ပြည်ပကုန်သွယ်မှုသတင်းများ

          မြန်မာနိုင်ငံသည် ၂၀၂၃ ခုနှစ် စက်တင်ဘာလမှစတင်၍ ၂၀၂၅ ခုနှစ် သြဂုတ်လအတွင်း ငါးလုပ်ငန်းထုတ်ကုန်တန်ချိန်ပေါင်း ၁၄၅၀၀၀ တန်ခန့်တင်ပို့နိုင်ခဲ့ကြောင်း မြန်မာနိုင်ငံရုပ်မြင် သံကြားနှင့် သတင်းပြန်ကြားရေးအဖွဲ့ထုတ်ပြန်ချက်များအရ သိရပါသည်။ မြန်မာနိုင်ငံသည် တရုတ်နိုင်ငံသို့ ၂၀၂၃ ခုနှစ်မှ ၂၀၂၅ ခုနှစ်အတွင်း တီလားပီးယား၊ ငါးတန်၊ ငါးမြစ်ချင်း၊ ကျားပုဇွန် အစရှိသည့် ငါးလုပ်ငန်းထုတ်ကုန်များကိုတင်ပို့လျက်ရှိကြောင်း သိရပါသည်။ အဆိုပါတင်ပို့ကုန်များတွင် ရေချိုမှ ဖမ်းဆီးရရှိသော ငါးတန်ချိန်ပေါင်း ၁၄၀၀၀၀ တန်ခန့် ခန့်မှန်းတန်ဖိုး အမေရိကန် ‌ဒေါ်လာ ၁၉၅.၉၄၇ သန်းခန့် တန်ကြေးရှိပြီး ကျန် တန်ချိန် ၅၀၀၀ တန်ချိန်ခန့်ကို ခန့်မှန်းတန်ဖိုး အမေရိကန်ဒေါ်လာ ၁၃.၄၂၇ သန်း မွေးမြူရေးငါးများကို တရုတ်နိုင်ငံသို့တင်ပို့ခဲ့ကြောင်း အစီရင်ခံစာများအရ သိရပါသည်။

Source: Xinhua

DOCA (ရန်ကုန်)                                                                         

