ပြည်ပကုန်သွယ်မှုသတင်းများ

Powered by Drupal

Alibaba သည် လာမည့် ၃ နှစ်အတွင်း cloud နှင့် AI အခြေခံအဆောက်အအုံအတွက် အမေရိကန် ဒေါ်လာ ၅၃ ဘီလီယံ ရင်းနှီးမြှုပ်နှံမည်

ပြည်ပကုန်သွယ်မှုသတင်းများ

Alibaba Group သည် လာမည့်သုံးနှစ်အတွင်း cloud နှင့် AI ဟာ့ဒ်ဝဲအခြေခံအဆောက် အအုံ တည်ဆောက်ရေးတွင် ယွမ်ငွေ ၃၈၀ ဘီလီယံ(အမေရိကန်ဒေါ်လာ ၅၃ ဘီလီယံခန့်)ကျော် ရင်းနှီးမြှုပ်နှံမည်ဖြစ်ကြောင်း ဖေဖော်ဝါရီ ၂၄ ရက်နေ့တွင် ကြေညာခဲ့သည်။ ရင်းနှီးမြှုပ်နှံမှု ပမာဏသည် လွန်ခဲ့သည့်ဆယ်စုနှစ်များအတွင်း Alibaba ၏ စုစုပေါင်း cloud နှင့် AI အသုံး စရိတ်ထက်ကျော်လွန် နေသည်။ ထို့အပြင်၎င်းသည် cloud နှင့် AI ဟာ့ဒ်ဝဲအခြေခံ အဆောက်အအုံတည်ဆောက်မှုတွင် ပုဂ္ဂလိကပိုင်တရုတ်ကုမ္ပဏီတစ်ခုမှ ပြုလုပ်ဖူးသည့် အကြီးဆုံး ရင်းနှီးမြှုပ်နှံမှုဖြစ်သည်။ ဖေဖော်ဝါရီ ၁၇ ရက်က တရုတ်နိုင်ငံ၏ ထိပ်တန်း ခေါင်းဆောင်များ တက်ရောက်ခဲ့သည့် ပုဂ္ဂလိကလုပ်ငန်းများဆိုင်ရာ စာတမ်းဖတ်ပွဲအပြီး နိုင်ငံ ၏ တဟုန်ထိုးတိုးတက်လာသော AI နယ်ပယ်တွင် တိုးတက်မှုနှင့်အတူ အဆိုပါကြေညာချက်ထွက်ပေါ်လာခြင်းဖြစ်သည်။ အားကောင်းသော AI တိုးတက်မှုသည် မျှော်မှန်းထားသည်ထက် များစွာကျော်လွန်သွားခဲ့ပြီး ပြည်တွင်းသိပ္ပံနှင့်နည်းပညာ နယ်ပယ်တွင် ကြီးမားသော အလားအလာကို ပြသခဲ့ကြောင်း Alibaba Group ၏ CEO ဖြစ်သူ Eddie Wu က ပြောကြားခဲ့သည်။ ကြီးမားသော ရင်းနှီးမြှုပ်နှံမှုသည် သက်ဆိုင်ရာ လုပ်ငန်းများ၏ ယုံကြည်မှု ကိုမြှင့်တင်ရန် မျှော်လင့်ပြီး အနာဂတ်တွင် ရင်းနှီးမြှုပ်နှံမှုအတွက် Alibaba ၏ မယိမ်းယိုင်သော ကတိကဝတ်ကို အလေးပေးကြောင်း Alibaba က ပြောကြားခဲ့သည်။ Alibaba Group သည် ၎င်း၏ ကြီးထွားလာနေသော cloud computing လုပ်ငန်းနှင့် AI ရင်းနှီးမြှုပ်နှံမှုများကြောင့် တစ်နှစ်ကျော် အတွင်း အလျင်မြန်ဆုံး သုံးလပတ်ဝင်ငွေတိုးတက်မှုကို ကြာသပတေးနေ့တွင် အတည်ပြုခဲ့သည်။ ၂၀၂၄ ခုနှစ် ဒီဇင်ဘာလ ၃၁ ရက်နေ့ ကုန်ဆုံးသည့် သုံးလပတ်အတွက် Alibaba ၏ ၀င်ငွေသည် ယွမ် ၂၈၀.၂၅ ဘီလီယံအထိ ၈ ရာခိုင်နှုန်း တိုးလာပြီး စျေးကွက်မျှော်မှန်းချက်ထက် ယွမ်ငွေ ၂၈၀.၁၅ ဘီလီယံအထိ တိုးတက်လာခဲ့သည်။ ထူးခြားသည်မှာ ၎င်း၏ cloud computing လုပ်ငန်းမှ ဝင်ငွေသည် နှစ်နှစ်ကျော်အတွင်း အမြင့်ဆုံးတိုးတက်မှုဖြစ်ပြီး ယွမ် ၃၁.၇၄ ဘီလီယံအထိ တစ်နှစ် ထက် တစ်နှစ် ၁၃ ရာခိုင်နှုန်း တက်လာခဲ့သည်။ အာရှတွင် ထိပ်တန်း cloud computing ကုမ္ပဏီ ဖြစ်သော Alibaba Cloud သည် ၎င်း၏ Qwen foundation model ၏ မျိုးဆက်လေးဆက်ဖြစ်သော စွမ်းဆောင်ရည်အကောင်းဆုံး open-source foundation model ဖြစ်သည်။

DOCA(ရန်ကုန်)

 

ဗီယက်နမ်ရင်းနှီးမြှုပ်နှံမှုနှင့် စီးပွားရေးပူးပေါင်းဆောင်ရွက်မှုများကို အယ်ဂျီးရီးယားရှာဖွေ

