ပြည်ပကုန်သွယ်မှုသတင်းများ

          တရုတ်အမှတ်တံဆိပ် လျှပ်စစ်ကား EVများသည် အင်ဒိုနီးရှား လျှပ်စစ်ကားဈေးကွက်ကို ၂၀၂၅ ခုနှစ်၏ ဇန်နဝါရီလမှ ဇွန်လိုင်လအတွင်း လွှမ်းမိုးထားကြောင်း အင်ဒိုနီးရှား မော်တော်ကား စက်မှုလုပ်ငန်းအသင်း (GAIkINDO) ရဲ့ သြဂုတ်လ ၁၃ ရက်နေ့ ထုတ်ပြန်သည့် အချက်အလက်များအရသိရပါသည်။

          တရုတ်ကားထုတ်လုပ်ရေး BYD သည် ၂၀၂၅ ခုနှစ်၏ ပထမ ခုနှစ်လအတွင်း ဈေးကွက် ထိပ်ဆုံးတွင် ရပ်တည်လျက်ရှိပြီး ယူနစ် ၁၆၄၂၇ ရောင်းချခဲ့ပါသည်။ M6, Sealion 7, Atto 3,Seal, and Dolphin စသည့် နာမည်ကြီးမော်ဒယ်များကြောင့် အားကောင်းတဲ့စွမ်းဆောင်ရည်များ ဖြစ်ပေါ်ခဲ့ကြောင်း သိရပါသည်။ ဇူလိုင်လနှောင်းပိုင်းတွင် BYDသည် ၄င်းတို့၏ နောက်ဆုံးပေါ်ကား Atto 1 ကို GAIKINDO Indonesia International Auto Show တွင်စတင်မိတ်ဆက်ခဲ့ပါသည်။ ထိုပြပွဲတွင် ရူပီး ၁၉၅ (အမေရိကန်ဒေါ်လာ ၁၂၀၈၀ခန့်) ဖြင့် စတင်ရောင်းချခဲ့ကြောင်း သိရပါသည်။

          ဈေးကွက်၏ ဒုတိယနေရာတွင် BYD အဖွဲ့၏ အမှတ်တံဆိပ်ခွဲ Denza က ယူနစ် ၆၂၅၆ ရောင်းချခဲ့ပြီး တရုတ်ကားထုတ်လုပ်ရေး Wuling က ယူနစ် ၆၂၁၀ နှင့် တတိယနေရာတွင် ရပ်တည်နေပါသည်။စတုတ္ထနေရာတွင် Chery က ယူနစ် ၅၁၉၆ ဖြင့်ရပ်တည်နေပြီး Aion က ယူနစ် ၃၁၂၆ ဖြင့် ပဥ္စမနေရာတွင် ရပ်တည်နေကြောင်း သိရှိရပါသည်။

          ခြုံငုံကြည့်လျှင် အင်ဒိုနီးရှား၏ လျှပ်စစ်ကား ရောင်းအားသည် ဇန်နဝါရီလမှ ဇူလိုင်လအတွင်း ယူနစ် ၄၂၁၇၈ ရှိခဲ့ပြီး ၂၀၂၄ ခုနှစ် စုစုပေါင်းရောင်းအား ၄၃၁၈၈ ယူနစ်နီးပါး ရောက်ရှိခဲ့ကြောင်း သိရှိပါသည်။

          အင်ဒိုနီးရှားအစိုးရသည် ရုပ်ကြွမ်းလောင်စာများမှ သန့်ရှင်းသော စွမ်းအင်သို့ကူးပြောင်း ခြင့်ဖြင့် ကာဗွန်ထုတ်လုပ်မှုကိုလျှော့ချရန် ကတိပြုထားကြောင်း သိရှိရပါသည်။

Source: Xinhua

DOCA (ရန်ကုန်)                                                                                   

