သတင်းနှင့် လှုပ်ရှားမှုများ

   (၁၁.၇.၂၀၂၅)ရက်နေ့၊ ညနေ(၁၆:၀၀)နာရီအချိန်တွင် စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ ဦးခွန်ကျော်ဌေး(လက်ထောက်ညွှန်ကြားရေးမှူး)နှင့် ဝန်ထမ်းများသည် ရှမ်းပြည်နယ်အတွင်း ပို့ကုန်သွင်းကုန်လုပ်ငန်းရှင်မှတ်ပုံတင်အသစ် လျှောက်ထားသည့် အမှတ်(၂၇/၄)၊ ဈေးပိုင်းရပ်၊ တောင်ကြီးမြို့ရှိ Builders Luxury Company Ltd အား ကုမ္ပဏီတည်ထောင်ထား မှုနှင့်ပတ်သက်၍ အမှန်တကယ်လုပ်ငန်းဆောင်ရွက်မှုရှိ/မရှိအား မြေပြင်ကွင်းဆင်းစစ်ဆေး ဆောင်ရွက် ခဲ့ပါသည်။

      ထိုသို့ကွင်းဆင်းစစ်ဆေးရာတွင် ဒေါ်သီသီထွေး (ဦးစီးမှူး)မှ ပို့ကုန်သွင်းကုန်လုပ်ငန်းရှင် မှတ်ပုံတင်အသစ် လျှောက်ထားမှုနှင့်စပ်လျဉ်း၍ ကွင်းဆင်းစစ်ဆေးရာတွင် သတ်မှတ်ပုံစံတွင် စနစ် တကျဖြည့်သွင်း၍ မြေပြင်တွင် လုပ်ငန်းအမှန်တကယ်ရှိ/မရှိ၊ ရင်းနှီးမြှုပ်နှံမှုနှင့် ကုမ္ပဏီများမှတ်ပုံ တင်ရေးဦးစီးဌာန၏ ကုမ္ပဏီအမည်၊ ကုမ္ပဏီမှတ်ပုံတင်အမှတ်နှင့် ရက်စွဲတို့ကို မူရင်းဖြင့် တိုက်ဆိုင်စစ်ဆေးဆောင်ရွက်ခဲ့ကြောင်း သိရှိရပါသည်။

DOCA(ရှမ်း)

   ၂၀၂၅ ခုနှစ်၊ ဇူလိုင်လ(၁၅)ရက်နေ့၊ နံနက်(၁၁:၀၀)နာရီအချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ တာချီလိတ်မြို့နယ်တာဝန်ခံရုံးမှ စစ်ဆေးရေးမှူးဦးမြင့်နောင်(ဦးစီးမှူး) ဦးဆောင်၍ အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးဌာနတို့နှင့် ပူးပေါင်းကာ    တာချီလိတ်မြို့နယ်၊ ဖန်မင်ကျေးရွာရှိ ရွှေရှမ်းမင်းသောက်ရေသန့်လုပ်ငန်းအား ထုတ်ကုန်များလုံခြုံစိတ်ချရမှုရှိစေရန် အတွက် စစ်ဆေးခြင်းလုပ်ငန်းဆောင်ရွက်ခဲ့ပါသည်။

   ထိုသို့စစ်ဆေးရာတွင် ရွှေရှမ်းမင်းသောက်ရေသန့်သည် စားသုံးသူကာကွယ်ရေးဥပဒေ အခန်း(၁၈)ပါ “ကုန်အညွှန်းအမှတ်အသားဖော်ပြခြင်း” နှင့် ပတ်သက်၍ ပြည့်စုံစွာ ဖော်ပြထားပြီး ထုတ်ကုန်များကိုသန့်ရှင်းသပ်ရပ်စွာထုတ်လုပ်ဖြန့်ချိသည်ကို စစ်ဆေးတွေ့ရှိရပါ သည်။ ထို့နောက် စစ်ဆေးရေးမှူးနှင့် ဌာနဆိုင်ရာတာဝန်ရှိသူများသည် လုပ်ငန်းရှင်အား စားသုံးသူများဘေးအန္တရာယ် ကင်းရှင်းစေရေးကိုအလေးထားဆောင်ရွက်ရန်၊ ထုတ်လုပ်မှု အဆင့်တိုင်းစနစ်တကျရှိစေရန်၊ သက်ဆိုင်ရာဌာနများ၏လုပ်ငန်းလိုင်စင်သက်တမ်းတိုးခြင်းများ ဆောင်ရွက်ရန်နှင့်  စားသုံးသူကာကွယ်ရေးဥပဒေအခန်း(၁၀)ပါ “စီးပွားရေးလုပ်ငန်းရှင်၏ တာဝန်များ” ကို လိုက်နာဆောင်ရွက်ရန် အသိပညာပေးဆွေးနွေးခဲ့ကြပါသည်။

