ပြည်ပကုန်သွယ်မှုသတင်းများ

  အင်ဒိုနီးရှား၏ နိုင်ငံပိုင်ထောက်ပံ့ပို့ဆောင်ရေးအေဂျင်စီ (Bulog) က ခေတ်မီလက်လီဆိုင် များတွင် ဆန်ရှားပါးမှုမရှိပဲ Food Supply and Price Stabilization (SPUP) ဆန်နှင့် အရည် အသွေးမြင့်ဆန်အမှတ်တံဆိပ်များမှာ နိုင်ငံတစ်ဝှမ်းဝယ်ယူရရှိနိုင်နေကြောင်း ပြောကြားခဲ့ပါ သည်။ Bulog ဥက္ကဌ Almad Rizal Ramdhani က ဂျကာတာမြို့ ရှိ Alfamart ၊ Indomaret နှင့် Grand Lucky စတိုးဆိုင်များအား စက်တင်ဘာလ ၁၄ ရက်နေ့က စုံစမ်းစစ်ဆေးချက်အရ ဖြန့်ဖြူး မှုများကောင်းမွန်နေပြီး ကုန်လက်ကျန်ကိုလည်း ကောင်းမွန်စွာထိမ်းသိန်းထားနိုင်ကြောင်းနှင့် အစိုးရသည် SPHP ဆန်နှင့် အရည်အသွေးမြင့်ဆန်များကို ဂျကာတာနှင့် ဂျာဗား၊ ဆူမားတရား၊ ဘာလီ၊ ဆူလာဝေစီ၊ မာလုကု၊ ပါပါအူနှင့် နူဆာတန်ဂါရာအရှေ့ပိုင်းရှိ လက်လီရောင်းချသူများ အား တည်ငြိမ်စွာဖြန့်ဖြူး‌ပေးနေကြောင်း ပြောကြားခဲ့ပါသည်။ SPHP ဆန်ကို ၅ ကီလိုဂရမ်လျှင် ရူပီး ၆၂၅၀၀ ဖြင့်ရောင်းချနေပြီး အရည်အသွေးမြင့်ဆန်များကို ၅ ကီလိုဂရမ်လျှင် ရူပီး ၇၄၅၀၀ ဖြင့် ရောင်းချနေကြောင်း သိရပါသည်။ Rizar က ထိုအချက်က ဆန်ရောင်းချမှုတည်ငြိမ်ရေးတွင် အစိုးရ၏ အားကောင်းသောပံ့ပိုးမှုကိုပြသနေကြောင်းနှင့် ထိုသို့ဝယ်ယူရရှိနိုင်သောကြောင့်  ဆန်ရှားပါးမှုနှင့်ပတ်သတ်၍ စိုးရိမ်မှုများကို ဖြေရှင်းပြီးဖြစ်ကြောင်း ပြောကြားခဲ့ပါသည်။ စက်တင် ဘာလအစောပိုင်းကာလတွင် Bulog သည် SPHP ဆန်တန်ချိန် ၄၀၀၀၀၀ ကို အစဉ်အလာဈေး များနှင့် လက်လီဆိုင်များအား ဖြန့်ဖြူးခဲ့ကြောင်း သိရပါသည်။ အေဂျင်စီကလည်း ၎င်းတို့သည် ဆန်များကို အများပြည်သူထံရောက်ရှိနိုင်ရန်အတွက်သိုလှောင်ရုံများ၊ ဈေးကွက်များနှင့် လက်လီ ရောင်းချသူများထံ ဆက်လက်စုံစမ်းသွားမည်ဟု ပြောကြားခဲ့ပါသည်။

DOCA (ရန်ကုန်)

