ပြည်ပကုန်သွယ်မှုသတင်းများ

          အင်ဒိုနီးရှားနိုင်ငံရေကြောင်းရေးရာနှင့် ငါးလုပ်ငန်းဝန်ကြီးဌာနသည် Red and White ငါးဖမ်းကျေးရွာတည်ထောင်မှုပရိုဂရမ် (KNMP) ပထမအဆင့်အတွက် တည်နေရာ ၆၅ ခုကို တရားဝင်စတင်ခဲ့ကြောင်း သိရပါသည်။ စက်တင်ဘာလ ၁၅ ရက်နေ့ကကျင်းပပြုလုပ်ခဲ့သည့် သတင်းစာရှင်းလင်းပွဲတွင် KNMP တည်ထောင်ရေးအသင်း၏ အကြီးအကဲဖြစ်သူ Trian Yunanda က ထိုတည်နေရာများသည် ဝန်ကြီးဌာနဆိုင်ရာအမိန့်ဒီကရီနံပါတ် ၅၅/၂၀၂၅ အောက်တွင် အတည်ပြုခဲ့ခြင်းဖြစ်ကြောင်း ပြောကြားခဲ့ပါသည်။ စုစုပေါင်းဘက်ဂျက် အမေရိကန်ဒေါ်လာ ၈၁.၆ သန်းနီးပါးရှိသည့် ထိုကျေးရွာများတည်ထောင်မှုကို ၂၀၂၅ ခုနှစ် ဒီဇင်ဘာလ ၂ ရက်နေ့တွင် ပြီးမြောက်ရန် ရည်မှန်းထားကြောင်း သိရပါသည်။ ၂၀၂၅ ခုနှစ်ကုန်တွင် နိုင်ငံတော်ရည်မှန်းချက် KNMP ၁၀၀ ပြည့်မီရန်အတွက် ဝန်ကြီးဌာနသည် ကျေးရွာ ၃၅ ခုထပ်မံတည်ထောင်ရန် ထပ်တိုးဘက်ဂျက်ကို ဘဏ္ဍာရေးဝန်ကြီးဌာနအား အဆိုပြုတောင်းခံနေကြောင်း သိရပါသည်။ Yunanda က ၎င်းတို့သည် ၂၀၂၅ ခုနှစ် အောက်တိုဘာလကုန်တွင် စတင်နိုင်ရန်မျှော်မှန်းရသည့် ဒုတိယအဆင့်အတွက်ဘက်ဂျက်အဆိုပြုချက်ကို အပြီးသတ်နေပြီဖြစ်ကြောင်း သိရပါသည်။ ပထမအဆင့်တည်နေရာ ၆၅ ခုမှာ Aceh ၊ Banten ၊ Bengkulu ၊ Yogyakarta ၊ Gorontalo ၊ West Java Central Java ၊ East Java ၊ West Kalimantan ၊ Riau Islands ၊ Lampung ၊ Maluku ၊ West Nusa Tenggara ၊ West Sulawesi ၊ Southwest Papau နှင့် South Papau တို့ပါဝင်သည့် ပြည်နယ် ၁၇ ခုတွင်တည်ရှိကြောင်း သိရပါသည်။ တစ်ချိန်တည်းမှာပင် ငါးဖမ်းသမားများအားကာကွယ်ရေးနှင့် တန်ဖိုးမြှင့်တင်ရေးဦးစီးဌာန၏ ညွှန်ကြားရေးမှူး Mahrus က KNMP ပရိုဂရမ်သည်အိမ်ရာတည်ထောင်ရေးကိုကျော်လွန်သောရည်ရွယ်ချက်များရှိကြောင်း ပြောကြားခဲ့ပါသည်။ ထိုပရိုဂရမ်သည် ၂၀၂၇ ခုနှစ်တွင်အအေးခန်းဝန်ဆောင်မှုများ၊ ရေခဲစက်ရုံ များ၊ အလုပ်ရုံများ၊ ထောက်ပံ့ပို့ဆောင်ရေးစင်တာများနှင့် လောင်စာဆီဆိုင်များပါဝင်သည့် ငါးဖမ်းကျေးရွာ ၁၁၀၀ ထိရောက်ရှိရန် ရည်ရွယ်ကြောင်း သိရပါသည်။ ကျေးရွာတစ်ခုခြင်းစီသည် ငါးဖမ်းသမားများနှင့် ထုတ်လုပ်သူများပါဝင်သည့် အလုပ်အကိုင် ၇၀ အထက်ဖန်တီးပေးနိုင်ရန် ခန့်မှန်းရကြောင်း သိရပါသည်။ Mahrus က ၎င်းတို့သည် KNMP တည်နေရာများတွင် ထုတ်လုပ် မှုမြှင့်တင်ရန် ငါးဖမ်းယာဉ်များထောက်ပံ့ပေးသွားမည်ဟု မှတ်ချက်ပြုပြောကြားခဲ့ပါသည်။