ပြည်ပကုန်သွယ်မှုသတင်းများ

          အယ်ဂျီးရီးယားဆိုင်ရာဗီယက်နမ်ကုန်သွယ်ရေးရုံးသည် နှစ်နိုင်ငံအကြား ကုန်သွယ် ရေးနှင့် ရင်းနှီးမြှုပ်နှံမှုမြှင့်တင်ရန် အယ်ဂျီးရီးယားနိုင်ငံ Ghardaia ပြည်နယ်သို့ ဖေဖော်ဝါရီလ ၂၂ ရက်မှ ၂၅ ရက်နေ့ထိ အလုပ်သဘောအလည်အပတ်သွားရောက်ခဲ့ကြောင်း သိရပါသည်။ ရုံးနှင့် ပြည်တွင်းစက်မှုနှင့်စီးပွားရေးအသင်းတို့သည် စီးပွားရေးပူးပေါင်းဆောင်ရွက်မှု အခွင့် အလမ်းများကို ရှာဖွေရန် ဆွေးနွေးပွဲကျင်းပခဲ့ကြောင်း သိရပါသည်။ Ghardaia ပြည်နယ် သည် စက်မှုဇုန်နှစ်ခုနှင့် ယူနက်စကိုစာရင်းဝင်နေရာများကို ပိုင်ဆိုင်ထားသည့်အတွက် ကုန် ထုတ်လုပ်ခြင်း၊ ခရီးသွားကဏ္ဍနှင့် တင်ပို့ရန်အတွက် အလားအလားများကို ပိုင်ဆိုင်ထား ကြောင်း သိရပါသည်။ ထိုဆွေးနွေးပွဲတွင် ကုန်သွယ်ရေးအတိုင်ပင်ခံပုဂ္ဂိုလ် Hoang Duc Nhuan က ဗီယက်နမ်၏စီးပွားရေးနှင့် ပြည်ပကုန်သွယ်ရေးလမ်းပြမြေပုံအကျဉ်းချုပ်ကို ရှင်းလင်းခဲ့ကြောင်း သိရပါသည်။ ဗီယက်နမ်အကောက်ခွန်ဌာနထံမှ အချက်အလက်များအရ ၂၀၂၄ ခုနှစ်တွင် နှစ်နိုင်ငံအပြန်အလှန်ကုန်သွယ်မှုတန်ဖိုးမှာ အမေရိကန်ဒေါ်လာ သန်း ၂၂၀ ရှိကြောင်း သိရပါသည်။ အယ်ဂျီးရီးယားသို့ ဗီယက်နမ်၏ အဓိကပို့ကုန်များတွင် ကော်ဖီ အကြမ်း၊ ငရုတ်ကောင်း၊ သီဟိုဠ်စေ့များ၊  အုန်းသီးခြောက်များ၊ ရေထွက်ကုန်များနှင့် ဓာတု ပစ္စည်းများပါဝင်ကြောင်း သိရပါသည်။ တစ်ချိန်တည်းမှာပင် အယ်ဂျီးရီးယားထံမှ အဓိက တင်သွင်းသည့်ပစ္စည်းများမှာ Carob power၊ ဆေးဝါးများ၊ သတ္တုရိုင်းများ၊Recycle စာရွက်၊ တိရိစ္ဆာန်အစာနှင့် ကြက်ခြေထောက်တို့ပါဝင်ကြောင်း သိရပါသည်။ ရင်းနှီးမြှုပ်နှံမှုပူးပေါင်း ဆောင်ရွက်မှုတွင် ဗီယက်နမ်၏ PetroVietnam Exploration Production Corporation ၊ ထိုင်းနိုင်ငံ၏ PTT Exploration and Production Public Company Limited နှင့် အယ်ဂျီး ရီးယား၏ Sonatrach တို့သည် အယ်ဂျီးရီးယားနိုင်ငံ Ouargla ပြည်နယ်တွင် တစ်ရက်လျှင် ၁၆၀၀၀ စည်မှ ၁၈၀၀၀ စည်အထိထုတ်လုပ်နိုင်စွမ်းရှိသည့် Bir Seba ရေနံတွင်းကို ၂၀၁၅ ခုနှစ် ဩဂုတ်လမှစ၍ အောင်မြင်စွာပူးပေါင်းဆောင်ရွက်နေကြောင်း သိရပါသည်။ ရေနံနှင့် ဂတ်စ်ကဏ္ဍအပြင် များစွာသော ဗီယက်နမ်စီးပွားရေးကိုယ်စားလှယ်များသည် ဆေးဝါးများ၊ Functional Food များနှင့် ဆောက်လုပ်ရေးတို့တွင် ပူးပေါင်းလုပ်ကိုင်ရန်နှင့် ရင်းနှီးမြှုပ်နှံမှု အခွင့်အလမ်းများကိုရှာဖွေရန် လွန်ခဲ့သည့်နှစ်က အယ်ဂျီးရီးယားနိုင်ငံသို့ လာရောက် လည်ပတ်ခဲ့ကြောင်း သိရပါသည်။ အယ်ဂျီးရီးယားပြည်တွင်းလုပ်ငန်းများသည်လည်း ဗီယက်နမ်ထံမှ ကော်ဖီအကြမ်း၊ ဟင်းခတ်အမွှေးအကြိုင်၊ ဆန်၊ သီဟိုဠ်စေ့များ၊ သကြား၊ ပလတ်စတစ်ကုန်ကြမ်းပစ္စည်းများနှင့် အားကစားပစ္စည်းများကို တင်သွင်းရန်စိတ်ဝင်စားမှုကို ပြသခဲ့ကြောင်း သိရပါသည်။ ထို့ပြင် သံလွင်ဆီ၊ စွံပလွံသီး၊ နို့ထွက်ကုန်များ၊ မာဂျရင်း (ဟင်းရွက်အဆီခဲ)နှင့် ကော်ဇောများအား ဗီယက်နမ်သို့ ပြန်လည်တင်ပို့ရန်နှင့် အဝတ် အထည်၊ စိုက်ပျိုးရေးထုတ်ကုန်ပြုပြင်ထုတ်လုပ်ခြင်း၊ ရေခဲသေတ္တာထုတ်လုပ်ခြင်း၊ ထောက်ပံ့ ပို့ဆောင်ရေးနှင့် ခရီးသွားကဏ္ဍတို့တွင် ပူးပေါင်းဆောင်ရွက်နိုင်ချေများကို ရှာဖွေခဲ့ကြ ကြောင်း သိရပါသည်။

DOCA(ရန်ကုန်)

အမေရိကန်ဒေါ်လာ သန်း ၂၀၀ ကျော်တန်ဖိုးရှိသော ပြည်ပတိုက်ရိုက်ရင်းနှီးမြှုပ်နှံမှု စီမံကိန်းသစ် ၄၈ ခုကိုလိုင်စင်ချပေးခဲ့သည့် Bac Ninh ပြည်နယ်

