ပြည်ပကုန်သွယ်မှုသတင်းများ

          ဖိလစ်ပိုင်အစိုးရသည် စီးပွားရေးတိုးတက်ကောင်းမွန်မှုများနှင့် ဘဏ္ဍာရေးအခြေအနေ ခိုင်မာလာခြင်းတို့ကြောင့် ၂၀၃၀ ခုနှစ်တွင် ပီဆို ၇ ထရီလီယံအထိ ရရှိရန်မျှော်မှန်းထားကြောင်း ဘဏ္ဍာရေးဝန်ကြီးဌာန  (DOF) ၏ ထုတ်ပြန်ချက်အရ သိရပါသည်။ သြဂုတ်လ ၂၀ ရက်နေ့တွင် ဘဏ္ဍာရေးမှူးဆိုသူ Ralph Recto က အစိုးရသည် ၂၀၃၀ ခုနှစ်တွင် ဝင်ငွေ ၇.၁၃ ထရီလီယံ ရရှိရန် စီမံကိန်းများရေးဆွဲနေပြီး ပိုမိုသန်မာကောင်းမန်သော ဘဏ္ဍာနှစ်ကို ဦးတည်နေကြောင်း ပြောကြားခဲ့ပါသည်။ ၎င်းက ပြည်တွင်းဝင်ငွေဗျူရို (BIR) သည် ပီဆို ၅.၅၁ ထရီလီယံ ထောက်ပံ့ ပေးမည်ဖြစ်ပြီး အခွန်ဗျူရို (BOC) သည် ပီဆို ၁.၂၈ ထရီလီယံ ထုတ်ပေးမည်ဖြစ်ကြောင်း ပြောကြားခဲ့ပါသည်။ Recto ၏ အဆိုအရ အဆိုပါဝင်ငွေအလားအလာခန့်မှန်းခြေသည် အစိုးရ ဝင်ငွေထုတ်လုပ်မှုလမ်းကြောင်းကို အရှိန်အဟုန်မြှင့်ရန်ရည်ရွယ်၍ အသစ်ထုတ်ပြန်လိုက်သည့် မြို့ပြစျေးကွက်အကျိုးဖြစ်ထွန်းမှုမြှင့်တင်ခြင်းဥပဒေနှင့် ဒစ်ဂျစ်တယ်ဝန်ဆောင်မှုများတွင် အခွန် ပေးဆောင်ရခြင်းစသည့် ဥပဒေသစ်များထုတ်ပြန်လိုက်ခြင်း၏ အကျိုးသက်ရောက်မှုကြောင့် ဖြစ်ကြောင်း သိရပါသည်။ ယခုနှစ်တွင် အစိုးရ၏ အသုံးစရိတ် ပီဆို ၆.၀၈ ထရီလီယံသည် အခွန်ဝင်ငွေ ပီဆို ၄.၅၂ ထရီလီယံနှင့် အခွန်မဟုတ်သောဝင်ငွေ ပီဆို ၃၀၆.၅ ဘီလီယံ တို့ထက် ကျော်လွန်၍ ထုတ်ပေးရခြင်းကြောင့် ဘဏ္ဍာရေးလိုငွေ ပီဆို ၁.၅၆ ထရီလီယံ ရှိခဲ့ကြောင်း သိရှိရပါသည်။

Source: Philstar 

DOCA (ရန်ကုန်)                                                                       

           စီးပွားရေးဝန်ကြီးဌာနသည် လုံလောက်သော ထောက်ပံ့မှုများကို ထိန်းသိမ်းရန် စားနပ်ရိက္ခာဖူလုံမှု မြှင့်တင်ရန်၊ တောင်သူများ အကျိုးအမြတ် ရရှိစေရန် ပဲပုပ်နှင့် အုန်းသီးများ ဈေးကွက်ဖွင့်လှစ်ပြီး တင်သွင်းနိုင်ရန် စီစဉ်နေပါသည်။

       စီးပွားရေးဝန်ကြီး Jatuporn Buruspat သည် ယခုနှစ်ပထမဆုံးအကြိမ် ကျင်းပသော ဆီထွက်သီးနှံနှင့် ဟင်းသီးဟင်းရွက်ဆီ ကော်မတီအစည်းအဝေးတွင် သဘာပတိအဖြစ် ဆောင်ရွက်ခဲ့ပါသည်။ ပဲပုပ်နှင့် အုန်းဆီများကို မှီခိုနေသော စက်ရုံများအတွက် ကုန်ကြမ်းများ လုံလောက်စွာရရှိစေရန်နှင့် ဒေသခံလယ်သမားများကို ဆက်လက်ကာကွယ်ပေးရန် ကိစ္စရပ်များကို ထည့်သွင်းစဉ်းစား အတည်ပြုခဲ့ပါသည်။

