ပြည်ပကုန်သွယ်မှုသတင်းများ

           ပြည်တွင်းထုတ် တစ်ပိုင်းလျှပ်ကူးပစ္စည်းနှင့် သင်္ဘောများအတွက် ခိုင်မာသော ဝယ်လိုအားကြောင့် မတ်လ၏ ပထမရက် ၂၀ အတွင်း တောင်ကိုရီးယား၏ ပို့ကုန်သည် တစ်နှစ်ထက်တစ်နှစ် ၄.၅ ရာခိုင်နှုန်း မြင့်တက်ခဲ့ကြောင်း အကောက်ခွန်ရုံး ဒေတာက သောကြာနေ့တွင် ဖော်ပြခဲ့သည်။ မတ် ၁ ရက်‌နေ့မှ ၂၀ ရက်‌နေ့အထိ ပို့ကုန်ဝင်ငွေ အမေရိကန်ဒေါ်လာ ၃၅.၅၄ ဘီလီယံအထိ တိုးလာခဲ့ကြောင်း ကိုရီးယား အကောက်ခွန် ဝန်ဆောင်မှုဌာနထုတ်ပြန်ချက်အရ သိရသည်။ တစ်ပိုင်းလျှပ်ကူးပစ္စည်း တင်ပို့မှုသည် ၁၁.၆ ရာခိုင်နှုန်းမှ ၇.၀၇ ဘီလီယံဒေါ်လာအထိ မြင့်တက်ခဲ့ပြီး မော်တော်ယာဥ်တင်ပို့ မှုမှာ ၃.၇ ရာခိုင်နှုန်းမှ ၃.၃ ဘီလီယံဒေါ်လာအထိ တိုးလာခဲ့သည်။ သင်္ဘောတင်ပို့မှုသည် ၈၀.၃ ရာခိုင်နှုန်းမှ အမေရိကန်ဒေါ်လာ ၂.၂၃ ဘီလီယံအထိ ခုန်တက်သွားသော်လည်း သံမဏိ၊ ရေနံထွက် ပစ္စည်းနှင့် အိမ်သုံးပစ္စည်းများမှာ ကျဆင်းသွားခဲ့သည်။ သွင်းကုန် ၁.၄ ရာခိုင်နှုန်း ကျဆင်းခဲ့ပြီး ကုန်သွယ်မှုပိုငွေ ကန်ဒေါ်လာ ၁.၁၅ ဘီလီယံရရှိခဲ့သည်။ ရေနံစိမ်း၊ ကျောက်မီးသွေးနှင့် ရေနံထွက် ကုန်များအတွက် တင်သွင်းမှုမှာ ဂဏန်းနှစ်လုံးဖြင့် ကျဆင်းခဲ့သော်လည်း သဘာဝဓာတ်ငွေ့၊ ကားများနှင့် ဆီမီးကွန်ဒတ်တာသုံးပစ္စည်းများအတွက် ဂဏန်းနှစ်ဆတိုးလာခဲ့ကြောင်း သိရှိရပါသည်။

Source : Xinhua

DOCA(ရန််ကုန်)