          ဖိလစ်ပိုင်နိုင်ငံသမ္မတ Ferdinand Marcos Jr. သည် ရိတ်သိမ်းရာသီအတွင်း ဆန်စျေးနှုန်း ကျဆင်းမှုကိုဖြေလျော့ရန်အတွက် စက်တင်ဘာလ ၁ ရက်နေ့မှ အောက်တိုဘာလ ၃၀ ရက်အတွင်း ရက် ၆၀ ကြာ ဆန်တင်သွင်းမှု ပိတ်ဆို့လိုက်ကြောင်း အမိန့်ထုတ်ပြန်ခဲ့ပါသည်။ အဆိုပါလုပ်ဆောင် ချက်သည် စိုက်ပျိုးရေးဝန်ကြီးဌာနမှ အတွင်းရေးမှူးဆိုသူ Francisco Tiu Laurel ၏ ဆန်တင်ပို့မှု ရပ်ဆိုင်းရန် အဆိုပြုမှုအတိုင်း အမိန့်ထုတ်ပြန်ခဲ့ခြင်းဖြစ်ကြောင်း သိရပါသည်။ ဖိလစ်ပိုင်နိုင်ငံ စိုက်ပျိုးရေးဝန်ကြီးဌာန (DA) က ပြည်တွင်းစျေးကွက်သည် ပြည်ပမှ စျေးပေါသောဆန်တင်သွင်းမှု များကြောင့် ဖိအားများနှင့် ရင်ဆိုင်နေရပြီး ပြည်တွင်းလယ်သမားများသည် ထုတ်လုပ်မှုကုန်ကျ စရိတ် တစ်ကီလိုလျှင် ၁၂ ပီဆို မှ ၁၄ ပီဆို ကုန်ကျသော်လည်း ကုန်သည်များက တစ်ကီလိုလျှင် ၈ ပီဆိုမှ ၁၀ ပီဆိုနှုန်းဖြင့် ဝယ်ယူမှုများနှင့် ရင်ဆိုင်နေရကြောင်း သိရပါသည်။ မနီလာမြို့ရှိ ထိုင်းနိုင်ငံ ကူးသန်းရောင်းဝယ်ရေးရာ ဝန်ကြီးဌာန၏ အဆိုအရ အဆိုပါဆိုင်းငံ့မှုသည် သာမန်ဆန်များအတွက် သာဖြစ်ပြီး ဘာစမာတီဆန် နှင့် အခြားအထူးဆန်များအတွက် ကင်းလွတ်ခွင့်ပြုမည်ဖြစ်ကြောင်း သိရပါသည်။ ကုန်သည်များကလည်း တင်သွင်းမှုများလျော့ချခြင်းကြောင့် ပြည်တွင်းရိတ်သိမ်းမှု များ အပေါ်မှီခိုနေရပြီး ဆန်စျေးနှုန်းကိုမြင့်တက်စေနိုင်ကြောင်း မှတ်ချက်ပြုခဲ့ပါသည်။ သို့ရာတွင် ၎င်းတို့အနေဖြင့် ဆန်စျေးနှုန်းကို တစ်ကီလိုလျှင် ၁ ပီဆို မှ ၂ ပီဆိုထိ မြင့်တက်ရန် မျှော်မှန်းကြောင်း သိရပါသည်။ ကူးသန်းရောင်းဝယ်ရေးဝန်ကြီးဌာန၊ နိုင်ငံခြားကုန်သွယ်ရေးဌာနရှိ ညွှန်ကြားရေးမှူး ချုပ် ဆိုသူ Arada Fuangtong က ထိုင်းနိုင်ငံမှ ဆန်တင်ပို့သူများက ဖိလစ်ပိုင်နိုင်ငံအစိုးရ၏ ဆန်တင်သွင်းမှု ရပ်ဆိုင်းလိုက်ခြင်းသည် ကုန်ပစ္စည်းတင်ပို့မှုများအပေါ် အကျိုးသက်ရောက်မှုများ ရှိလာနိုင်သည်ဟု အစီရင်ခံခဲ့ကြောင်း ပြောကြားခဲ့ပါသည်။ တစ်ခြားသော ဆန်တင်ပို့သောနိုင်ငံ များသည်လည်း အလားတူ အကျိုးသက်ရောက်မှုများနှင့် ရင်ဆိုင်နေရကြောင်း သိရပါသည်။ ထို့အပြင် Arada က ဖိလစ်ပိုင်နိုင်ငံမှ တင်သွင်းသူများသည် အဆိုပါရပ်ဆိုင်းလိုက်ခြင်းကိစ္စနှင့် ပတ်သက်၍ ၎င်းတို့အချင်းချင်းဆွေးနွေးတိုင်ပင်မှုများ ပြုလုပ် နေပြီး ချုပ်ဆိုထားသော စာချုပ်များ အတွက် သက်ဆိုင်ရာ အာဏာပိုင်အဖွဲ့အစည်းများအား ဖြေလျော့မှုများပြုလုပ်ပေးရန် အသနားခံ စာများ ပေးပို့လျက်ရှိကြောင်း ပြောကြားခဲ့ပါသည်။ ကုန်သွယ်ရေးဦးစီးဌာနသည်လည်း ထိုင်းနိုင်ငံ ဆန်တင်ပို့မှုကို ပံ့ပိုးပေးရန်နှင့် လယ်သမားများ အတွက် ဝင်ငွေများထုတ်ပေးနိုင်ရန် ပြင်ဆင်နေ ကြောင်း သိရပါသည်။ ထပ်ပေါင်းအနေဖြင့် ထိုင်းနိုင်ငံသည် အပြည်ပြည်ဆိုင်ရာ  ကုန်သွယ်မှု ကိစ္စများတွင် ကုန်ပစ္စည်းတင်ပို့မှု လမ်းကြောင်းချဲ့ထွင်ရန်နှင့် အခွင့်အလမ်းများပိုမိုရရှိရန်အတွက် ထိုင်းနိုင်ငံဆန်အဆင့်အတန်းကို ပိုမိုမြှင့်တင် သွားမည်ဖြစ်ကြောင်း သိရပါသည်။ အဆိုပါ လုပ်ဆောင်ခြင်း၏ ရည်ရွယ်ချက်သည် အပြည်ပြည် ဆိုင်ရာဝယ်လိုမှုနှင့်ကိုက်ညီစေရန်အတွက် လယ်သမားများအား ဆန်အမျိုးအစားပေါင်းများစွာ ထုတ်လုပ်နိုင်ရန် တွန်းအားပေးခြင်းဖြစ်ကြောင်း သိရပါသည်။

