သတင်းနှင့် လှုပ်ရှားမှုများ

      ၁၄.၇.၂၀၂၅ ရက်နေ့၊နေ့လယ်  (၁၄:၀၀) နာရီအချိန်တွင် စားသုံးသူ‌ရေးရာဦးစီးဌာန၊ သထုံခရိုင် ဦးစီးမှူးရုံးမှ ဦးအောင်ကျော်မင်း ဦးစီးအရာရှိနှင့် ဦးစည်သူ ဒုတိယ‌ဦးစီးမှူးတို့သည် ဆန်၊ စပါး သိုလှောင်ရုံများအား MyRoတွင် မှတ်ပုံတင် သက်တမ်းတိုးဆောင်ရွက်ရန် ကွင်းဆင်း ဆောင်ရွက်ခဲ့ကြသည်။

     ထိုသို့ ကွင်းဆင်းဆောင်ရွက်ရာတွင် သထုံမြို့နယ်၊ မြေနီကုန်းကျေးရွာရှိ ဦးဝင်းဌေးအောင် ပိုင်ဆိုင်သည့် ဆန်စက်နှင့် ဆန်၊ စပါးသိုလှောင်ရုံအား MyRoတွင် မှတ်ပုံတင် သက်တမ်းတိုးဆောင်ရွက်ရန်၊ ဆန်၊စပါး ဝင်/ထွက် လက်ကျန်စာရင်းအား လစဥ်ပုံမှန် ဖြည့်သွင်းရန်၊  ဆန်စပါး သိုလှောင်ထားရှိမှုအခြေအနေ၊ ဆန်စပါး ရောင်းဝယ်ဖောက်ကားမှု အခြေအနေများအား ကွင်းဆင်းမေးမြန်း ဆောင်ရွက်ခဲ့ကြောင်း  သိရပါသည်။

DOCA (မွန်)

      ၁၁.၇.၂၀၂၅ ရက်နေ့ နံနက်ပိုင်းတွင် စားသုံးသူကာကွယ်ရေးဦးစီးဌာန၊ ကျိုက်ထိုခရိုင် တာဝန်ခံနှင့် မြို့နယ်တာဝန်ခံတို့သည် ဆန်စက်များနှင့် ဆန်၊ စပါးသိုလှောင်ရုံများအား MyRo တွင် မှတ်ပုံတင်သက်တမ်းတိုးရန် ကွင်းဆင်းဆောင်ရွက်ခဲ့ကြသည်။

          ထို့သို့ ကွင်းဆင်းဆောင်ရွက်ရာတွင် ကျိုက်ထို-တောင်စွန်း ရွှေဝါရောင်လမ်းမဘေး၊ ကျိူက်ပိကျေးရွာရှိ ဦးသက်လွင်ပိုင် (၅၀)တန်ကျ ဆန်စက်နှင့် ဆန်၊ စပါးသိုလှောင်ရုံအား ကွင်းဆင်းခဲ့ရာ MyRo တွင် မှတ်ပုံတင်သက်တမ်းတိုးဆောင်ရွက်ရန် ဆန်၊ စပါး ဝင်/ထွက် လက်ကျန် စာရင်းအား လစဥ်ပုံမှန်ဖြည့်သွင်းရန်၊ ဆန်စပါးသိုလှောင်ထားရှိမှုအခြေအနေ၊ ဆန်စျေးနှုန်း တည်ငြိမ်မှု ရှိ/မရှိ၊ ဆန်ကြိတ်ခွဲနိုင်စွမ်းအား၊ စျေးကွက်စျေးနှုန်းအခြေအနေ၊ ဆန်စပါးရောင်းဝယ် ဖောက်ကားမှုအခြေအနေများအား ကွင်းဆင်းစစ်ဆေး ဆောင်ရွက်ခဲ့ကြောင်း သိရှိရပါသည်။

DOCA (မွန်)

   မိတ္ထီလာခရိုင် စားဖိုဆောင်သီးနှံထုတ်လုပ်တင်ပို့ရောင်းချသူများအသင်း အလုပ်အမှုဆောင် ပြန်လည်ရွေးချယ်ခြင်းအခမ်းအနားကို မိတ္ထီလာမြို့ ကုန်သည်နှင့်စက်မှု၊လက်မှုလုပ်ငန်းရှင်များ အသင်း အစည်းအဝေးခန်းမ၌ ၂၀၂၅ ခုနှစ်၊ဇွန်လ(၂၉)ရက်နေ့က ကျင်းပပြုလုပ်ခဲ့ပြီး အဆိုပါအခမ်းအနားတွင် စားသုံးသူရေးရာဦီးစီးဌာန၊ ကြက်သွန်နီ၊ ငရုတ်စိုက်ပျိုးထုတ်လုပ်တင်ပို့ရောင်းချသည့်လုပ်ငန်းရှင်များ စုစုပေါင်း (၂၁)ဦီး တက်ရောက်ခဲ့ကြပါသည်။

