အမေရိကန်ပြည်ထောင်စုနှင့် ကုန်သွယ်မှုဆိုင်ရာ ဆွေးနွေးမှုများသည် သဘောတူညီချက် တစ်ရပ်၏ အစောပိုင်းနိဂုံးချုပ်မှုကို ရရှိရန်ရည်ရွယ်ချက်ဖြင့် ဆက်လက်လုပ်ဆောင်သွားမည် ဖြစ်ကြောင်း အိန္ဒိယနိုင်ငံ၏ ဗဟိုကူးသန်းရောင်းဝယ်ရေးဝန်ကြီးဌာနမှ စက်တင်ဘာ ၂၆ ရက်နေ့ က ပြောကြားခဲ့သည်။ စက်တင်ဘာ ၂၂ ရက်မှ ၂၄ ရက်အထိ အမေရိကန်ပြည်ထောင်စုသို့ အိန္ဒိယ ကူးသန်းရောင်းဝယ်ရေးဝန်ကြီး Piyush Goyal ၏ ခရီးစဉ်အပြီးတွင် ယင်းကြေညာချက်ကို ထုတ် ပြန်ခဲ့ခြင်းဖြစ်သည်။ Goyal သည် အမေရိကန် ကုန်သွယ်ရေး ကိုယ်စားလှယ် Jamieson Greer နှင့် အိန္ဒိယ နိုင်ငံဆိုင်ရာ အမေရိကန်သံအမတ်ကြီး Sergio Gor တို့နှင့် တွေ့ဆုံခဲ့ပြီး နှစ်နိုင်ငံ ကုန်သွယ်မှု ဆိုင်ရာ အမေရိကန်အစိုးရ ကိုယ်စားလှယ်များနှင့် တွေ့ဆုံမှုများအပြင် အိန္ဒိယဘက်မှ လည်း အမေရိကန် အခြေစိုက် စီးပွားရေး လုပ်ငန်းရှင်များနှင့် နှစ်နိုင်ငံကုန်သွယ်မှုနှင့် ရင်းနှီးမြှုပ်နှံ မှု မြှင့်တင်ရေးဆိုင်ရာ ဆွေးနွေးမှုများ ပြုလုပ်ခဲ့ကြောင်းသိရသည်။ အိန္ဒိယနှင့် အမေရိကန်တို့ သည် မတ်လ ကတည်းက ကုန်သွယ်ရေးနှင့် အကောက်ခွန် ဆိုင်ရာကိစ္စရပ်များကို ညှိနှိုင်းနေခဲ့ သည်။ ဝါရှင်တန်က နယူးဒေလီကို အကောက်ခွန် ၅၀ ရာခိုင် နှုန်း စည်းကြပ်ခွန် ၂၅ ရာခိုင်နှုန်းနဲ့ ရုရှားရေနံဝယ်ယူမှုအတွက် ဒဏ်ငွေ ၂၅ ရာခိုင်နှုန်း ပေးဆောင် ပြီးနောက် နှစ်နိုင်ငံကြား စည်းကြပ်ခွန်များ ကောက်ခံမှု ဖြစ်ပွားလျှက်ရှိသည်။ အိန္ဒိယသည် အခွန်စည်းကြပ်မှုအပေါ် "တရားမျှတမှုမရှိသော" နှင့် "ကျိုးကြောင်းဆီလျော်မှုမရှိသော" အဖြစ်ဟု ဖော်ပြခဲ့သည်။

Source : Xinhua

DOCA(ရန်ကုန်)        

    ၂၀၂၅ ခုနှစ် ပထမ ရှစ်လအတွင်း ဥဇဘက်ကစ္စတန်၏ နိုင်ငံခြားကုန်သွယ်မှု ပမာဏသည် အမေရိကန်ဒေါ်လာ ၅၁.၄ ဘီလီယံရှိပြီး တစ်နှစ်ထက်တစ်နှစ် ၁၉.၈ ရာခိုင်နှုန်း တိုးလာကြောင်း အမျိုးသားစာရင်းအင်းကော်မတီက စက်တင်ဘာလ ၂၉ ရက်နေ့တွင် ပြောကြားခဲ့သည်။