        အင်ဒိုနီးရှားနိုင်ငံ ကုန်သွယ်ရေးဝန်ကြီး Budi Santoso က ဝန်ကြီးဌာနသည် Apple ၏ နောက်ဆုံးထုတ်ကုန်ဖြစ်သည့် iPhone 17 ကို သွင်းကုန်ခွင့်ပြုချက်ချပေးရန် အဆင်သင့်ဖြစ်နေကြောင်း ကြေညာခဲ့ပါသည်။ Santoso ၏ အဆိုအရ ဝန်ကြီးဌာနသည် အကယ်၍ Apple က လိုအပ်ချက်အားလုံးကိုဖြည့်စည်းပေးပါက ချက်ချင်းခွင့်ပြုပေးမည်ဟု သိရပါသည်။ Santoso က အခြေခံအားဖြင့် အကယ်၍ ၎င်းတို့ကလုပ်ငန်းစဉ်များကို လိုက်နာပါက ခွင့်ပြုပေးမည်ဖြစ်ကြောင်း၊ သွင်းကုန်ခွင့်ပြုချက်သည် Apple အတွက်သာမကပဲ တင်သွင်းသည့်ကုန်ပစ္စည်းများ အားလုံးအတွက် လိုအပ်ကြောင်းနှင့် သွင်းကုန်ပါမစ်ရယူခြင်းအတွက် လိုအပ်ချက်တစ်ခုသည် နည်းပညာနှင့် သက်ဆိုင်ရာဝန်ကြီးဌာနထံမှ ထောက်ခံချက်ဖြစ်ကြောင်း ပြောကြားခဲ့ပါသည်။ အစောပိုင်းကာလကစက်မှုဝန်ကြီးဌာနသည် iPhone 17 အနေဖြင့် အင်ဒိုနီးရှားနိုင်ငံတွင် ၂၀၂၅ ခုနှစ် ‌အောက်တိုဘာလ အစောပိုင်းမှစတင်၍ အင်ဒိုနီးရှားတွင် ရောင်းချနိုင်ကြောင်း ဖော်ပြခဲ့ပါ သည်။ စက်မှုဝန်ကြီးဌာန၏ ပြည်တွင်းထုတ်ကုန်များအသုံးပြုမှုမြှင့်တင်ခြင်းစင်တာ၏ အကြီး အကဲဖြစ်သူ Heru Kustanto က Apple သည် iPhone 17 အတွက် domestic compent level (TKDN) အသိအမှတ်ပြုလက်မှတ်ရယူရန် စာချုပ်စာတမ်းများ တင်သွင်းခဲ့ပြီးဖြစ်ကြောင်းနှင့် ထိုအသိအမှတ်ပြုလက်မှတ်ကို စက်တင်ဘာလ ၁၂ ရက်နေ့ညနေတွင် ထုတ်ပြန်ရန် စီစဉ်ထား ကြောင်း ပြောကြားခဲ့ပါသည်။ ထို TKDN အသိအမှတ်ပြုလက်မှတ်ရယူပြီးပါက Apple သည် ဆက်သွယ်ရေးနှင့် ဒစ်ဂျစ်တယ်ဝန်ကြီးဌာနထံမှ ဖြန့်ဖြူးရောင်းချရေးပါမစ်နှင့် ကုန်သွယ်ရေး ဝန်ကြီးဌာနထံမှ သွင်းကုန်ခွင့်ပြုချက် ရရှိမည်ဖြစ်ကြောင်း သိရပါသည်။ Apple သည် အင်ဒိုနီးရှား တွင် ရင်းနှီးမြှုပ်နှံမှုတိုးမြှင့်ရန် ကတိကဝတ်ပြုထားကြောင်း သိရပါသည်။ ကမ္ဘာလုံးဆိုင်ရာ AirTag ဝယ်လိုအား၏ ၆၅ ရာခိုင်နှုန်းကို ဖြည့်စည်းပေးမည့် စက်ရုံကို Batam မြို့တွင် တည်ဆောက်မှုစတင်နေပြီဟု သိရပါသည်။ အမေရိကန်ဒေါ်လာ ၁ ဘီလီယံ တန်ဖိုးရှိသော ရင်းနှီး မြှုပ်နှံမှုသည် အလုပ်အကိုင် ၂၀၀၀ ကျော် ဖန်တီးပေးနိုင်ရန် မျှော်မှန်းရကြောင်း သိရပါသည်။ အမေရိကန်ဒေါ်လာ ၁၀ ဘီလီယံထိ ရင်းနှီးမြှုပ်နှံမှုတိုးချဲ့ရန် စီစဉ်ထားသည့် ထို Batam စက်ရုံကို ၂၀၂၆ ခုနှစ် အစောပိုင်းတွင် ပြီးမြောက်ရန် ရည်ရွယ်ထားကြောင်း သိရပါသည်။