 DOCA (ရန်ကုန်)

          အမြဲတမ်းဒုဝန်ကြီးချုပ် Vongsey Vissoth သည် ကမ္ဘောဒီးယားနိုင်ငံ၏ အလားအလာ ရှိသော ထုတ်ကုန်များကို မြှင့်တင်ရန် ရည်ရွယ်ချက်ဖြင့် တရုတ်နိုင်ငံတွင် ကျင်းပပြုလုပ်မည့် ၂၂ ကြိမ် မြောက် တရုတ်-အာဆီယံ ကုန်စည်ပြပွဲသို့ ၁၅-၉-၂၀၂၅ ရက်နေ့က ကိုယ်စားလှယ်အဖွဲ့ အားဦးဆောင်၍ ကုန်ပစ္စည်းများ တင်ပို့ရောင်းချသည့် စျေးကွက်ရှာဖွေရန်နှင့် ကမ္ဘောဒီးယား နိုင်ငံသို့ ရင်းနှီးမြှုပ်နှံမှုများ ဆွဲဆောင်ရန်အတွက် ပုဂ္ဂလိကကဏ္ဍ၏ နိုင်ငံတကာကွန်ရက်ကို အားကောင်းစေရန် ရည်ရွယ်ချက်ဖြင့် ကုန်စည်ပြပွဲသို့ တက်ရောက်ခဲ့သည်။ ကုန်စည်ပြပွဲကို ၂၀၂၅ ခုနှစ်၊ စက်တင်ဘာ ၁၇ ရက်မှ ၂၁ ရက်အထိ “အကောင်းဆုံးဖွံ့ဖြိုးတိုးတက်မှု၊ ဆန်းသစ် တီထွင်မှုဖြင့် အနာဂတ်ကိုဦးဆောင်ရန် အခွင့်အလမ်းသစ်များနှင့်အတူ တရုတ်-အာဆီယံ လွတ်လပ်သောကုန်သွယ်မှုနယ်မြေ (CAFTA) Version 3.0” ဖြင့် ကျင်းပသွားမည်ဖြစ်သည်။ တရုတ်-အာဆီယံ ကုန်စည်ပြပွဲတွင် ကမ္ဘောဒီးယား၏ ပူးပေါင်းပါဝင်မှုသည် ကမ္ဘောဒီးယား နိုင်ငံ၏ အလားအလာရှိသော ထုတ်ကုန်များကို မြှင့်တင်ရန်၊ ပို့ကုန်စျေးကွက်ချဲ့ထွင်ရန်နှင့် ပုဂ္ဂလိကကဏ္ဍ၏ နိုင်ငံတကာကွန်ရက်များ အားကောင်းစေရန် ရည်ရွယ်ထားသည်။  စီးပွားရေး ဖိုရမ်များနှင့် ဆွေးနွေးမှုများမှတစ်ဆင့် ရင်းနှီးမြှုပ်နှံမှုများကို ဆွဲဆောင်ရန်၊ စီးပွားရေး၊ ကုန်သွယ်ရေး၊ သံတမန်ရေးရာ ပူးပေါင်းဆောင်ရွက်မှုကို မြှင့်တင်ရန်၊ အထူးသဖြင့် အာဆီယံ အဖွဲ့ဝင်နိုင်ငံများနှင့် ဒေသတွင်းနိုင်ငံများနှင့် ပူးပေါင်းဆောင်ရွက်မှုများ မြှင့်တင်ရန်၊ ခရီးသွားများကို ဆွဲဆောင်ရန်နှင့် ယဉ်ကျေးမှုနှင့် အမွေအနှစ်များကို မြှင့်တင်ရန် ရည်ရွယ်ထား ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသည်။

DOCA (ရန်ကုန်)

