ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စည်ပင်သာယာမြို့မဈေး အတွင်း/အပြင်ရှိ စားသောက်ကုန်အမျိုးမျိုးရောင်းချသည့်ဆိုင်များ ဆေးဝါးအရောင်းဆိုင်များသို့ အစားအသောက်နှင့်ဆေးဝါးကွပ်ကဲရေးဦးစီးဌာန(ရန်ကုန်တောင်ပိုင်းခရိုင်)မှ ဦးဆောင်၍ ရှောင် တခင် ကွင်းဆင်းစစ်ဆေးခြင်းအား အောက်တိုဘာလ(၉)ရက်နေ့၊ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာနမှ အဖွဲ့ဝင်အဖြစ် လိုက်ပါ၍ ပူးပေါင်းကွင်းဆင်းဆောင်ရွက်ခဲ့ကြကြောင်း သိရှိရသည်။
ထိုသို့ ကွင်းဆင်းစစ်ဆေးရာတွင် အစားအသောက်နှင့်ဆေးဝါးကွပ်ကဲရေးဦးစီးဌာနမှ ဦးစီးအရာရှိ ဦးမျိုးသီဟ(အစားအသောက်)နှင့် ဦးစီးအရာရှိ ဦးမင်းကိုလတ် ဆေးဝါးနှင့်အဖွဲ့ဝင် များ၊ မြို့နယ်အထွေထွေအုပ်ချုပ်ရေးဦးစီးဌာနမှ ဒုတိယဦးစီးမှူး ဦးအောင်ပြည့်စုံ၊ မြို့နယ်ပြည်သူ့ ကျန်းမာရေးဦးစီးဌာနမှ PHS ဦးဝေယံစိုးဝင်း၊ အမျိုးသမီးကျန်းမာရေးဆရာမ ဒေါ်သန်းသန်းစိုးနှင့် ဝန်ထမ်းများ၊ မြို့နယ်စည်ပင်သာယာရေးအဖွဲ့မှ ဒုတိယဦးစီးမှူး ဒေါ်စုစုနိုင်၊ ဈေးတာဝန်ခံ ကျန်းမာရေးမှူး-၃ ဦးထွန်းထွန်းနှင့်ဝန်ထမ်းများ၊ မြို့နယ်ပြည်သူ့ရဲတပ်ဖွဲ့မှ ဒုရဲအုပ် သက်နိုင်စိုးနှင့် ရဲတပ်ဖွဲ့ဝင်များ၊ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးနှင့် ဌာန ခွဲစာရေး ဦးတင်ထွန်းဦးတိုသည် စားသောက်ကုန်များဖြစ်သော မုန့်ဟင်းခါးဖတ်၊ ညှပ်ဖတ်၊ နန်းကြီး၊ ခေါက်ဆွဲ၊ ပဲသွေး၊ ငရုပ်သီးစိမ်းမှုန့်၊ မျှစ်ချဉ်၊ မျှစ်ဝါ၊ ဂျင်းချဉ်၊ ဂျယ်လီမေမေ(နီ၊ဝါ)၊ ကြက် အူချောင်းတို့တွင် ဖော်မလင်နှင့် ခွင့်မပြုဆိုးဆေးများ ပါဝင်မှုရှိ/မရှိ စစ်ဆေးခဲ့ကြသည်။
ဆက်လက်၍ ရပ်ကွက်အတွင်းရောင်းချသော ဆေးဆိုင်များဖြစ်သော ထွန်းဝေဆေးဆိုင်၊ ရာပြည့်ဆေးဆိုင်၊ အေးမေတ္တာဆေးဆိုင်၊ သစ်ဆန်းဆေးဆိုင်၊ ဦးစံရွှေ+ဒေါ်တင်အိဆေးဆိုင်များ တွင် လိုင်စင်များရှိ/မရှိ စစ်ဆေးခဲ့ကြရာ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးမှ အထက်ပါအတိုင်း ဆေးဝါးများ သက်တမ်းကျော်လွန်ရောင်းချခြင်းမပြုလုပ် ရန် FDA Reg ထောက်ခံချက်များ ပါဝင်ရှိသော ဆေးဝါးများကိုသာ ဝယ်ယူရောင်းချကြရန် ဆိုင်ပိုင်ရှင်လုပ်ငန်းရှင်များအား အသိပညာပေး ဆွေးနွေးကွင်းဆင်းစစ်ဆေးခဲ့ကြောင်း သိရှိရပါ သည်။
DOCA(ရန်ကုန်)