ပြည်ပကုန်သွယ်မှုသတင်းများ

          ဗီယက်နမ်နိုင်ငံမြောက်ပိုင်းရှိ  Bac Ninh ပြည်နယ်သည် ယခုနှစ်တွင် အမေရိကန် ဒေါ်လာ သန်း ၂၁၀ ကျော်တန်ဖိုးရှိသော ပြည်ပတိုက်ရိုက်ရင်းနှီးမြှုပ်နှံမှုစီမံကိန်း(FDI)သစ် ၄၈ ခု ကိုလိုင်စင်ချပေးခဲ့ကြောင်း စီမံကိန်းနှင့် ရင်းနှီးမြှုပ်နှံမှုပြည်နယ်ဦးစီးဌာန၏ အဆိုအရ သိရပါသည်။ တစ်ချိန်တည်းမှာပင် တည်ရှိပြီး FDI စီမံကိန်း ၃၀ ခု၏ အမေရိကန်ဒေါ်လာ ၁.၂ ဘီလီယံတန်ဖိုးရှိသော မတည်ငွေထပ်တိုးမှုကိုလည်း ခွင့်ပြုပေးခဲ့ကြောင်း သိရပါသည်။ ထို့ပြင် ပြည်နယ်အာဏာပိုင်များသည် စီးပွားရေးအဖွဲ့အစည်းများ၌ ပြည်ပရင်းနှီးမြှုပ်နှံသူများ ၏ စုစုပေါင်းအမေရိကန်ဒေါ်လာ ၃.၉၁ သန်း တန်ဖိုးရှိသော မတည်ငွေပူးပေါင်းပါဝင်မှုနှင့် ရှယ်ယာများဝယ်ယူမှုများကို ခွင့်ပြုပေးခဲ့ကြောင်း သိရပါသည်။ ပြည်နယ်သည်ယခုအခါ စုစုပေါင်းအမေရိကန်ဒေါ်လာ ၃၁.၃ ဘီလီယံတန်ဖိုးရှိသော FDI စီမံကိန်း ၂၄၅၉ ခု ပိုင်ဆိုင် ထားကြောင်း ဌာနကပြောကြားခဲ့ပါသည်။ ထို့ပြင် ပြည်နယ်သည် ယခုနှစ်၏ ပထမှနှစ်လတွင် ဗီယက်နမ်ဒေါင် ၁၁၁.၁၉ ထရီလီယံ(အမေရိကန်ဒေါ်လာ ၄.၃၅ ဘီလီယံ)တန်ဖိုးရှိသော ပြည်တွင်းရင်းနှီးမြှုပ်နှံမှုစီမံကိန်း ၂၄ ခုကို လိုင်စင်ချပေးခဲ့ကြောင်း သိရပါသည်။ ၎င်းတို့သည် ဗီယက်နမ်ဒေါင် ၈၉၆ ဘီလီယံတန်ဖိုးရှိသော လည်ပတ်နေသည့်စီမံကိန်း ၁၄ ခု၏ မတည်ငွေ ထပ်တိုးမှုကိုခွင့်ပြုပေးခဲ့ကြောင်း သိရပါသည်။ ထို့ကြောင့် Bac Ninh ပြည်နယ်သည် စုစုပေါင်းဗီယက်နမ်ဒေါင် ၃၉၀.၇ ထရီလီယံတန်ဖိုးရှိသည့် ပြည်တွင်းရင်းနှီးမြှုပ်နှံမှုစီမံကိန်း ၁၆၂၉ ခု တည်ရှိရာနေရာဖြစ်လာကြောင်း သိရပါသည်။

DOCA(ရန်ကုန်)

ဗီယက်နမ်နိုင်ငံ Hai Phong ဆိပ်ကမ်းမြို့တွင် ‌ထောက်ပံ့ပို့ဆောင်ရေးစီမံကိန်း စတင်သည့် တောင်ကိုရီးယားလုပ်ငန်း

ပြည်ပကုန်သွယ်မှုသတင်းများ

          တောင်ကိုရီးယားနိုင်ငံမှ Jeli Group သည် Hai Phong ဆိပ်ကမ်းမြို့ရှိ Nam Dinh Vu စက်မှုဇုန်တွင် Jeli ထောက်ပံ့ပို့ဆောင်ရေး ၁ စီမံကိန်း စတင်ဆောက်လုပ်ခြင်း အခမ်းအနား ကို ဖေဖော်ဝါရီလ ၂၅ ရက်နေ့က ကျင်းပပြုလုပ်ခဲ့ပါသည်။ Jeli Group ကို ၁၉၇၈ တွင် စတင် တည်ထောင်ခဲ့ပြီး တောင်ကိုရီးယားနိုင်ငံ၏ ၁၅ ခုမြောက်အကြီးမားဆုံး ဆောက်လုပ်ရေး လုပ်ငန်းဖြစ်ကြောင်း သိရပါသည်။ Jeli Group ၏ ဘဏ္ဍာရေးမှူးချုပ်ဖြစ်သူ Kim Eun-sook က Jeli ထောက်ပံ့ပို့ဆောင်ရေး ၁ စီမံကိန်းသည် ဗီယက်နမ်တွင် ထောက်ပံ့ပို့ဆောင်ရေးရုံ တစ်ခုအဖြစ်သာမက ထောက်ပံ့မှုကွင်းဆက်နှင့် ဖြန့်ဖြူးရေးကဏ္ဍတွင် ခိုင်မာသောအခြေခံ အဆောက်အအုံအဖြစ် ပံ့ပိုးပေးနိုင်မည်ဟု ပြောကြားခဲ့ပါသည်။ ခေတ်အမီဆုံးထောက်ပံ့ ပို့ဆောင်ရေးစနစ်နှင့် ထိရောက်သော ထောက်ပံ့မှုကွင်းဆက်စီမံခန့်ခွဲမှုဖွဲ့စည်းပုံနှင့်အတူ ထိုစီမံကိန်းသည် ထောက်ပံ့မှုကွင်းဆက်ဝန်ဆောင်မှု ပိုမိုမြန်ဆန်တိကျခြင်း ကုန်ကျစရိတ် လျှော့ချခြင်းနှင့် ယှဉ်ပြိုင်နိုင်စွမ်းတိုးမြှင့်ခြင်းတို့ကို ပံ့ပိုးပေးနိုင်မည်ဟု သိရပါသည်။ ထိုစီမံကိန်းသည် ဒေသတွင်းအလုပ်အကိုင်အခွင့်အလမ်းဖန်တီးခြင်းနှင့် စီးပွားရေးဖွံ့ဖြိုး တိုးတက်မှုမြှင့်တင်ရေးတို့တွင် အပေါင်းလက္ခဏာဆောင်သော သက်ရောက်မှုကိုရရှိစေမည် ဟု သိရပါသည်။ Hai Phong စီးပွားရေးဇုန်အာဏာပိုင်အဖွဲ့၏အကြီးအကဲဖြစ်သူ Le Trung Kien က Hai Phong သည် အစိမ်းရောင်၊ ဂေဟဗေဒနှင့် စက်ဝန်းပုံစက်မှုဇုန်များဖွံ့ဖြိုး တိုးတက်ရန် ရည်ရွယ်ထားကြောင်း ပြောကြားခဲ့ပါသည်။ ၂၀၂၅ ခုနှစ်တွင် Hai Phong သည် များစွာသောစက်မှုဇုန်များကို အစိမ်းရောင်စက်မှုဇုန်များအဖြစ် ပြောင်းလဲနိုင်ရန် မျှော်လင့်ရ ကြောင်း သိရပါသည်။ Hai Phong တွင် လတ်တလော၌ နိုင်ငံနှင့်ဒေသပေါင်း ၄၂ ခုမှ မတည်ရင်းနှီးမြှုပ်နှံမှုတန်ဖိုး အမေရိကန်ဒေါ်လာ ၄၀ ဘီလီယံ ရှိသော  ပြည်ပတိုက်ရိုက် ရင်းနှီးမြှုပ်နှံမှု ၁၀၀၀ ကျော်ရှိကြောင်း သိရပါသည်။ တောင်ကိုရီးယားနိုင်ငံသည် မတည် ရင်းနှီးမြှုပ်နှံမှုတန်ဖိုး အမေရိကန်ဒေါ်လာ ၁၃ ဘီလီယံရှိသော စီမံကိန်း ၁၁၁ ခုဖြင့် ထိပ်ဆုံး တွင်ရပ်တည်နေကြောင်း သိရပါသည်။