    နိုင်ငံခြား ကုန်သွယ်မှု ပမာဏ အများဆုံး ရှယ်ယာ ကို တရုတ် က ၁၈.၉ ရာခိုင်နှုန်း ဖြင့် ရယူထားပြီး ၊ ၎င်း၏ နောက်တွင် ရုရှား မှ ၁၆.၁ ရာခိုင်နှုန်း နှင့် ကာဇက်စတန် မှ ၅.၉ ရာခိုင်နှုန်း ဖြင့် မှတ်တမ်းတင် ထားသည်။

   Uzbekistan ၏ရွှေတင်ပို့မှုသည် ၂၀၂၅ ခုနှစ် ပထမ ၈ လတွင် တန်ဖိုးအားဖြင့် ၆၈.၉ ရာခိုင်နှုန်း တိုးတက်ခဲ့ကြောင်း ကော်မတီ၏ ထုတ်ပြန်ချက်အရသိရသည်။

Source : Xinhua                                                                                

  DOCA(ရန်ကုန်)

     ဖိလစ်ပိုင်နိုင်ငံကို ယခုလအတွင်း ဝင်ရောက်တိုက်ခတ်ခဲ့သည့် အပူပိုင်းမုန်တိုင်း Mitag နှင့် စူပါတိုင်ဖွန်း Ragasa တို့သည် နိုင်ငံ၏ စိုက်ပျိုးရေးကဏ္ဍအတွက် ခန့်မှန်းခြေ ပီဆို ၁.၃၈ ဘီလီယံ (အမေရိကန်ဒေါ်လာ ၂၄ သန်းခန့်) ပျက်စီးဆုံးရှုံးခဲ့ကြောင်း စိုက်ပျိုးရေးဌာန (DA) က စက်တင် ဘာလ ၂၈ ရက်နေ့တွင် ပြောကြားခဲ့သည်။ အဆိုပါ ကိန်းဂဏန်းသည် နိုင်ငံ၏ ဒေသ ကိုးခုတွင် အင်အားပြင်းမုန်တိုင်း နှစ်ခုနှင့် အနောက်တောင်မုတ်သုံလေတို့၏ ပေါင်းစပ်သက်ရောက်မှုကို ထင်ဟပ်စေကြောင်း DA မှ ထုတ် ပြန်ချက်တွင် ဖော်ပြထားသည်။ လယ်မြေဧက ၄၇၇၂၃ ဟက်တာ ပျက်စီးခဲ့ပြီး တောင်သူနှင့် စိုက်ပျိုးရေး လုပ်သား ၅၅,၅၉၅ ဦးခန့် ထိခိုက်ခဲ့ကြောင်း အဆိုပါဌာနထံမှ သိရသည်။ ပဏာမ ခန့်မှန်းချက်များအရ ဆန်၊ ပြောင်း၊ တန်ဖိုးမြင့်သီးနှံများနှင့် မွေးမြူရေးနှင့် ကြက်မွေးမြူရေး လုပ်ငန်းခွင်တွင် ၁၀၉၉၉၇ မက်ထရစ်တန် ထုတ်လုပ်မှု ဆုံးရှုံးခဲ့ ကြောင်း DA မှ ထပ်လောင်းပြော ကြားခဲ့သည်။ မကြာသေးမီရက်များအတွင်း ဖိလစ်ပိုင်အလယ် ပိုင်းရှိ အဓိကစိုက်ပျိုးရေးဇုန်များကို ဖြတ်ကျော်ဝင်ရောက်ခဲ့သည့် ပြင်းထန်သော အပူပိုင်းမုန်တိုင်း Bualoi ဒဏ်ခံရသော ဒေသများမှ ကွင်းဆင်းအစီရင်ခံစာများကို DA က ဆက်လက်စုဆောင်း နေသည်ဟု ဆိုသည်။ ရာသီဥတုအနှောက်အယှက်ဖြစ်သည့် Mitag၊ Ragasa နှင့် Bualoi သုံးခု တွင် အနည်းဆုံး ၂၆ ဦး သေဆုံးခဲ့ပြီး ၁၄ ဦး ပျောက်ဆုံးနေဆဲဖြစ်ကြောင်း အမျိုးသား သဘာဝ ဘေးအန္တရာယ် လျှော့ချရေးနှင့် စီမံခန့်ခွဲရေးကောင်စီက တနင်္ဂနွေနေ့တွင် ပြောကြားခဲ့သည်။ မိုးသည်းထန်စွာ ရွာသွန်းမှု၊ ရေကြီးမှုနှင့် မြေပြိုမှုများကြောင့် တစ်နိုင်ငံလုံး အတိုင်းအတာဖြင့် မိသားစုပေါင်း ၇၃၈၀၀၀ ကျော် သို့မဟုတ် လူ ၂.၇၉ သန်းကျော် ထိခိုက်ခဲ့ ကြောင်း သိရသည်။