           ကမ္ဘောဒီးယားနိုင်ငံ၊ စိုက်ပျိုးရေး၊ သစ်တောနှင့် ငါးလုပ်ငန်း ဝန်ကြီးဌာန (MAFF) မှ သီဟိုဠ်စေ့နှင့် ငရုတ်ကောင်း စိုက်ပျိုးထုတ်လုပ်မှု ကွင်းဆက်ဆိုင်ရာ သင်တန်းအား ခရိုင်စိုက်ပျိုးရေးအရာရှိ  ဦးဆောင်း၍ Kampot, Tbong Khmum နှင့် Kep ပြည်နယ်များမှ အဓိက တောင်သူ (၁၀၀)ကျော်အား သီဟိုဠ်စေ့နှင့် ငရုတ်ကောင်း စိုက်ပျိုးထုတ်လုပ်ရေး ကွင်းဆက်အတွက် သင်တန်းပို့ချပေးခဲ့သည်။ ၁၄-၈-၂၀၂၅ ရက်နေ့တွင် ကျင်းပခဲ့သည့် အဆိုပါ သင်တန်းကို စိုက်ပျိုးရေး၊ သစ်တောနှင့် ရေလုပ်ငန်း ဝန်ကြီးဌာနမှ နိုင်ငံခြားရေးဝန်ကြီး Yang Saing Koma၊ ကမ္ဘောဒီးယားနိုင်ငံဆိုင်ရာ EU ကိုယ်စားလှယ်အဖွဲ့မှ ပူးပေါင်းဆောင်ရွက်ရေး အကြီးအကဲ Bryan Fornari နှင့် MAFF လက်အောက်ခံ နိုင်ငံခြားရေးဝန်ကြီး Khim Finan တို့က ဥက္ကဋ္ဌအဖြစ် ဆောင်ရွက်ခဲ့ပါသည်။ တက်ရောက်သူများတွင် Kampot၊ Tbong Khmum နှင့် Kep ပြည်နယ်များရှိ စိုက်ပျိုးရေးဦးစီးဌာနများမှ တာဝန်ရှိသူများ၊ ရပ်ရွာသင်တန်းဆရာများ၊ CAPSAFE EU-Germany ပရောဂျက်မှ ကိုယ်စားလှယ်များနှင့် ဂျာမန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (GIZ) အဖွဲ့တို့ ပါဝင်ပြီး စုစုပေါင်းတက်ရောက်သူ ၁၅၀ နီးပါးရှိခဲ့သည်။ Saing Koma က တောင်သူလယ်သမားများအား ဝန်ဆောင်မှုပေးရာတွင် ပိုမို ကောင်းမွန်စေရန်နှင့် လယ်ယာထွက်ကုန်များ အထူးသဖြင့် နိုင်ငံ့စီးပွားရေးနှင့် တောင်သူ လယ်သမားများ၏ အသက်မွေးဝမ်းကျောင်းအတွက် အဓိကသီးနှံနှစ်မျိုးဖြစ်သည့် သီဟိုဠ်စေ့နှင့် ငရုတ်ကောင်းများ၊ တောင်သူလယ်သမားများ၏ အသက်မွေးဝမ်းကျောင်းမှုဆိုင်ရာ သီးနှံများ တိုးမြှင့်ဆောင်ရွက်နိုင်ရန် ရည်ရွယ်ကြောင်း ပြောကြားခဲ့ပါသည်။ ကမ္ဘောဒီးယားနိုင်ငံဆိုင်ရာ အီးယူ ပူးပေါင်းဆောင်ရွက်ရေး ကိုယ်စားလှယ်အဖွဲ့အကြီးအကဲ Bryan Fornari က ကမ္ဘောဒီးယားနိုင်ငံသည် ပိုမိုခေတ်မီပြီး ကွဲပြားသော စိုက်ပျိုးရေးစီးပွားရေးဆီသို့ ဆက်လက် လျှောက်လှမ်းနေချိန်တွင် ဥရောပသမဂ္ဂသည် ကမ္ဘောဒီးယားနိုင်ငံအစိုးရနှင့် ပြည်သူများကို ပူးပေါင်းဆောင်ရွက်သွားရန် ကတိပြုထားကြောင်း ပြောကြားခဲ့သည်။ ဤလေ့ကျင့်ရေး အစီအစဉ်ကဲ့သို့သော ပူးပေါင်းကြိုးပမ်းမှုများမှတစ်ဆင့် ကမ္ဘောဒီးယားကျေးလက်ဒေသ အသိုင်းအဝန်းအတွက် ပိုမိုရေရှည်တည်တံ့သော၊ ယှဉ်ပြိုင်နိုင်စွမ်းရှိပြီး အားလုံးပါဝင်နိုင်သည့် အနာဂတ်အတွက် အခြေခံအုတ်မြစ်ကို ချထားပေးနေသည်ဟု ယုံကြည်ကြောင်း ဆက်လက်ပြောကြားခဲ့သည်။ လွန်ခဲ့သည့်ဆယ်စုနှစ်နှစ်ခုအတွင်း EU သည် လယ်ယာကုန်ထုတ်စွမ်းအား မြှင့်တင်ရန်၊ စားနပ်ရိက္ခာဖူလုံမှုရှိစေရေးနှင့် ကျေးလက်လူထုအတွက် စီးပွားရေးအခွင့်အလမ်း များ ဖန်တီးပေးရန် ရည်ရွယ်သည့် အမျိုးသားရေးကြိုးပမ်းမှုများကို ပံ့ပိုးပေးခဲ့ကြောင်း သိရှိရပါသည်။