            အင်ဒိုနီးရှားနိုင်ငံစက်မှုဝန်ကြီး Faisol Riza က ပြည်တွင်းစက်မှုဇုန်များ၏ ယှဉ်ပြိုင်နိုင်စွမ်း အားကောင်းခြင်းသည် သမ္မတ Prabowo Subianto ရည်မှန်းထားသည့် စီးပွားရေးကြီးထွားနှုန်း ၉ ရာခိုင်နှုန်း ရရှိရန် ပံ့ပိုးပေးနိုင်မည်ဟု ပြောကြားခဲ့ပါသည်။ ဝန်ကြီးဌာန၏ မတ်လ ၁၉ ရက်နေ့ ကထုတ်ပြန်ချက်တွင် ရေနံနှင့် ဂတ်စ်မဟုတ်သည့် ကုန်ပစ္စည်းပြုပြင်ထုတ်လုပ်သည့်ကဏ္ဍသည် အင်ဒိုနီးရှားစီးပွားရေးတွင် ကျောရိုးအဖြစ် ဆက်လက်တည်ရှိနေကြောင်း သိရပါသည်။ ၂၀၂၄ ခုနှစ် တွင် ကုန်ထုတ်လုပ်မှုကဏ္ဍသည် နိုင်ငံ GDP တွင် ၁၇.၆ ရာခိုင်နှုန်းပါဝင်ပြီး အမြင့်ဆုံးအခွန်ငွေ ၂၅.၈၄ ရာခိုင်နှုန်းရရှိကြောင်း သိရပါသည်။ ထို့ကြောင့် စက်မှုဇုန်ယှဉ်ပြိုင်နိုင်စွမ်းမြှင့်တင်ခြင်း သည် နိုင်ငံ၏ GDP အချိုးကို မြှင့်တင်နိုင်ရုံသာမက အင်ဒိုနီးရှားအား အလယ်အလတ်ဝင်ငွေရှိသည့် နိုင်ငံအဖြစ်မှ မြင့်တက်ရန်ကူညီပေးနိုင်မည်ဟု သိရပါသည်။ လတ်တလောတွင် အင်ဒိုနီးရှား၌ လုပ်ငန်း လည်ပတ်နေသည့် စက်မှုဇုန် ၁၆၈ ခုရှိကြောင်း သိရပါသည်။ ဝန်ကြီးဌာန အောက်ရှိ Resilience,regional and international industrial access ၏ ညွှန်ကြား‌ရေးမှူးချုပ် Tri Supondy က ၎င်း၏ဌာနသည် စက်မှုဇုန်ယှဉ်ပြိုင်နိုင်စွမ်းအားကောင်းရန် ဗျူဟာမြောက် မူဝါဒများ ပြင်ဆင်လျက်ရှိကြောင်း ပြောကြားခဲ့ပါသည်။ အမျိုးသားအလယ်အလတ်ကာလဖွံ့ဖြိုး တိုးတက်မှုအစီအစဉ် ၂၀၂၅-၂၀၂၉ အရ ထိုဗျူဟာသည် ရေနံနှင့်ဂတ်စ်မဟုတ်သည့် ပြုပြင် ထုတ်လုပ်သည့်လုပ်ငန်း၏ GDP ကို ၂၀၂၉ ခုနှစ်တွင် ၈.၅၉ ရာခိုင်နှုန်းထိ မြှင့်တင်ရန်ရည်ရွယ်ကြောင်း သိရပါသည်။ စက်မှုဇုန်အသင်း၏ဥက္ကဌ Sanny Iskandar ကစက်မှုဇုန်များ  ယှဉ်ပြိုင်နိုင် စွမ်းတိုးတက်မှုအရှိန်မြှင့်တင်ရန် အစိုးရ၊ ကုန်ထုတ်လုပ်သူများနှင့် ဘဏ္ဍာရေးကဏ္ဍကြား အားကောင်းသောမိတ်ဖက်ဖွဲ့မှုလိုအပ်ကြောင်း ပြောကြားခဲ့ကြောင်း သိရှိရပါသည်။

Antara News

DOCA(ရန်ကုန်)

