လက်ရှိဘဏ္ဍာနှစ် ၂၀၂၅-၂၀၂၆ ခုနှစ်အတွင် မြန်မာနိုင်ငံ၏ ဆန်တင်ပို့မှုများသည် တန်ချိန် ၁.၇၈ သန်းခန့် ရောက်ရှိခဲ့ပြီး တင်ပို့မှုမှ နိုင်ငံခြားဝင်ငွေ အမေရိကန်ဒေါ်လာ ၅၇၅ သန်းခန့် ရရှိခဲ့ ကြောင်း မြန်မာနိုင်ငံဆန်စပါးအသင်းချုပ် (MRF) မှ ထုတ်ပြန်သော ထုတ်ပြန်ချက်များအရ သိရပါ သည်။
မြန်မာနိုင်ငံသည် ဧပြီလတွင် ဆန်တန်ချိန် ၁၄၂၀၀၀ တန်ခန့်တင်ပို့ခဲ့ပြီး ဝင်ငွေ အမေရိကန်ဒေါ်လာ ၅၂ သန်းခန့်၊ မေလတွင် ဆန်တန်ချိန် ၂၅၀၀၀၀ တန်ခန့်တင်ပို့ခဲ့ပြီး ဝင်ငွေ အမေရိကန်ဒေါ်လာ ၉၀ သန်းခန့်၊ ဇွန်လတွင် ဆန်တန်ချိန် ၂၁၀၀၀၀ တန်ခန့်တင်ပို့ခဲ့ပြီး ဝင်ငွေ အမေရိကန်ဒေါ်လာ ၇၁ သန်းခန့်၊ ဇူလိုင်လတွင် ဆန်တန်ချိန် ၂၃၀၀၀၀ တန်ခန့်တင်ပို့ခဲ့ပြီး ဝင်ငွေ အမေရိကန်ဒေါ်လာ ၇၇ သန်းခန့်၊ ဩဂုတ်လတွင် ဆန်တန်ချိန် ၁၉၀၀၀၀ တန်ခန့်တင်ပို့ခဲ့ပြီး ဝင်ငွေ အမေရိကန်ဒေါ်လာ ၆၅ သန်းခန့်၊ စက်တင်ဘာလတွင် ဆန်တန်ချိန် ၁၆၀၀၀၀ တန်ခန့် တင်ပို့ခဲ့ပြီး ဝင်ငွေ အမေရိကန်ဒေါ်လာ ၅၂ သန်းခန့်၊ အောက်တိုဘာလတွင် ဆန်တန်ချိန် ၃၁၀၀၀၀ တန်ခန့်တင်ပို့ခဲ့ပြီး ဝင်ငွေ အမေရိကန်ဒေါ်လာ ၉၂ သန်းခန့်၊ နိုဝင်ဘာလတွင် ဆန်တန်ချိန် ၂၆၃၈၁၅ တန်ခန့်တင်ပို့ခဲ့ပြီး ဝင်ငွေ အမေရိကန်ဒေါ်လာ ၇၆ သန်းခန့် စသဖြင့် စုစုပေါင်း တန်ချိန် ၁.၇၈၇ သန်းတန်ခန့် တင်ပို့ခဲ့ပြီး တင်ပို့မှုဝင်ငွေစုစုပေါင်း အမေရိကန်ဒေါ်လာ ၅၇၅ သန်းခန့် ရရှိခဲ့ကြောင်း၊ မြန်မာနိုင်ငံဆန်စပါးအသင်းချုပ်မှ ထုတ်ပြန်ချက်များအရ သိရပါသည်။
ဆန်တင်ပို့မှုများကိုပြုလုပ်ရာတွင် ရေကြောင်းကုန်သွယ်ရေးဖြင့် ဆောင်ရွက်လျက်ရှိပြီး နိုင်ငံတော်အစိုးရ က ဆန်တန်ချိန်ပေါင်း ၃ သန်းတန်ခန့်တင်ပို့နိုင်ရန် ရည်မှန်းထားသဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် လစဉ်တင်ပို့မှုရည်မှန်းချက်များ ပြည့်မီရန်နှင့် တင်ပို့မှုများအဆင်ပြေစေရန်အတွက် မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်၊ မြန်မာနိုင်ငံဆန်စပါးအသင်းချုပ်၊ မြန်မာနိုင်ငံပဲမျိုးစုံ၊ ပဲ၊ ပြောင်းနှင့် နှမ်းကုန်သည်များအသင်း၊ မြန်မာနိုင်ငံအထည်ချုပ်လုပ်ငန်းရှင်များအသင်း၊ မြန်မာနိုင်ငံစက်မှု လုပ်ငန်းရှင်များအသင်း၊ မြန်မာနိုင်ငံရော်ဘာစိုက်ပျိုးထုတ်လုပ်သူများအသင်း၊ မြန်မာနိုင်ငံရေထွက် ကုန်တင်လုပ်ငန်း ရှင်များနှင့် ပို့ကုန်လုပ်ငန်းရှင်များအသင်းတို့နှင့် ပူးပေါင်းဆောင်ရွက်လျက်ရှိ ကြောင်း သိရပါ သည်။
Source: The Global New Light Of Myanmar
DOCA (ရန်ကုန်)