ပြည်ပကုန်သွယ်မှုသတင်းများ

       ဖိလစ်ပိုင်အစိုးရအနေဖြင့် ပြည်တွင်းသကြားဈေးကွက် တည်ငြိမ်မှုရှိစေရေးအတွက် ပြည်ပ မှ ဝယ်ယူတင်သွင်းမှုများအားလုံးကို လက်ရှိ ကြံကြိတ်ဝါးထုတ်လုပ်သည့် ရာသီကာလကုန်ဆုံးမည့် ၂၀၂၆ ခုနှစ် နှစ်လယ်ကာလတိုင်အောင် ယာယီဆိုင်းငံ့ထားရှိမည်ဟု စိုက်ပျိုးရေးဦးစီးဌာနက အောက်တိုဘာ ၁၅ ရက်နေ့တွင် သတင်းထုတ်ပြန်ခဲ့ကြောင်း Philstar.com သတင်းဝက်ဘ်ဆိုက် က ဖော်ပြပါသည်။

          စိုက်ပျိုးရေးအတွင်းဝန် Francisco Tiu Laurel Jr. ၊ သကြားလုပ်ငန်းကြီးကြပ်မှု အာဏာပိုင် အဖွဲ့ (Sugar Regulatory Administration ̶ SRA) မှ အုပ်ချုပ်စီမံခန့်ခွဲရေးမှူး Paul Azcona နှင့် SRA ဘုတ်အဖွဲ့ဝင်နှင့်တောင်သူလယ်သမားကိုယ်စားလှယ် Dave Sanson တို့သည် ၂၀၂၆ ခုနှစ် မေလ သို့မဟုတ် ဇွန်လအထိ သကြားတင်သွင်းမှုကို ဆိုင်းငံ့ထားရန် ညှိနှိုင်းသဘောတူညီခဲ့ကြ သည်ဟု စိုက်ပျိုးရေးဦးစီးဌာနက ဖော်ပြထားသည်။

          ပထမအကြိမ် သကြားအဝယ်တင်ဒါခေါ်ယူသည့်ကာလ၌ သကြားကုန်ကြမ်းဈေးနှုန်းများ စံချိန်တင်နိမ့်ကျနေခဲ့မှုအပေါ် ကိုင်တွယ်ဖြေရှင်းရန်အတွက် အဆိုပါအစည်းအဝေးကို အောက်တို ဘာ ၉ ရက်နေ့တွင် Negros ကျွန်း၌ ကျင်းပခဲ့ခြင်းဖြစ်သည်။ ယေဘုယျအားဖြင့် ရက်သတ္တပတ် ၃၈ ပတ်ခန့်ရှိသော ကြံရိတ်သိမ်းချိန်ရာသီကာလအတွင်း အဝယ်တင်ဒါများကို အပတ်စဉ် လုပ်ဆောင် ရမည် ဖြစ်သော်လည်း ကုန်သည်များအကြား အရောင်းအဝယ်ပြုလုပ်ရန် နှောင့်နှေးနေခြင်းက အထင်အရှားဖြစ်ပေါ်လျက်ရှိကြောင်း ဖိလစ်ပိုင် စိုက်ပျိုးရေးဦးစီးဌာနက မှတ်ချက်ပြုထားသည်။

          ၂၀၂၅-၂၀၂၆ သီးနှံရာသီနှစ်အတွင်း ကြံကြိတ်ဝါးလျက် သကြားထုတ်လုပ်မှု လုပ်ငန်းပြီးဆုံး မည့်အချိန်အထိ ကာလအတွင်း မည်သည့်သကြားတင်သွင်းမှု အစီအစဉ်မဆို အရန်သကြားအဖြစ် သာ သတ်မှတ်မည်ဟု ၎င်းတို့အနေဖြင့် သေချာစွာရှင်းလင်း အသိပေးလိုကြောင်း Mr. Azcona နှင့် Mr. Laurel တို့က ပြောဆိုခဲ့ကြသည်။ တောင်သူကိုယ်စားလှယ် Mr. Sanson ကလည်း ယခု လုပ်ဆောင်ချက်သည် လက်ရှိ အုပ်ချုပ်သူများအနေဖြင့် တောင်သူများ၏ သက်သာချောင်ချိရေးကို ဦးစားပေး ဆောင်ရွက်ခြင်းဖြစ်ပြီး လှိုက်လှဲစွာကြိုဆိုကြောင်း၊ ယခုအခါ ဈေးကစားမှုများကို ကိုင် တွယ်ဖြေရှင်းထားရှိပြီဖြစ်၍ ဈေးနှုန်းများ တည်ငြိမ်မှုရရှိလာမည်ဟု မျှော်လင့်ကြောင်း ပြောဆို ခဲ့သည်။

          အစိုးရအရာရှိများသည် ၂ လစာ အရန်သကြား‌အချော သိုလှောင်ထားရှိမှုကို အစဉ်တစိုက် ထိန်းသိမ်းထားရှိရန် သဘောတူညီခဲ့ကြကြောင်း၊ စိုက်ပျိုးရေးဦးစီးဌာန၏ ထုတ်ပြန်ချက်အရ အဆိုပါ ဆိုင်းငံ့ကာလအတွင်း တင်သွင်းလာမည့် မည်သည့်သကြားကိုမဆို အရန်ထားရှိမှုအဖြစ် တင်းကျပ်စွာ သတ်မှတ်ဆောင်ရွက်မည်ဖြစ်ပြီး ဈေးကွက်ဈေးနှုန်းကို ထိခိုက်မှု မရှိစေရေးအတွက် ပြည်တွင်းဈေးကွက်သို့ ရောင်းချခွင့်ပြုမည် မဟုတ်ကြောင်း သိရှိရသည်။

           ဖိလစ်ပိုင်နိုင်ငံ၌ ကြံစိုက်ပျိုးမှုဧရိယာသည် ၂၀၂၂ ခုနှစ်မှစတင်၍ သိသာစွာ တိုးတက်လာခဲ့ ရာ ထိုစဉ်က ဧရိယာစုစုပေါင်း ဟက်တာ ၃၈၀၀၀၀ ရှိရာမှ ယခုနှစ်တွင် ဟက်တာပေါင်း ၄၀၉၀၀၀ အထိ မြင့်တက်ရောက်ရှိခဲ့ကြောင်း သိရှိရသည်။

Source: Philstar.com, 15 October 2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

     မလေးရှားနိုင်ငံ၌ စားအုန်းဆီကြမ်းထုတ်လုပ်မှုသည် ၂၀၂၅ ခုနှစ် စက်တင်ဘာလတွင် တန် ချိန် ၁.၈၄ သန်းရှိပြီး ယခင်လထုတ်လုပ်မှုအောက် ၀.၇ ရာခိုင်နှုန်း ကျဆင်းခဲ့သည်ဟု မလေးရှား စားအုန်းဆီဘုတ်အဖွဲ့ (MPOB) ၏ ကနဦး အချက်အလက်များအရ သိရကြောင်း အိန္ဒိယအခြေစိုက် Informist Media သတင်းဌာနက အောက်တိုဘာလ ၁၀ ရက်နေ့တွင် ဖော်ပြပါသည်။

   မလေးရှား၏ စက်တင်ဘာလ စုစုပေါင်း စားအုန်းဆီသိုလှောင်မှုလက်ကျန်မှာ တန်ချိန် ၂.၄ သန်းဖြစ်ပြီး ယခင်လထက် ၇ ရာခိုင်နှုန်းကျော် မြင့်တက်ခဲ့သည်။ အလားတူ တင်ပို့မှုမှာလည်း တန်ချိန် ၁.၄ သန်းသို့ မြင့်တက်ခဲ့ပြီး လအလိုက် ၈ ရာခိုင်နှုန်း တိုးတက်ခဲ့ကြောင်း MPOB က ဆိုသည်။ ပြုပြင်ထုတ်လုပ်ထားသည့် စားသုံးဆီများအပါအဝင် စားအုန်းဆီ တင်သွင်းမှုမှာလည်း ယခင်လကထက် ၃၄ ရာခိုင်နှုန်းခန့် ပိုမိုလျက် တန်ချိန် ၇၈၄၁၃ တန်ရှိကြောင်း သိရှိရပါသည်။