            ၂၀၂၅ ခုနှစ်၏ ပထမ ၂ လတွင် ဗီယက်နမ်နှင့် စင်ကာပူကုန်သွယ်မှုမှာ စင်ကာပူဒေါ်လာ ၆.၅၇ ဘီလီယံရှိခဲ့ပြီး ၂၀၂၄ ခုနှစ်၏ ပထမ ၂ လထက် ၂၇.၁၅ ရာခိုင်နှုန်းမြင့်တက်ခဲ့ကြောင်း Enterprise Singapore (ESG) ၏ အဆိုအရ သိရပါသည်။ စင်ကာပူသို့ ၁၄ ခုမြောက်အကြီးမား ဆုံးတင်ပို့သူဖြစ်သည့် ဗီယက်နမ်သည် ယခုနှစ် ပထမနှစ်လတာကာလတွင် စင်ကာပူသို့ စင်ကာပူ ဒေါ်လာ ၁.၅၄ ဘီလီယံကျော်တင်ပို့ခဲ့ပြီး လွန်ခဲ့သည့်နှစ် တူညီသည့်ကာလထက် ၂၃.၂၁ ရာခိုင်နှုန်း မြင့်တက်ခဲ့ကြောင်း သိရပါသည်။ တစ်ချိန်တည်းမှာပင် စင်ကာပူ ကုန်ပစ္စည်းများ ၇ ခု မြောက် အကြီးမားဆုံးတင်သွင်းသူဖြစ်သည့် ဗီယက်နမ်သည် နှစ်လတာ ကာလတွင် စင်ကာပူ ဒေါ်လာ ၅.၀၆ ဘီလီယံ တန်ဖိုးနီးပါး တင်သွင်းခဲ့ပြီး ယခင်နှစ် တူညီသည့်ကာလထက် ၂၈.၃၈ ရာခိုင်နှုန်းမြင့်တက်ခဲ့ကြောင်း သိရပါသည်။ ဖေဖော်ဝါရီလ တစ်လတည်းတွင် အပြန်အလှန် ကုန်သွယ်မှုတန်ဖိုးမှာ စင်ကာပူဒေါ်လာ ၃.၁၈ ဘီလီယံ တန်ဖိုး ရှိခဲ့ပြီး ၂၀၂၄ ခုနှစ်ဖေဖော်ဝါရီလ ထက် ၄၀.၄၁ ရာခိုင်နှုန်းမြင့်တက်ခဲ့ကြောင်း သိရပါသည်။  ဗီယက်နမ်မှစင်ကာပူသို့ အဓိကပို့ကုန် များတွင် မှန်များ၊  ဓာတ်ပေါင်းဖိုများ၊ ဘွိုင်လာများ၊ စက်မှုသုံးပစ္စည်းများ၊ စက်အပိုပစ္စည်းများ၊ မိုဘိုင်းဖုန်းများ၊ အီလတ်ထရောနစ်ပစ္စည်းများနှင့် အပိုပစ္စည်းများ၊ တိုင်းတာသည့်ကိရိယာများ၊ ဓာတ်ခွဲခန်းသုံးမှန်ဘီလူးများ၊ ဆေးဘက်ဆိုင်ရာ သုံးပစ္စည်းများ၊ နာရီများ၊ အဖျော်ယမကာများ ပါဝင်ကြောင်း သိရပါသည်။ ဖေဖော်ဝါရီလတွင် ဗီယက်နမ်က စင်ကာပူထံမှ သွင်းကုန်များတွင် မိုဘိုင်းဖုန်းများ၊ အီလတ်ထရောနစ်ပစ္စည်းများနှင့် အပိုပစ္စည်းများ၊ ရေနံနှင့် ရေနံထုတ်ကုန်များ၊ စက်မှုသုံးဘွိုင်လာများ၊ ဓာတ်ပေါင်းဖိုများ၊ စက်ပစ္စည်းများ၊ ဆေးဝါးများ၊ ပုလဲ၊ ကျောက်မြတ် ရတနာတို့ပါဝင်ကြောင်း သိရပါသည်။ ရှေ့ဆက်၍လည်း စင်ကာပူနိုင်ငံဆိုင်ရာ ဗီယက်နမ် ကုန်သွယ်ရေးအတိုင်ပင်ခံ Cao Xuan Thang က ဗီယက်နမ်လုပ်ငန်းများအား ဈေးကွက်တွင် တိုးချဲ့ရန် နည်းလမ်းများကို ဆက်လက်ပံ့ပိုးသွားမည်ဟု ပြောကြားခဲ့ကြောင်း သိရှိရပါသည်။

Vietnam Plus

DOCA(ရန်ကုန်)