    ဗီယက်နမ်နှင့် ကမ္ဘောဒီးယားနိုင်ငံတို့အကြား ကုန်ထုတ်လုပ်မှု၊ ဖြန့်ဖြူးရေးနှင့် ထောက်ပံ့ ပို့ဆောင်ရေးလုပ်ငန်းများ ချိတ်ဆက်မှုဆိုင်ရာ အဓိကဆွေးနွေးပွဲသို့ ကူးသန်းရောင်းဝယ်ရေး ဝန်ကြီးဌာနမှ နိုင်ငံခြားရေးဝန်ကြီး Tith Rithipol သည် ကမ္ဘောဒီးယား ကိုယ်စားလှယ်အဖွဲ့အား ဦးဆောင်ပြီး တက်ရောက်ခဲ့သည်။ အဆိုပါပွဲကို ဗီယက်နမ်နိုင်ငံ၊ Tay Ninh ပြည်နယ် Tan An မြို့တွင် ကျင်းပခဲ့ပြီး ဗီယက်နမ် စက်မှုနှင့် ကူးသန်းရောင်းဝယ်ရေး ဒုတိယဝန်ကြီး Phan Thi Thang က ဥက္ကဋ္ဌ အဖြစ်ဆောင်ရွက်ခဲ့သည်။  တွေ့ဆုံစဉ်နှစ်နိုင်ငံစလုံးမှ အကြီးတန်းအရာရှိ များနှင့်ကမ္ဘောဒီးယား-ဗီယက်နမ်နယ်စပ်တစ်လျှောက်တွင် ကုန်ထုတ်လုပ်မှု၊ ဖြန့်ဖြူးရေး၊ ထောက်ပံ့ပို့ဆောင်ရေးနှင့် သွင်းကုန်-ပို့ကုန်လုပ်ငန်းများတွင် ပါဝင်ပတ်သက်သည့် လုပ်ငန်းရှင် များ စီးပွားရေးကိုယ်စားလှယ်များကိုနယ်စပ်ဖြတ်ကျော်ကုန်သွယ်မှုပူးပေါင်း ဆောင်ရွက်မှုများ၏ တိုးတက်မှုအကဲဖြတ်ရန်နှင့် ပိုမိုနက်ရှိုင်းပြီး ရေရှည်စီးပွားရေးပူးပေါင်းဆောင်ရွက်မှုအတွက် ရည်မှန်းချက်များကို ကမ္ဘောဒီးယား-ဗီယက်နမ် နယ်စပ်ဒေသတလျှောက် ပါဝင်ဆွေးနွေးခဲ့ကြ သည်။ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ အဆိုအရ အဆိုပါ စည်းဝေးပွဲသည် နှစ်နိုင်ငံ ကုန်သွယ်မှု လွယ်ကူချောမွေ့စေရေး၊ ထောက်ပံ့ပို့ဆောင်ရေး အခြေခံ အဆောက်အအုံ မြှင့်တင်ရေးနှင့် နယ်စပ်တစ်လျှောက် ရေရှည်တည်တံ့သော စီးပွားရေး ဖွံ့ဖြိုးတိုးတက်မှုကို ပံ့ပိုးပေးရန်အတွက် ပုဂ္ဂလိကကဏ္ဍ ပူးပေါင်းဆောင်ရွက်ရေး အခွင့်အလမ်းများ ချဲ့ထွင်ရေး အတွက် နှစ်နိုင်ငံတူညီသော ကတိကဝတ်များပြုခဲ့ကြကြောင်း ထုတ်ပြန်ထားသည်။

DOCA (ရန်ကုန်)

