သတင်းနှင့် လှုပ်ရှားမှုများ

  ၂၀၂၅ ခုနှစ်၊ အောက်တိုဘာ လ ၁၁ ရက်၊ နံနက်(၁၀း၀၀)နာရီ အချိန်တွင် ညွှန်ကြား ရေးမှူးချုပ် မှဦးဆောင်၍ကျင်းပပြုလုပ်သော ရွေးကောက်ပွဲနှင့်ပတ်သက်သည့် မဲစာရင်းကိစ္စများ ဆွေးနွေးခြင်း အား တနင်္သာရီတိုင်းဒေသကြီးဦးစီးမှူးရုံးမှ တိုင်းဒေသကြီးဦးစီးမှူး နှင့်ဝန်ထမ်းများက virtual စနစ် ဖြင့် တက်ရောက်ခဲ့ပါသည်။

          ထိုဆွေး‌နွေးပွဲတွင် ညွှန်ကြားရေးမှူးချုပ်မှ ဝန်ထမ်းများနှင့်မိသားစုဝင်များအားလုံး မဲပေးနိုင် ရေး အ‌လေးထားဆောင်ရွက်ရမည်ဖြစ်ကြောင်း၊   မဲစာရင်းတွင်မပါဝင်သူများအနေဖြင့် ပုံစံ-၃(က)ဖြင့် လျှေက်ထား၍ဖြစ်စေ၊ ပုံစံ-၃ ဖြင့်လျှောက်ထား၍ဖြစ်စေ မဲပေးနိုင်‌ရေးဆောင်ရွက်ရမည်ဖြစ်ကြောင်း ပြောကြားကာ တိုင်းနှင့်ပြည်နယ်များကလည်း အပြန်အလှန်ဆွေးနွေးခြင်းများပြုလုပ်ခဲ့ပြီး နံနက် (၁၁း၀၀) နာရီဆွေးနွေးပွဲပြီးဆုံးခဲ့ကြောင်း သိရှိရပါသည်။   

DOCA(တနင်္သာရီ)

    ဘိုကလေးမြို့နဘ်တာဝန်ခံနှင့် ဝန်ထမ်းတို့သည် (၁.၁၀.၂၀၂၅) နေ့၊ နံနက် (၁၀:၃၀) နာရီအချိန်တွင် ဘိုကလေးမြို့နယ် မြို့မဈေးအတွင်းရှိ စားအုန်းဆီအရောင်းဆိုင်များတွင် ရောင်းချ နေသော စားအုန်းဆီများကို သတ်မှတ်ရည်ညွှန်းဈေးဖြင့် ရောင်းချခြင်းရှိ/မရှိ ကွင်းဆင်းစိစစ်ခဲ့ကြပါ သည်။

    ထိုသို့ ကွင်းဆင်းစိစစ်ရာတွင် ဘိုကလေးမြို့နယ် မြို့မဈေးရှိ စားအုန်းဆီအရောင်းဆိုင်များမှ ညွှန်ကြားချက်ပါအတိုင်း စားသုံးသူပြည်သူများ သက်သာသော ဈေးနှုန်းဖြင့် ဝယ်ယူနိုင်ရေးအတွက် နေ့စွဲများပါသော ရည်ညွှန်းဈေးနှုန်းဖြင့် ဆိုင်းဘုတ်တင် ချိတ်ဆွဲရောင်းချနေကြောင်း ဈေးကွက် စောင့်ကြည့် ကွင်းဆင်းစိစစ်ခဲ့မှုအရ သတင်းရရှိပါသည်။

(Doca ဧရာဝတီ)

