သတင်းနှင့် လှုပ်ရှားမှုများ

  စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှ ဒုတိယဦးစီးမှူး၊ ဒေါ်ရီရီထွေးသည် (၉-၄-၂၀၂၅)ရက်နေ့၊ နေ့လယ်(၁၅း၀၀)နာရီအချိန်တွင် သရက်မြို့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၌ စားသုံးသူများဘေးကင်းလုံခြုံစိတ်ချရမှုရှိစေရေးအတွက် အသိပညာပေး Talk Show ဟောပြောပွဲဆောင်ရွက်ခဲ့ကြောင်း သိရသည်။

 ဟောပြောပွဲတွင် ဒုတိယဦးစီးမှူးက  စားသုံးသူကာကွယ်ရေးဥပဒေ (၂၀၁၉)၊ အခန်း(၁၈)၊ ပုဒ်မ(၄၁)ပါ ကုန်အညွှန်းအမှတ်အသားဖော်ပြခြင်းဆိုင်ရာအကြောင်းအရာများကို အသေးစိတ်ရှင်းလင်း ဆွေးနွေးခဲ့ပြီး စားသုံးသူများ နစ်နာဆုံးရှုံးမှုများရှိခဲ့ပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ (CICC) မကွေးတိုင်းဒေသကြီးဦးစီးမှူးရုံးသို့ လည်းကောင်း၊ Consumer Call Center Hotline (1535) သို့လည်းကောင်း၊ စားသုံးသူရေးရာဦးစီးဌာန၊ သရက်ခရိုင် ဦးစီးမှူးရုံး၌လည်း ၂၀၂၅ခုနှစ်၊ မတ်လမှ စတင်၍   စားသုံးသူသတင်း ပြန်ကြားရေးနှင့် လက်ခံဆောင်ရွက်ရေး စင်တာ(CICC) ကို ဖွင့်လှစ် ထားရှိပြီးဆက် သွယ်တိုင်ကြားနိုင်ကြောင်း စားသုံးသူများသိရှိစေရန် အသိပညာပေး Talk Show ဟောပြောခဲ့ကြောင်း သိရှိရပါသည်။

DOCA(မ‌ကွေး)

   စားသုံးသူရေးရာဦးစီးဌာန၊ မြိတ်ခရိုင်ဦးစီးမှူး၊ ဦးမျိုးဝင်း၊ ဒု-ခရိုင်ဦးစီးမှူးနှင့် ဝန်ထမ်းတို့သည် (၂၀.၅.၂၀၂၅)ရက်နေ့ နံနက်(၁၁း၀၀)နာရီတွင် မြိတ်မြို့၊ ပန်းပဲဖိုလမ်း၊ ကြောင်ငယ်ရပ်ရှိ ဇင်ဇင်း အ မှတ်တံဆိပ် ဇီးယိုလုပ်ငန်းရှင်သို့ ကွင်းဆင်းတွေ့ဆုံပြီး ကုန်အညွှန်းအမှတ်အသားဆိုင်ရာသတ်မှတ် ချက်များပြည့်စုံမှန်ကန်စွာ ထည့်သွင်းဖော်ပြပေးရေး အသိပညာပေးဆွေးနွေးခဲ့ပါသည်။

   ဇင်ဇင်း အမှတ်တံဆိပ် ဇီးယိုလုပ်ငန်းရှင် ဒေါ်အေးသန်းမှ ဇီးယို တစ်ဒယ်ယိုထိုးပါက ဇီးသီး(၅) ပြည်၊ ဓနိပျားရည်တစ်ပိဿာ၊ ဆား၊ မဆလာနှင့် ငရုတ်သီးမှုန့်တို့သုံးစွဲရကြောင်းနှင့် ဇီးသီး(၁)ပြည် လျှင်(၁၅၀၀)ကျပ်၊ ဓနိပျားရည်တစ်ပိဿာ(၆၅၀၀)ကျပ်တို့ဖြင့် အရင်း(၁၄၀၀၀)ကျပ်ကုန်ကျပြီး ကုန် ချော ဇီးယို(၂)ကျပ်သားထုပ် (၂၀၀)ထုပ်ခန့်ထွက်ရှိပြီး ဇီးယို(၂)ကျပ်သား (၁)ထုပ်လျှင် (၁၅၀)ကျပ် ဖြင့် လက်ကားပြန်လည်ဖြန့်ဖြူးပေး၍ (၃၀၀၀၀)ကျပ်ရရှိကာ ဇီးယို(၅)ပြည် တစ်ဒယ်လျှင် အမြတ် (၁၆၀၀၀)ကျပ်ရရှိကာ မိသားစုစားဝတ်နေရေးအတွက်တစ်ဖက်တစ်လမ်းမှ အထောက်အကူပြုလျက် ရှိကြောင်း လေ့လာသိရှိရပါသည်။

DOCA(တနင်္သာရီ)

       မြိတ်ခရိုင်စားသုံးသူရေးရာဦးစီးဌာနသည် စားသုံးသူများဘေးကင်းလုံခြုံစေရေးအတွက် ၂၀၂၅ ခုနှစ်၊ မေလ(၂၀)၊ ရက်နေ့တွင် ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြိတ်ခရိုင် စီမံအုပ်ချုပ်ရေးအဖွဲ့နှင့်မြို့နယ်စည်ပင်သာယာရေးအဖွဲ့တို့ဖြင့် မြိတ်မြို့၊ သာကေတရပ်၊ သဲကွင်း(၃) လမ်းရှိ Lucky Moon စားသောက်ဆိုင်သို့ သွားရောက်၍ စားသုံးသူများဘေးကင်းစေရေး ကွင်းဆင်း စစ်ဆေးဆောင်ရွက်ခဲ့ကြောင်း သတင်းရရှိပါသည်။

     ကွင်းဆင်းစစ်ဆေးရာတွင် စားအသောက် ပြုပြင်ရောင်းချသည့် နေရာများ၊ သန့်ရှင်းသန့်ရပ်မှု အခြေအနေများအားစစ်ဆေးခဲ့ပြီး  စားသောက်ဆိုင်များသည် မိမိတို့ဆိုင်များမှပေးအပ်သည့် ဝန် ဆောင်မှုနှင့် စပ်လျဉ်း၍ စားသုံးသူများအားလုံလောက်သည့် သတင်းအချက်အလက်များကို အသိပေးရမည်ဖြစ်ကြောင်းနှင့် ရောင်းချသည့် စားသောက်ဖွယ်ရာများ၏ အမျိုးအစား၊အရွယ်အစား (size) ပမာဏအလိုက် ဈေးနှုန်းအားပွင့်လင်းမြင်သာစွာ ကြိုတင်အသိပေးဖော်ပြထားရန် ဆွေးနွေးပြောကြားခဲ့ကြောင်း သတင်းရရှိခဲ့ပါသည်။

DOCA(တနင်္သာရီ)

    ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ လမ်းညွှန်မှုအရ အလုံခရိုင်၊ မရမ်းကုန်းခရိုင်၊ ကျောက်တံတားခရိုင် တရားမဝင်ကုန်သွယ်မှု တိုက်ဖျက်ရေး အထူးအဖွဲ့ ဦးဇော်မင်းလတ် ခရိုင်ဦးစီးမှူး ဦးဆောင်သောပူးပေါင်းအဖွဲ့သည်  ၁၆.၅.၂၀၂၅ ရက်နေ့ ရက်နေ့တွင် ကမ်းရိုးတန်းသွားရေယာဉ်များဆိုက်ကပ်သည့် ဆိပ်ကမ်းများဖြစ်သော နိုင်ဂရုဆိပ်ကမ်းနှင့် ဘုရင့်နောင်ဆိပ်ကမ်းအား အကောက်ခွန်ဦးစီးဌာန၊ စားသုံးသူရေးရာ ဦးစီးဌာန၊ အထွေထွေ အုပ်ချုပ်ရေးဦးစီးဌာန၊ မြန်မာ့ဆိပ်ကမ်းအာဏာပိုင်၊ အမှတ်(၃) ရေကြောင်းရဲတပ်ဖွဲ့စသည့် ပူးပေါင်းအဖွဲ့များဖြင့် ပူးပေါင်း၍ ရေယာဉ်များတွင် တင်ဆောင် ထားသော တင်ဆောင်ကုန်များအား ရှောင်တခင်ဝင်ရောက်စစ်ဆေးခဲ့ပြီး လက်နက်ခဲယမ်းများ တင်ဆောင်မှုမရှိစေရေးအတွက် ရဲတပ်ဖွဲ့နှင့်ပူးပေါင်း၍ စစ်ဆေးမှုများ ပြုလုပ်ခဲ့ကြောင်း သိရှိရပါသည်။

DOCA(ရန်ကုန်)

 စားသုံးသူများဘေးအန္တရာယ်ကင်းရှင်းရေး၊ ကျန်းမာရေး ၊စိတ်ကျေနပ်မှု ရရှိစေရေးအတွက် အာမခံချက်ပေးနိုင်သော အရည်အသွေးမြင့်မားသည့် ကုန်စည် သို့မဟုတ် ဝန်ဆောင်မှုများကို ဖော်ဆောင် ဖြည့်ဆည်းပေးနိုင်ရန် ရည်ရွယ်လျက် စားသုံးသူရေးရာဦးစီးဌာန၊ မြစ်ကြီးနားခရိုင်ရုံးမှ ဦးတင်မောင်ထွန်း (ရုံးအုပ်) သည် ၄.၄.၂၀၂၅ ရက်နေ့ ၁၄:၀၀ နာရီအချိန်တွင် မြစ်ကြီနားမြို့၊စက်မှုဇုံရပ်ကွက်ရှိ Lucky မုန့်မျိုးစုံထုတ်လုပ်သည့် လုပ်ငန်းမှ လုပ်သား(၁၆)ဦးအား စားသုံးသူကာကွယ်ရေး အသိပညာပေး ဆောင်ရွက်ခဲ့ပါသည်။

 ထိုသို့ ဟောပြောရာတွင် ဦးတင်မောင်ထွန်း (ရုံးအုပ်) က ၂၀၁၉ခုနှစ်၊ စားသုံးသူကာကွယ်ရေး ဥပဒေပါ စားသုံးသူကာကွယ်ရေးနှင့် စားသုံးသူ၏အဓိပ္ပါယ်ဖွင့်ဆိုချက်၊ စားသုံးသူ အခွင့်အရေး (၈)ချက် နှင့်တာဝန်(၄)ချက်၊ ကုန်စည် / ဝန်ဆောင်မှု နှင့်စပ်လျဉ်း၍ အာမခံချက်ပေးခြင်းအပေါ် စားသုံးသူက တောင်း ဆိုနိုင်သည့် အခွင့်အရေးများ၊ စားသုံးသူနစ်နာဆုံးရှုံးမှုများ အတွက်   လည်း တိုင်ကြားရန် CICC ရုံးခန်းများကို ဖွင့်လှစ်ထားရှိပြီး လူကိုယ်တိုင်သို့မဟုတ်ဖုန်းဖြင့်တိုင်ကြားနိုင်ပါကြောင်း၊ Call Center  1535 သို့လည်း တိုက်ရိုက်တိုင်ကြားနိုင်ပါကြောင်း အသိပညာပေး ဟောပြောခဲ့ပါသည်။

DOCA(ကချင်)