        သီးနှံဈေးနှုန်းကို တည်ငြိမ်အောင်ထိန်းသိမ်းရန်နှင့် စက်မှုလုပ်ငန်းသုံးအတွက် လုံလောက်သော ကုန်ကြမ်းထောက်ပံ့ပေးနိုင်ရန် ရည်မှန်းထားကြောင်း ပြောကြားခဲ့ပါသည်။

          နောက်ထပ်ရည်မှန်းချက်တစ်ခုမှာ ၂၀၂၆- ၂၀၂၈ ခုနှစ်မှ စ၍ ပဲပုပ်ဆီနှင့် ၄င်း၏ အစိတ် အပိုင်းများ၊ အုန်းသီး၊ အုန်းသီးခြောက်နှင့် အုန်းဆီတို့ကို ထိုင်းနိုင်ငံ၏ ကမ္ဘာ့ကုန်သွယ်ရေး အဖွဲ့ (WTO)၏  လယ်ယာစိုက်ပျိုးရေး သဘောတူညီချက်နှင့် လွတ်လပ်သော ကုန်သွယ်ရေး သဘောတူ ညီချက်များ (FTAs) အရ ကတိပြုထားသည့်အတိုင်း ဈေးကွက်ဖွင့်လှစ်ခြင်းနှင့် တင်သွင်းခြင်းကို စီမံခန့်ခွဲရန်ဖြစ်ပါသည်။ တင်သွင်းမှုများသည် ပြင်တွင်းဈေးကွက်အပေါ် အခြေခံမည်ဖြစ်ကြောင်း သိရပါသည်။

          မစ္စတာ Jatuporn က အစည်းအဝေး၏ ရည်ရွယ်ချက်မှာ ဆီထွက်သီးနှံနှင့် ဟင်းသီးဟင်းရွက်ဆီ ထုတ်ကုန်များအတွက် ထိရောက်သော စီမံခန့်ခွဲမှုကို ထူထောင်ရန်နှင့် ထိုင်းတောင်သူများ၏ အကျိုးစီးပွားကို  ဦးစားပေးရန်ဖြစ်ကြောင်း ပြောကြားခဲ့ပါသည်။

           တောင်သူများအတွက် မျှတသောဈေးနှုန်းများ ရရှိစေရန်နှင့် စက်မှုလုပ်ငန်းများ လိုအပ်သောကုန်ကြမ်းများ ရရှိစေရန် အစိုးရနှင့် ပုဂ္ဂလိကကဏ္ဍများအကြား ပူးပေါင်းဆောင်ရွက်ရန် အရေးကြီးကြောင်း ပြောကြားခဲ့ပါသည်။

Source: Bangkok Post 

DOCA (ရန်ကုန်)                                                                        

                 ထိုင်းဆန် ဈေးနှုန်းများမှာ ၁၀၀ မှတ် ဘီဂရိတ် ဆန်တစ်တန်လျှင် အမေရိကန်ဒေါ်လာ ၃၉၁ ဖြင့်လည်းကောင်း၊ ၂၅ မှတ် ဆန်တစ်တန်လျှင် အမေရိကန်ဒေါ်လာ ၃၆၃ ဖြင့်လည်းကောင်း ပေါင်းဆန်ဈေးနှုန်းမှာ အမေရိကန်ဒေါ်လာ ၃၈၈ ဖြင့် ဈေးနှုန်း အနည်းငယ်ကျဆင်းလျက်ရှိကြောင်း သိရှိရသည်။

                ဗီယက်နမ်ဆန်ဈေးနှုန်းများမှာ ၅ မှတ်ဆန်တစ်တန်လျှင် အမေရိကန်ဒေါ်လာ ၄၀၃ ဖြင့် ဈေးနှုန်း အနည်းငယ်မြင့် တက်လျက်ရှိပြီး၂၅ မှတ် ဆန်တစ်တန်လျှင် အမေရိကန်ဒေါ်လာ ၃၇၂ ဖြင့် ဈေးနှုန်း  အနည်းငယ်ကျဆင်းလျက်ရှိကြောင်း သိရှိရသည်။ ဆန်ကွဲဈေးနှုန်း ဖော်ပြထားခြင်း မရှိပါ။

                အိန္ဒိယ ဆန်ဈေးနှုန်းများမှာ ၅ မှတ်ဆန်တစ်တန်လျှင် အမေရိကန်ဒေါ်လာ ၃၈၀ ဖြင့်  ဈေးနှုန်း အနည်းငယ်မြင့် တက်လျက်ရှိပြီး ၂၅ မှတ် ဆန်တစ်တန်လျှင် အမေရိကန်ဒေါ်လာ  ၃၆၄ ဖြင့် ဈေးနှုန်း တည်ငြိမ်လျက်ရှိကြောင်း သိရှိရသည်။ ပေါင်းဆန်တစ်တန်လျှင် အမေရိကန်ဒေါ်လာ ၃၇၀ ဖြင့် ဈေးနှုန်း အနည်းငယ်ကျဆင်းလျက်ရှိ ကြောင်းသိရှိရသည်။