DOCA(ရန်ကုန်)

ကုန်သွယ်ရေးစစ်ပွဲအပေါ်စိုးရိမ်မှုများကြောင့် ဂျပန်လုပ်ငန်းများ ထိုင်းနိုင်ငံတွင် ရင်းနှီးမြှုပ်နှံမှုများ တိုးချဲ့ရန်ဆန္ဒရှိ

ပြည်ပကုန်သွယ်မှုသတင်းများ

          ကုမ္ပဏီတစ်ချို့က ထုတ်လုပ်ရာအခြေစိုက်နေရာပြောင်းလဲရန်စီစဉ်မှုကို ဖြစ်ပေါ်စေ နိုင်သည့် အမေရိကန်-တရုတ်ကုန်သွယ်ရေးစစ်ပွဲ၏ သက်ရောက်မှုကို စိုးရိမ်မှုများကြောင့် ဂျပန်စီးပွားရေးလုပ်ငန်းများသည် ထိုင်းနိုင်ငံတွင် ရင်းနှီးမြှုပ်နှံမှုများတိုးချဲ့ရန် စိတ်ဝင်စားမှု ကို ပြသခဲ့ကြောင်း ထိုင်းနိုင်ငံရင်းနှီးမြှုပ်နှံမှုဘုတ်အဖွဲ့ (BoI) ကပြောကြားခဲ့ပါသည်။ မော်တော်ကားနှင့် ဆီမီးကွန်ဒတ်တာများမှ အဖျော်ယမကာထိပါဝင်သော စီးပွားရေးကဏ္ဍ များသည် ရည်မှန်းထားသည့် ရင်းနှီးမြှုပ်နှံမှုများတွင် ပါဝင်ကြောင်း သိရပါသည်။ BoI က ထိုရင်းနှီးမြှုပ်နှံမှုနှင့်ပတ်သတ်၍ နောက်ဆုံးအချက်အလက်ကို ဖေဖော်ဝါရီလ ၁၉ ရက်နေ့မှ ၂၁ ရက်နေ့ထိ တိုကျိုတွင် ဂျပန်ရင်းနှီးမြှုပ်နှံသူများနှင့်တွေ့ဆုံမှုအပြီး၌ ထုတ်ပြန်ခဲ့ခြင်း ဖြစ်ကြောင်း သိရပါသည်။ BoI ၏အတွင်းရေးမှူးချုပ်ဖြစ်သူ Narit Therdsteerasukdi က တာဝန်ရှိသူများသည် ရေနံဓာတု၊ ပလတ်စတစ်၊ အစားအစာ၊ ဒစ်ဂျစ်တယ်နည်းပညာနှင့် ထောက်ပံ့ပို့ဆောင်ရေးတို့ပါဝင်သည့် များစွာသောလုပ်ငန်းများမှ ကိုယ်စားလှယ်များနှင့် တွေ့ဆုံဆွေးနွေးခဲ့ကြောင်း သိရပါသည်။ ၎င်းတို့ထဲမှအချို့သည် ကုန်သွယ်ရေးစစ်ပွဲ၏ သက်ရောက်မှုကိုရှောင်ရှားရန် တရုတ်ထံမှရွှေ့ပြောင်းရန်အလိုရှိသည်ဟု ပြောကြားခဲ့ ကြောင်း သိရပါသည်။ ဘုတ်အဖွဲ့သည် ကားထုတ်လုပ်သူများနှင့် ထိုင်းနိုင်ငံတွင် ၎င်းတို့၏ ရင်းနှီးမြှုပ်နှံမှုများအပေါ် ဆွေးနွေးခဲ့ကြကြောင်း သိရပါသည်။ BoI ၏အဆိုအရ Isuzu Motors သည် အဓိကအားဖြင့်တင်ပို့ရန်အတွက် ထိုင်းနိုင်ငံရှိ၎င်းတို့၏စက်ရုံတွင် လျှပ်စစ် pick up ကားများထုတ်လုပ်ရန် စီစဉ်နေကြောင်း သိရပါသည်။ ကုမ္ပဏီသည် ယခုနှစ်တွင် ဘက်ထရီဖြင့်မောင်းနှင်သည့် pick up ကားများကို နော်ဝေသို့တင်ပို့ရန် ပထမစီစဉ်နေ ကြောင်း သိရပါသည်။ အခြားဂျပန်ကားထုတ်လုပ်သူများသည်လည်း ထိုင်းနိုင်ငံတွင် ၎င်းတို့ ၏ ရင်းနှီးမြှုပ်နှံမှုများကို ဆက်လက်တိုးချဲ့ရန် အလိုရှိကြောင်း ပြောကြားခဲ့ပါသည်။ Mitsubishi Motors သည် Hybrid လျှပ်စစ်မော်တော်ယာဉ်မော်ဒယ်အသစ်များကို မိတ်ဆက် ရန် စီစဉ်နေပြီး ယခုနှစ်ဝက်တွင် ဘက်ထရီလျှပ်စစ်မော်တော်ယာဉ်များကို ထုတ်လုပ်မည်ဟု သိရပါသည်။ ဆီမီးကွန်ဒတ်တာကဏ္ဍတွင်လည်း Toshiba Electronic Device and Storage၊  Minebea-Mitsumi နှင့် Rapidus တို့သည် ထိုင်းနိုင်ငံတွင် ရင်းနှီးမြှုပ်နှံမှုစီမံကိန်း များတွင် စိတ်ဝင်စားနေကြောင်း သိရပါသည်။ Suntory Group သည်လည်း  ကျန်းမာရေးနှင့် သင့်လျော်သောဖျော်ရည်များနှင့် သဘာဝပတ်ဝန်းကျင်နှင့်သင့်လျော်သောထုတ်ပိုးမှုပုံစံကို အဓိကရည်ရွယ်သော ထိုင်းနိုင်ငံရှိ၎င်းတို့၏ ရင်းနှီးမြှုပ်နှံမှုများကို တိုးချဲ့ရန် စီစဉ်နေကြောင်း သိရပါသည်။ ၎င်းတို့သည် ၂၀၃၀ ခုနှစ်တွင် အစိမ်းရောင်ထုတ်ကုန်များကို ၁၀၀ ရာခိုင်နှုန်း အသုံးပြုရန် ရည်ရွယ်ကြောင်း သိရပါသည်။ ထိုင်းအာဏာပိုင်များသည် နိုင်ငံ၏ ဒုတိယ ဝန်ကြီးချုပ်နှင့် BoI ၏ ဥက္ကဌဖြစ်သူ Pichai Chumhavajira ဦးဆောင်၍ သွားရောက်ခဲ့သည့် တိုကျိုဆွေးနွေးမှုနှင့်ပတ်သတ်၍ ကျေနပ်လျှက်ရှိကြောင်း သိရပါသည်။ ထိုသုံးရက်ကြာ ခရီးစဉ်အတွင် ၎င်းတို့သည် လုပ်ငန်း ၄၀၀ မှကိုယ်စားလှယ်များနှင့် တွေ့ဆုံခဲ့ကြောင်း သိရ ပါသည်။

