ပြည်ပကုန်သွယ်မှုသတင်းများ

    လယ်သမားများ၏ အကြောက်တရားများကို ပြေပျောက်စေရန် စိုက်ပျိုးရေး၊ သစ်တော နှင့် ရေလုပ်ငန်းဝန်ကြီးဌာန (MAFF) မှ ဆန်စပါး ထုတ်လုပ်မှု ကုန်ကျစရိတ်ကို ထိန်းထား နိုင်စေရန် နည်းလမ်းများ ရှာဖွေသွားမည်ဟု ၃၁-၈-၂၀၂၅ ရက်နေ့တွင် ပြောကြားခဲ့သည်။ အဆင့်ဆင့်မှ စိုက်ပျိုးရေးအရာရှိများသည် ရိတ်သိမ်းခြင်း၊ စပါးသယ်ယူခြင်းနှင့် နောက်ဆုံး ရောင်းချခြင်း အပါအဝင် စိုက်ပျိုးရေးလုပ်ငန်းတိုင်းတွင် လယ်သမားများနှင့် တက်ကြွစွာ လုပ်ဆောင်နေကြောင်း ဝန်ကြီးဌာန၏ ထုတ်ပြန်ချက်တွင် ဖော်ပြထားသည်။ လယ်ယာ စိုက်ပျိုးရေးတွင် ခေတ်မီစိုက်ပျိုးရေးနည်းပညာများပေါင်းစည်းခြင်းသည် ကုန်ကျစရိတ် လျှော့ချ ရန် တစ်ခုတည်းသော အဖြေဖြစ်သဖြင့် လယ်သမားအသိုင်းအဝိုင်းများ စိုက်ပျိုးရေးကဏ္ဍမှ အကျိုးဖြစ်ထွန်းစေမည့် တစ်ခုတည်းသောအဖြေဖြစ်ကြောင်း အစီရင်ခံစာတွင်ဖော်ပြထားသည်။ ဈေးကွက်အတက်အကျဖြစ်နိုင်ချေကို လျှော့ချနိုင်ရေးအတွက် စိုက်ပျိုးခြင်းနှင့် ဓာတ်မြေသြဇာ များ ဖြန့်ဖြူးပေးခြင်းစသည့် ကဏ္ဍများတွင် ပံ့ပိုးကူညီမှုဖြင့် လာမည့်စိုက်ပျိုးရာသီတွင် ဝန်ကြီး ဌာနက ဆက်လက်ပံ့ပိုးပေးသွားမည် ဟု ထုတ်ပြန်ချက်တွင် ဖော်ပြထားသည်။ စိုက်ပျိုးရေး ပညာရှင်များ၏ အဆိုအရ ရာသီဥတု ဖောက်ပြန်မှု သက်ရောက်မှုကြောင့် နိုင်ငံတော်တွင် စပါး ထုတ်လုပ်မှု ကုန်ကျစရိတ် မြင့်မားနေပြီး မိုးခေါင်ခြင်း၊ ရေကြီးခြင်းများ ဖြစ်ပေါ်ကာ ရိတ်သိမ်းချိန် လွန် အခြေခံအဆောက်အအုံချို့တဲ့မှုနှင့် ခေတ်မီလယ်ယာနည်းပညာ၊ လယ်ယာ ရိတ်သိမ်းခြင်း နှင့် ကြိတ်ခွဲခြင်းလုပ်ငန်းများအတွက် စွမ်းအင ကုန်ကျစရိတ် မြင့်မားခြင်းတို့ ကြောင့် စပါး ထုတ်လုပ်မှု ကုန်ကျစရိတ် မြင့်မားနေကြောင်း သိရသည်။ ဆန်ဈေး ကျဆင်းမှုသည် စိုက်ပျိုးရေး ထောက်ပံ့ရေး ကွင်းဆက်အတွက် ပိုမိုကျယ်ပြန့်သော သက်ရောက်မှုများ ရှိနေကြောင်း၊ လယ်သမားများသာမက ဆန်စက်ပိုင်ရှင်များ၊ ကုန်သည်များ၊ တင်ပို့ရောင်းချသူများပါ ထိခိုက်ပြီး ကျေးလက်ဒေသနေလူထုများအတွင်း ငွေကြေးစီးဆင်းမှုကို ခြိမ်းခြောက်လျက်ရှိပြီး ထုတ်လုပ်မှုစရိတ်လျှော့ချခြင်းသည် အကျပ်အတည်းကို ဖြေရှင်းရန် အဓိကဖြေရှင်းနည်းများထဲမှ တစ်ခုဖြစ်သည်ဟု MAFF က သတ်မှတ်ထားသည်။