                ပါကစ္စတန် ဆန်ဈေးနှုန်းများမှာ ၅ မှတ်ဆန်တစ်တန်လျှင် အမေရိကန်ဒေါ်လာ ၃၅၉ ဖြင့် လည်းကောင်း၊ ၂၅ မှတ် ဆန်တစ်တန်လျှင် အမေရိကန်ဒေါ်လာ ၃၄၁ ဖြင့် ဈေးနှုန်းအနည်းငယ် ကျဆင်းလျက်ရှိကြောင်း သိရှိရသည်။ ပေါင်းဆန် တစ်တန်လျှင် အမေရိကန်ဒေါ်လာ ၃၈၄ ဖြင့် ဈေးနှုန်းအနည်းငယ် မြင့်တက်လျက်ရှိပြီး ဆန်ကွဲဈေးနှုန်း ဖော်ပြထားခြင်းမရှိကြောင်းသိရှိရပါသည်။

Source  : Thai Rice Exporter

DOCA(ရန်ကုန်)

          ဥဇဘက်ကစ္စတန်နိုင်ငံသည် ယခုနှစ်ပထမ ခုနှစ်လအတွင်း အမေရိကန်ဒေါ်လာ ၅၁ သန်း တန်ဖိုးရှိချယ်ရီသီးများအား ပြည်ပနိုင်ငံများသို့ တင်ပို့ရောင်းချနိုင်ခဲ့ကြောင်း သိရသည်။      ၂၀၂၅ ခုနှစ် ဇန်နဝါရီလမှဇွန်လအထိ ဥဇဘတ်ကစ္စတန်နိုင်ငံမှ တန်ဖိုးအမေရိကန် ဒေါ်လာ ၅၁ သန်းရှိသော ချယ်ရီသီးတန်ချိန် ၂၅၂၀၀ အား ပြည်ပနိုင်ငံ ၁၇ နိုင်ငံသို့ တင်ပို့ရောင်းချနိုင်ခဲ့သည်။ တင်ပို့ရောင်းချသည့် နိုင်ငံများအနက်မှ ရုရှားနိုင်ငံသည် ချယ်ရီသီးတန်ချိန် ၁၈၂၀၀ တင်သွင်းခဲ့ပြီး ကာဇက်စတန်နိုင်ငံမှ တန်ချိန် ၃၆၀၀၊ ကာဂျစ်စတန်နိုင်ငံမှ တန် ချိန် ၂၇၀၀ အသီးသီးတင်သွင်းခဲ့သည်။

          ဥဇဘက်ကစ္စတန်နိုင်ငံ၏ GDP သည် ၂၀၂၅ ခုနှစ်တွင် ၆.၅ ရာခိုင်တိုးတက်လာစေရန် အစိုးရမှကြိုးပမ်းဆောင်ရွက်လျှက်ရှိကြောင်း Eurasian Development Bank ၏ ထုတ်ပြန်ချက်ကို ကိုးကားထားသော ပြည်တွင်းမီဒီယာများ၏ ဖော်ပြချက်အရ သိရသည်။

Source: Xinhua

DOCA (ရန်ကုန်)                                                                            