     ထိုင်းနိုင်ငံဝန်ကြီးချုပ်သည် ဗျူရိုကရေစီအတားအဆီးများကို ဖျက်သိမ်းပြီး လေးလတာ ကာလအတွင်း ပြည်တွင်းစက်မှုလက်မှုလုပ်ငန်းများကို ပြန်လည်အသက်ဝင်လာအောင် ပြုလုပ် သွားမည်ဟု ကတိပြုခဲ့ကြောင်း သိရပါသည်။ ထိုင်းနိုင်ငံဝန်ကြီးချုပ်ဆိုသူ Anutin Charnvirakul နှင့် ကူးသန်းရောင်းဝယ်‌ရေးဝန်ကြီးဆိုသူ Supajee Suthumpun အပါအဝင် ထိုင်းနိုင်ငံ အနာဂတ်စီးပွားရေးဝန်ကြီးများနှင့် အကြံပေးအဖွဲ့တစ်ဖွဲ့သည် ထိုင်းစက်မှုလုပ်ငန်း အသင်းချုပ် နှင့်‌ တွေ့ဆုံကာ နိုင်ငံတော်၏ စက်မှုလက်မှုကဏ္ဍတွင် ပြန်လည်ရှင်သန်လာစေရန် ကတိပြုခဲ့ပါ သည်။ စက်တင်ဘာ ၁၅ ရက်နေ့က ပြုလုပ်ခဲ့သော အဆိုပါ တွေ့ဆုံပွဲတွင် ဝန်ကြီးချုပ်သည် အစိုးအရအသစ်တစ်ရပ်ကို အပြည့်အဝဖွဲ့စည်းမည်ဖြစ်ပြီး သီတင်းတစ်ပတ်အတွင်း စတင် လုပ်ငန်းများ ဆောင်ရွက်မည်ဖြစ်ကြောင်း ကြေညာခဲ့ပါသည်။ ၎င်းက ထိုင်းနိုင်ငံစီပွားရေးပြန် လည် ဦးမော့လာစေရေးအတွက် မူဝါဒများနှင့် နည်းဗျူဟာများကို ရေးဆွဲရန်အတွက် အစိုးရကို တစ်ပတ်အတွင်း အစည်းအဝေးခေါ်ယူမည်ဖြစ်ကြောင်း ထုတ်ဖော်ပြောကြားခဲ့ပါသည်။ စက်မှု လက်မှုကဏ္ဍကို အရေးပါသောအခန်းကဏ္ဍအဖြစ် သတ်မှတ်ခြင်းသည် စီးပွားရေးတိုးတက်မှု အတွက် အဓိကဖြစ်ကြောင်းနှင့် အစိုးရ၏ ဦးစားပေးသည် ဗျူရိုကရေစီအတားအဆီးများကို ဖယ်ရှားရန်နှင့် စီးပွားရေးတိုးတက်မှုကို ဖွင့်လှစ်ပေးရန်အတွက် များစွားသော အစိုးရစာရွက် စာတမ်းလုပ်ငန်းစဥ်များကို ဖယ်ရှားရန်ဖြစ်ကြောင်း ဖော်ပြခဲ့ပါသည်။ ၎င်းက အုပ်ချုပ်စီမံရေးအဖွဲ့ သည် ရေရှည်တည် တံ့သောတိုးတက်မှုအတွက် အခြေခံအုတ်မြစ်ကို အလျင်အမြန်တည်ဆောက် နေစဥ်အတွင်းတွင် တိကျပြီး ဦးတည်ချက်ရှိသာဖြေရှင်းချက်များထောက်ပံ့ပေးရေးကိုသာ ဦးစား ပေး‌ဆောင်ရွက်သွား မည်ဖြစ်ကြောင်း အလေးပေးပြောကြားခဲ့ပါသည်။ ထိုင်းနိုင်ငံအစိုးရသည် ထိုင်းနိုင်ငံကို ကမ္ဘောဒီးယားနိုင်ငံ၊ လာအိုနိုင်ငံ၊ မြန်မာနိုင်ငံနှင့် ဗီယက်နမ်နိုင်ငံများအတွက် စစ်မှန်သော ထုတ်လုပ်ရေးအချက်အချာနေရာတစ်ခုအဖြစ် တည်ဆောက်သွားမည်ဟု ရည်ရွယ် ကြောင်း သိရပါသည်။ ထိုင်းနိုင်ငံဝန်ကြီးချုပ်သည် နယ်နိမိတ်ဒေသများ၏ စီးပွားရေးကို ထောက်ပံ့ရန် အတွက် ထိုင်းနိုင်ငံနယ်နိမိတ်များဖွင့်လှစ်မှုကို အရှိန်မြှင့်တင်သွာမည်ဖြစ်ကြောင်း ကတိပြုခဲ့ပါသည်။ သို့ရာတွင် ၎င်းက အဆိုပါဖွင့်လှစ်မှုသည်  ထိုင်းနိုင်ငံအတွက် ဆုံးရှုံးမှုများနှင့် ဆိုးကျိုးများ မခံစားစေရန်အတွက် ထိုင်းနိုင်ငံ လုံခြုံရေးစံနှုန်းသတ်မှတ်ချက်များနှင့် အညီ ပြုလုပ်သွားမည် ဖြစ်ကြောင်း အထူးအလေးပေးပြောကြားခဲ့ပါသည်။