Source: Nation Thailand

DOCA (ရန်ကုန်)                                                            

          ယခုနှစ်ပထမနှစ်ဝက်တွင် ဖိလစ်ပိုင်နိုင်ငံ ဆန်စျေးနှုန်းများသည် နိုင်ငံ၏ အဓိကဆန်ထုတ် လုပ်သည့်ဒေသများတွင် ပြည်တွင်းတင်သွင်းမှုရပ်ဆိင်းမှုများကြောင့် မြင့်တက်လျက်ရှိကြောင်း အစိုးရဌာနများ၏ ထုတ်ပြန်ချက်အရ သိရပါသည်။ စိုက်ပျိုးရေးဝန်ကြီးဌာန(DA)၏ ပြောကြားချက်အရ နိုင်ငံတော်အစားအသောက်အဖွဲ့အစည်း(NFA)၏ အချက်အလက်များသည် ဖိလစ်ပိုင်နိုင်ငံ ဖွံ့ဖြိုးဆဲဒေသ ၁၃ ခုများတွင် ဆန်စျေးနှုန်းမြင့်တက်မှုများ မြင်တွေ့နေရပြီ ဟုဖော်ပြနေကြောင်း သိရပါသည်။ NFA သည် ကုန်သည်များ၏ ဆန်ဝယ်ယူနှုန်းသည် သမ္မတ Marcos ၏ တင်သွားမှုပိတ်ဆို့ခြင်းအမိန့် မထုတ်ပြန်မှီ ဇူလိုင်လ နောက်ပိုင်းမှစ၍ ၀.၃ ရာခိုင်နှုန်းမှ ၂.၆ ရာခိုင်နှုန်းအထိ မြင့်တက်လာသည်ဟု ဖော်ပြနေကြောင်း သိရပါသည်။ DA ၏ထုတ်ပြန်ချက် အရ Central Luzon တွင် ပျမ်းမျှဆန်ဝယ်ယူစျေးနှုန်းသည် တစ်ကီလိုလျှင် ပီဆို ၁၆.၉၈ ထိရှိခဲ့ပြီး Mindanao တောင်ပိုင်းတွင် တစ်ကီလိုလျှင် ပီဆို ၂၀.၅၉ အထိ ရောက်ရှိခဲ့ပါသည်။ ဆန်စျေးနှုန်း သည် Tagalog တောင်ပိုင်းတွင် တစ်ကီလိုလျှင် ပီဆို ၁၆.၅၂ ဖြင့် တည်ငြိမ်လျက်ရှိပြီး Visayas အနောက်ပိုင်းတွင် တစ်ကီလိုလျှင် ပီဆို ၁၇.၆၀ ဖြင့် တည်ငြိမ်လျက်ရှိကြောင်း သိရပါသည်။ စိုက်ပျိုးရေးဝန်ကြီးဌာန အတွင်းရေးမှူးဆိုသူ Francisco Tiu Laurel Jr. က ဖိလစ်ပိုင်အစိုးရသည် တင်သွင်းမှုရပ်ဆိုင်းခြင်းကြောင့် စျေးကွက်တုန့်ပြန်မှုအပေါ် အနီးကပ်စောင့်ကြည့်လျက်ရှိကြောင်း ပြောကြားခဲ့ပါသည်။ ထို့အပြင် NFA အုပ်ချုပ်ရေးမှူးဆိုသူ Larry Lacson က အဆိုပါဆန်စျေးနှုန်း မြင့်တက်မှုသည် လယ်သမားများအတွက် သင့်တော်ကြောင်းနှင့် ကောင်းမွန်သောလက္ခဏာများဖြစ်ကြောင်း မှတ်ချက်ပြုခဲ့ပါသည်။