              တရုတ်နိုင်ငံသို့ ပြောင်းတင်ပို့မှု အလားအလာဆိုင်ရာ ပထမအကြိမ် ဆွေးနွေးပွဲကို Mailisi၊ Vehari တွင် သြဂုတ်လ သြဂုတ်လ ၁၈ ရက်နေ့က ကျင်းပခဲ့သည်။ အခမ်းအနားတွင် ပြောင်းစိုက်ပျိုးသူများ၊ အစိုးရအရာရှိများနှင့် စက်မှုလုပ်ငန်းကိုယ်စားလှယ်များပါဝင်ပြီး တရုတ်ဈေးကွက်၏ တင်းကျပ်သော အရည်အသွေးနှင့် ဘေးကင်းရေးစံနှုန်းများကိုဖြည့်ဆည်း ပေးခြင်းဖြင့် ပြောင်းတင်ပို့မှုမြှင့်တင်ရန် ပါကစ္စတန်၏ ကြိုးပမ်းမှုများကို မီးမောင်းထိုး ပြခဲ့သည်။ ဆွေးနွေးပွဲသည် ပါကစ္စတန်ပြောင်းဖူးအတွက် အဓိက ဦးတည်ချက်အဖြစ် တရုတ်နိုင်ငံ၏ မဟာဗျူဟာမြောက် အရေးပါမှုကို အလေးပေးဖော်ပြခဲ့သည်။ နိုင်ငံတကာနှင့် တရုတ် စံနှုန်းများကို တင်းတင်းကျပ်ကျပ်လိုက်နာရန် လိုအပ်ကြောင်း ဌာနအသီးသီးမှ ဟောပြောသူ များက အလေးပေးပြောကြားခဲ့သည်။ အပင်ကာကွယ်ရေးဌာန (DPP) သည် 1976 Plant Quarantine Act နှင့် International Plant Protection Convention (IPPC) မှ သတ်မှတ်ထားသော စံနှုန်းများ အပါအဝင် လိုအပ်သော ဇီဝကမ္မဆိုင်ရာ လိုက်နာမှုအား အသေးစိတ်ဖော်ပြထားသည်။ ၎င်းတို့သည် mycotoxins (GB 2761-2017) အတွက် အဓိကကျသော တရုတ်အစားအစာဘေးကင်းရေးစံနှုန်းများ (GB 2761-2017)၊ ညစ်ညမ်း ပစ္စည်းများ (GB 2762-2017) နှင့် ပိုးသတ်ဆေးအကြွင်းအကျန်များ (GB 2763-2021) တို့ကို စျေးကွက်ဝင်ရောက်ခွင့်အတွက် မဖြစ်မနေဖော်ပြထားသည်။ Pakistan of Trade Development Authority (TDAP) မှ ဒေါက်တာ Mubarik Ahmed သည် aflatoxins နှင့် khapra beetle ကဲ့သို့သော အရေးကြီးသော အရည်အသွေးထိန်းချုပ်မှုဆိုင်ရာ ပြဿနာများ ကို ကိုင်တွယ်ဖြေရှင်းခဲ့သည်။ ခြောက်သွေ့သော၊ အေးမြသော၊ သန့်ရှင်းသော စပါးသိုလှောင်မှုကို ထိန်းသိမ်းခြင်းအပါအဝင် အဆိုပါ အန္တရာယ်များကို လျော့ပါးစေရန် မဟာဗျူဟာများကို ဆွေးနွေးခဲ့ပြီး ပြောင်းသည် ပါကစ္စတန်တွင် တတိယမြောက် အရေးအကြီးဆုံး အစားအစာ ကောက်ပဲသီးနှံဖြစ်ကြောင်း မှတ်ချက်ပြုခဲ့သည်။ DG TDAP မှ Athar Hussain Khokhar သည် ပါကစ္စတန်နှင့် တရုတ်နိုင်ငံတို့အကြား ပြောင်းတင်ပို့မှုဆိုင်ရာ ပရိုတိုကောကို မကြာသေးမီက အပြီးသတ်လုပ်ဆောင်ခြင်းဖြင့် တင်ပြခဲ့သော သိသာထင်ရှားသော အခွင့်အလမ်းများကို မီးမောင်းထိုးပြခဲ့သည်။ ၂၀၂၃ ခုနှစ်တွင် တရုတ်နိုင်ငံသည် ပြောင်းတန်ချိန် ၂၆.၂၃ သန်းခန့် တင်သွင်းခဲ့ပြီး တန်ဖိုးအားဖြင့် ကန်ဒေါ်လာ ၉.၀၁ ဘီလီယံဖိုး တင်သွင်းခဲ့ကြောင်း ထိုပရိုတို ကောသည် ပါကစ္စတန်၏ မွေးမြူရေးနဲ့ အစာအစာလုပ်ငန်း တိုးချဲ့လာမှုကြောင့် တရုတ်နိုင်ငံ၏ တိုးပွားလာသော ဝယ်လိုအားကို အရင်းအနှီးပြုပြီး ပါကစ္စတန်ရဲ့ စိုက်ပျိုးရေးပို့ကုန်ကို မြှင့်တင်ရန်နှင့် နိုင်ငံခြားငွေ လဲလှယ်နှုန်းကို မြှင့်တင်ရန်အတွက် အခွင့်အလမ်းကို ပေးဆောင်ခဲ့ကြောင်း စွမ်းရည်မြှင့်တင်ခြင်း အစပျိုးမှုများမှတစ်ဆင့် တရုတ်နိုင်ငံ၏ တင်းကြပ်သော အရည်အသွေးနှင့် လိုက်လျောညီထွေမှု စံချိန်စံညွှန်းများ ပြည့်မီစေရန် စိုက်ပျိုးထုတ်လုပ် တင်ပို့ရောင်းချသူများ ကြိုတင်ပြင်ဆင်ထားရန် အရေးကြီးကြောင်း ၎င်းက အလေးပေးပြောကြားခဲ့ကြောင်း သိရှိရပါသည်။

Source: Xinhua 

DOCA (ရန်ကုန်)