 Source: Khmer Times

DOCA (ရန်ကုန်)                                                                                

           နယူးဇီလန်နှင့် သြစတြေးလျ ခေါင်းဆောင်များသည် ကုန်သွယ်မှု ပိုမိုဖြေလျှော့ရန်နှင့် စီးပွားရေး ဆက်ဆံမှုအားကောင်းစေရန် ရည်ရွယ်၍ ၎င်းတို့၏ အမျိုးသား စံနှုန်းအေဂျင်စီများအကြား ပူးပေါင်းဆောင်ရွက်မှုကို သြဂုတ်လ ၁၀ ရက်နေ့တွင် ကြေညာခဲ့သည်။ နယူးဇီလန် ဝန်ကြီးချုပ် Christopher Luxon သည် သြစတြေးလျဝန်ကြီးချုပ် Anthony Albanese ၏ နှစ်ပတ်လည်ခေါင်းဆောင်များ အစည်းအဝေးကို နယူးဇီလန်နိုင်ငံ Queenstown တွင် လက်ခံ ကျင်းပခဲ့သည်။ နယူးဇီလန်အစိုးရ၏ ထုတ်ပြန်ချက်အရ အဆိုပါ သဘောတူညီချက်သည် ထုတ်ကုန်နှင့် ဝန်ဆောင်မှုစံနှုန်းများကို ညီညွတ်စေရန်၊ Tasman တစ်လျှောက် ကုန်သွယ်မှုကို ချောမွေ့စေရန်၊ စီးပွားရေးလုပ်ငန်းများအတွက် ကုန်ကျစရိတ်များကို လျှော့ချရန်နှင့် နှစ်နိုင်ငံစလုံးတွင် စီးပွားရေးတိုးတက်မှုကို ပံ့ပိုးပေးရန် ရည်ရွယ်ထားသည်။ "နယူးဇီလန်နဲ့ သြစတြေးလျနိုင်ငံတွေမှာ ရင်ဆိုင်နေရတဲ့ စိန်ခေါ်မှုတွေကို ဆွေးနွေးခဲ့ကြပြီး အတူတကွ ပူးပေါင်းလုပ်ဆောင်ရမယ့် အခွင့်အလမ်းတွေကို ကျွန်တော်တို့ ဆွေးနွေးခဲ့ပါတယ်" ဟု New Zealand ၏ "Ging for Growth" အစီအစဉ်နှင့် သြစတြေးလျ၏ ကုန်ထုတ်စွမ်းအားဆိုင်ရာ ဦးစားပေးများအကြား ပေါင်းစပ်လုပ်ဆောင်မှုကို သတိပြုမိကြောင်း Luxon က ပြောကြားခဲ့သည်။ Queenstown အစည်းအဝေးသည် စက်တင်ဘာလတွင် သြစတြေးလျနိုင်ငံ မြို့တော်ကင်ဘာရာတွင် သြစတြေးလျ-နယူးဇီလန် ခေါင်းဆောင်မှုဖိုရမ် အပါအဝင် အဆင့်မြင့် Trans-Tasman စီးပွားရေးဆိုင်ရာ အစည်းအဝေးများ ဆက်တိုက်ကျင်းပခြင်း၏ အစဖြစ်သည်။ ယင်းကို ယခုနှစ်နှောင်းပိုင်းတွင် ရာသီဥတုနှင့် ဘဏ္ဍာရေးဝန်ကြီးများ အစည်းအဝေးနှင့် ပိုမိုနီးကပ်သော စီးပွားရေးဆက်ဆံရေး ကုန်သွယ်ရေးဝန်ကြီးများ အစည်းအဝေးတွင် ဆက်လက်ကျင်းပမည်ဖြစ်ကြောင်း သိရှိရပါသည်။