DOCA(ရန်ကုန်)

နိုင်ငံခြားသို့ ဈေးကွက်ဝင်သုံးဆယ်တံ မြက်စည်း

ပြည်ပကုန်သွယ်မှုသတင်းများ

          ကျေးရွာတစ်ရွာ ထုတ်ကုန်တစ်မျိုးထွက်ရှိသောပဲခူးတိုင်း‌ဒေသကြီး သာယာဝတီခရိုင် သုံးဆယ်မြို့ ဆရာစံမြို့သစ်ရပ်ကွက်မှ ထုတ်လုပ်သော   တံမြက်စည်းလုပ်ငန်းရှင် ဦးဇော်မင်းဦးထံသို့ သာယာဝတီမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ နှင့်ဝန်ထမ်းများ ကွင်းဆင်းပြီး တံ မြက်ကုန်ကြမ်းများကို တောင်ညိုရွာဘက်မှ မြက်ခြောက်ကို အတစ်ပိဿာလျှင် ၃၅၀၀/ကျပ် ဈေးနှုန်းဖြင့် ဝယ်ယူပြီး တံမြက်စည်း အချော(၅) ချောင်းထုတ်လုပ်ရရှိပါ သည်။ခန့်အလုံးလေး      ပထမဦးစွာ မြက်ခြောက်များကို အရိုး အနားဖယ်ထုတ်ပြီး တစ်လက်မခန့်အလုံးလေး (၈) လုံး စာလုံးရပါတယ်။ လေးလုံးစီတစ်တွဲ တွဲပြီး၊ လေးလုံးတစ်တွဲကိုထပ်ပူးပြီး တံမြက်စည်း တစ်ချောင်း စာရအောင်ဖြန့်ကျက်လိုက်ပါတယ်။ အရိုးတံအကြား မနောရိုးခေါ် ဝါးတုတ်  အသေးတစ်ချောင်း စ်စွပ်ကိုစွပ်ပါတယ်၊ပြီးလျှင်မြက်အသားများ ကျွတ်မထွက်စေခြင်းငှာ ချုပ်သားသုံးကြောင်းဖြင့် နိုင်လွကိုခိုင်ခံအောင် ထိုးစိုက်ပြီး ဆယ်ပင်ကြိုးဖြင့် လိုက်လံပတ်ချည်ရပါတယ်၊ပြီးလျှင် လက်ကိုင် အစွပ် ပလတ်စတန်ကြိုးကိုထပ်မံပြီး တံမြက်စည်းအုံကို ထပ်မံ  ထိန်းချုပ်ရပါတယ်၊ ထို့နောက် တွင်တံမြက် စည်းသားများညီညာအောင်ကတ်ကြေးဖြင့် ညှိပြီးထုတ်ရပါတယ်၊ ပလတ်စတစ်အကြည် ဖြင့်ပတ်ရပါတယ်၊  ပလပ်စတစ်မှာတော့ တံဆိပ်ကိုတင်ပို့  မည့်နိုင်ငံအလိုက် ကွဲပြားစွာ တံဆိပ် ကပ်နှိပ်ပေးသည်ဟု ပိုင်ရှင်ဦးဇော်မင်းဦးမှပြောကြားပါသည်။