          တရုတ်-အင်ဒိုနီးရှားငှက်သိုက်ကုန်သွယ်ရေးညီလာခံသည် နှစ်နိုင်ငံစလုံးမှ စီးပွားရေးလုပ်ငန်းရှင်များကြား ပူးပေါင်းဆောင်ရွက်မှုအရှိန်မြှင့်တင်ရန် ဗျူဟာမြောက်ပလက်ဖောင်း တစ်ခုအဖြစ် ဆောင်ရွက်ပေးနိုင်ရန် မျှော်လင့်ရကြောင်း သိရပါသည်။ အင်ဒိုနီးရှား ကုန်သွယ်‌ရေး ဝန်ကြီး Budi Santoso က ၎င်း၏ ဝန်ကြီးဌာနသည် အင်ဒိုနီးရှား၏စားသုံး၍ရသော ငှက်သိုက် တရုတ်သို့ တင်ပို့မှုမြှင့်တင်ရန်အားထုတ်မှုများကို ပံ့ပိုးပေးမည်ဟု သိရပါသည်။ အင်ဒိုနီးရှားသည် ကမ္ဘာ့အကြီးဆုံး အကောင်းဆုံးငှက်သိုက်များထုတ်လုပ်သူဖြစ်ပြီး နိုင်ငံတကာအဆင့်မီပြုပြင် ထုတ်လုပ် မှုစံနှုန်းများနှင့်ပတ်သတ်၍ နာမည်ကျော်ကြားကြောင်း သိရပါသည်။ Santoso က ထိုမြင့်မားသော စံနှုန်းများကို ဆက်လက်ထိန်းသိမ်းရန် အာမခံကြောင်းနှင့် ထိုဖိုရမ်သည် တရုတ်နှင့် အင်ဒိုနီးရှားကြား ကုန်သွယ်ရေးဆက်နွယ်မှုအားကောင်းရာတွင် ပူးပေါင်းပါဝင်ပေး နိုင်ရန်မျှော်လင့်ကြောင်း ပြောကြားခဲ့ပါသည်။ ဂျကာတာတွင် ကျင်းပခဲ့သည့် ကုန်စည်ပြပွဲကို အင်ဒို နီးရှားလုပ်ငန်းရှင် ၃၀၊ ငှက်သိုက်အသင်း ၅ ခုနှင့်  တရုတ်စိုက်ပျိုးမွေးမြူ‌ရေး လက်ကားဈေးကွက် အသင်းမှ အဖွဲ့ဝင် ၃၀ တို့ တက်ရောက်ခဲ့ကြောင်း သိရပါသည်။ Santoso က ထိုပူးပေါင်း ဆောင်ရွက်မှုသည် စဉ်ဆက်မပြတ် အပြန်အလှန်အကျိုးရှိသော ကုန်သွယ်ရေး ဂေဟစနစ်ကို ဖန်တီးပေးနိုင်မည်ဖြစ်ကြောင်းနှင့် အစိုးရသည်လည်း ကမ္ဘာ့ထိပ်တန်း စားသုံး နိုင်သော ငှက်သိုက် ဈေးကွက်အဖြစ်တည်ရှိနေသည့် နိုင်ငံ၏ရပ်တည်မှုကို ဆက်လက် အားကောင်းစေရန် ပို့ကုန်လုပ်ငန်းရှင်များ၊ အသင်းများနှင့် ပူးပေါင်းဆောင်ရွက်ရန်ရည်ရွယ် ထားကြောင်း ပြောကြားခဲ့ပါ သည်။ ၂၀၂၄ ခုနှစ်တွင် အင်ဒိုနီးရှား၏ ကမ္ဘာ့ဈေးကွက်သို့ စားသုံး နိုင်သောငှက်သိုက်တင်ပို့မှုမှာ စံချိန်တင် အမေရိကန်ဒေါ်လာ ၄၂၈ သန်းတန်ဖိုးရှိခဲ့ကြောင်း သိရပါသည်။  ထို၂၀၂၄ ခုနှစ်တွင် တရုတ်သည် အမေရိကန်‌ဒေါ်လာ ၆၃၄.၉၅ သန်းတန်ဖိုးရှိသော ငှက်သိုက်များကို ကမ္ဘာတစ်ဝှမ်းမှ တင်သွင်းခဲ့ပြီး ၇၀ ရာခိုင်နှုန်းနီးပါးကို အင်ဒိုနီးရှား မှတင်သွင်းခဲ့ခြင်းဖြစ်ကြောင်း သိရပါသည်။ တရုတ်အပြင် အင်ဒိုနီးရှားသည် ဟောင်ကောင်၊ ဗီယက်နမ်၊ စင်ကာပူ၊ အမေရိကန်နှင့် တရုတ်တိုင်ပေတို့သို့လည်း စားသုံး၍ရသောငှက်သိုက်များ တင်ပို့လျှက်ရှိကြောင်း သိရှိရပါသည်။

