သတင်းနှင့် လှုပ်ရှားမှုများ

   မွန်ပြည်နယ်၊ ကျိုက်ထိုခရိုင်၊ စားသုံးသူရေးရာဦးစီးဌာန၊ ကျိုက်ထိုမြို့နယ်တာဝန်ခံသည် (၁၄.၇.၂၀၂၅)ရက်နေ့ မွန်းလွှဲ (၄း၀၀) နာရီအချိန်တွင် ကျိုက်ထိုမြို့နယ်အတွင်းရှိ ဆီအရောင်း ကိုယ်စားလှယ်ထံသို့ Kaung Hlyan New Asia Co.Ltd မှ ယာဥ်အမှတ်(9B-8875)၊ ယာဥ်အမှတ်(4G-2351)၊ မော်တော်ယာဥ်ဖြင့် စားအုန်းဆီ (၄၄) ပေပါ ရောက်ရှိကြောင်း သိရှိရပါသည်။

   အဆိုပါ စားအုန်းဆီများကို စားသုံးသူရေးရာဦးစီးဌာန၊ မြို့နယ်တာဝန်ခံမှ သွားရောက် စစ်ဆေးခဲ့ပြီး ခွဲတမ်းရရှိသော စားအုန်းဆီများကို သတ်မှတ်ရည်ညွှန်းစျေးအပေါ် သယ်ယူ ပို့ဆောင်ခ ကုန်ကျစရိတ် အမြတ်၂%တို့ဖြင့် လက်လီ/လက်ကားဆိုင်များသို့ ခွဲဝေရောင်းချ သွားမည်ဖြစ်ကြောင်း လက်လီအရောင်းကိုယ်စားလှယ်များကလည်း စားသုံးသူပြည်သူများထံသို့ အမြတ် ၂%  ရယူ၍  မြို့နယ်အတွင်းရှိ ရပ်ကွက်ကျေးရွာများသို့ လှည့်လည် ရောင်းချ ပေးလျက်ရှိပါကြောင်း စားအုန်းဆီရောင်းချရန် ခွဲတမ်းရရှိသော လက်လီကိုယ်စားလှယ်များ ထံသို့ သိရှိရပါသည်။

DOCA(မွန်)

           မအူပင်ခရိုင်၊ ပန်းတနော်မြို့နယ် အတွင်းရှိ ဆေးဂိုဒေါင်များနှင့် ဆေးဆိုင်ကြီးများတွင် ဆေးပစ္စည်းပြတ်လပ်မှုရှိ/ မရှိ ဖြစ်သင့်ဖြစ်ထိုက်သည့်စျေးနှုန်းထက် စျေးနှုန်းမြှင့်တင်ရောင်းချမှုရှိ/မရှိကို ၇-၇-၂၀၂၅ ရက်နေ့နံနက်ပိုင်းက စားသုံးသူရေးရာဦးစီးဌာန၊ ကျန်းမာရေးဦးစီးဌာန၊ တိုင်းရင်းဆေးပညာဦးစီးဌာနတို့ပူးပေါင်း၍ လိုက်လံကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။

             ကွင်းဆင်းစစ်ဆေးရာတွင် တာဝန်ရှိသူများက ပန်းတနော်မြို့နယ်အတွင်း အရှေ့ပိုင်းရပ်ကွက်၊ အလယ်ပိုင်းရပ်ကွက်နျင့် အနောက်ပိုင်းရပ်ကွက်အတွင်း ရှိ ရောင်းချနေသော ဆေးဆိုင်ကြီးများအား ကွင်းဆင်းစစ်ဆေးဆောင်ရွက်ရာ ကျန်းမာရေး သုံးဆေးဝါးဈေးနှုန်းများ၊ ဆေးပြန်လပ်မှု ရှိ/မရှိ ၊ ဆေးဆိုင်များ လိုင်စင် ရှိ/မရှိ စစ်ဆေးဆောင်ရွက်ခြင်း၊ ဆေးဝါးရောင်ချသည့် လိုင်စင်ကို ဆိုင်အပြင်ဘက်တွင် ချိတ်ဆွဲထားရှိမှုရှိ/ မရှိ၊ သက်တမ်းလွန်ဆေးဝါးများ ရောင်းချမှုရှိ/ မရှိ စစ်ဆေးခဲ့ပြီး ပန်းတနော်မြို့နယ်အတွင်း ရောင်းချနေသော ဆေးဆိုင်များ သတ်မှတ်ချက်နှင့် အညီရောင်းချလျက်ရှိပြီး ရန်ကုန်မှ ဆေးများ မှာယူရောင်းချကာ ရန်ကုန်အထိုင်ဈေးအပေါ် သင့်တင့်သော ဈေးနှုန်းဖြင့်သာ ပြန်လည်ရောင်းချပြီး၊ တိုင်းရင်ဆေးအမျိုးမျိုးတွင် လိုင်စင်သတ်တမ်းနှင့် ထောက်ခ့ချက် ခွင့်ပြုချက်ပါသော ဆေးမျိုးကိုသာရောင်းချလျက်ရှိပြီး ဆေးများ မှာယူရ အဆင်ပြေလျက်ရှိကြောင်း မြို့နယ်တွင်း ဆေးများပြတ်လပ်မှုမရှိကြောင်း သတင်းရရှိပါသည်။