   ၂၀၂၅ ခုနှစ်၊ စက်တင်ဘာ လ ၁၂ ရက်နေ့၊ နံနက်၁၁း၀၀ နာရီအချိန်တွင် ထားဝယ်မြို့၊ အိမ်ရှေ့ပြင်ရပ်၊ ရေးလမ်းရှိ ဟိုင်း‌ဝေးကားဂိတ်ယာဥ်ရပ်နားစခန်းသို့ မြန်မာနိုင်ငံဆီကုန်သည်နှင့် ဆီလုပ်ငန်းရှင် များအသင်း၏ စီစဥ်မှုဖြင့် Myanmar Oil Alliance Co,Ltd မှ တင်ပို့ရောင်းချသည့် စားအုန်းဆီ ၁ ပေပါ လျှင် ၁၁၀ ပိဿာပါ စားအုန်းဆီ (၆၀) ပေပါကို ယာဥ်မောင်း ဦးမျိုးမင်းကျော်၊ ယာဥ်အမှတ် 7K- 6531 (Hino) မော်တော်ယာဥ်ဖြင့် လည်းကောင်း၊  Kaung Hlyan New Asia Co,Ltd မှ စားအုန်းဆီ (၅၂) ပေပါနှင့် Yadanarbon Global Network Distribution Co,Ltd မှ(၂၈)ပေပါတို့ကို  ယာဥ်မောင်း ဦးမျိုးမင်းဦး၊ ယာဉ်အမှတ် 7F-3017/Nissan မော်တော်ယာဉ်ဖြင့် တင်ဆောင်၍ ရောက်ရှိလာရာ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးဦးစိုးဦးနှင့်တာဝန်ရှိသူများက သွားရောက်စစ်ဆေး ခဲ့ကြောင်း၊ ယင်းသို့ရောက်ရှိလာသော စားအုန်းဆီ (၁၄၀) ပေပါအား ကုမ္ပဏီ၏ လက်ကားအ​ရောင်း ကိုယ်စားလှယ်မှတစ်ဆင့် ထားဝယ်မြို့၊ အိုးလုပ်ရပ်ကွက်၊ နိဗ္ဗာန်လမ်းရှိ ဦးဘိုသစ်၏ ယမုံလှိုင် ကုန်စုံ ဆိုင်အပါအဝင် လက်လီ ဆိုင် ၁၅ ဆိုင်မှတစ်ဆင့် သတ်မှတ်ရည်ညွှန်း စျေးအတိုင်း စားသုံးသူများအား ရောင်းချပေးသွားမည် ဖြစ်ကြောင်းသိရှိရပါသည်။

DOCA(တနင်္သာရီ)

   ၂၀၂၅ ခုနှစ်၊ အောက်တိုဘာလ ၁၀ ရက်နေ့၊ ၁၅း၁၅ နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးမှ MyRO မှတ်ပုံတင်စနစ်ဖြင့်ပတ်သက်၍ လာရောက်မေးမြန်းသော လုပ်ငန်းရှင်နှင့်တွေ့ဆုံခဲ့ပါသည်။

          တွေ့ဆုံဆွေးနွေးရာတွင် တိုင်းဒေသကြီးဦးစီးမှူးမှ ဆန်စီးဝင်/စီးထွက် ကိစ္စရပ်များ၊ MyRO လစဥ် လဆန်း ၁ ရက်နေ့မှ ၇ ရက်နေ့အတွင်း သိုလှောင်ရုံလုပ်ငန်းစဥ်တွင် ကုန်ရ၊ ကုန်ထုတ်၊ လက်ကျန် စာရင်းများ update ပြုလုပ်နိုင်ရေး၊ ဆန်စျေးနှုန်း/စျေးကွက် သင့်တင့်မျှတစွာဖြင့် ရောင်းချ နိုင်ရေးများနှင့် ပတ်သက်၍ ဆွေးနွေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA( တနင်္သာရီ)