          ထုတ်ပိုးရောင်းချမှုအနေဖြင့် တံမြက်စည်းများကို ဆယ်ချောင်းတစ် တွဲစီထပ်တွဲ၍ ပီနှံအိပ်ကြီး ထဲသို့ ဆယ်ချောင်းတွဲ ဆယ်ကဒ်ထုတ်ပိုးချိတ်ပိတ်ကာရန်ကုန်မှာ ဆက်သွယ်ယူသည့်  လုပ်ငန်း ကုမ္ပဏီများမှ အိန္ဒိယနိုင်ငံနှင့် ကိုရီးယားနိုင်ငံများသို့တင်ပို့ရောင်းချပေးပါကြောင်း သိရှိရပါသည်။ ယခုတွင် တံမြက်စည်း တစ်ချောင်းလျှင် ၁၃၀၀/ကျပ်/၁၄၀၀/ကျပ် ဖြင့်စာချုပ်ချုပ်ဆိုရောင်း ချပေး ရကြောင်းသိရှိရပါသည်။

          ဆက်သွယ်ဝယ်ယူလိုပါက ဦးဇော်မင်းဦး ၊ဖုန်းနံပါတ် ၀၉၄၂၁၁၄၅၈၈၆ သို့ ဆက်သွယ်ဝယ် ယူနိုင်ပါကြောင်း၊ သုံးဆယ်မြို့၊ ဆရာစံမြို့သစ်၊ အိမ်အမှတ် (၁၃၃) သို့ လည်းသွားရောက်၍ ဝယ်ယူ    နိုင်ကြောင်းနှင့်သာယာဝတီမြို့နယ် ၊သုံးဆယ်မြို့မှဒေသထွက်ကုန် မြက်တံမြက်စည်း ၏နိုင်ငံခြား တင်ပို့ရောင်းချနေမှု အကြောင်းဂုဏ်ယူစွာဖြင့် ရေးသားတင်ပြလိုက်ရပါသည်။

DOCA(ပဲခူး)

အိန္ဒိယနိုင်ငံ၏ Forex ရန်ပုံငွေသည် ၆၃၅.၇၂ ဘီလီယံဒေါ်လာအထိကျဆင်းခဲ့

ပြည်ပကုန်သွယ်မှုသတင်းများ

          အိန္ဒိယနိုင်ငံ၏နိုင်ငံခြားရန်ပုံငွေသည် ဖေဖော်ဝါရီ ၁၄ ရက်နေ့ကကုန်ဆုံးခဲ့သောရက်သတ္တ ပတ်အတွင်း အမေရိကန်ဒေါ်လာ ၂.၅၄ ဘီလီယံမှ ၆၃၅.၇၂ ဘီလီယံသို့ ကျဆင်းခဲ့ကြောင်းဗဟိုဘဏ် မှ သောကြာနေ့ကပြောကြားခဲ့သည်။

          ယခင်အပတ်တွင်၊ Forex အရန်ငွေသည် ဒေါ်လာ ၇.၆၅ ဘီလီယံမှ ၆၃၈.၂၆ ဘီလီယံဒေါ်လာ အထိတိုးလာခဲ့သည်။

          Forex အရန်ငွေများသည် ၂၀၂၄ ခုနှစ် စက်တင်ဘာလတွင် ၇၀၄.၈၉ ဘီလီယံ‌ဒေါ်လာအထိ အချိန်တိုင်းမြင့်မားခဲ့ကြောင်းသိရသည်။

DOCA(ရန်ကုန်)                                                                                                         

ကင်ညာနိုင်ငံသည် ပို့ကုန်စျေးကွက်ချဲ့ထွင်ရန်အတွက် အာရှတလွှားရှိကော်ဖီ ဝယ်ယူသူများအား မျက်စိကျလျှက်ရှိ

ပြည်ပကုန်သွယ်မှုသတင်းများ

          ကင်ညာနိုင်ငံသည် ၎င်း၏ ဥရောပနှင့် မြောက်အမေရိကရှိ ကော်ဖီတင်ရောင်းချမှု စျေးကွက် အား ကွဲပြားစေရန်နှင့် ပို့ကုန်စျေးကွက်ချဲ့ထွင်ရန်ကြိုးပမ်းမှုတစ်စိတ်တစ်ပိုင်း အနေဖြင့် ဖေဖော်ဝါရီ၊ ၂၀ ရက်နေ့ကကျင်းပသော   The Africa Coffee Trade Fair 2025  တွင် အာရှဝယ်လတ်ကိုယ်စား လှယ်အဖွဲ့အားလက်ခံတွေ့ဆုံခဲ့သည်။ တစ်ရက်တာကျင်းပသော အဆိုပါပွဲတွင် ကင်ညာနိုင်ငံမှ ထုတ်လုပ်သူများနှင့် ဆွေးနွေးညှိနှိုင်းမှုများပြုလုပ်ရန်တရုတ်နှင့် တောင်ကိုရီးယားမှ ကော်ဖီတင်သွင်း သူ ၅၀ ကျော်ကိုခေါ်ယူခဲ့သည်။ ကင်ညာအမျိုးသားစာရင်း အင်းဗျူရို၏ မကြာသေးမှီက စာရင်းဇယား များအရ ကင်ညာနိုင်ငံ၏ ကော်ဖီတင်ပို့မှုကဏ္ဍသည် နိုင်ငံ၏စီးပွားရေးအတွက် အရေးပါသောအခန်း ကဏ္ဍမှပါဝင်နေပြီး ၂၀၂၃ ခုနှစ်အတွင်း ကင်ညာနိုင်ငံသည် ကော်ဖီတန်ချိန် ၄၈၆၄၈ တန် ထုတ်လုပ်ခဲ့ ကာ တင်ပို့မှုမှအမေရိကန် ၂၅၁.၈၆ သန်းရရှိခဲ့ကြောင်းသိရသည်။ ကင်ညာနိုင်ငံသည် လက်ဖက် ပန်းမန်များနှင့်အတူ ကော်ဖီတင်ပို့မှုမှ နိုင်ငံခြားငွေ အဓိကရရှိနေခြင်းဖြစ်သည်။ အာရှစျေးကွက်များ သို့တိုးချဲ့ခြင်း သည် ကင်ညာကော်ဖီသမားများ၏ လက်ရှိကင်ညာကော်ဖီ ၇၀ ရာခိုင်နှုန်းကျော်ကို ဝယ်ယူနေ သည့် မြောက်အမေရိကနှင့်ဥရောပတို့အပေါ်၎င်းတို့၏ မှီခိုအားထားမှုကို လျှော့ချရန် ကူညီ ပေးလိမ့်မည်ဖြစ်ကြောင်း နိုင်ရိုဘီကော်ဖီအိတ်ချိန်း၏အမှုဆောင်အရာရှိချုပ် Lisper Ndungu က မှတ်ချက်ပြုခဲ့သည်။ အာရှတွင်လူလတ်တန်းစားများတိုးပွားလာမှုသည် လယ်သမား များ အား ၎င်းတို့ ၏ကော်ဖီထုတ်လုပ်မှုကိုတိုးမြင့်ရန်နှင့် ၁၉၈၉ ခုနှစ်က တန်ချိန် ၁၃၀၀၀၀ ဖြင့် ထုတ်လုပ်မှု အထွတ်အထိပ်သို့‌ ရောက်ရှိခဲ့သော ကဏ္ဍကိုပြန်လည်အသက်ဝင်လာအောင် တွန်းအား‌ပေးရန် အခွင့်အလမ်းတစ်ခုဖြစ်ကြောင်း Lisper Ndungu က ဆက်လက်ပြောကြား ခဲ့သည်။ African Fine Coffee Association ၏ ဒုတိယဥက္ကဌ  Karuga Macharia က ကင်ညာသည် e-commerce ပလပ်ဖောင်များနှင့်ဒေသတွင်းအထူးကော်ဖီပြပွဲများမှ တစ်ဆင့် တိုက်ရိုက်‌ရောင်းချမှုကို မြှင့်တင်ခြင်းဖြင့် ကင်ညာသည် အာရှစျေးကွက်ကို ပိုမိုထိုးဖောက် ဝင်ရောက်နိုင်ရန်အကြံပြုခဲ့သည်။

