(ဒါဘာ)အစည်းအ‌ဝေးအား ကျင်းပခဲ့ပြီး သက်ဆိုင်ရာ ဌာနခွဲအလိုက် ဝန်ထမ်းများက လိုအပ်ချက်များ တင်ပြခဲ့ရာ ခရိုင်ဦးစီးမှူးက လိုအပ်သည် များကို ညှိနှိုင်းဖြေရှင်းဆောင်ရွက်ပေးခဲ့ပြီး အစည်းအဝေးအား (၁၅း၃၀)နာရီအချိန်တွင် ပြီးမြောက်ခဲ့ကြောင်း သိရှိရပါသည်။

DOCA(မကွေး)

      စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုဖြင့် ဂန့်ဂေါမြို့နယ်တာဝန်ခံ ဒု-ဦးစီးမှူး ဒေါ်ဇာဇာချိုဦးနှင့် ဝန်ထမ်းသည်  (၁၁.၁၁.၂၀၂၅)ရက်နေ့၊ နေ့လယ် (၁၂:၀၀)အချိန်တွင် ဂန့်ဂေါမြို့၊ အခြေခံပညာအထက်တန်းကျောင်း(ခွဲ)ကျောတိုက်ကျောင်း ၌ ဆရာ/ဆရာမ(၈)ဦး၊ ကျောင်းသား/ ကျောင်းသူ(၂၁၀)ဦး၊ စုစုပေါင်း(၂၁၈)ဦးအား စားသုံးသူ ကာကွယ်ရေးအသိပညာပေးဟောပြောပွဲပြုလုပ်ခဲ့ကြောင်း သိရသည်။

     ဂန့်ဂေါမြို့နယ်တာဝန်ခံက ဆွေးနွေးရာတွင် စားသုံးသူကာကွယ်ရေးဥပဒေ(၂၀၁၉)ပါ စားသုံး သူအခွင့်အရေးနှင့်တာဝန်များ၊ ကုန်အညွှန်းအမှတ်အသားဖော်ပြချက်များ သိရှိရန်လိုအပ်ကြောင်း၊ နစ်နာဆုံးရှုံးမှုများဖြစ်ပေါ်ပါက ဌာနသို့တိုင်ကြားနိုင်ကြောင်း၊ စားသုံးသူနစ်နာဆုံးရှုံးမှုများကို ဖြေရှင်း ပေးနိုင်သည့် စားသုံးသူ သတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေး စင်တာ(CICC) အားဖွင့်လှစ်ထားရှိကြောင်း အသေးစိတ်ရှင်းလင်းဆွေးနွေးပြီး ကျောင်းသား/ကျောင်းသူများမှ သိလိုသည်များမေးမြန်း၍ ပြန်လည်ဖြေကြားပေးခဲ့ပြီး အသိပညာပေး လက်ကမ်းစာစောင်များဖြန့်ဝေခဲ့ကြောင်း သိရှိရပါသည်။

DOCA(မကွေး)

       စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊  ပခုက္ကူခရိုင်ဦးစီးမှူး၏ ကြီးကြပ်မှုဖြင့် ခရိုင်ဦးစီးမှူးရုံးမှ စားသုံးသူရေးရာဌာနခွဲတာဝန်ခံ ဒု-ဦးစီးမှူး ဒေါ်နွယ်နွယ်အေးသည် (၁၉.၁၁.၂၀၂၅)ရက်နေ့၊ နံနက်(၁၀:၀၀)အချိန်တွင် ဒေသတွင်း ထုတ်လုပ်လျက်ရှိသော “ရီမွန်ကျော်”၊ “ကောင်းကျော်”၊ “လမင်းသာ” အမှတ်တံဆိပ် ကုလားပဲမှုန့် ထုတ်လုပ် သော လုပ်ငန်းများသို့ သွားရောက်၍ အသိပညာပေးဆွေးနွေးခဲ့ကြောင်း သိရသည်။

          စားသုံးသူရေးရာဌာနခွဲတာဝန်ခံက ဆွေးနွေးရာတွင် မိမိတို့ ထုတ်လုပ်သော ကုလားပဲမှုန့် များတွင် အစားအသောက်၏ အခြေခံအချက်မှာ သန့်ရှင်းသပ်ရပ်စွာ ထုတ်လုပ်ရန်ဖြစ်သောကြောင့် ကုလားပဲဆံ ရွေးချယ်ရာတွင် အဖျင်းအမှော်၊ ဖုန် သဲ ခဲ များ မပါဝင်အောင် သတိပြုရန်လိုအပ်ကြောင်း၊ ကုလားပဲ မှုန့်ကြိတ်ခွဲရာတွင်လည်း မကြာခဏ စက်သန့်ရှင်းရေးပြုလုပ်ရန်လိုအပ်ကြောင်းနှင့် စီးပွားရေးလုပ်ငန်းရှင်၏ တာဝန်များအကြောင်း၊ စားသုံးသူကာကွယ်ရေးဥပဒေပါ ကုန်အညွှန်းအမှတ် အသားဖော်ပြခြင်း အကြောင်းအရာများအားဆွေးနွေးခဲ့ပြီး စားသုံးသူကာကွယ်ရေးဥပဒေပါ လက် ကမ်းစာစောင်များဖြန့်ဝေခဲ့ကြောင်း သိရှိရပါသည်။

DOCA(မကွေး)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်တာဝန်ခံရုံးမှ ဒု-ဦးစီးမှူး ဒေါ်ရီရီထွေးသည် (၂၀.၁၁.၂၀၂၅)ရက်နေ့၊ နေ့လယ်(၁၄:၀၀)နာရီအချိန်တွင် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး Communityခန်းမ၌ စားသုံးသူကာကွယ်ရေး အသိပညာပေးဟောပြောပွဲ (Talk Show) ပြုလုပ် ဆောင်ရွက်ခဲ့ကြောင်း သိရသည်။

      အဆိုပါ ဟောပြောပွဲတွင် ဒေါ်ရီရီထွေးက ကုန်အညွှန်းအမှတ်သား ပြည့်စုံမှုမရှိသည့် ကုန်စည်နှင့် ဝန်ဆောင်မှုများ ထုတ်လုပ်ခြင်း၊ ရောင်းချခြင်း၊ ဖြန့်ဖြူးခြင်းပြုလုပ်ပါက စားသုံးသူ ကာကွယ်ရေး ဥပဒေတွင် ပြဌာန်းထားသည့် စီးပွားရေးလုပ်ငန်းရှင်၏ တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအကြောင်းအား အသေးစိတ်ရှင်းလင်း ဆွေးနွေးပြောကြားခဲ့ကြောင်း သိရှိရပါသည်။

DOCA(မကွေး)