Source: Khmer Times                                                                                   

DOCA (ရန်ကုန်)

      ကမ္ဘောဒီးယားနိုင်ငံ၊ ဝန်ကြီးချုပ် Hun Manet သည် တရုတ်နိုင်ငံ Tianjin (တီယန်ကျင်း) မြို့၌ ကျင်းပသည့် ရှန်ဟိုင်း ပူးပေါင်းဆောင်ရွက်ရေးအဖွဲ့ (SCO) ထိပ်သီးအစည်းအဝေးမတိုင်မီ တရုတ်သမ္မတ၊ ရှီကျင့်ဖျင်နှင့်တွေ့ဆုံခဲ့ပြီး ကမ္ဘောဒီးယား-တရုတ် စီးပွားရေးပူးပေါင်း ဆောင်ရွက်မှုများကို ထပ်မံအတည်ပြုကာ ကုန်သွယ်မှုနှင့် ရင်းနှီးမြှုပ်နှံမှုဆက်ဆံရေး ပိုမို နက်ရှိုင်းစေမည့် အခွင့်အလမ်းသစ်များကို ဆွေးနွေးခဲ့ကြသည်။ နှစ်နိုင်ငံပူးပေါင်းဆောင်ရွက်မှုကို မီးမောင်းထိုးပြပြီး ကမ္ဘောဒီးယားနိုင်ငံ၏ ဖွံ့ဖြိုးတိုးတက်မှုနှင့် ပေါင်းစည်းမှုအတွက် တရုတ်နိုင်ငံ ၏ဆက်လက်ပံ့ပိုးကူညီသွားမည်ဟုသမ္မတရှီက ကတိပြုခဲ့သည်။  ထောက်ပံ့ရေးကွင်းဆက်များ နှင့် ချိတ်ဆက်မှုအားကောင်းစေမည့် စီမံကိန်းများကို အရှိန်မြှင့်ရန် အရေးကြီးကြောင်း သမ္မတရှီ က အလေးပေးပြောကြားခဲ့သည်။ ကမ္ဘောဒီးယား၏ လူမှုစီးပွားတိုးတက်မှုအတွက် အခိုင်အမာ ပံ့ပိုးကူညီမှုများအတွက် တရုတ်နိုင်ငံအား ကျေးဇူးတင်ရှိကြောင်း Hun Manet က ပြောကြားခဲ့သည်။  ထောက်ပံ့ပို့ဆောင်ရေး၊ စိုက်ပျိုးရေးနှင့် ဒေသတွင်းကုန်သွယ်မှုကို မြှင့်တင်ရန် စီစဉ်ထားသည့် Funan Techo နှင့် ပေါင်းစည်းထားသော ရေစီမံခန့်ခွဲမှုစီမံကိန်း အပါအဝင် အဓိကအခြေခံအဆောက်အအုံများတွင် တရုတ်ရင်းနှီးမြှုပ်နှံမှုအခန်းကဏ္ဍကို အလေးပေး ပြောကြားခဲ့သည်။ ထောက်ပံ့ရေးကွင်းဆက်များ ကွဲပြားစေရန်နှင့် တန်ဖိုးမြင့်စက်မှု လုပ်ငန်းများကို ဆွဲဆောင်ရန် လိုအပ်သည်ကြောင်း ကမ္ဘောဒီးယား-တရုတ် လွတ်လပ်သော ကုန်သွယ်မှုသဘောတူညီချက် (CCFTA) တွင် နှစ်နိုင်ငံကုန်သွယ်မှုနှင့် ရင်းနှီးမြှုပ်နှံမှုများ တိုးချဲ့ ဆောင်ရွက်ရန် ဝန်ကြီးချုပ်က တောင်းဆိုခဲ့သည်။ နှစ်နိုင်ငံခေါင်းဆောင်များသည် စီးပွားရေးလုပ်ငန်းများနှင့် နိုင်ငံသားများအတွက် မြင်သာထင်သာရှိသော အကျိုးခံစားခွင့်များ ပေးဆောင်ရန် နှစ်နိုင်ငံအဖွဲ့အစည်းများကြား အနီးကပ်ညှိနှိုင်းဆောင်ရွက်ခြင်းဖြင့် အခြေခံ အဆောက်အအုံစီမံကိန်းများကို အချိန်နှင့်တစ်ပြေးညီ အကောင်အထည်ဖော်ရန် သဘောတူညီ ခဲ့ကြသည်။ ကမ္ဘောဒီးယားနိုင်ငံ ဖွံ့ဖြိုးတိုးတက်ရေးကောင်စီ (CDC) မှ ထုတ်ပြန်သော အစီရင်ခံစာအရ တရုတ်ရင်းနှီးမြှုပ်နှံသူများသည် ၂၀၂၅ ခုနှစ် ပထမ (၇) လတွင် ကမ္ဘောဒီးယား နိုင်ငံတွင် ဒေါ်လာ ၃.၆ ဘီလီယံ ရင်းနှီးမြှုပ်နှံခဲ့ကြောင်း၊ ဇန်နဝါရီမှ ဇူလိုင်လအတွင်းတွင် ကမ္ဘောဒီးယားအာဏာပိုင်များက ဒေါ်လာ ၆.၇ ဘီလီယံတန်ဖိုးရှိ စီမံကိန်းပေါင်း ၄၄၀ ကို အတည်ပြုခဲ့ပြီး ရင်းနှီးမြှုပ်နှံမှုပမာဏမှာ ယမန်နှစ် အလားတူကာလထက် ၈၄ ရာခိုင်နှုန်း တိုးလာကာ စီမံကိန်းအရေအတွက် ၈၈ ရာခိုင်နှုန်း တိုးလာခဲ့သည်။  ကမ္ဘောဒီးယားနှင့် တရုတ် နှစ်နိုင်ငံကြား ကုန်သွယ်မှုသည် ၂၀၂၅ ခုနှစ် ပထမ (၇)လတွင် ကန်ဒေါ်လာ ၁၁ ဘီလီယံအထိ မြင့်တက်လာခဲ့ပြီး ယမန်နှစ် အလားတူကာလနှင့် နှိုင်းယှဉ်ပါက ၂၆ ရာခိုင်နှုန်း တိုးမြင့်လာကြောင်း အကောက်ခွန်နှင့် ကုန်စည်စီးဆင်းမှု ဦးစီးဌာန (GDCE) ၏ နောက်ဆုံး စာရင်းများအရ သိရသည်။ GDCE အချက်အလက်များအရ ကုန်သွယ်မှုပမာဏသည် ၂၀၂၄ ဇန်နဝါရီမှ ဇူလိုင်လအထိ ကန်ဒေါ်လာ ၈.၇၂ ဘီလီယံမှ ယခုနှစ်တွင် ကန်ဒေါ်လာ ၁၁ ဘီလီယံ သို့ မြင့်တက်သွားကြောင်းဖော်ထားသည်။  သို့သော် တရုတ်နိုင်ငံသို့ ကမ္ဘောဒီးယား ပို့ကုန်သည် ၈.၉ ရာခိုင်နှုန်း ကျဆင်းခဲ့ပြီး တရုတ်နိုင်ငံမှ တင်သွင်းမှုမှာ ၃၀.၅ ရာခိုင်နှုန်းမှ (ကန်ဒေါ်လာ ၁၀.၁၁ ဘီလီယံ) သို့ သိသိသာသာ မြင့်တက်ခဲ့သည်။