DOCA(ရှမ်း)

    ရှမ်းပြည်နယ်(တောင်ပိုင်း) ဆန်စက်လုပ်ငန်းရှင်များအသင်းကို (၂၀၂၅-၂၀၂၈) ခုနှစ် သက်တမ်းအတွက် အလုပ်အမှုဆောင်သစ်များ ပြန်လည်ရွေးချယ် ဖွဲ့စည်းခြင်း အခမ်းအနားကို ၂၀၂၅ ခုနှစ်၊ ဇူလိုင်လ ၁၁ ရက်နေ့ နံနက်(၁၀:၀၀) နာရီအချိန်၊ ရှမ်းပြည်နယ် (တောင်ပိုင်း) ကုန်သည်များနှင့် စက်မှုလက်မှုလုပ်ငန်းရှင်များအသင်း(SSSCCI)   အစည်းအဝေးခန်းမတွင် ကျင်းပ ပြုလုပ်ခဲ့ပါသည်။  

   အခမ်းအနားသို့ စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ ဝန်ထမ်းများ၊ ရှမ်းပြည်နယ်(တောင်ပိုင်း) ဆန်စက်လုပ်ငန်ရှင်များအသင်း အလုပ်အမှုဆောင်များ၊ ဆန်စက် လုပ်ငန်းရှင်များ စုစုပေါင်းအင်အား(၅၀)ဦးခန့် တက်ရောက်ခဲ့ကြပါသည်။ အခမ်းအနားတွင် ဦးခွန်ကျော်ဌေး(လက်ထောက်ညွှန်ကြားရေးမှူး)က ရှမ်းပြည်နယ်အတွင်း ဖွဲ့စည်းထားရှိသည့် အသင်းအဖွဲ့များ၊ အစုအဖွဲ့များအခြေအနေ၊ အသင်းဖွဲ့စည်းခြင်း၏ အကျိုးရလဒ်များကိုလည်းကောင်း၊ ဆန်စက်လုပ်ငန်းရှင်များအသင်း၏(၂၀၂၂-၂၀၂၅)သက်တမ်းဥက္ကဌ ဦးရဲထွန်းမှ အသင်းပြန်လည် ဖွဲ့စည်းခြင်း၏ ရည်ရွယ်ချက်များ၊ ဖွဲ့စည်းပုံနည်းစနစ်များ၊ ရွေးချယ်ပုံများကို လည်းကောင်း၊ အတွင်းရေးမှူးမှ(၂၀၂၂-၂၀၂၅)သက်တမ်းကာလအတွင်း လုပ်ငန်းဆောင်ရွက်ချက်များကိုလည်းကောင်း၊ ဘဏ္ဍာရေးမှူးမှ(၂၀၂၂-၂၀၂၅)သက်တမ်းကာလအတွင်း ဘဏ္ဍာရေးရှင်းတမ်း များကိုလည်းကောင်း ရှင်းလင်းဆွေးနွေးခဲ့ကြပါသည်။     ထို့နောက် ရှမ်းပြည်နယ်(တောင်ပိုင်း) ဆန်စက်လုပ်ငန်းရှင်များအသင်း၏ (၂၀၂၅-၂၀၂၈) သက်တမ်းကာလအတွက် အလုပ်အမှုဆောင်များကို မဲပေးစနစ်ဖြင့် ပြန်လည်ဖွဲ့စည်း ဆောင်ရွက်ခဲ့ရာ အလုပ်အမှုဆောင်အသစ်များကို နာယကအပါအဝင်(၂၁)ဦးဖြင့် ဖွဲ့စည်းခဲ့ကြောင်း သတင်းရရှိပါသည်။

DOCA(ရှမ်း)

   ၂၀၂၅ ခုနှစ်၊ ဇူလိုင်လ (၁၅)ရက်နေ့၊ နံနက် (၁၀:၀၀)နာရီအချိန်တွင် ဓနုကိုယ်ပိုင် အုပ်ချုပ်ခွင့်ရဒေသ၊ စားသုံးသူရေးရာဦးစီးဌာန၊ ပင်းတယမြို့၊ ဒေသဦးစီးမှူးရုံးမှ စစ်ဆေးရေးမှူး ဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင် သာယာရေးဌာနတို့နှင့်ပူးပေါင်းကာ ပင်းတယမြို့၊ ဈေးတန်းရပ်ကွက်ရှိ “ပွင့်ဖြူ”   စားသောက်ဆိုင်၊ “ဦးအစိတ်” စားသောက်ဆိုင် နှင့်“ကောင်းကောင်း” စားသောက်ဆိုင်  (၃)ဆိုင်အား စားသုံးသူများအနေဖြင့် အစားအသောက်များ ဝယ်ယူစားသုံးရာ၌ ဘေးကင်းလုံခြုံမှု ရရှိစေရန် ကွင်းဆင်းစစ်ဆေး ခြင်းလုပ်ငန်း ဆောင်ရွက်ခဲ့ပါသည်။