Source: Philstar

DOCA (ရန်ကုန်)                                                                        

          ပြည်တွင်းထုတ်ကုန်များ မြှင့်တင်ရန်နှင့် ပြည်တွင်းလုပ်ငန်းရှင်များ စွမ်းဆောင်ရည်ကို မြှင့်တက်ရန်ရည်ရွယ်သည့် သုံးရက်တာပြပွဲကို အာဖဂန်နစ္စတန် နိုင်ငံအရှေ့ပိုင်း Paktia ပြည်နယ် ၏မြို့တော် Gardiz တွင်ဖွင့်လှစ်ခဲ့ကြောင်း ဒေသဆိုင်ရာမီဒီယာ၏ သြဂုတ်လ ၁၅ ရက် နေ့ ဖော်ပြချက်အရသိရသည်။

          ပြပွဲတွင်လယ်ယာထွက်ကုန်များ၊ ရိုးရာလက်မှုပစ္စည်းများ၊ စားသောက်ကုန်များ၊ အထည်အလိပ်နှင့် ဒေသထွက်ကုန်များအပါအဝင် အာဖဂန်နိုင်ငံထုတ်ကုန်ပစ္စည်းမျိုးစုံကို ခင်းကျင်းပြသထားသည့် ပြခန်းပေါင်း ၈၀ ကို ပြသထားကြောင်း Tolonew ၏ ဖော်ပြချက်အရသိရသည်။

          ပြပွဲသည် အာဖဂန်ထုတ်ကုန်များကို မြှင့်တင်ရန်၊ အသေးစားစီးပွားရေးလုပ်ငန်းများကို ပံ့ပိုးရန်နှင့် ပြည်တွင်းစက်မှုလုပ်ငန်းများ အားကောင်းစေရန် ဒီဇိုင်းချထားခြင်းဖြစ်ကြောင်း သိရသည်။

Source: Xinhua

DOCA (ရန်ကုန်)                                                                            