   ရိုက်တာ (Reuters) သတင်းဌာန၏ စစ်တမ်းတစ်ခုကမူ စက်တင်ဘာလတွင် မလေးရှား၏ စားအုန်းဆီ သိုလှောင်မှု လက်ကျန်မှာ တန်ချိန် ၂.၁၅ သန်း၊ ထုတ်လုပ်မှုသည် တန်ချိန် ၁.၇၉ သန်း နှင့် တင်ပို့မှုမှာ တန်ချိန် ၁.၄၃ သန်းရှိမည်ဟု ခန့်မှန်းထားသည်။ မလေးရှားသည် ကမ္ဘာ့ စားအုန်းဆီ ထုတ်လုပ်မှု ဒုတိယအများဆုံးနိုင်ငံဖြစ်ပြီး အိန္ဒိယသည် စားသုံးဆီသုံးစွဲမှု အများဆုံးနိုင်ငံဖြစ်သည်။ အောက်တိုဘာ ၁၀ ရက်နေ့ အိန္ဒိယစံတော်ချိန် ၁၁:၃၅ နာရီအချိန်၌ ဘာဆာမလေးရှား ဆင့်ပွား စတော့ဈေးကွက် (Bursa Malaysia Derivatives) တွင် ဒီဇင်ဘာလ၌ ပို့ဆောင်ရန်အတွက် ချုပ်ဆိုသော စားအုန်းဆီ စာချုပ်အများစုသည် တစ်တန်လျှင် ၄၅၈၁ ရင်းဂစ် (၉၅၈၈၆.၇၀ အိန္ဒိယ ရူပီး) နှုန်းဖြင့် အရောင်းအဝယ် ဖြစ်ခဲ့ပြီး ယခင်နေ့ရက် ဈေးပိတ်သိမ်းခဲ့သည့် ဈေးနှုန်းထက် သုည ဒသမနှစ် ရာခိုင်နှုန်းကျဆင်းသွားသည်။

    မလေးရှားနိုင်ငံ၏ စားအုန်းဆီ ထုတ်လုပ်မှု၊ တင်ပို့မှုနှင့် လက်ကျန်တို့ကို ၂၀၂၅ ခုနှစ် ဩဂုတ်လနှင့် စက်တင်ဘာလ နှိုင်းယှဉ်ကာ အိန္ဒိယအခြေစိုက် Informist Media သတင်းဌာနက အောက်ပါအတိုင်း အသေးစိတ်ဇယားဖော်ပြထားကြောင်း တင်ပြအပ်ပါသည်- 

Source: Informist Media, 10^th October 2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

     အိန္ဒိယနိုင်ငံ၏ ပဲမျိုးစုံစိုက်ပျိုးထုတ်လုပ်မှုမှာ လက်ရှိကာလ၌ တန်ချိန် ၂၅ သန်းခန့်ရှိရာမှ ၂၀၃၀-၃၁ သီးနှံရာသီနှစ် (ဇူလိုင်-ဇွန်) အရောက်တွင် ၄၀ ရာခိုင်နှုန်း တိုးတက်လျက် တန်ချိန် ၃၅ သန်းအထိ တိုးမြှင့်ထုတ်လုပ်နိုင်ရန် အစိုးရက ရည်မှန်းချက် ချမှတ်ထားသည်။ အောက်တိုဘာ ၉ ရက်နေ့၌ နယူး‌ဒေလီမြို့တွင် ကျင်းပခဲ့သော အစိုးရ သတင်းစာရှင်းလင်းပွဲတစ်ရပ်၌ စိုက်ပျိုးရေး ဝန်ကြီး Shivraj Singh Chouhan က ရှေ့လာမည့် ၆ နှစ်တာ ကာလအတွင်း စိုက်ပျိုးဧရိယာနှင့် အထွက်နှုန်း မြှင့်တင်ခြင်းဖြင့် ပဲမျိုးစုံ ထုတ်လုပ်မှုကို တိုးမြှင့်မည်ဟု ပြောကြားခဲ့သည်။