          ဆက်လက်၍ စစ်ဆေးရေးမှူးနှင့် တာဝန်ရှိသူများသည် စားသောက်ဆိုင်ဖွင့်လှစ်ရောင်းချ သည့် လုပ်ငန်းရှင်များအား အစားအသောက်များ ချက်ပြုတ်ရာတွင် သက်ဆိုင်သည့် အထောက် အကူပြုပစ္စည်းများ၊ စားသောက်ကုန်ကြမ်းများအား သန့်ရှင်းသပ်ရပ်စွာထားရန်၊ ချက်ပြုတ်သည့် စားဖိုမှူးများ၏ တစ်ကိုယ်ရည်သန့်ရှင်းရေးအား အလေးထားဆောင်ရွက်ရန်၊ စားသောက်ဆိုင်၏ မီနူးတွင် ဈေးနှုန်းများ ဖော်ပြထားရန်နှင့် စားသုံးသူကာကွယ်ရေးဥပဒေ အခန်း (၁၀)ပါ “စီးပွားရေး လုပ်ငန်းရှင်၏တာဝန်များ”ကို သိရှိလိုက်နာဆောင်ရွက်စေရန် အသိပညာပေးခြင်းလုပ်ငန်း ဆောင်ရွက်ခဲ့ပါသည်။         

DOCA(ှရှမ်း)

     စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးမှ ဦးဝင်းထွန်းဦး(ဦးစီးမှူး)နှင့်ဝန်ထမ်းများ သည် (၁၅-၇-၂၀၂၅)ရက်နေ့၊နံနက်(၀၈:၃၀)နာရီအချိန်တွင် မြင်းခြံမြို့၊အမှတ်(၇)ရပ်ကွက်ရှိ မော်မော် ဆီအရောင်းဆိုင်သို့ ဈေးနှုန်းမြှင့်တင်ရောင်းချမှုရှိ/မရှိ ရှောင်တခင်ကွင်းဆင်းစစ်ဆေးခဲ့ပါသည်။
     ကွင်းဆင်းစစ်ဆေးရာတွင် စားအုန်းဆီလက်လီ/လက်ကားရောင်းချနေသော လုပ်ငန်းရှင်များ အနေဖြင့် စားအုန်းဆီများဖြန့်ဖြူးရောင်းချရာတွင် ဈေးနှုန်းများကို Vinylများ ချိတ်ဆွဲရောင်းချစေရေး၊ ရောင်းချသည့်ဈေးနှုန်းများကိုလည်း (၂%)အမြတ်ထက်ကျော်လွန်၍ ရောင်းချခြင်းမပြုရန်၊ အလေးချိန် အချင်အတွယ်မှန်ကန်စေရေး၊ အရေအတွက်မှန်ကန်စေရေး၊ ပြည်သူများလက်ဝယ်သို့ သက်သာသော နှုန်းထားဖြင့် အမှန်တကယ်ရောင်းချစေရေး၊ ဈေးနှုန်းများ အဆမတန် မြှင့်တင်ရောင်းချမှုမရှိစေရေးနှင့် ဈေးကစားရန်ရည်ရွယ်ချက်ဖြင့် သိုလှောင်ထားမှုမရှိစေရေး၊ စားသုံးသူလက်ဝယ်သို့ အမှန်တကယ် တိုက်ရိုက်ရောက်ရှိစေရေး၊ ဌာနမှသတ်မှတ်ထုတ်ပြန် ထားသည့် အမိန့်နှင့်ညွှန်ကြားချက်များနှင့်အညီ လိုက်နာရောင်းချစေရေးတို့အတွက် မြေပြင်အခြေအနေကွင်းဆင်းကြပ်မတ်စစ်ဆေးမှုများဆောင်ရွက်ခဲ့ ကြောင်းနှင့် လက်လီအရောင်းဆိုင်များအနေဖြင့် လိုက်နာဆောင်ရွက်လျက်ရှိကြောင်းသိရှိရသည်။

DOCA(မန္တလေး)