DOCA(ရန်ကုန်)

            ၂၀၂၅ ခုနှစ်၏ ပထမ ၈ လတွင် ဗီယက်နမ်နိုင်ငံမြောက်ပိုင်းရှိ Hung Yen ပြည်နယ်သည် အမေရိကန်ဒေါ်လာ ၆.၃ ဘီလီယံတန်ဖိုးရှိသော စီမံကိန်းသစ်နှင့် တိုးချဲ့စီမံကိန်း ၂၄၃ ခု ရရှိခဲ့ပြီး ထိုစုစုပေါင်းတန်ဖိုးထဲတွင် အမေရိကန်ဒေါ်လာ ၁.၆ ဘီလီယံတန်ဖိုးရှိသော နိုင်ငံခြားတိုက်ရိုက် ရင်းနှီးမြှုပ်နှံမှု (FDI) စီမံကိန်း ၉၉ ခုပါဝင်ကြောင်း သိရပါသည်။ ပြည်နယ်ဘဏ္ဍာရေးဦးစီးဌာန၏ အဆိုအရ ဩဂုတ်လတစ်လတည်းတွင် Hung Yen သည် စုစုပေါင်းရင်းနှီးမြှုပ်နှံမှုတန်ဖိုး အမေရိကန်ဒေါ်လာ သန်း ၃၀၀ ကျော်တန်ဖိုးရှိသော စီမံကိန်းသစ် ၂၆ ခုကို လိုင်စင်သို့မဟုတ် မူအားဖြင့်ခွင့်ပြုပေးခဲ့ကြောင်း သိရပါသည်။ ပြည်နယ်သည် ယခုအချိန်တွင် စုစုပေါင်းရင်းနှီးမြှုပ်နှံ မှုတန်ဖိုး အမေရိကန်ဒေါ်လာ ၄၁ ဘီလီယံကျော်တန်ဖိုးရှိသော နိုင်ငံခြားတိုက်ရိုက်ရင်းနှီးမြှုပ်နှံမှု စီမံကိန်း ၉၀၃ ခုနှင့် ပြည်တွင်းစီမံကိန်း ၃၀၁၄ ခုကို ပိုင်ဆိုင်ထားပြီဖြစ်ကြောင်း သိရပါသည်။ စီမံ ကိန်း ၁၁၀၀ ကျော်မှာ စက်မှုဇုန်များနှင့် စီးပွားရေးဇုန်များတွင် တည်ရှိကြောင်း သိရပါသည်။ နိုင်ငံခြားတိုက်ရိုက်ရင်းနှီးမြှုပ်နှံမှုစီမံကိန်း ၅၄၄ ခုရှိပြီး ပြည်တွင်းစီမံကိန်း ၅၈၁ ရှိကာ စုစုပေါင်း ရင်းနှီးမြှုပ်နှံမှုတန်ဖိုး အမေရိကန်ဒေါ်လာ ၁၉ ဘီလီယံကျော် ရှိကြောင်း သိရပါသည်။ ယခုနှစ်၏ ပထမ ၈ လတာကာလတွင် ပြည်တွင်းရင်းနှီးမြှုပ်နှံမှုစီမံကိန်း ၁၄၄ ခုမှာ တန်ဖိုး အမေရိကန် ဒေါ်လာ ၄.