သတင်းနှင့် လှုပ်ရှားမှုများ

   ၂၃-၄-၂၀၂၅ ရက်နေ့ နံနက် (၁၀:၀၀)နာရီမှ (၁၁:၄၅) အချိန်အထိ ဓနုဖြူမြို့နယ် စားသုံးသူ ရေးရာဦးစီးဌာနနှင့် ကျန်းမာရေးဦးစီးဌာန၊ စည်ပင်သာယာရေးအဖွဲ့ တို့ပူးပေါင်း၍ ဆောက်လုပ်ရေး လုပ်ငန်းသုံး ပစ္စည်းနှင့် အခြေခံစားသောက်ကုန်စည်များ ကုန်ဈေးနှုန်းတည်ငြိမ်မှု ရှိမရှိ ကုန်ဈေးနှုန်း မြင့်တက်မှု မရှိစေရေး ကွင်းဆင်းစစ်ဆေးဆောင်ရွက်ခဲ့ကြောင်း သိရသည်။

   ကွင်းဆင်းစစ်ဆေးဆောင်ရွက်ရာတွင် ဓနုဖြူမြို့နယ်ဦးစီးမှူး ဦးဝင်းမင်းစိုးနှင့် ပူးပေါင်းအဖွဲ့က ၅ရပ်ကွက်နှင့် မြို့မဈေးအတွင်း အခြေခံစားသောက်ကုန် ၅ဆိုင်ဖြစ်သော ဦးကျင်လှ၊ လမင်း၊ ဦးကျော်ဆွေဝင်း၊ ဒေါ်ရှုဝမ်၊ ဦးတင်အေး ကုန်စုံဆိုင်မှ ရောင်းချသော အခြေခံစာသောက်ကုန်ဈေးနှုန်းများကို မေးမြန်းခဲ့ရာ ကုန်စည် ဈေးနှုန်းများ ပုံမှန် တည်ငြိမ်လျှက်ရှိကြောင်း တွေ့ရှိရပြီး ဆိုင်ရှင်များကို သင့်တင့်မျှတသောဈေးဖြင့်သာ ရောင်းချရန် ဈေးကစားခြင်းမပြုရန် အသိပေးပြောကြားခဲ့ပြီး ဆက်လက်၍ ဆောက်လုပ်ရေးလုပ်ငန်းသုံး ပစ္စည်းအရောင်းဆိုင်(၅)ဆိုင်ဖြစ်သော၁၃ရပ်ကွက်၊ ၂ရပ်ကွက်၊ ၁၈ရပ်ကွက်ရှိ ဦးဟန်းမြင့်၊ အဏ္ဏဝါ၊ ကိုအောင်ဝင်း၊ စိန်မိသားစု၊ စူပါအောင် အရောင်ဆိုင်များအား ဆက်လက်စစ်ဆေးရာ ဆောက်လုပ်ရေးပစ္စည်း ဘိလပ်မြေ ရန်ကုန်မှ မှာယူရ ခက်ခဲ့ ကြောင်း ပစ္စည်းပြတ်လပ်မှုများရှိကြောင်း သိရှိရပြီး ပစ္စည်းများ သိုလှောင်ထားခြင်း မရှိကြောင်း အိမ်ဆောင်ပစ္စည်းများ ဈေးနှုန်းပုံမှန်ဖြင့်ရောင်းချနေကြောင်း စစ်ဆေးဆွေ့ရှိရသည်။ ဆိုင်ရှင်များကို ယနေ့ဖြစ်ပေါ်နေသော သဘာဝဘေးအမျိုးမျိုးကြောင့် ကုန်စည်များကို ဈေးကစားခြင်းမျိုး မပြုလုပ်ရန် ရန်ကုန်မှ မှာယူရသော ကုန်စည်ဘောင်ချာဖြတ်ပိုင်များကို စနစ်တကျသိမ်းဆည်း ထားရန် လုပ်ငန်းရှင်များက သတ်မှတ်ချက်များကို လိုက်နာဆောင်ရွက်ရန် မှားကြားခဲ့ကြောင်း သိရသည်။

DOCA(ဧရာဝတီ)

   စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဦးစီးအရာရှိ ဒေါ်စမ်းစမ်းမြင့်နှင့် ဝန်ထမ်းများသည် (၁၉-၅-၂၀၂၅) ရက် ၊ နံနက် (၀၉:၀၀) နာရီအချိန် တွင် ဘားအံမြို့ရှိ  ဖုန်းဆိုင်(၅)ဆိုင်နှင့် ကွန်ပျူတာ (၁)ဆိုင်အား ကုန်အညွှန်းအမှတ်အသားစစ်ဆေးခြင်းနှင့် အသိပညာပေးခြင်းလုပ်ငန်းများ ဆောင်ရွက်ရန်အတွက် ကွင်းဆင်းစစ်ဆေးခဲ့ကြောင်း သိရှိရသည်။