Source: Khmer Times                                                                                   

DOCA (ရန်ကုန်)

      နိုင်ငံ၏ဆွဲဆောင်မှုအရှိဆုံးသော ခရီးသွားရှုခင်းဖြစ်သည့် Angkor Archaeological Park သည် ယခုနှစ်ပထမ (၈) လအတွင်း နိုင်ငံခြားခရီးသွား ၆၆၉,၆၁၉ ဦး လာရောက်လည်ပတ်ခဲ့ပြီး ၂.၇၂ ရာခိုင်နှုန်း တိုးလာသည်ဟု Angkor Entrance Pass Sales မှ  ၁-၉-၂၀၂၅ ရက်နေ့တွင် ထုတ်ပြန်ခဲ့သည်။ ဝင်ခွင့်လက်မှတ်ရောင်းချမှုမှ ဝင်ငွေဒေါ်လာ ၃၁ သန်းရရှိခဲ့ပြီး တစ်နှစ်ထက် တစ်နှစ် ၂.၄၂ ရာခိုင်နှုန်း တိုးလာကြောင်း အစီရင်ခံစာတွင် ဖော်ပြထားသည်။ အန်ကော ရှေးဟောင်းသုတေသနဥယျာဉ်သို့ နိုင်ငံခြားဧည့်သည်များ တိုးလာခြင်းသည် ခရီးသွားကဏ္ဍ ပြန်လည်ကောင်းမွန်လာမှုကို ထင်ဟပ်ကြောင်း ကမ္ဘောဒီးယား ခရီးသွားအေးဂျင့်များအသင်း ဥက္ကဋ္ဌ  Chhay Sivlin က ပြောကြားခဲ့သည်။ ခရီးသွားလာရေး ဝန်ကြီးဌာန၊ ပုဂ္ဂလိက ကဏ္ဍမှ သက်ဆိုင်ရာ အဖွဲ့အစည်းများနှင့်အတူ ခရီးသွားလုပ်ငန်းကို မြှင့်တင်ရန်၊ ထုတ်ကုန်အသစ်များ ဖန်တီးခြင်းနှင့် နိုင်ငံခြား ခရီးသွားများ၊ ခရီးစဉ်များ လွယ်ကူချောမွေ့စေရန်အတွက် အစိုးရမှ အနီးကပ် လက်တွဲဆောင်ရွက်ခဲ့ကြောင်း ထပ်မံပြောကြားခဲ့သည်။ 

Source: Khmer Times 

DOCA (ရန်ကုန်)

        ၂၀၂၆ ခုနှစ် Hajj ဘုရားဖူးပွဲတော်တွင်လိုအပ်ချက်များဖြည့်စည်းရန် ဆော်ဒီကုမ္ပဏီသည် အမေရိကန်ဒေါ်လာ ၁၂ သန်းတန်ဖိုးရှိသောအသင့်စားအစားအစာများကို အင်ဒိုနီးရှားထံမှ ဝယ်ယူရန်စီစဉ်နေကြောင်း အင်ဒိုနီးရှားနိုင်ငံကုန်သွယ်ရေးဝန်ကြီးဌာန၏ အဆိုအရ သိရပါသည်။ ကုန်သွယ်ရေးဝန်ကြီး Budi Santoso က ဝန်ကြီးဌာနသည် ထိုသဘောတူညီချက်အား နှစ်နိုင်ငံ ကြားကုန်သွယ်ရေးချိတ်ဆက်မှုအားကောင်းစေရန် ဗျူဟာမြောက်အရွေ့တစ်ခုအဖြစ် ရှုမြင်ထား ကြောင်းနှင့် ပို့ကုန်တိုးမြှင့်ရန်ကြိုးပမ်းမှုအားလုံးသည် နိုင်ငံ၏စီးပွားရေးကြီးထွားမှုကို သိသာ ထင်ရှားစွာမောင်းနှင်ပေးနိုင်မည်ဖြစ်ကြောင်း ပြောကြားခဲ့ပါသည်။ ထိုသဘောတူညီချက်ကို အင်ဒိုနီးရှား၏ PT Halalan Thayyiban ကုမ္ပဏီနှင့် ဆော်ဒီအာရေးဗီးယား၏ 4J ကုမ္ပဏီ လီမိတက်ကြားတွင် ဩဂုတ်လ ၂၃ ရက်နေ့က အင်ဒိုနီးရှားကုန်သွယ်မှုမြှင့်တင်ရေးစင်တာ၌ MoU မှတစ်ဆင့်လက်မှတ်ရေးထိုးခဲ့ခြင်းဖြစ်ကြောင်း သိရပါသည်။ သဘောတူညီချက်အောက်တွင် Halalan သည်အရည်အသွေးမြင့်ဟာလာအသိအမှတ်ပြုလက်မှတ်ရ အသင့်စားအစားအစာများ ကို 4J အားရောင်းချသွားမည်ဟု သိရပါသည်။ ကုန်သွယ်ရေးဝန်ကြီးဌာနအောက်ရှိ နိုင်ငံတော် ပို့ကုန်ဖွံ့ဖြိုးတိုးတက်ရေးဦးစီးဌာနမ၏ ညွှန်ကြားရေးမှူးချုပ်ဖြစ်သူ Fajarini Puntodewi က အင်ဒိုနီးရှားသည် Hajj ဘုရားပွဲတော်အတွင်အစားအစာလိုအပ်ချက်ကိုပံ့ပိုးပေးရန် ကတိပြု ကြောင်း၊ ထိုပူးပေါင်းဆောင်ရွက်မှုသည် ဆော်ဒီအာရေးဗီးယားသို့ပို့ကုန်တိုးမြှင့်ရာတွင် ကူညီပေး နိုင်မည်ဖြစ်ကြောင်းနှင့် အစားအစာနှင့် ဖျော်ရည်အပြင် အခြားထုတ်ကုန်များဆော်ဒီဈေးကွက်သို့ ဝင်ရောက်ရန်အတွက် များစွာသောအခွင့်အလမ်းများကို ဖန်တီးပေးနိုင်ကြောင်း ပြောကြားခဲ့ပါ သည်။