Source: Xinhua

DOCA (ရန်ကုန်)                                                                             

            ကမ္ဘောဒီးယားနိုင်ငံသည် ၂၀၂၅ ခုနှစ် ပထမ ခုနစ်လတာ ကာလအတွင်း အမေရိကန် ဒေါ်လာ ၁၇.၇၂ ဘီလီယံတန်ဖိုးရှိ ကုန်ပစ္စည်းများ တင်ပို့ခဲ့ပြီး ယမန်နှစ် အလားတူကာလထက် ကန်ဒေါ်လာ ၁၄.၉၆ ဘီလီယံမှ ၁၈.၄ ရာခိုင်နှုန်း တိုးလာကြောင်း သြဂုတ်လ ၁၁ ရက် နေ့တွင် ထုတ်ပြန်သည့် တရားဝင် အစီရင်ခံစာအရသိရသည်။ အဓိကပို့ကုန်များမှာ အဝတ်အထည်၊ ဖိနပ်နှင့် ခရီးသွားကုန်ပစ္စည်းများ၊ စက်ဘီးများ၊ ကားတာယာများနှင့် ဆန်၊ ရော်ဘာ၊ ပီလောပီနံ၊ သီဟိုဠ်စေ့၊ ငှက်ပျောသီးနှင့် သရက်သီး စသည်တို့ ပါဝင်ကြောင်း ဖော်ပြထားသည်။ အရှေ့တောင်အာရှနိုင်ငံများအတွက် ထိပ်တန်းပို့ကုန်ငါးနိုင်ငံသည် အမေရိကန်၊ ဗီယက်နမ်၊ တရုတ်၊ ဂျပန်နှင့် ကနေဒါတို့ဖြစ်ကြောင်း အစီရင်ခံစာတွင် ဖော်ပြထားသည်။ တစ်ချိန်တည်းတွင်ပင် နိုင်ငံသည် ယခုနှစ် ဇန်နဝါရီမှ ဇူလိုင်လအတွင်း စုစုပေါင်းသွင်းကုန် ဒေါ်လာ ၁၉.၁၆ ဘီလီယံကို မှတ်တမ်းတင်ခဲ့ပြီး ယမန်နှစ် အလားတူကာလထက် ဒေါ်လာ ၁၆.၅၈ ဘီလီယံမှ ၁၅.၅ ရာခိုင်နှုန်း တိုးလာကြောင်း အစီရင်ခံစာအရသိရသည်။ အဓိကတင်သွင်းသည့် ကုန်စည်များမှာ ရေနံနှင့် သဘာဝဓာတ်ငွေ့၊ အထည်ချုပ်၊ ဖိနပ်နှင့် ခရီးသွားကုန်စည်အတွက် ကုန်ကြမ်းများ၊ မော်တော်ယာဉ်များ၊ စက်ယန္တရားများ၊ အီလက်ထရွန်နစ် ပစ္စည်းများနှင့် လူသုံးကုန်ပစ္စည်းများ စသည်တို့ ပါဝင်သည်။ စီးပွားရေးနှင့်ကူးသန်း ရောင်းဝယ်ရေး ဝန်ကြီးဌာန၏ နိုင်ငံခြားရေး ၀န်ကြီးနှင့် ပြောရေးဆိုခွင့်ရှိသူ Penn Sovicheat က ဒေသတွင်း ဘက်စုံစီးပွားရေး ပူးပေါင်းဆောင်ရွက်မှု သဘောတူညီချက်နှင့် ကမ္ဘောဒီးယား -တရုတ် လွတ်လပ်သော ကုန်သွယ်မှု သဘောတူညီချက်သည် နိုင်ငံ၏ ကုန်သွယ်မှုတိုးတက်မှုကို မြှင့်တင်ပေးကြောင်း ပြောကြားခဲ့သည်။ "လွတ်လပ်သောကုန်သွယ်မှု သဘောတူညီချက် နှစ်ခုစလုံးသည် ကျွန်ုပ်တို့၏ရေရှည်နှင့် ရေရှည်တည်တံ့သော ပို့ကုန်တိုးတက်မှုအတွက် အထောက်အကူဖြစ်စေသည်" ဟု ၎င်းက ဆင်ဟွာသို့ ပြောကြားခဲ့ကြောင်း သိရှိရပါသည်။

