သတင်းနှင့် လှုပ်ရှားမှုများ

     မွန်ပြည်နယ်၊ ဘီးလင်းမြို့၊ မြင်သာရပ်ကွက်၊ မြင်သာတေရဝါဒ ပရိယတ္တိစာသင်တိုက်နှင့် ဘုန်းတော်ကြီးသင်ပညာ‌ရေး (မူလွန်)ကျောင်း၌ ဘီးလင်းမြို့နယ်၊ စားသုံးသူရေးရာဦးစီးဌာနမှ စားသုံးသူကာကွယ်ရေးအသိပညာပေးဟောပြောဆွေးနွေးပွဲကို (၂၀.၁၁.၂၀၂၅) ရက်နေ့တွင် ကျင်းပပြုလုပ်ခဲ့ကြောင်း သိရသည်။

    အဆိုပါ ဟောပြောပွဲတွင် စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံမှ ဌာန၏ မျှော်မှန်းချက်၊ ရည်မှန်းချက်၊ လုပ်ငန်းတာဝန်များအား ဦးစွာပြောကြား၍ ကုန်စည်၊ ဝန်ဆောင်မှုများအကြောင်း၊ ကုန်အညွှန်းအမှတ်အသားများနှင့် စပ်လျဥ်း၍ သိကောင်းစရာ များကိုဟောပြောဆွေးနွေး၍ ‌ သထုံခရိုင်ဦးစီးမှူးရုံးမှ ဒုတိယဦးစီးမှူး ဦးစည်သူမှ စားသုံးသူ အခွင့်အရေးနှင့်တာဝန်များအကြောင်း၊ စားသုံးသူများ နစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်မည့်နည်းလမ်းများနှင့် ထိုနည်းလမ်းများထဲမှ Consumer Call Center သို့ ဖုန်းခေါ် ဆို၍ တိုင်ကြားနိုင်သည့်နည်းလမ်းအား လက်တွေ့ဖုန်းခေါ်ဆိုဆွေးနွေးခဲ့ပြီး အဆိုပါ ဟောပြော ပွဲသို့ ဆရာ/ဆရာမ (၈) ဦး၊ ကျောင်းသား/ကျောင်းသူ (၁၀၄) ဦး တက်‌ရောက်၍ စားသုံးသူကာကွယ်ရေးနှင့် ပတ်သက်၍ သိလိုသည်များကို ဆွေးနွေးခဲ့ကြောင်း သတင်း ရရှိရပါသည်။

DOCA (မွန်)

     ၂၂.၁၁.၂၀၂၅ ရက် စနေနေ့တွင် မွန်ပြည်နယ်၊ သထုံမြို့နယ်သို့ စားအုန်းဆီကုမ္ပဏီများမှ စားအုန်းဆီ ရောက်ရှိလာမှုအား သထုံခရိုင်၊ စားသုံးသူရေးရာဦးစီးဌာန၊ သထုံခရိုင်ရုံးမှ သထုံမြို့နယ် တာဝန်ခံနှင့် ဝန်ထမ်းများသည် သွားရောက်စစ်ဆေးခဲ့ကြသည်။

      ထို့သို့ စစ်ဆေးရာတွင် သထုံမြို့နယ်စားအုန်းဆီ ကိုယ်စာလှယ်များထံသို့ ယာဥ်အမှတ် (6J-7536)၊ ယာဥ်မောင်း ဦးကျော်မင်း မော်တော်ယာဥ်ဖြင့် (Myat Ah Kan Co. Ltd) သို့ စားအုန်းဆီ (၂၁) ပေပါ ရောက်ရှိပြီး၊ ယာဥ်အမှတ် (6J-7536)၊ ယာဥ်မောင်း ဦးကျော်ဝင်းအောင် မော်တော်ယာဥ်ဖြင့် (Lwin Maung Maung Co. Ltd) သို့ စားအုန်းဆီ (၆၄) ပေပါ ‌ရောက်ရှိခဲ့ကြောင်း သိရှိရပါသည်။