    အိန္ဒိယနိုင်ငံဝန်ကြီးချုပ် Narendra Modi သည် နယူး‌ဒေလီမြို့တွင် အောက်တိုဘာ ၁၁ ရက်နေ့၌ ကျင်းပသော ကိုယ်ပိုင်ထုတ်လုပ်နိုင်စွမ်းဖြင့် ပဲမျိုးစုံ ဖူလုံမှုရရှိရေး အထူးလုပ်ငန်းတာဝန် (Self-Reliance in Pulses Mission) နှင့် လယ်သမားများသို့ ငွေကြေးနှင့် အထောက်အပံ့ပေးအပ်မှု အစီအစဉ် (PM Dhan-Dhaanya Krishi Yojana) စတင်သည့် အခမ်းအနားကို တက်ရောက် ဖွင့်လှစ်ပေးခဲ့သည်။ အဆိုပါ အထူးလုပ်ငန်းတာဝန်သည် ၂၀၃၀-၃၁ သီးနှံရာသီနှစ်အရောက်တွင် လက်ရှိ ပဲမျိုးစုံစိုက်ပျိုး ဧရိယာ ဟက်တာ ၂၇.၅ သန်းမှ ဟက်တာ ၃၁ သန်းသို့လည်းကောင်း၊ ပဲမျိုးစုံအထွက်နှုန်းကို ၁ ဟက်တာလျှင် ၈၈၀ ကီလိုဂရမ် ရှိရာမှ ၁ ဟက်တာလျှင် ၁၁၃၀ ကီလို ဂရမ်နှုန်းသို့ လည်းကောင်း တိုးမြှင့်ရန် ရည်ရွယ်ထားသည်။

    ဝန်ကြီး Mr. Chouhan က အိန္ဒိယသည် ကမ္ဘာ့ပဲမျိုးစုံ ထုတ်လုပ်မှုနှင့် စားသုံးမှု အများဆုံး နိုင်ငံ ဖြစ်သော်လည်း ပြည်ပမှတင်သွင်းမှုအပေါ် ကြီးမားစွာ အမှီပြုနေရဆဲဖြစ်ကြောင်း၊ အဆိုပါ ရည်မှန်းချက်ကို ရောက်ရှိအောင်မြင်စေရေးအတွက် ခိုင်မာသော သုတေသနနှင့် ဖွံ့ဖြိုးတိုးတက်မှု မဟာဗျူဟာတစ်ရပ်ကို ချမှတ် ပြင်ဆင်ထားပြီးဖြစ်ကြောင်း၊ အထွက်နှုန်းမြင့်မားပြီး ရောဂါပိုးမွှား နှင့် ရာသီဥတုဒဏ်ကို ခံနိုင်ရည်ရှိသော သီးနှံမျိုးကွဲများ တိုးတက်ထူထောင်ခြင်းကို အလေးပေး လုပ်ဆောင်မည်ဖြစ်ပြီး လယ်သမားများထံသို့ ၎င်းမျိုးစေ့များ အချိန်မီဖြန့်ဝေပေးသွားမည်ဖြစ် ကြောင်း၊ အစိုးရ အနေဖြင့် စီးပွားဖြစ် မျိုးသန့်မျိုးစေ့ (certified seeds) မက်ထရစ်တန်ပေါင်း ၁.၂၆ သန်းနှင့် မျိုးစေ့နှင့် အခမဲ့ မျိုးစေ့ထုပ်ပေါင်း ၈.၈ သန်းကို တောင်သူလယ်သမားများထံ ဖြန့်ဖြူးပေး မည်ဖြစ်ကြောင်း ပြောကြားခဲ့သည်။