DOCA(ရန်ကုန်)                                                                                                         

ဗီယက်နမ်မော်တော်ကားဈေးကွက်သည် အစိမ်းရောင်မော်တော်ယာဉ်များသို့ အားကောင်းစွာ ကူးပြောင်းနေ

ပြည်ပကုန်သွယ်မှုသတင်းများ

          လျှပ်စစ်နှင့် Hybrid မော်တော်ကားများသည် ၂၀၂၅ ခုနှစ်နှင့် လာမည့်နှစ်များတွင် အားကောင်းသောကြီးထွားမှုရရှိရန် ခန့်မှန်းရပြီး ၂၀၂၅ ခုနှစ်တွင် ကြီးထွားနှုန်း ၂၅-၃၀ ရာခိုင်နှုန်း ရရှိရန်မျှော်လင့်ရကြောင်း သိရပါသည်။ Nextgen Vietnam JSC ၏ လုပ်ငန်းခွဲ ဖြစ်သည့် Oto.com.vn ၏ ဈေးကွက်သုတေသနဦးစီးဌာန၏အဆိုအရ ယခင်နှစ်များတွင် အစိမ်းရောင်မော်တော်ယာဉ်များသည် ဗီယက်နမ်ကားဈေးကွက်တွင် ပမာဏအနည်းငယ်သာ ပါဝင်ကြောင်း သိရပါသည်။ သို့သော် ၂၀၂၄ ခုနှစ်တွင် VinFast ထံမှ လျှပ်စစ်ကား ၈၇၀၀၀စီး၊ တိုယိုတာထံမှ Hybrid မော်တော်ကား ၅၃၅၀ စီး၊ ဆူဇူကီးထံမှ Hybrid မော်တော်ကား ၂၅၁၅ စီးနှင့် ဟွန်ဒါထံမှ Hybrid မော်တော်ကား ၁၉၀၅ စီး ပါဝင်သည့် ရောင်းချရမှုပမာဏ အစီးရေ ၉၇၀၀၀ ထိ ရောက်ရှိခဲ့ကြောင်း သိရပါသည်။ ထိုရောင်းချမှုသည် ခရီးသည်တင်ကား သစ်ရောင်းချခဲ့ရမှု၏ ၂၂ ရာခိုင်နှုန်းထိရှိနေခြင်းကဗီယက်နမ်သုံးစွဲသူများကြား သဘာဝ ပတ်ဝန်းကျင်နှင့်သင်‌လျော်သည့်ကားများအတွက် ဦးစားပေးမှုကြီးထွားလာခြင်းကို ပြသနေ ကြောင်း သိရပါသည်။ အခြေခံအဆောက်အအုံပံ့ပိုးသည့်မူဝါဒများနှင့် ကားထုတ်လုပ်သူများ အတွက် မက်လုံးများနှင့်အတူ ဗီယက်နမ်ကားဈေးကွက်သည် ပိုမိုတည်ငြိမ်သောအနာဂတ် ကိုရည်ရွယ်သည့် အသွင်းကူးပြောင်းမှု၏ အရေးပါသောအဆင့်သို့ ဝင်ရောက်နေကြောင်း သိရပါသည်။ အစိမ်းရောင်မော်တော်ယာဉ်များမြင့်တက်လာမှုသည် လျှပ်စစ်မော်တော်ယာဉ် များအတွက် အခွန်မက်လုံးများ၊ အားသွင်းရုံကွန်ယက်တိုးချဲ့လာမှုနှင့် ကားထုတ်လုပ်သူများ က မော်ဒယ်သစ်များအား ပိုမိုယှဉ်ပြိုင်နိုင်စွမ်းရှိသောဈေးနှုန်းများဖြင့် မိတ်ဆက်လာမှုတို့၏ မောင်းနှင်အားကြောင့်ဖြစ်ကြောင်း သိရပါသည်။ ဗီယက်နမ်သည် ၂၆ ကြိမ်မြောက် ကုလသမဂ္ဂရာသီဥတုပြောင်းလဲမှုကွန်းဖရန့်တွင် လျှပ်စစ်မော်တော်ယာဉ်သုံးစွဲမှုကို တွန်းအား ပေးသည့် မူဝါဒများဖြင့် ၂၀၅၀ ခုနှစ်တွင် ကာဗွန်ထုတ်လွှင့်မှု သုညထိလျှော့ချရေး နှင့် နိုင်ငံတစ်ဝှမ်းအားသွင်းရုံအခြေခံအဆောက်အအုံများတွင် သိသာထင်ရှားသောရင်းနှီးမြှုပ်နှံမှု ပြုလုပ်ရေးအတွက် ကတိကဝတ်ပြုခဲ့ကြောင်း သိရပါသည်။ ထိုနှင့်အတူ သဘာဝပတ်ဝန်း ကျင်အတွက်နားလည်သဘောပေါက်မှုကြီးထွားလာခြင်းနှင့် လျှပ်စစ်မော်တော်ယာဉ်များ၏ မောင်းနှင်သုံးစွဲရာတွင်ကုန်ကျစရိတ်နည်းပါးမှုတို့က စားသုံးသူတို့အား ဆက်လက်ဆွဲဆောင် နိုင်လိမ့်မည်ဟု သိရပါသည်။