    အဆိုအပါအခမ်းအနားတွင် စားဖိုဆောင်သီးနှံထုတ်လုပ်တင်ပို့ရောင်းချသူများအသင်းဥက္ကဌမှ အဖွင့်အမှာစကားပြောကြားခဲ့ပြီး တက်ရောက်လာသူများမှ လက်ရှိစားဖိုဆောင်သီးနှံများတင်ပို့ ရောင်း ချ နေမှုအခြေအနေများကို အသီးသီးဆွေးနွေးခဲ့ကြပြီး အလုပ်အမှုဆောင်ကို နယက(၄)ဦီး၊ ဥက္ကဌ၊ဒု-ဥက္ကဌ ၊အတွင်းရေးမှူး၊တွဲဖက်အတွင်းရေးမှူး၊ ဘဏ္ဍာရေးမှူး၊ စာရင်းစစ်၊ သတင်းနှင့်ပြန်ကြားရေး စုစုပေါင်း (၁၂)ဦီး ဖြင့် ပြန်လည်ရွေးချယ်ခဲ့ကြောင်းသိရပါသည်။

DOCA(မန္တလေး)

     စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး ခရိုင်ဦီးစီးမှူး၏ လမ်းညွှန်မှုဖြင့် ဦီးစီးအရာရှိနှင့်အဖွဲ့သည် ၂၀၂၅ ခုနှစ် ဇူလိုင်လ (၁)ရက်နေ့ နံနက် (၁၀:၀၀)နာရီ အချိန်တွင် ရမည်းသင်းမြို့နယ်ရှိ လည်သာကျေးရွာအုပ်စု၌ စားသုံးသူပြည်သူများအား စားသုံးသူကာ ကွယ်ရေးအသိပညာပေးဟောပြောဆွေးနွေးပွဲကျင်းပပြုလုပ်ခဲ့ပါသည်။

 အဆိုပါဆွေးနွေးပွဲတွင် ရမည်းသင်းမြို့နယ်တာဝန်ခံ ဦီးစန်းအောင်(ဒု-တိယဦီးစီးမှူး)မှ စားသုံးသူကာကွယ်ရေးဥပဒေပါ စားသုံးသူအခွင့်အရေးများ၊တာဝန်များ၊ ကုန်စည်(သို့) ဝန်ဆောင်မှု နှင့်စပ်လျဉ်း၍အာမခံချက်များအပေါ် စားသုံးသူမှတောင်းဆိုနိုင်သည့်အချက်များ၊ စားသုံးသူပြည်သူများ ကုန်စည်များ ဝယ်ယူသုံးစွဲရာတွင် မှန်ကန်စွာရွေးချယ် ဝယ်ယူတတ်စေရန် ကုန်အညွှန်းအမှတ်အသား နှင့်စပ်လျဉ်းသည့်အချက်များ၊ စားသုံးသူနစ်နာဆုံးရှုံးမှုများရှိပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ(CICC)နှင့် Consumer Call Center (1535) သို့  ဆက်သွယ်နိုင်တိုင်ကြား နိုင်သည့်နည်းလမ်းများကိုအကျယ်တဝင့်ရှင်းလင်းဆွေးနွေးခဲ့ပြီးတက်ရောက် လာသူများမှလည်းသိရှိလိုသည်များ မေးမြန်းခဲ့ရာတာဝန်ရှိသူများမှ ပြန်လည်ရှင်းလင်းဖြေကြားခဲ့ကြောင်း  သိရပါသည်။

DOCA(မန္တလေး)

    မွန်ပြည်နယ်၊ မုဒုံမြို့နယ်တွင် (၇၈)နှစ်မြောက် အာဇာနည်နေ့ အထိမ်းအမှတ် ဟောပြောပွဲ၊ ကဗျာရွတ်ဆိုပြိုင်ပွဲနှင့် ဆုချီးမြှင့်ပွဲ အခမ်းအနားကို ၁၁.၇.၂၀၂၅ ရက်နေ့ နံနက် (၁၀:၀၀) နာရီက လူထုအခြေပြုဗဟိုဌာနခန်းမ၌ ပြုလုပ်ခဲ့သည်။

     ဟောပြောပွဲတွင် မုဒုံမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်မိုးမိုးစန္ဒာထွန်းက အာဇာနည်ခေါင်းဆောင်ကြီး (၉) ဦး၏ အထ္တုပ္ပတ္တိ၊ အာဇာနည်၏ အဓိပ္ပါယ်၊ အာဇာနည်နေ့ဖြစ်ပေါ်လာပုံ သမိုင်းအကြောင်းများကို ရှင်းလင်းပြောကြားသည်။ ထို့နောက် ကဗျာရွတ်ဆိုပြိုင်ပွဲကို ကျင်းပရာ ကျောင်းသား/ သူများက ခေါင်းစဥ်အလိုက် ပါဝင်ယှဥ်ပြိုင်ခဲ့ကြပြီး ဆုရကျောင်းသား/သူအား မြို့နယ်ပြန်ကြားရေးနှင့်ပြည်သူ့ဆက်ဆံရေး ဦးစီးဌာန ဦးစီးအရာရှိနှင့် ဆရာ၊ ဆရာမများကဆုလက်ဆောင်များ ပေးအပ်ချီးမြှင့်ခဲ့သည်။

    ဆက်လက်၍ အာဇာနည်နေ့အကြောင်းနှင့် အသိပညာပေးနံရံကပ်ပိုစတာများ၊ စာအုပ်စာစောင်များ ခင်းကျင်းပြသပေးခဲ့ရာ တက်ရောက်ကြသည့် ကျောင်းသား/ သူများမှ စိတ်ပါဝင်စားစွာ လေ့လာကြည့်ရှုခဲ့ကြောင်း သိရသည်။

DOCA (မွန်)