    လယ်သမားများသို့ ငွေကြေးနှင့် အထောက်အပံ့ပေးအပ်မှု အစီအစဉ်ကို စိုက်ပျိုးထုတ် လုပ်နိုင်စွမ်း နည်းပါးသည့် ခရိုင်ပေါင်း ၁၀၀ တွင် ဆည်ရေပေးဝေမှု၊ သီးနှံသိုလှောင်မှု၊ သီးနှံမျိုးစုံ ဖြန့်ကျက်စိုက်ပျိုးမှုနှင့် ချေးငွေရရှိရေး တိုးမြှင့်မှုများဖြင့် အလေးပေးဆောင်ရွက်မည်ဖြစ်သည်။ အစိုးရအနေဖြင့် တီထွင်ဆန်းသစ်မှုများ၊ အရည်အသွေးကောင်း သွင်းအားစုများနှင့် ဦးတည်ချက် ထားရှိသည့် အထောက်အပံ့များကို တိုးမြှင့်လုပ်ဆောင်ခြင်းဖြင့် စားနပ်ရိက္ခာဖူလုံရေး၊ လယ်သမား များ၏ ဝင်ငွေကောင်းမွန်ရေးနှင့် အာဟာရပြည့်ဝသော ကောက်ပဲသီးနှံများ ထုတ်လုပ်မှုမြှင့်တင် ရေးတို့ကို သေချာခိုင်မာစေရန် မျှော်မှန်းထားကြောင်း Mr. Chouhan က ပြောကြားခဲ့သည်။

Source: Informist, 9 October 2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

      ဗီယက်နမ်နိုင်ငံမှ ကိုယ်စားလှယ်အဖွဲ့များသည် ၂၀၂၅ ခုနှစ် အောက်တိုဘာလနှင့် နိုဝင်ဘာလတွင် အမေရိကန်သို့ သွားရောက်ရန် စီစဉ်ထားပြီး အပြန်အလှန် ကုန်သွယ်မှု သဘောတူညီချက်ကို အပြီးသတ်နိုင်ရေး ဆက်လက်ဆောင်ရွက်သွားရန် စီစဉ်ထားကြောင်း စက်မှုနှင့် ကုန်သွယ်မှု ဒုဝန်ကြီး Nguyen Sinh Nhat Tan က အောက်တိုဘာ ၈ ရက် သတင်းစာရှင်းလင်းပွဲတွင် ပြောကြားခဲ့ပါသည်။

     ပွင့်လင်းမြင်သာမှု၊ အပြုသဘောဆောင်မှု၊ တန်းတူညီမျှမှု၊ တစ်ဦးနှင့်တစ်ဦး လွတ်လပ် ရေးကို လေးစားမှု၊ မိမိကိုယ်ကိုအားကိုးမှုနှင့် နိုင်ငံရေးစနစ်များနှင့် မျှဝေခံစားခွင့်များ ပေါ်အခြေခံ၍ အချင်းချင်း ဖွံ့ဖြိုးတိုးတက်မှု အဆင့်များကို ထည့်သွင်းစဉ်းစားကာ စေ့စပ်ညှိနှိုင်းမှုများကို ဆောင် ရွက်လျက်ရှိသည်။ ဗီယက်နမ်နှင့် အမေရိကန်တို့ကြား ဘက်စုံမဟာဗျူဟာမြောက် မိတ်ဖက် ဆက်ဆံရေးနှင့်အညီ တည်ငြိမ်ပြီး သဟဇာတရှိသော စီးပွားရေး၊ ကုန်သွယ်မှုနှင့် ရင်းနှီးမြှုပ်နှံမှု ဆက်ဆံရေး ဖွံ့ဖြိုးတိုးတက်ရန် ရည်ရွယ်ထားပါသည်။

