ဖျာပုံခရိုင် စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်းတို့သည် စည်ပင်သာယာရေးအဖွဲ့နှင့် ပူးပေါင်း၍ (၂.၄.၂၀၂၆) ခုနှစ်၊ နေ့လယ် (၁၁:၀၀) နာရီအချိန်တွင် ဖျာပုံမြို့ ၊ မြို့မဈေးကြီးအတွင်းရှိ စားအုန်းဆီဆိုင်များအား သတ်မှတ်ရည်ညွှန်းဈေးထက် ကျော်လွန်ရောင်းချမှုမရှိစေရေး ကွင်းဆင်းစစ်ဆေးခဲ့ကြောင်း သိရသည်။
အဆိုပါ ကွင်းဆင်းစစ်ဆေးရာတွင် ခရိုင်ဦးစီးမှူးနှင့်ဝန်ထမ်းများသည် စားအုန်းဆီရောင်းချရာတွင် လက္ကားကိုယ်စားလှယ်များအနေဖြင့် ရန်ကုန်အထိုင် ရည်ညွှန်းလက္ကားဈေးနှုန်းအပေါ် သယ်ယူပို့ဆောင်စရိတ်များ ထပ်ပေါင်း၍ (၂) ရာခိုင်နှုန်းအမြတ်ထက်မပိုသော ဈေးနှုန်းဖြင့် ဈေးကွက်အတွင်းပြန်လည်ရောင်းချခြင်းနှင့် ဈေးနှုန်းအဆမတန် မြှင့်တင်ရောင်းချခြင်း မရှိစေရေးအတွက် ကွင်းဆင်းစိစစ်ဆောင်ရွက်ခဲ့ပြီး လိုအပ်သည်များကို ထပ်မံမှာကြားခဲ့ကြောင်း ကွင်းဆင်းစိစစ်ခဲ့မှုအပေါ် သတင်းရရှိပါသည်။
DOCA(ဧရာဝတီ)