DOCA(ဧရာဝတီ)

             ဓနုဖြူမြို့နယ်၌ အသင့်သောက်အချိုရည်အမျိုးမျိုးနှင့် စပ်လျဉ်း၍ ဈေးကွက်စစ်ဆေးခြင်း ကို(၈-၇-၂၀၂၅) ရက်နေ့  ညနေ (၄) နာရီက ဓနုဖြူမြို့နယ်ရပ်ကွက်များရှိ အချိုရည် လက်ကား စတိုးဆိုင်များ၌ စစ်ဆေးခဲ့ကြောင်း သိရသည်။

             ထိုသို့ ဆောင်ရွက်ရာတွင် ဓနုဖြူမြို့နယ် စားသုံးသူရေးရာဦးစီးဌာနမှူးရုံးမှ ဦးစီးအရာရှိ ဦးဝင်းမင်းစိုးနှင့်  ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် တာဝန်ရှိသူများ ပူးပေါင်းကာ စတိုးဆိုင်များတွင် ရောင်းချနေသည့် ဆိုင်များ၌  အသင့်သောက်အချိုရည်အမျိုးမျိုးတို့ကို ဘေးအန္တရာယ်ရှိ/မရှိ၊ ကုန်အညွှန်းအမှတ်အသားတွင် ဖော်ပြရမည့်အချက်များ ပါဝင်မှုရှိ/ မရှိတို့ကို စားသုံးသူကာကွယ်ရေး ဥပဒေနှင့် အညီ လိုက်လံစစ်ဆေးခဲ့‌ကြောင်း သိရသည်။

            စားသုံးသူရေးရာဦးစီးဌာနအနေဖြင့် စားသုံးသူများ ဘေးအန္တရာယ်ကင်းရှင်းစေရေးအတွက် ဒေသတွင်းအသုံးပြုလျက်ရှိသည့် ကုန်စည်များနှင့် စပ်လျဉ်း၍ ဈေးကွက်စောင့်ကြည့် စစ်ဆေးခြင်း၊ အသင့်သောက်အချိုရည်များတွင် ထောက်ခံချက်၊ ခွင့်ပြုချက်ပါဝင်မှုရှိ/မရှိ၊ စားသုံးသူကာကွယ်ရေးဥပဒေပါ ကုန်အညွှန်းအမှတ်အသား အချက်များကို ကျယ်ကျယ်ပြန့်ပြန့် သိရှိစေရေးအတွက် အသိပညာပေးခြင်း၊ သက်ဆိုင်ရာဌာနများနှင့် ပူးပေါင်း၍ စဉ်ဆက်မပြတ် ဆောင်ရွက်လျက်ရှိကြောင်း သိရှိရပါသည်။

DOCA(ဧရာဝတီ)

      စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ကုလားပဲ(၃၀၁၄၃)ဧကစိုက်ပျိုးကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုခရိုင်အနေဖြင့် ကုလားပဲစိုက်ပျိုးမှု ရှိသော်လည်း ထွက်ရှိသည့်ကုလားပဲများကို ကုန်ကြမ်းအဖြစ်သာရောင်းချပြီး ပဲခွဲစက်ဖြင့်ခွဲ၍ ကုလားပဲဆံ များထုတ်လုပ်ရောင်းချမှုမရှိသည့်အတွက် ရွှေဘိုမြို့တွင်ရောင်းချသည့် ကုလားပဲဆံများကို မန္တလေးမြို့မှ ဝယ်ယူရောင်းချပြီး ကုလားပဲလုံးများကို ဒေသတွင်းမှထွက်ရှိသည့် ကုလားပဲလုံးများအပြင် မန္တလေးမြို့မှလည်း ဝယ်ယူရောင်းချကြပါသည်။

ကုလားပဲဆံ

       ရွှေဘိုမြို့ ဈေးကွက်အတွင်း ဇူလိုင်လ၊ ပထမအပတ်တွင်ရောင်းချသည့် ကုလားပဲဆံဈေးနှုန်းမှာ (၁)ပြည်လျှင်(၈၃၀ဝိ/-)ကျပ်နှင့် တစ်တင်းလျှင်(၁၃၂၈၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခု အပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ကုလားပဲဆံ(၁)ပြည် လျှင်(၈၄၀ဝိ/-)ကျပ်ပေါက်ဈေးရှိခဲ့သဖြင့် ယခင်အပတ်တွင်  ယခုအပတ်အောက် ကုလားပဲဆံ(၁)ပြည်လျှင် (၁၀ဝိ/-)ကျပ် ဈေးနှုန်းလျော့နည်းခဲ့ကြောင်း၊ ဈေးကွက်အနေဖြင့် တစ်ဆင့်ပြန်လည်ရောင်းချမည့်သူများ၊ ကိုယ်တိုင်ကြော်သည့် ကုလားပဲဆံကြော်ဖိုများ၊ အလှူမင်္ဂလာပွဲလမ်း ဆောင်ရွက်မည့်သူများမှ ဝယ်ယူ ကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