     စက်မှုနှင့် ကူးသန်းရောင်းဝယ်ရေး ဝန်ကြီးဌာန (MoIT) မှ စီမံကိန်း၊ ဘဏ္ဍာရေးနှင့် လုပ်ငန်းစီမံခန့်ခွဲမှုဌာန ညွှန်ကြားရေးမှူး Bui Huy Son က ယခုနှစ် နောက်ဆုံးလတွင် စက်မှုနှင့် ကုန်သွယ်မှုကဏ္ဍသည် ချမှတ်ထားသော ရည်မှန်းချက်များ ပြည့်မီပြီး တိုးတက်မှုအသစ်များ ရရှိရန် ဆုံးဖြတ်ထားကြောင်း ပြောကြားခဲ့သည်။ ဝန်ကြီးဌာနသည် ပေါ်လစ်ဗျူရိုမှ ၂၀၂၅ ခုနှစ် ဇန်နဝါရီလ ၂၄ ရက်နေ့တွင် ထုတ်ပြန်ခဲ့သော ဆုံးဖြတ်ချက် ၅၉-NQ/TW ကို အကောင်အထည်ဖော်ရန် တွန်းအားပေးဆောင်ရွက်သွားမည်ဖြစ်ပါသည်။

     တဆက်တည်းတွင်၊ MoIT သည် အမေရိကန်အကောက်ခွန်မူဝါဒဆိုင်ရာ တိုးတက်မှုများကို အနီးကပ်စောင့်ကြည့်နေပြီး ပေါ်ပေါက်လာသောပြဿနာများကို ရှင်းလင်းဖြေရှင်းရန် နှစ်ဖက်စလုံး မှ သက်ဆိုင်ရာအာဏာပိုင်များနှင့် တက်ကြွစွာလုပ်ဆောင်နေပြီး ဗီယက်နမ်ပို့ကုန်များအပေါ် သက်ရောက်သည့်ဆိုးရွားသောကုန်သွယ်မှုအစီအမံများကို လျှော့ချရန်၊ ၂၀၂၅ ခုနှစ် စတုတ္ထသုံး လပတ်တွင် တောင်ပိုင်းဘုံဈေးကွက် (Mercosur) နှင့် ပင်လယ်ကွေ့ ပူးပေါင်းဆောင်ရွက်ရေး ကောင်စီ (GCC) တို့နှင့် လွတ်လပ်သောကုန်သွယ်မှုသဘောတူညီချက် (FTA) ညှိနှိုင်းမှုကို ဦးစားပေး လုပ်ဆောင်လျက်ရှိသည်။ ပါကစ္စတန်နှင့် ဆွေးနွေးမှုများသည် ယခုနှစ်ကုန်တွင် ဥရောပလွတ်လပ်သောကုန်သွယ်မှုအသင်း (EFTA) နှင့် FTA စေ့စပ်ညှိနှိုင်းမှုများ ပြီးဆုံးသွားချိန်တွင် မကြာမီစတင် တော့မည်ဖြစ်ကြောင်း Son က ပြောကြားခဲ့သည်။

    FDI ကဏ္ဍအပေါ် မှီခိုအားထားမှုကို လျှော့ချရန်အတွက် ပြည်တွင်းစီးပွားရေး လုပ်ငန်းများအကြား ကန့်သတ်ချက်များကို ကိုင်တွယ်ဖြေရှင်းရန် MoIT မှ လုပ်ဆောင်နေကြောင်း ၎င်းက ဆက်လက်ပြောသည်။ စက်မှုအသင်းအဖွဲ့များနှင့် ဒေသဆိုင်ရာ အာဏာပိုင်များနှင့် ပုံမှန် ဆွေးနွေး ညှိနှိုင်းမှုများ ပြုလုပ်ခြင်းဖြင့် စီးပွားရေးလုပ်ငန်းများနှင့် နီးကပ်စွာ ဆက်လက်ဆောင်ရွက် သွားမည်ဖြစ်ရာ အစိုးရထံသို့ အချိန်နှင့်တစ်ပြေးညီ မူဝါဒဆိုင်ရာ အကြံဉာဏ်များ ပေးစွမ်းနိုင် မည်ဖြစ်သည်။