DOCA (မွန်)

    ၂၂.၁၁.၂၀၂၅ ရက် စနေနေ့တွင် မွန်ပြည်နယ်၊ စားသုံးသူရေးရာဦးစီးဌာန၊ သထုံခရိုင် ဦးစီးမှူးရုံးမှ သထုံမြို့နယ်တာဝန်ခံ ဦးထိန်လင်းထွန်းနှင့် ဝန်ထမ်းများသည် သထုံမြို့နယ်၊ အခွန်လွတ်ဈေး၌ Myat Ah Kan CO. Ltd မှ လက်လီကိုယ်စားလှယ် ဒေါ်ညိုညိုချောမှ စားသုံးဆီရောင်းချနေမှုအား သွားရောက်စစ်ဆေးခဲ့ပါသည်။

    ထိုသို့ စစ်ဆေးရာတွင် သတ်မှတ်ထားသော စျေးနှုန်းဖြင့်ရောင်းချခြင်း၊ သတ်မှတ်အရေအတွက်အတိုင်း ရောင်းချခြင်း၊ ဗီနိုင်းတပ်ဆင်ရောင်းချခြင်း ရှိ/မရှိ စစ်ဆေးခဲ့ပြီး စားအုန်းဆီ တစ်ပိဿာလျှင် (၇၀၂၈) ကျပ်နှုန်းဖြင့် စားအုန်းဆီ ပိဿာ (၄၄၀)အား ရောင်းချခဲ့ကြောင်း သိရှိရပါသည်။

DOCA (မွန်)

     ကချင်ပြည်နယ်၊   မြစ်ကြီးနားခရိုင်အတွင်း အွန်လိုင်းစနစ်ဖြင့်   ရောင်းချခြင်းလုပ်ငန်းများနှင့်စပ်လျဉ်း၍ အသိပညာပေးဆောင်ရွက်မှုအနေဖြင့် စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ‌‌ ဦးဘောမ်ဇုံး(ရုံးအုပ်)သည် ၂၄.၁၁.၂၀၂၅ ရက်နေ့တွင် မြစ်ကြီးနားမြို့၊ အောင်နန်းရပ်ကွက်ရှိ စားသုံးသူပြည်သူ(၁၀)ဦးနှင့်တွေ့ဆုံ၍ အသိပညာပေးဆောင်ရွက်ခဲ့ပါသည်။