   ထိုသို့ဈေးကွက်စောင့်ကြည့်စစ်ဆေးခဲ့ရာတွင်ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေး ကော်မရှင် ညွှန်ကြားချက် အမှတ်၊ ၂/၂၀၁၉ နှင့်အညီ ကိုက်ညီမှု ရှိ / မရှိ ‌စစ်ဆေးခဲ့ပါသည်။ ဆက်လက်၍ စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဦးစီးအရာရှိ ဒေါ်စမ်းစမ်းမြင့်က စီးပွားရေး လုပ်ငန်းရှင်များအား ကုန်အညွှန်းအမှတ်အသား ပြည့်စုံစွာဖော်ပြထားသောကုန်ပစ္စည်များအား ရောင်းချကြရန်နှင့် ကုန်ပစ္စည်များပေါ်တွင် မြန်မာဘာသာဖြင့် ကုန်အညွှန်းအမှတ်အသားများအား ပြည့်စုံစွာထည့်သွင်းထားကြရန် အသိပညာပေး ဆောင်ရွက်ခဲ့ကြောင်း သိရသည်။

DOCA (ကရင်)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး မှ တာဝန်ရှိသူနှင့် ခရိုင်ရေနံထွက် ပစ္စည်းကြီးကြပ်စစ်ဆေးရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မြို့နယ် အရံမီးသတ်တပ်ဖွဲ့ တို့သည် ၂၀၂၅ ခုနှစ်၊ ဧပြီလ (၁၄) ရက်နေ့ တွင် မအူပင်မြို့ပေါ်ရှိ စက်သုံးဆီအရာင်းဆိုင် (၇)ဆိုင် သို့ ကွင်းဆင်းစစ် ဆေးခဲ့ပါသည်။

     ထိုသို့ ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ ဒေါ်ခိုင်ခိုင်လင်း ဒု-ဦးစီးမှူးက စက်သုံးဆီ တင်သွင်းရောင်းချဖြန့်ဖြုးသည့် လုပ်ငန်းရှင်အား သတ်မှန်ရည်ညွှန်းဈေးအပေါ်  သယ်ယူစရိတ် ၂ရာခိုင်နှုန်းဖြင့် ရောင်းချခြင်း ရှိမရှိနှင့် LED ဘုတ်ဖြင့်ဖော်ပြရောင်ချမှု ရှိမရှိကို စစ်ဆေးခြင်း၊ စားသုံးသူကာကွယ်ရေးဥပ‌ဒေပါ စီးပွားရေးလုပ်ငန်းရှင် တာဝန်နှင့် အညီ ရောင်းချရန်၊ တရားမဝင်စက်သုံးဆီများ အရောင်းအဝယ်မပြုရန်ကို သတိပေး ပြောကြားခဲ့ပြီး ၊ လုပ်ငန်းရှင်များ အနေဖြင့် တရားမဝင်စက်သုံးဆီ၊ ချောဆီများအား တင်သွင်း ဖြန့်ဖြူးရောင်းချပါက အရေးယူ ဆောင်ရွက်သွားမည်ဖြစ်ကြောင်း ၊ စက်သုံးဆီများကို ရေနံထွက် ပစ္စည်းကြီးကြပ်စစ်ဆေး ရေးဦးစီးဌာနက နေ့စဉ်ထုတ် ပြန်ထားသော သတ်မှတ်ရည်ညွှန်းဈေးထက် ပိုမိုရောင်းချခြင်းမပြုရန်နှင့် ညွှန်ကြားချက်များအတိုင်း ရောင်းချကြရန် ပြောကြားဆွေးနွေးခဲ့ပြီး စစ်ဆေးခဲ့ကြကြောင်း သိရပါသည်။

DOCA(ဧရာဝတီ)

     သုံးစွဲရန်မသင့်သည့် အလှကုန်ပစ္စည်း အမျိုးအစားပေါင်း (၂၀) ကို FDA Myanmar ထုတ်ပြန် ထားသဖြင့် စားသုံးသူရေးရာဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးအဖွဲ့၊ တိုင်းရင်းဆေးပညာဦးစီ’ဌာနဆို့ပူးပေါင်း၍ မြို့နယ်တွင်းရှိ အလှကုန်အရောင်းဆိုင်များကို လစဉ်ဈေးကွက်စောင့်ကြည့်စစ်ဆေးလျက်ရှိသည်။