    ထို့အပြင်၊ ဗီယက်နမ်ကုမ္ပဏီများသည် အထူးသဖြင့် အမေရိကန်ဈေးကွက်တွင် မိရိုးဖလာ မိတ်ဖက်များနှင့် ခိုင်မာသောဆက်ဆံရေးကို ထိန်းသိမ်းထားစဉ် ဗီယက်နမ်ကုမ္ပဏီများအား ဖောက်သည်အသစ်များထံရောက်ရှိစေရန် ကုန်သွယ်မှုမြှင့်တင်ရေး၊ ထောက်ပံ့ရေးဝယ်လိုအား ချိတ်ဆက်မှုနှင့် ထုတ်ကုန်စျေးကွက်ရှာဖွေရေးတို့တွင် ကြိုးပမ်းအားထုတ်မှုများသည် ပိုမိုပြင်းထန်လာမည်ဖြစ်သည်။

     MoIT သည် စစ်ဆေးခြင်း၊ လိုင်စင်ပေးခြင်း နှင့် ချိုးဖောက်မှုဖြေရှင်းခြင်းများမှတဆင့် ဇာစ်မြစ်ဆိုင်ရာ စည်းမျဉ်းများကို လိုက်နာကျင့်သုံးရန် ကတိကဝတ်ကို ထပ်မံအတည်ပြုပြီး တစ်ချိန်တည်းတွင် ကုန်သွယ်မှုဆိုင်ရာ ကုစားရှောင်တိမ်းမှုနှင့် ဇာစ်မြစ်လိမ်လည်မှုကို တိုက်ဖျက်ရန် ကြီးကြပ်မှုကို အားကောင်းစေမှာဖြစ်ပါသည်။

Source: Vietnam Plus                                             

DOCA(ပြည်ထောင်စုနယ်မြေ)

      စင်္ကာပူနိုင်ငံ၏ United Oversea Bank (UOB) သည် ဗီယက်နမ်၏ ပြည်တွင်းအသားတင် ထုတ်ကုန်(GDP) တိုးတက်မှုခန့်မှန်းချက်ကို ယခင် ၆.၉ ရာခိုင်နှုန်းမှ ၇.၅ ရာခိုင်နှုန်းအထိ တိုးမြင့်ခဲ့ ကြောင်း ဗီယက်နမ်သတင်းအေဂျင်စီက စက်တင်ဘာလ ၁၈ ရက်နေ့က ဖော်ပြခဲ့ပါသည်။

   ဤတိုးမြင့်ခန့်မှန်းချက်သည် အကောက်ခွန်ဆိုင်ရာများနှင့် မသေချာမှုများကြားမှ ဗီယက်နမ်၏ စီးပွားရေးတည်ငြိမ်မှုနှင့် တိုးတက်မှုကို ထင်ဟပ်စေကြောင်း ဘဏ်ကပြောကြား ခဲ့ပါသည်။

   အခွန်အခများ ဆက်လက်ရှိနေသော်လည်း UOB ဘဏ်ကဗီယက်နမ်၏ ပို့ကုန်များသည် ၂၀၂၄ ခုနှစ်တွင် ၁၄ ရာခိုင်နှုန်းတိုးတက်ခဲ့သည်နှင့်နှိုင်းယှဉ်ပါက ၁၀ ရာခိုင်နှုန်းခန့်တိုးတက် မည်ဟု ခန့်မှန်းရပါသည်။

    UOB ဘဏ်သည် ၂၀၂၆ ခုနှစ်အတွက် ဗီယက်နမ်၏ GDP တိုးတက်မှုခန့်မှန်းချက်ကို ၇ ရာခိုင် နှုန်းတွင်ဆက်လက်ထိန်းထားကြောင်းသိရှိရပါသည်။

Source : Xinhua

DOCA (ရန်ကုန်)