ကုလားပဲလုံး

     ရွှေဘိုမြို့ ဈေးကွက်အတွင်း ဇူလိုင်လ၊ ပထမအပတ်တွင်ရောင်းချသည့် ကုလားပဲလုံးဈေးနှုန်းမှာ (၁)ပြည်လျှင်(၆၀၀ဝိ/-)ကျပ်နှင့် တစ်တင်းလျှင်(၉၆၀၀ဝိ/-)ကျပ်ဖြစ်ကြောင်း၊ ကုလားပဲလုံးမှာ အဖြူရောင် နှင့်အဝါရောင်နှစ်မျိုးရှိပြီး ရောင်းချရသည့်ဈေးနှုန်းမှာလည်း တူညီကြောင်း၊ ယခင်အပတ်နှင့် ယခုအပတ် တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ကုလားပဲလုံး(၁)ပြည်လျှင် (၆၀၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီး ဈေးငြိမ်နေကြောင်း၊  ဧပြီလ၊ စတုတ္ထအပတ်မှစတင်၍ ယခုအချိန်ထိ အရောင်းအဝယ် ဖြစ်သည့်ဈေးနှုန်းတူညီပြီး ဈေးအေးနေကြောင်း၊  ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့် ပြန်လည်ရောင်းချမည့်သူများ၊ ကုလားပဲသုတ်ရောင်းချသူများမှ ဝယ်ယူကြကြောင်း ပဲမျိုးစုံရောင်းချသည့် ဆိုင်များမှ သတင်းရရှိပါသည်။

DOCA(စစ်ကိုင်း)      

            မအူပင်ခရိုင်၊ စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူးရုံးမှ မြို့နယ်တာဝန်ခံနျင့် ဝန်ထမ်းများ’သည် (၆-၇-၂၀၂၅) ရက်နေ့ နံနက် (၀၉၃၀) အချိန်က မြို့နယ်စည်ပင်သာယာရေးအဖွဲ့နှင့်အတူ ကုန်စုံဆိုင်များဖြစ်သော ဆိုင်ရှင် ဦးသိန်းနွယ်ဆိုင်၊ ဦးကြည်အေးကုန်စုံဆိုင် ၅ရပ်ကွက်ကုန်စုံဆိုင်၊ ဒေါ်မြင့်မြင့်ကြည် ပဒေသာကုန်စုံဆိုင် ၄ရပ်ကွက်ကုန်စုံဆိုင်၊ စောမော်စီတုန်း ​စောမော်စီတုန်းကုန်စုံဆိုင် ၁၈ရပ်ကွက် ကုန်စုံဆိုင်များမှ ‌ရောင်းချနသော ဟင်းလျာများတွင် အသုံးပြုသော အရောင်အနံ့ အတွက်အသုံးပြုသော ဟင်းခတ်ပစ္စည်းအမျိုးမျိုးအား ကွင်းဆင်းစစ်ဆေးခဲ့ကြသည်။

            စစ်ဆေးရာတွင် ဦးဝင်းမင်းစိုး ဦးစီးအရာရှိက ကုန်စုံဆိုင်များမှ ရောင်းချနေသော ဟင်းမွေးမဆလာ၊ ခရုအဆီ၊ ဟင်းခတ်အမှုန့်များ၊ လျှာလကာရည်၊ ငံပြာရည်အမျိုးမျိုး၊ အမွေးအကြိုင်အတွက်အသုံပြုသော ကုန်ပစ္စည်းများတွင် ကုန်အညွှန်းအမှတ်အသား ဖော်ပြပါဝင်ခြင်း ရှိမရှိ၊ အစားအသောက်နှင့် ဆေးဝါးကွပ်ကဲရေးဦးစီးဌာန၏ ခွင့်ပြုချက် ပါဝင်မှုရှိမရှိတို့ကို စစ်ဆေးခဲ့ပြီး၊ ဓနုဖြူဈေးကွက်အတွင်း သတ်မှတ်ချက်များနှင့်အညီ ထုတ်ကုန်များရောင်းချနေကြောင်း တွေ့ရှိရပြီး သက်တမ်းလွန်ကုန်စည်များရှိပါက ရောင်းချခြင်းမရှိစေရန် ဆိုင်ရှင်များအား မှာကြားခဲ့ပြီး ဈေးကွက်အတွင်း သတ်တမ်းလွန်ကုန်စည် များရောင်းချနေခြင်း တွေ့ရှိပါက ဥပဒေအရ အရေးယူဆောင်ရွက်သွားမည်ဖြစ်ကြောင်းနှင့် စားသုံးသူကာကွယ်ရေ ဥပဒေပါ စီးပွားရေးလုပ်ငန်းရှင်တာဝန်များအကြောင်းကို ရှင်းလင်းပြောကြားခဲ့ကြေင်း သိရှိရပါသည်။

DOCA(ဧရာဝတီ)