   DOCA (ရန်ကုန်)

  ထိုင်းနိုင်ငံ မော်တော်ကားထုတ်လုပ်မှုသည် သြဂုတ်လတွင် ခရီးသည်တင်ကားများနှင့် ကုန်တင်ကားများ ပြည်ပသို့တင်ပို့မှုကျဆင်းလာခြင်းကြောင့် နှစ်လဆက်တိုက် ကျဆင်းခဲ့ကြောင်း တိုင်းစက်မှုလုပ်ငန်းများအဖွဲ့ချုပ် (FTI) ၏ စက်တင်ဘာလ ၂၃ ရက်နေ့ထုတ်ပြန်သော အချက် အလက်များအရ သိရှိရပါသည်။

    ထိုင်းမော်တော်ကားထုတ်လုပ်သူများသည် ပြီးခဲ့သည့်လက ယာဥ်အစီးရေ 112366 စီးထုတ် လုပ်ခဲ့ရာ ယခင်နှစ်ကထက် ၆.၁၁ ရာခိုင်နှုန်းကျဆင်းခဲ့ပြီး ဇူလိုင်လတွင် ၁၁.၃၉ရာခိုင်နှုန်း ကျဆင်း မှု မှလျော့နည်းခဲ့ကြောင်း FTI ပြောကြားခဲ့ပါသည်။

      ထုတ်လုပ်မှုကျဆင်းရခြင်း၏ အကြောင်းရင်းမှာ ဘေးအန္တရာယ်ကင်းရှင်းရေး စက်ပစ္စည်း များ တပ်ဆင်ရန်အတွက် ပိုမိုတင်းကြပ်သောစည်းကမ်းများနှင့် ကုန်သွယ်ဖက်များမှ ချမှတ်ထား သော ကာဗွန်ထုတ်လုပ်မှုဆိုင်ရာ စည်းမျဥ်းများကြောင့်ဖြစ်ကြောင်း FTI ကပြောကြားခဲ့ပါသည်။

      အစိုးရ၏ အခွန်လျော့ချမှုနှင့် ထောက်ပံ့ကြေးအောက်တွင် ယခင်တင်သွင်းမှုများကို ဖြည့်ဆည်းနိုင်ရန်လျှပ်စစ်ကား (EVs) များထုတ်လုပ်မှုကြောင့် ပြည်တွင်းစျေးကွက် ထုတ်လုပ်မှု မှာ ယခင်နှစ် ထက် ၄.၁၁ ရာခိုင်နှုန်းတက်လာ ခဲ့ကြောင်းသိရှိရပါသည်။

        ၂၀၂၅ ခုနှစ်ပထမ၊ ရှစ်လအတွင်း မော်တော်ယာဉ်ထုတ်လုပ်မှုသည် ယခင်နှစ်ထက် ၅.၇၇ ရာခိုင်နှုန်း ကျဆင်းကာ ၉၄၇၆၉၇ စီးသာ ရှိခဲ့ပါသည်။ ပြည်တွင်းမော်တော်ကားရောင်းအားသည် သြ ဂုတ်လတွင် ၅ လဆက်တိုက် မြင်တက်ခဲ့ခြင်းဖြစ်ပြီး ယခင်နှစ်ကထက် ၅.၃၈ ရာခိုင်နှုန်း တိုးတက် ကာ ၄၇၆၂၂ စီးရှိခဲ့ပါသည်။

          ထိုင်းနိုင်ငံ၏ ကားတင်ပို့မှုသည် သြဂုတ်လတွင် ယခင်နှစ်ထက် ၁၇.၃၀ ရာခိုင်နှုန်းကျဆင်း ၍ ၇၁၁၇၉ စီးရှိခဲ့ပါသည်။ ၎င်းသည် လောင်စာဆီသုံးယာဉ်များ တင်ပို့မှုလျော့နည်းသွားခြင်း ကြောင့် ဖြစ်ကြောင်းသိရှိရပါသည်။

DOCA(ရန်ကုန်)