     ပုသိမ်        အောက်တိုဘာ       ၅ရက်နေ့တွင်ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့၊ မြို့တော်ခန်းမတွင်ပြုလုပ်သည့် သီတင်းကျွတ်ပွဲတော်အထိမ်းအမှတ် MSMEပြပွဲပြိုင်ပွဲ၊ ဈေးရောင်းပွဲတော် ပျော်ပွဲရွှင်ပွဲ Talk Show စကားဝိုင်းဆွေးနွေးပွဲအခမ်းအနားသို့ တက်ရောက်ခဲ့ပြီး တိုင်းဒေသကြီးဝန်ကြီးချုပ်က  တိုင်းဒေသကြီးသည် စိုက်ပျိုးရေးနှင့် မွေးမြူရေးကို အခြေခံသည့် တိုင်းဒေသကြီး ဖြစ်သည့်အလျောက် MSME ထုတ်ကုန်များခင်းကျင်းပြသရာတွင်  စားသောက်ကုန်များ၊ လူသုံးကုန်ပစ္စည်းများ၊ လက်မှုပစ္စည်းများ၊ လယ်ယာသုံးပစ္စည်းများအပါဝင် အမယ်မျိုးစုံခင်းကျင်းပြသထားပါကြောင်း၊ တိုင်းဒေသကြီးအနေဖြင့် One Region One Product (OROP) ထုတ်ကုန်များစွာဖော်ထုတ်ထားပါကြောင်း၊ ထုတ်လုပ်မှု သုတေသန၊ ဈေးကွက်သုတေသနတို့ကိုတက္ကသိုလ် ကောလိပ်များနှင့် ပူးပေါင်း ဆောင်ရွက်လျက်ရှိပါကြောင်း၊ တိုင်းဒေသကြီးသည် စိုက်ပျိုးမွေးမြူရေး ကုန်ကြမ်းများ ထွက်ရှိသည့် တိုင်းဒေသကြီးဖြစ်ပြီး  MSME လုပ်ငန်းများ တွင် အသုံးပြုလျက်ရှိပါကြောင်း၊ ခရီးသွားရာသီစတင်တော့မည်ဖြစ်သဖြင့်  မိမိတို့၏ဒေသထုတ်ကုန်များနှင့် ဆွဲဆောင်ရန်လည်း လိုအပ်ပါကြောင်း၊ စားသောက်ကုန်ပစ္စည်းများထုတ်လုပ်ရာတွင် ထုတ်ပိုးမှုစနစ် သေသပ်ကောင်းမွန်စေရေး၊ ကုန်ပစ္စည်း အမှတ်တံဆိပ်နှင့် expire date များပါဝင်စေရန် ၊ Talk Show စကားဝိုင်းဆွေးနွေးပွဲသို့ တက်ရောက်လာသည့် လုပ်ငန်းရှင်များကလည်း စိတ်ပါဝင်စားစွာနားထောင်၍ ပြန်လည်ဆွေးနွေးပေးကြစေလိုကြောင်း၊ MSMEလုပ်ငန်းများ ပိုမိုဖွံ့ဖြိုးတိုးတက်ရေးအတွက်  အားလုံးကဝိုင်းဝန်း ပူးပေါင်းဆောင်ရွက်သွားကြစေ လိုကြောင်းအမှာစကားပြောကြားသည်။

       ဆက်လက်၍ MSME Talk Show စကားဝိုင်းဆွေးနွေးပွဲကို ပြုလုပ်ရာ ပုသိမ်တက္ကသိုလ်ပါမောက္ခချုပ်က Moderator အဖြစ် လည်းကောင်း၊ စားသုံးသူရေးရာဦးစီးဌာန၊ အသေးစားစက်မှုလက်မှုလုပ်ငန်းဦးစီးဌာန၊ မြန်မာ့စီးပွားရေးဘဏ်၊ ဆန်စက်လုပ်ငန်းရှင် များအသင်း၊ စိုက်ပျိုးရေးဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာန၊ မြန်မာ့လယ်ယာဖွံ့ဖြိုးရေးဘဏ်၊ ဧရာဝတီ တိုင်းဒေသကြီးကုန်သည်များနှင့် စက်မှုလက်မှုလုပ်ငန်းရှင်များအသင်းနှင့် မွေးမြူရေးနှင် ကုသရေးဦးစီးဌာနတို့မှ Panellists အဖြစ်လည်းကောင်း ပါဝင်ဆောင်ရွက်ခဲ့ပြီး ဆွေးနွေးပွဲသို့တက်ရောက်လာသူများ၏ မေးမြန်းမှုများအား တာဝန်ရှိသူများက ပြန်လည်ရှင်းလင်းဆွေးနွေးခဲ့ကြောင်း သိရသည်။

DOCA (ဧရာဝတီ)