Antara News

DOCA (ရန်ကုန်)

      ပါကစ္စတန်နိုင်ငံတွင် သြဂုတ်လအတွင်း ကုန်ပစ္စည်းတင်ပို့မှုသည် ယခင်နှစ်ကထက် ၁၂.၄၉ ရာခိုင်နှုန်းကျဆင်းခဲ့ပြီး အမေရိကန်ဒေါ်လာ ၂.၄၂ ဘီလီယံအထိ ကျဆင်းခဲ့ကြောင်း တရားဝင် အချက် အလက်များက ဖော်ပြထားသည်။အဆိုပါ ပို့ကုန်ကျဆင်းမှုသည် လွန်ခဲ့သည့်ငါးလအတွင်း စတုတ္ထ မြောက်ကျဆင်းမှုဖြစ်ပြီး ဇူလိုင်လကသာလျင် အပြုသဘောဆောင်သော ပို့ကုန်တိုးတက်မှုရှိ ကြောင်းဖော်ပြခဲ့သည်။ လအလိုက် ပို့ကုန် ၉.၉၈ ရာခိုင်နှုန်း ကျဆင်းသွားကြောင်း ပီဘီအက်စ် ဒေတာက ဖော်ပြသည်။

     လက်ရှိဘဏ္ဍာရေးနှစ် ၂၀၂၅-၂၆ ၏ ပထမနှစ်လတာကာလအတွင်း ပို့ကုန်တင်ပို့မှု ၀ ဒသမ ၆၅ ရာခိုင်နှုန်း ဒေါ်လာ ၅ ဒသမ ၁၁ ဘီလီယံအထိ တိုးတက်ခဲ့ရာ ယမန်နှစ်အလားတူကာလက ပို့ကုန်တင်ပို့မှု အမေရိကန်ဒေါ်လာ ၅ ဒသမ ၀၇  ဘီလီယံထက် ပိုမိုများပြားခဲ့သည်။

          သို့ရာတွင် သြဂုတ်လက သွင်းကုန် ၆ ဒသမ ၄၂ ရာခိုင်နှုန်း၊ အမေရိကန်ဒေါ်လာ ၅ ဒသမ ၂၈ ဘီလီယံ မြင့်တက်ခဲ့ရာ လစဉ်ကုန်သွယ်မှုလိုငွေ ၃၀.၁၃ ရာခိုင်နှုန်း တိုးလာကာ ယခင်နှစ်က ဒေါ်လာ ၂.၂၁ ဘီလီယံနှင့်နှိုင်းယှဉ်ပါက ဒေါ်လာ ၂.၈၆ ဘီလီယံအထိ တိုးလာသည်ဟု သိရသည်။

ကိုးကား-ဆင်ဟွာ                                                                                                          

DOCA(ပြည်ထောင်စုနယ်မြေ)