Source : Xinhua                                                                                 

 DOCA(ရန်ကုန်)

     ထိုင်းနိုင်ငံ၏ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၏ ကုန်သွယ်မှုမူဝါဒနှင့် မဟာ ဗျူဟာရုံး (TPSO) ၏ စက်တင်ဘာ ၂၅ ရက်‌နေ့ ထုတ်ပြန်ချက်အရ ၂၀၂၅ ခုနှစ် သြဂုတ်လ ထိုင်း နိုင်ငံ၏ဆန်တင်ပို့မှုသည် စုစုပေါင်းတန်ချိန် ၇၃၉၄၉၇ ရှိခဲ့ပြီး ၂၀၂၄ ခုနှစ် သြဂုတ်လကထက် ၁၆.၉ ရာခိုင်နှုန်း ကျဆင်းခဲ့ကြောင်းသိရသည်။ ၂၀၂၅ ခုနှစ် ဇန်နဝါရီလမှ သြဂုတ်လအထိ စုစုပေါင်းတင်ပို့မှု ပမာဏ တန်ချိန် ၅၀၃၆၄၄၉ ရှိခဲ့ပြီး ၂၀၂၄ ခုနှစ်နှင့် နှိုင်းယဉ်ပါက ၂၄.၁ ရာခိုင်နှုန်းကျဆင်းခဲ့သည်။ တန်ဖိုးအားဖြင့် သြဂုတ်လ၏ ဆန်တင်ပို့မှုတန်ဖိုးမှာ အမေရိကန်ဒေါ်လာ ၃.၉၄၈ ဘီလီယံ၊ ထိုင်းဘတ် ၁၂.၆၅ ဘီလီယံခန့် ရှိပြီး ၃၀ ရာခိုင်နှုန်းကျဆင်းသွားခဲ့သည်။ အမေရိကန်၊ တောင်အာဖရိက၊ ဆီနီဂေါ၊ အီရတ်နှင့် မိုဇမ်ဘစ်တို့ကဲ့သို့သော စျေးကွက်များတွင် ကျဆင်းမှုနှင့်အတူ ထိုင်းနိုင်ငံဆန်တင်ပို့မှုသည် ၁၀ လ ဆက်တိုက်ကျဆင်းလာခြင်းဖြစ်သည်။ သို့သော်လည်း ကင်မရွန်း၊ တရုတ်၊ မလေးရှား၊ ဟောင်ကောင်နှင့် ကနေဒါတို့တွင် ပို့ကုန်များတိုးမြင့်လာခဲ့သည်။ ပြည်တွင်းဆန်စျေးနှုန်းများ လည်း ကျဆင်းခဲ့ပြီး ထိုင်းဆန်စက်လုပ်ငန်းရှင်များအသင်း၏ အဆိုအရ စက်တင်ဘာလ ၂၄ ရက်နေ့တွင် ဆန်ဖြူတစ်တန်လျှင် ဘတ် ၆၅၀၀ မှ ၆၇၀၀ အကြားရှိပြီး စက်တင်ဘာလ ၁၇ ရက်နေ့ကရှိခဲ့သော ဆန်ဖြူတစ်တန် ဘတ် ၆၇၀၀ မှ ၆၉၀၀ အကြားစျေးနှုန်းမှ ၂၀၀ ဘတ်နီးပါးကျဆင်းခဲ့ခြင်း ဖြစ်ကြောင်းသိရသည်။ Jasmine ဆန်စျေးနှုန်းမှာမှူ တစ်တန်လျှင် ဘတ် ၁၅၅၀၀ မှ ၁၆၀၀၀ အကြား မပြောင်းလဲပဲတည်ရှိလျက်ရှိသည်။

Source : Nationthailand                                                                

DOCA(ရန်ကုန်)             