     ၁၄-၅-၂၀၂၅ ရက်နေက ဓနုဖြူမြို့နယ်ဦးစီးမှူးဦးဝင်းမင်းစိုးနှင့် ပူးပေါင်းအဖွဲ့သည် နေ့လည် (၁၁၀၀)အချိန်က အလှကုန်နှင့် စတိုးဆိုင်၅ရပ်ကွက်ရှိ ဦးခင်ရွှေ၊ ဒေါ်အေးအေးမာ၊ ဦးဇော်မြင့်၊ ဦးနေအောင်၊ ဒေါ်နွယ်နွယ်ဝင်း အလှကုန်ဆိုင် မှ ရောင်းချသော အလှကုန်များကို ဘေးအန္တရာယ်ကင်းရှင်းစေရေးနှင့် တရားမဝင်ကုန်စည်များ ရောင်းချခြင်းမရှိ MLM အလှကုန်ပစ္စည်းဈေးကွက်အတွင်း တရားဝင်လမ်းကြောင်းမှတစ်ဆင့် တင်သွင်းလာ သော ပြီး ရောင်းချခြင်း ရှိ/မရှိကို စစ်ဆေးခဲ့ကြပြီး ဓနုဖြူမြို့နယ်အလှကုန်ဈေးကွက်များအတွင်း မှတ်ပုံတင် Brand များကိုသာ ဈေးကွက်အတွင်းဦးစားပေးရောင်းချနေကြောင်း စစ်ဆေးတွေ့ရှိရသည်။   စားသုံးသူကာကွယ်ရေးဥပဒေပါ အခန်း(၁၈)တွင်ပါရှိသည့် ကုန်အညွှန်းအမှတ်အသားဖော်ပြချက်များနှင့် ကိုက်ညီမှုရှိ သောကုန်စည်များ ဖြန့်ဖြူးရောင်းချခြင်းရှိ/ မရှိစစ်ဆေးခြင်းနှင့် ဥပဒေပါ အခန်း(၁၁)ရှိ ကုန်စည်နှင့် ပတ်သက်၍ အာမခံချက်ပေးခြင်းနှင့် အခန်း(၁၇)ပါ ကုန်စည် (သို့မဟုတ်) ဝန်ဆောင်မှုအပေါ်တာဝန်ရှိမှုနှင့် စပ်လျဉ်း၍ ‌ရှင်းလင်း ပြောကြားခဲ့ကြောင်း သိရှိရပါသည်။

DOCA(ဧရာဝတီ)

  မအူပင်ခရိုင်ဦးစီးမှူးရုံးအနေဖြင့် ဒေသတွင်းရောင်းချသော အမှတ်တံဆိပ်ပါ ဗူးသွပ်ဆီများ ကုန်အညွှန်အမှတ်အသားပြည်စုံမှု ရှိ/မရှိနှင့် ပြည်သူများ ဘေးအန္တရာယ်ကင်းရှင်းလုံခြုံစွာ အသုံးပြုနိုင်ရေးအတွက် ဈေးကွက်စောင့်ကြည့်စစ်ဆေးခြင်းလုပ်ငန်းကို လစဉ် အပါတ်စဉ် စစ်ဆေးဆောင်ရွက်လျှက်ရှိသည်။

   ၂၃-၄-၂၀၂၅ ရက်နေ့ နံနက်(၁၀၀)နာရီအချိန် က ညောင်တုန်းမြို့နယ်ဦးစီးမှူးရုံးမှ ဒေါ်ချီမီဇင် ဒု-ဦးစီးမှူးနှင့် ဝန်ထမ်းများ မြို့နယ်စည်ပင်သာယာရေးအဖွဲ့နှင့်အတူ ညောင်တုန်း ၄ရပ်ကွက်၊ ၆ရပ်ကွက်၊ ၇ ရပ်ကွက်များရှိ ဗူးသွပ်ဆီ အရောင်းဆိုင်(၉)ဆိုင်အား ဈေးကွက်စောင့်ကြည့် စစ်ဆေးခဲ့ရာ  ကုန်အမှတ်တံဆိပ်အမျိုးမျိုးဖြင့် ထုတ်လုပ်ဖြန့်ဖြူးရောင်းချလျက်ရှိသော ဆီဗူးများတွင်  ဟင်းသီးဟင်းရွက်ဆီ ( Vegetable Oil , Cooking Oil ) ဟုသာ ဖော်ပြထားခြင်းများ စစ်ဆေးဆွေ့ရှိရပါသည်။ လုပ်ငန်းရှင်များကို ရောင်းချနေ‌သော ဆီဗူးများတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းဆိုင်ရာ ပြဌာန်းချက် အချက်အလက်များ ပါဝင်မှ ရောင်းချရန် ညွှန်ကြားချက်အမှတ် (၁/၂၀၂၁) လုပ်ငန်းရှင်များ တိကျစွာလိုက်နာဆောင်ရွက်ရန် အသိပညာပေးခြင်း၊ ကုန်စည်ရောင်းချသူများအနေဖြင့် မိမိတို့ရောင်းချသော ကုန်စည်နှင့်ပတ်သက်သော ကုန်အညွှန်းအမှတ်အသားဆိုင်ရာ သတင်းအချက်အလက်များကိုသိရှိရန်နှင့် ထုတ်ပြန်ထားသောညွှန်ကြားချက်များနှင့်အညီ လိုက်နာဆောင်ရွက်ရန် လိုက်နာမှု မရှိပါက အရေးယူဆောင်ရွက်သွားမည်ဖြစ်ကြောင်း လုပ်ငန်းရှင်များကို သိရှိကြောင်း မှတ်တမ်းရေးသွင်း၍ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

DOCA(ဧရာဝတီ)