        ထိုသို့အသိပညာပေးဆောင်ရွက်ခဲ့ရာတွင် ဦးဘောမ်ဇုံး(ရုံးအုပ်)က စားသုံးသူကာကွယ်ရေး ဥပဒေ (၂၀၁၉)ပါ စားသုံးသူ၏အဓိပ္ပာယ်ဖွင့်ဆိုချက်၊ စားသုံးသူအခွင့်အရေးနှင့်တာဝန်များ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ အမိန့်ကြော်ငြာစာအမှတ် ၅၁/၂၀၂၃ အရ အွန်လိုင်းစနစ်ဖြင့်ရောင်းချခြင်းလုပ်ငန်းကိုအရေးကြီးဝန်ဆောင်မှုလုပ်ငန်းအဖြစ်သတ်မှတ်ထားရှိမှုအခြေအနေ၊ အွန်လိုင်းရောင်းချခြင်းလုပ်ငန်း၏အဓိပ္ပာယ်ဖွင့်ဆိုချက်၊ အွန်လိုင်းမှဈေးဝယ်ယူရာတွင် တွေ့ရှိရသည့်အားသာချက်၊အားနည်းချက်များ၊အွန်လိုင်းမှလိမ်လည်မှုပုံစံ(၂)မျိုး၊စားသုံးသူများအနေဖြင့်အွန်လိုင်းမှတဆင့်ကုန်စည်သို့မဟုတ်ဝန်ဆောင်မှုကိုဝယ်ယူရာတွင်စိစစ်သင့်သည့်အချက်အလက်များ၊မှတ်ပုံတင်ထားသောအွန်လိုင်းရောင်းချမှုလုပ်ငန်းများမှဈေးဝယ်ယူခြင်းဖြင့်ရရှိလာမည့်အကျိုးရလဒ်များ၊စားသုံးသူများအနေဖြင့်ကုန်စည်/ဝန်ဆောင်မှုများကိုဝယ်ယူရာ၌နစ်နာဆုံးရှုံးမှုများဖြစ်ပေါ်လာပါကတိုင်ကြားနိုင်သည့်‌နေရာများ၊တိုင်ကြားမှုများအပေါ်စားသုံးသူရေးရာဦးစီးဌာနမှ ဆောင်ရွက်ပေးမည့် အခြေအနေများ၊တရားမဝင်တင်သွင်းလာသည့်ကုန်ပစ္စည်းများအားOnline မှတဆင့်ဝယ်ယူခြင်းမပြုရန်၊ ကုန်အညွှန်းအမှတ်အသား ပြည့်စုံစွာဖော်ပြထားသော ကုန်စည်များကိုသာဝယ်ယူရန်နှင့် အရေးကြီး ကုန်စည်နှင့်ဝန်ဆောင်မှုဥပ‌ဒေပါ ပြစ်မှုပြစ်ဒဏ်များအကြောင်း အသိပညာပေးဆွေးနွေးခဲ့ပါသည်။

DOCA(ကချင်)

     မိုးညှင်းခရိုင်၊ စားသုံးသူရေးရာဦးစီးဌာန ခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် ၂၄.၁၁.၂၀၂၅ ရက်နေ့ ၁၁:၀၀ အချိန်တွင် မိုးညှင်းမြို့၊ မြို့မရပ်ကွက်ရှိ ဆေးနှင့်ဖြည့်စွက်စာအမျိုးမျိုး ရောင်းချသော လုပ်ငန်းရှင် ဒေါ်မေရီလုလုအောင် (အသက် ၃၀ အထက် မ- ၁ဦး)နှင့် တွေ့ဆုံ၍ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များ၊ ကုန်စည် (သို့မဟုတ်) ဝန်ဆောင်မှု အပေါ်တာဝန်ရှိမှု၊ ကုန်စည်/ဝန်ဆောင်မှု စပ်လျဉ်း၍ အာမခံချက်ပေးခြင်း၊ အာမခံပေး ထားမှုအပေါ် စားသုံးသူက တောင်းဆိုနိုင်သည့်အခွင့်အရေး၊ ကုန်အညွှန်းအမှတ်အသားများ ဖော်ပြခြင်း နှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာ ဖော်ပြရ မည့်အချက်များ၊ တားမြစ်ချက်များ၊ ပြစ်မှု နှင့် ပြစ်ဒဏ်များ၊ FDA တွင်မှတ်ပုံတင်ထားသည့် ဆေးနှင့် ဆေးပစ္စည်းများကိုသာ ဝယ်ယူဖြန့်ဖြူးရောင်းချရန်၊ စီးပွားရေးကျင့်ဝတ်၊ စည်းကမ်းနှင့်အညီ ဖြောင့် မတ်မှန်ကန်စွာ ဆောင်ရွက်ရန်နှင့် ဆေးနှင့် ဆေးပစ္စည်းများအား ဈေးနှုန်းမြှင့်တင် ရောင်းချဖြန့်ဖြူး ခြင်း၊ ဈေးတက်စေရန် ရည်ရွယ်ချက်ဖြင့် သိုလှောင်ခြင်းများ ဆောင်ရွက်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြာင်း အသိပညာပေး ရှင်းလင်းဆွေးနွေးခဲ့ပါ သည်။

DOCA(ကချင်)