၇ ဘီလီယံကျော်ရှိသော်လည်း ပြည်နယ်အာဏာပိုင်များက FDI ကို အသားပေး ပြောကြားခဲ့ကြောင်း သိရပါသည်။ Hung Yen သည် များစွာသောအဓိကကော်ပိုရေးရှင်းများထံမှ ကိုယ်စားလှယ်အဖွဲ့များ၏ အခွင့်အလမ်းများရှာဖွေမှုကို လက်ခံရရှိနေသည့်အတွက် အနာဂတ် တွင် အကြီးစားစီမံကိန်းများအတွက် မျှော်မှန်းချက်ရှိနေကြောင်း သိရပါသည်။ ရှေ့ဆက်၍လည်း ပြည်နယ်သည် ကုန်ထုတ်လုပ်ခြင်း၊ စက်မှုဇုန်၊ cluster အခြေခံအဆောက်အအုံ၊ နည်းပညာမြင့် စိုက်ပျိုးမွေးမြူရေး၊ ကုန်သွယ်ရေးနှင့် ထောက်ပံ့ပို့ဆောင်ရေးဝန်ဆောင်မှုများ၊ မြို့ပြနှင့် အိမ်ရာထူထောင်ခြင်း၊ အပန်းဖြေစခန်းစတိုင်အိမ်ရာဧရိယာနှင့် ဝန်ဆောင်မှုအခြေပြုမြို့ပြဇုန်များ အစရှိသည့် လုပ်ငန်းနယ်ပယ်များတွင် ရင်းနှီးမြှုပ်နှံမှုဆွဲဆောင်ရန် ဦးစားပေးလျှက်ရှိကြောင်း သိရ ပါသည်။ အခြားအဓိကထားသည့်ဧရိယာများတွင် သယ်ယူပို့ဆောင်ရေး၊ ကျန်းမာ‌ရေး စောင့်ရှောက်မှုနှင့် ရေသန့်စင်ရေးလုပ်ငန်းတို့ပါဝင်ကြောင်း သိရပါသည်။ အာဏာပိုင်များသည် လည်း သက်ဆိုင်ရာအေဂျင်စီများနှင့် အကြံပေးပုဂ္ဂိုလ်များအား Hung Yen လွတ်လပ်သော စီးပွား ရေးဇုန်ကို Thai Binh စီးပွားရေးဇုန်ပုံစံတည်‌ထောင်ရန်အတွက် အဆိုပြုချက်မူကြမ်းရေးဆွဲရန် ညွှန်ကြားထားကြောင်း သိရပါသည်။

DOCA(ရန်ကုန်)

       ထိုင်းနိုင်ငံသို့ တင်ပို့သော တရုတ်နိုင်ငံမှ ကုန်ပစ္စည်းများသည် စျေးနှုန်းမြင့်တက်လျက်ရှိပြီး ထိုင်းနိုင်ငံစီးပွားရေးနှင့် ကူးသန်းရောင်းဝယ်ရေးဝန်ကြီးဌာနသည် ကုန်သွယ်ရေးလွှဲပြောင်းခြင်း များအတွက်အန္တရာယ်များသောကဏ္ဍများဖြစ်သည့် မော်တော်ယာဥ်နှင့် လူသုံးကုန်သုံး ပစ္စည်းများ ကို စောင့်ကြည့်လျက်ရှိကြောင်း သိရပါသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန လက်အောက်ရှိ ကုန်သွယ်ရေးမူဝါဒနှင့် နည်းဗျူဟာဦးစီးဌာန (TPSO) သည် ထိုင်းနိုင်ငံသို့ တင်ပို့သည့် တရုတ်နိုင်ငံမှ ကုန်ပစ္စည်းများသည် စျေးနှုန်း သိသာစွာမြင့်တက်လျက်ရှိကြောင်း အစီရင်ခံစာ တင်ပြီးနောက်တွင် ကုန်သွယ်ရေးလွှဲပြောင်းမှုများကို လေ့လာလျက်ရှိကြောင်း သိရပါ သည်။ အဆိုပါလေ့လာမှုများအရ တရုတ်နိုင်ငံမှကုန်ပစ္စည်းများသည် ထိုင်းစျေးကွက် လွှမ်းမိုးနိုင် ခြေရှိပြီး ကုန်ပစ္စည်းပေါင်း ၁၁၄၉ ခုကိုတင်တရုတ်နိုင်ငံမှ တင်သွင်းခဲ့ကာ မော်တော်ယာဥ်နှင့် လူသုံးကုန် ပစ္စည်းကဏ္ဍတွင် အန္တရာယ်ရှိသော ကုန်ပစ္စည်း ၂၄ ခုနှင့် စောင့်ကြည့် ပစ္စည်း ၁၆၆ ခု ကို တင်သွင်းခဲ့ကြောင်း သိရပါသည်။ TPSO ၏ ဒုတိယညွှန်ကြားရေးမှူးဆိုသူ Natiya Suchinda က တရုတ်နိုင်ငံသည် ထိုင်းနိုင်ငံသို့ ကုန်သွယ်ရေးအတွက် အန္တရာယ်ရှိသော ကုန်ပစ္စည်းများကို တင်သွင်းနေကြောင်း ‌ဖော်ပြခဲ့ပါသည်။ ၎င်းက အဆိုပါကိစ္စရပ်ကို ဖြေရှင်းရန်အတွက် ရေရှည်နှင့် ရေတိုမူဝါဒများကို လမ်းညွှန်ခဲ့ကြောင်းသိရပါသည်။ တရုတ်နိုင်ငံမှ ကုန်ပစ္စည်းပမာဏ ဝင်ရောက် မှု များပြားလာခြင်းသည် စားသုံးသူများအတွက် ပိုမို‌ရွေးချယ်နိုင်ခွင့်ရှိသော်လည်း ထိုင်းနိုင်ငံ ပြည်တွင်းထုတ်ကုန်များအတွက် အန္တရာယ်များကို ဖြစ်ပေါ်စေနိုင်ပြီး ထိုင်းနိုင်ငံမှ အသေးစား၊ အလတ်စားလုပ်ငန်းများ SMEs များအတွက် ယှဥ်ပြိုင်နိုင်မှု အခွင့်အရေးများကို ဆုံးရှုံးစေနိုင် ကြောင်း သိရပါသည်။ အဆိုပါမြင့်တက်ခြင်းကြောင့် ထုတ်လုပ်နိုင်မှုစွမ်းရည်များကို လျော့ကျစေ နိုင်ပြီး အလုပ်လက်မဲ့နှင့် ကုန်သွယ်ရေးကျဆင်းမှုများကို ကျဆင်းစေကာ စီပွားရေးကို ထိခိုက်စေ နိုင်ကြောင်း သိရပါသည်။ အန္တရာယ်များပြီး စောင့်ကြည့်ဆဲပစ္စည်းများထဲတွင် ကုန်ကျမှုစရိတ် အတွက် အကျိုးရှိစေပြီး ပြည်တွင်းထုတ်လုပ်မှု ကဏ္ဍအတွက် တိုးတက်စေနိုင် သည့် မြို့ပြသုံး ကုန်ပစ္စည်းများနှင့် စက်မှုသုံးကုန်ပစ္စည်းများ ပါဝင်ကြောင်းသိရပါသည်။ သို့ရာတွင် တရုတ်နိုင်ငံမှ တင်သွင်းသော ကုန်ပစ္စည်းများအပေါ် အလွန်အကျွံမှီခိုခြင်းသည် ထိုင်းနိုင်ငံ၏ စျေးကွက်ကို မတည်ငြိမ်မှုများဖြစ်ပေါ်စေနိုင်ပြီး အနာဂတ်တွင် ထောက်ပို့မှု ဖြတ်တောက်ခြင်းများကို ဖြစ်ပေါ် စေနိုင်ကြောင်း သိရပါသည်။ စားသုံးကုန်ပစ္စည်းများဖြစ်သော အရက်၊ အဖျော်ယမကာ၊ အဝတ် အထည်နှင့် ပလက်စတစ်ပရိဘောဂများသည် ပြည်တွင်း ထုတ်လုပ်သူများနှင့် တိုက်ရိုက် ယှဥ်ပြိုင် နိုင်သော်လည်း အန္တရာယ်ရှိသော ပစ္စည်းများအဖြစ် ထိုင်းနိုင်ငံမှ သတ်မှတ်ထားပါသည်။ အဆိုပါ တရုတ်နိုင်ငံမှ ပစ္စည်းများအပေါ် အလွန်အကျွံမှီခို ခြင်းသည် ထိုင်းနိုင်ငံ၏ စီးပွားရေးကို အထူး သဖြင့် SMEs များအပေါ် အကျိုးသက်ရောက်မှုများ ရှိလာနိုင်ကြောင်း သိရပါသည်။