Source: Xinhua

DOCA (ရန်ကုန်)                                                                             

          ၂၀၂၅-၂၆ ဘဏ္ဍာနှစ်၏ ပထမလေးလဖြစ်သော ဧပြီလမှ ဇူလိုင်လအတွင်း မြန်မာနိုင်ငံမှ ငါးတန်ချိန် ၈၀၀၀၀ ကျော်အား တင်ပို့ခဲ့ပြီး အမေရိကန်ဒေါ်လာ ၉၆ သန်းရရှိခဲ့ကြောင်း The Global New Light Of Myanmar ၏ သြဂုတ်လ ၁၄ ရက်နေ့ကဖော်ပြချက်အရသိရသည်။ ငါး တန်ချိန် ၄၅၉၀၀ ကျော်ကို ရေကြောင်းမှတစ်ဆင့်တင်ပို့ခဲ့ပြီး တန်ချိန် ၃၅၀၀၀ ကျော်ကို နယ် စပ်ကုန်သွယ်ရေးမှ တစ်ဆင့်အိမ်နီးချင်းနိုင်ငံများသို့ တင်ပို့ခဲ့ကြောင်း ငါးလုပ်ငန်းဦးစီးဌာန၏ ပြောကြားချက်အရသိရသည်။

          တရုတ်၊ ထိုင်း၊ ဘင်္ဂလာဒေရှ်နှင့် ဂျပန်တို့ အပါအဝင် နိုင်ငံပေါင်း ၄၀ သို့ ပင်လယ်စာများအား ရေကြောင်းလမ်းနှင့် ကုန်းလမ်းကြောင်းနှစ်မျိုးလုံးမှ တင်ပို့လျက်ရှိကြောင်းသိရသည်။ ပြီးခဲ့သော ၂၀၂၄-၂၀၂၅ ဘဏ္ဍာနှစ်အတွင်း မြန်မာနိုင်ငံသည် ငါးတန်ချိန် ၄၀၀၀၀၀ အား တင်ပို့နိုင်ခဲ့ကြောင်း သိရှိရပါသည်။

Source: Xinhua

DOCA (ရန်ကုန်)