DOCA(ရန်ကုန်)

 

MSME လုပ်ငန်းများတင်ပို့မှုကြီးထွားရန်အတွက် AI ကိုအသုံးချရန် အင်ဒိုနီးရှားဝန်ကြီး တိုက်တွန်း

ပြည်ပကုန်သွယ်မှုသတင်းများ

          အင်ဒိုနီးရှားကုန်သွယ်ရေးဝန်ကြီးဖြစ်သူ Budi Santoso က MSME လုပ်ငန်းများအား ၎င်းတို့၏ စီးပွားရေးစွမ်းရည်နှင့် တင်ပို့ရာဈေးကွက်ဝင်ရောက်မှု မြှင့်တင်ရန်အတွက် AI ပါဝင် သော နည်းပညာများကိုအသုံးချရန် တိုက်တွန်းခဲ့ကြောင်း သိရပါသည်။ ဝန်ကြီးက AI သည် MSME လုပ်ငန်းများအား ၎င်းတို့၏တင်ပို့ရာဈေးကွက်များ၏ အရေးပါသောအချက်အလက် များစုစည်းရန်၊ ပို့ကုန်ဦးတည်ရာနိုင်ငံများ၊ ပြည်ပကုန်သွယ်မှုစည်းမျဉ်းများနှင့် စားသုံးသူများ ကိုဆွဲဆောင်နိုင်သည့်ထုတ်ကုန်ဒီဇိုင်းများနှင့်ပတ်သတ်၍ ကူညီပေးနိုင်ကြောင်း ပြောကြားခဲ့ ပါသည်။ ကုန်သွယ်ရေးဝန်ကြီးရုံးတွင် ၂၁.၂.၂၀၂၅ ခုနှစ်ကကျင်းပခဲ့သည့် Gemini Academy ဖွင့်ပွဲအခမ်းအနားတွင် ဝန်ကြီးက MSME လုပ်ငန်းရှင်များက စီးပွားရေးနှင့် စီမံခန့်ခွဲမှု၏ များစွာသောရှုထောင့်များကို ရှာဖွေရာတွင် AI ၏ပံ့ပိုးပေးနိုင်မှုအလားအလာကို အသားပေး ပြောကြားခဲ့ကြောင်း သိရပါသည်။ ဝန်ကြီးက အောင်မြင်မှုရရှိရန်အတွက် MSME လုပ်ငန်း များသည် အားကောင်းသောယှဉ်ပြိုင်နိုင်စွမ်း၊ ထိရောက်သောစီမံခန့်ခွဲမှုနှင့် ထုတ်ကုန် တည်ငြိမ်ရေးတို့ကို ပိုင်ဆိုင်ထားရမည်ဖြစ်ကြောင်းနှင့် AI သည် ပိုမိုမြန်ဆန်လွယ်ကူသော သတင်းအချက်အလက်လမ်းကြောင်းကို ပံ့ပိုးပေးနိုင်မည်ဟု ပြောကြားခဲ့ပါသည်။ ထို့ပြင် ထိုသို့အောင်မြင်မှုအခွင့်အလမ်းမြင့်တက်လာမှုသည် အင်ဒိုနီးရှားနိုင်ငံ၏ စီးပွား‌ရေး လုပ်ငန်းရှင်အရေအတွက်ကိုမြင့်တက်လာနိုင်ပြီး ထိုမှတစ်ဆင့် လတ်တလောတွင် ၃.၄၇ ရာခိုင်နှုန်း၌ ရပ်တည်နေသည့် အင်ဒိုနီးရှားနိုင်ငံ၏စီးပွားရေးလုပ်ငန်းရှင်အချိုးကို မြှင့်တင်ပေး နိုင်မည်ဟု သိရပါသည်။ ထိုကိန်းဂဏန်းပမာဏသည် အချိုး ၄ ရာခိုင်နှုန်းကျော်သည့် ထိုင်းနှင့် မလေးရှားတို့နှင့်နှိုင်းယှဉ်ပါက အတန်အသင့်နည်းပါးကြောင်း သိရပါသည်။ Santoso ၏အဆိုအရ အင်ဒိုနီးရှားနိုင်ငံ၏စီးပွားရေးလုပ်ငန်းရှင်အချိုးမြင့်တက်လာမှုသည် နိုင်ငံ၏ ၂၀၄၅ ခုနှစ်တွင် ဖွံ့ဖြိုးပြီးတိုင်းပြည်ဖြစ်လာရန် ရည်မှန်းချက်ကိုကူညီပေးနိုင်မည်ဟု သိရပါသည်။ ကုန်သွယ်ရေးဝန်ကြီးဌာနသည် ပို့ကုန်ဈေးကွက်တိုးချဲ့ခြင်း၊ ပြည်တွင်း ဈေးကွက်ခိုင်မာရေးနှင့် ပြည်ပသို့ထုတ်ကုန်များတင်ပို့နိုင်သည့် MSME လုပ်ငန်းအ‌ရေအတွက်  မြင့်တက်ရေးစသည့် ဦးစား‌ပေးပရိုဂရမ် ၃ ခုကိုအာရုံစိုက်ထားကြောင်း သိရပါသည်။ ထို့ပြင် ဝန်ကြီးဌာနသည် MSME လုပ်ငန်းများအတွက် အလာအလာရှိသောဝယ်ယူသူများနှင့် စီးပွားရေးချိတ်ဆက်ပေးရာတွင် လွယ်ကူချောမွေ့စေရေးပံ့ပိုးပေးလျှက်ရှိကြောင်း သိရ ပါသည်။

DOCA(ရန်ကုန်)

 

Pages

Subscribe to RSS - ပြည်ပကုန်သွယ်မှုသတင်းများ