DOCA (ရန်ကုန်)

     တရုတ်နိုင်ငံ မော်တော်ကားထုတ်လုပ်သည့် ကုမ္ပဏီဖြစ်သော Xpeng ကုမ္ပဏီသည် စက်တင်ဘာလ ၁၄ ရက်နေ့တွင် မြန်နှုန်းမြအားသွင်းကွန်ယက်ကို စတင်မိတ်ဆက်ခဲ့ကြောင်း သိရပါသည်။ အဆိုပါ ကွန်ယက်ကို အဓိကမြို့တော် Rishon LeZion တွင် အစ္စရေးနိုင်ငံမှ Xpeng တရားဝင်ကားတင်သွင်းသူနှင့်အတူ မိတ်ဆက်ခဲ့ပြီး Xpeng မှ ဥက္ကဌ He Xiaopeng နှင့် အစ္စရေးနိုင်ငံ စွမ်းအင်ဦးစီးဌာနမှ ဝန်ကြီး Eli Cohen တို့က တက်ရောက်ခဲ့ကြောင်း သိရပါသည်။ အဆိုပါ မြန်နှုန်းမြင့်ကွန်ယက်များကို တရုတ်နိုင်ငံ လျှပ်စစ်တည်ဆောက်ရေး ထိပ်သီး ကုမ္ပဏီ ဖြစ်သည့် Star Charge မှ ထုတ်လုပ်သော စွမ်းအင်မြင့်အားသွင်းစက်များဖြင့် တပ်ဆင်ထား ကြောင်း သိရပါသည်။ အဆိုပါ အားသွင်းရုံများတွင် စွမ်းအင်လိုသလိုအသုံးပြုနိုင်သော အဆင့်မြင့် နည်းပညာများကို အသုံးပြုထားပြီး မော်တော်ယာဥ်လိုအပ်ချက်များနှင့် အားသွင်းနိုင်စွမ်းကြား တိကျသောချိန်ညှိမှုများကိုပါ ပြုလုပ်နိုင်ကြောင်း သိရပါသည်။ အဆိုပါ အားသွင်းရုံများတွင် လျှပ်စစ်ကားအားလုံးဝင်ရောက်အသုံးပြုနိုင်မည်ဖြစ်ပြီး အားသွင်းရာတွင်လည်း ဘက်ထရီ၏ ၁၀ ရာခိုင်နှုန်းမှ ၈၀ ရာခိုင်နှုန်းထိသွင်းရန် မိနစ် ၂၀ အောက်သာ ကြာမြင့်မည်ဖြစ်ကြောင်း သိရပါ သည်။ Xpeng ကုမ္ပဏီသည် လက်ရှိတွင် အစ္စရေးနိုင်ငံ၌ mid-size SUVs ကားများဖြစ်သော G6 နှင့် G9 မော်ဒယ်များနှင့် Sedan P7 မော်ဒယ်များကို စတင်မိတ်ဆက်ရန် ကမ်းလှန်းနေကြောင်း သိရပါသည်။ ဇန်နဝါရီလမှ သြဂုတ်လအတွင်းတွင် Xpeng ကုမ္ပဏီသည် အစ္စရေးနိုင်ငံ လျှပ်စစ်ကား ရောင်းချမှုအဆင့်တွင် ဒုတိယအဆင့်သို့ ရောက်ရှိနေပြီး ကားပေါင်း ၅၀၇၆ စီးခန့် ရောင်းချပြီးဖြစ်ကြောင်း သိရပါသည်။

DOCA (ရန်ကုန်)