      ဥရောပကော်မရှင်သည် လာမည့်ရက်သတ္တပတ် အနည်းငယ်အတွင်း တရုတ်သံမဏိနှင့် ဆက်စပ်ပစ္စည်းများအပေါ် အခွန် ၂၅ ရာခိုင်နှုန်းမှ ၅၀ ရာခိုင်နှုန်းအထိ စည်းကြပ်ရန် စီစဉ်ထားကြောင်း ဂျာမန်စီးပွားရေးနေ့စဉ်ထုတ် Handelsblatt က ဘရပ်ဆဲလ်ရှိ အကြီးတန်းအရာရှိများ၏ ပြောကြားချက်ကိုကိုးကား၍ ဖော်ပြခဲ့သည်။ သက်တမ်းကုန်ဆုံးနေသော သံမဏိကာကွယ်ရေး မူဝါဒ များကို အောင်မြင်စေရန် ကော်မရှင်သည် ရေရှည်ကုန်သွယ်မှုဆိုင်ရာ ကိရိယာအသစ်တစ်ခု ကို အဆို ပြုမည်ဖြစ်ကြောင်း သူမက ပြောကြားခဲ့သည်။ ကမ္ဘာလုံးဆိုင်ရာကုန်သွယ်မှု စည်းမျဉ်းများအောက် တွင်၊ ဤအစုအဖွဲ့သည် လက်ရှိသံမဏိအကာအကွယ်များကို ၂၀၂၆ နှစ်လယ်ထက် ကျော်လွန်၍ သက်တမ်းတိုးနိုင်ဖွယ်မရှိကြောင်း၊ တစ်ချိန်တည်းတွင် တရုတ်နိုင်ငံ၏ သံမဏိတင်ပို့မှုသည် ယခုနှစ် တွင် အမြင့်ဆုံးသို့ ရောက်ရှိရန် မျှော်မှန်းထားပြီး မက်ထရစ်တန်ချိန် ၁၁၅ သန်းမှ သန်း ၁၂၀ သို့ ၉ ရာခိုင်နှုန်းကြား မြင့်တက်လာမည်ဟု လေ့လာသုံးသပ်သူများထံမှ သိရသည်။ ကာလကြာမြင့်စွာ အိမ်ခြံမြေကဏ္ဍကျဆင်းမှုကြောင့် ပြည်တွင်းဈေးကွက် သုံးစွဲမှု ကျဆင်းလာပြီးနောက် စျေးကွက် သစ်များလိုအပ်နေသည့် ကမ္ဘာ့စတီးလ်၏ ထက်ဝက်ကျော်ကို တရုတ်နိုင်ငံမှ ထုတ်လုပ်လျက်ရှိသည်။ တရုတ်သံမဏိကို ၂၀၂၄ ခုနှစ်မှစ၍ အခွန်စည်းကြပ်မှုများနှင့် အခြားကုန်သွယ်မှု အတားအဆီးပေါင်း ၅၄ ခုကို စတင်ခဲ့ပြီးဖြစ်ကြောင်း China Trade Remedies Information အရ လေ့လာဆန်းစစ် သူများက ပို့ကုန်များ ပိုမို ကန့်သတ်ချုပ်ချယ်စေမည်ဟု သုံးသပ်သူများက ပြောကြားခဲ့သည်။ ဥရောပ သံမဏိထုတ်လုပ်သူများသည်လည်း အမေရိကန် အခွန် ၅၀ ရာခိုင်နှုန်းနှင့် ရင်ဆိုင်နေရသည်။ ဥရောပ သမဂ္ဂသည် ဇူလိုင်လနှောင်းပိုင်းတွင် စက်မှုလုပ်ငန်းပြတ်လပ်မှုအန္တရာယ်ကို ပြတ်ပြတ်သားသား သတိပေးခဲ့ပြီးနောက် သံမဏိ၊ အလူမီနီယမ်နှင့် ကြေးနီအပါအဝင် သတ္တုအညစ်အကြေးများ တင်သွင်းမှုနှင့် တင်ပို့မှုများကို စတင်စောင့်ကြည့်ခဲ့သည်။ EU မှ သံမဏိအရည်ကျိုလုပ်သူများသည် ကာဗွန် ထုတ်လွှတ်မှုကို လျှော့ချရန် အဓိကသွင်းအားစု တစ်ခုဖြစ်ပြီး အစုအဖွဲ့၏ အဓိကကျသော အစိတ်အပိုင်းတစ်ခုဖြစ်သည့် သတ္တုအပိုင်းအစများ ထောက်ပံ့မှုရရှိရန် အချိန်အတန်ကြာ ရုန်းကန်နေရကြောင်း သိရသည်။

Source : economictimesss                                                                  

 DOCA(ရန်ကုန်)