           လာအိုဘဏ္ဍာရေးဝန်ကြီးဌာနသည် ၂၀၂၅ ခုနှစ် တတိယသုံးလပတ်အတွက် အပြုသဘောဆောင်သော စီးပွားရေးအလားအလာကို မျှော်မှန်းထားပြီး ခရီးသွားကဏ္ဍတွင် ခိုင်မာအားကောင်းသည့် အလားအလာများနှင့် ရင်းနှီးမြှုပ်နှံမှုများ အထူးသဖြင့် လျှပ်စစ်ဓာတ်အား၊ အခြေခံအဆောက်အအုံတည်ဆောက်မှုနှင့် အခြားအဓိကကဏ္ဍများတွင် ကြီးထွားလာမှုကို မီးမောင်းထိုးပြခဲ့သည်။ လာအိုနိုင်ငံ ဘဏ္ဍာရေးဝန်ကြီးဌာနလက်အောက်ရှိ လာအိုစာရင်း အင်းဗျူရိုသည် ဝန်ကြီးဌာနမှ တာဝန်ရှိသူများ၊ လာအိုဗဟိုဘဏ်မှ ကိုယ်စားလှယ်များနှင့် အခြားသက်ဆိုင်ရာ သက်ဆိုင်သူများပါဝင်သော ညှိနှိုင်းအစည်းအဝေးကို သြဂုတ်လ ၁၃ ရက် နေ့တွင် ကျင်းပခဲ့ကြောင်း ဝန်ကြီးဌာန၏ အစီရင်ခံစာအရ သိရသည်။ အဆိုပါအစည်းအဝေးတွင် စီးပွားရေးနှင့် လူမှုရေးအခြေအနေဆိုင်ရာ အစီရင်ခံစာတစ်ရပ်ရေးဆွဲရန် ရည်ရွယ်၍ ၂၀၂၅ ခုနှစ် ပထမနှစ်ဝက်အတွက် အချက်အလက်တွက်ချက်မှုနှင့် စုစည်းမှုရလဒ်များကို အဓိကထား ဆွေးနွေးခဲ့ကြောင်းသိရသည်။ စင်တာသည် နိုင်ငံ၏ စုစုပေါင်းစီးပွားရေးတန်ဖိုးကို တွက်ချက်ခြင်း၊ အကဲဖြတ်ခြင်းနှင့် ခန့်မှန်းခြင်း တို့ကို ဆောင်ရွက်ပြီး စီးပွားရေးနှင့် လူမှုရေးလမ်းကြောင်းများဆိုင်ရာ အဓိကအချက်အလက်များကို တင်ပြပေးသည်။ ဤလုပ်ငန်းသည် ပြည်တွင်းအသားတင်ထုတ်ကုန် (GDP)၊ ပင်မမက်ခရို စီးပွားရေးဒေတာနှင့် အုပ်ချုပ်ရေးစနစ်များ၊ စစ်တမ်းများနှင့် အခြားရင်းမြစ်များမှ စုဆောင်းထားသော လူမှုရေးဆိုင်ရာ ကိန်းဂဏန်းများကဲ့သို့သော ညွှန်းကိန်းများအပေါ် မူတည်သည်။ အစီရင်ခံစာအရ လာအိုနိုင်ငံ၏ GDP သည် ၂၀၂၅ ခုနှစ် ပထမခြောက်လတွင် ၄.၅ ရာခိုင်နှုန်း တိုးလာမည်ဟု ခန့်မှန်းထားပြီး ယမန်နှစ် အလားတူကာလနှင့် တူညီသည်။ လယ်ယာကဏ္ဍသည် ၂၀၂၄ ခုနှစ် ပထမနှစ်ဝက်တွင် ၂.၉ ရာခိုင်နှုန်းမှ ၃.၃ ရာခိုင်နှုန်း တိုးတက်ခဲ့သည်။ စက်မှုကဏ္ဍသည် ယခင်နှစ် ၄.၄ ရာခိုင်နှုန်း နှင့် နှိုင်းယှဉ်ပါက ၄.၆ ရာခိုင်နှုန်း တိုးတက်ခဲ့ပြီး ဝန်ဆောင်မှုကဏ္ဍသည် ၄.၇ ရာခိုင်နှုန်း တိုးတက်ခဲ့ပြီး ၂၀၂၄ ခုနှစ် ပထမနှစ်ဝက်တွင် တိုးတက်မှုနှုန်း ၅.၂ ရာခိုင်နှုန်းထက် အနည်းငယ် လျော့နည်းခဲ့သည်။ ထို့အပြင် ၂၀၂၅ ခုနှစ် တတိယသုံးလပတ်တွင် လာအို၏ စီးပွားရေး အလားအလာသည် အပြုသဘောဆောင်လျက်ရှိပြီး ခရီးသွားကဏ္ဍတွင် ခိုင်မာသော အလား အလာများနှင့် ရင်းနှီးမြှုပ်နှံမှုများ တိုးလာလျက်ရှိပါသည်။ လယ်ယာကဏ္ဍသည် ၃.၇ ရာခိုင် နှုန်း၊ စက်မှုလုပ်ငန်း ၃.၆ ရာခိုင်နှုန်းနှင့် ဝန်ဆောင်မှုလုပ်ငန်း ၄.၃ ရာခိုင်နှုန်း တိုးလာရန် မျှော်မှန်းထားပြီး ဂျီဒီပီ တိုးတက်မှုနှုန်း ၄.၀ ရာခိုင်နှုန်းကို ဗဟိုက ခန့်မှန်းထားသည်။ သို့သော်လည်း ကမ္ဘာ့ကုန်သွယ်ရေးတင်းမာမှုများ၊ နိုင်ငံရေးပဋိပက္ခများ၊ သဘာဝဘေး အန္တရာယ် များနှင့် ကပ်ရောဂါများကြောင့် ထုတ်လုပ်မှုနှင့် ဝန်ဆောင်မှုများကို ထိခိုက်စေနိုင်သည့် အလားအလာများကြောင့် စီးပွားရေးအလားအလာ မသေချာသေးကြောင်း အစီရင်ခံစာကဆိုသည်။

Source: Xinhua

DOCA (ရန်ကုန်)