Antara News

DOCA(ရန်ကုန်)

             Central Pttana Plc(CPN) သည် Bangkok၊ Nonthaburi နှင့် Khon Kaen တို့တွင် ဈေးဝယ်စင်တာသစ်များဖွင့်လှစ်ရန်ပါဝင်သည့် ငါးနှစ်ရင်းနှီးမြှုပ်နှံမှုမဟာဗျူဟာအတွက် ဘတ် ၁၂၀ ဘီလီယံ ဘက်ဂျက်ချထားကြောင်း သိရပါသည်။ CPN ၏ ဥက္ကဌ နှင့် အမှုဆောင်အရာရှိချုပ် ဖြစ်သူ Wallaya Chirathivat က ထိုဘက်ဂျက်သည် ကုမ္ပဏီ၏ ၂၀၂၅-၂၀၂၉ ရင်းနှီးမြှုပ်နှံမှု အစီ အစဉ်၏ အစိတ်အပိုင်းတစ်ခုဖြစ်ကြောင်းပြောကြားခဲ့ပါသည်။ လက်လီရောင်းချမည့်စင်တာ စီမံကိန်းများတွင် မတ်လ ၂၈ ရက်နေ့တွင်ဖွင့်လှစ်မည့် Market Place Theprak community mall၊ ဩဂုတ်လတွင်ဖွင့်လှစ်မည့် Central Park ရုံးခန်းများ နှင့် အောက်တိုဘာလတွင် ဖွင့်လှစ် မည့် Central Krabi တို့ပါဝင်ကြောင်းသိရပါသည်။ နှစ်ကုန်တွင် ကုမ္ပဏီသည် နေရာ ၄၄ ခုမှ ၃၀ တို့မှာ Mixed-use စီမံကိန်း( ဈေးဝယ်စင်တာ၊ ရုံးခန်းများ၊ လူနေအခန်းများပါဝင်သည့် အဆောက် အအုံ)များနှင့်အတူ စီးပွားရေးကဏ္ဍအားလုံးတွင် စီမံကိန်း ၁၃၅ ခု ရရှိရန်မျှော်မှန်းထားကြောင်း သိရပါသည်။ ၂၀၂၆ ခုနှစ်အတွက်မူ ကုမ္ပဏီသည် Bangkok တွင် The Central စီမံကိန်း၊ Nonthaburi တွင် Central Northville စီမံကိန်းနှင့် Khon Kaen တွင် Central Khonkaen Campus စီမံကိန်းတို့ပါဝင်သည့် စီမံကိန်းသစ် ၃ ခုကို ဖွင့်လှစ်ရန် စီစဉ်ထားကြောင်း သိရပါသည်။ CPN သည်Rama I၊ Rama IX နှင့် Phloenchit အစရှိသည့် ထင်ရှားသည့်နေရာများတွင်လည်း အဓိကစီမံကိန်းများနှင့်အတူ ၎င်းတို့၏ ဈေးကွက်တည်ရှိမှုကိုတိုးချဲ့ရန်စီစဉ်နေကြောင်း သိရပါသည်။ The Central ကို Mixed-use စီမံကိန်းအဖြစ် ဒီဇိုးဆွဲထားပြီး လက်လီဈေးဝယ် စင်တာ အကျယ်အဝန်းမှာ ၄၆၀၀၀၀ စတုရန်းမီတာရှိမည်ဖြစ်ပြီး ၂၀၂၆ ခုနှစ် စတုတ္ထ ၃ လပတ် ကာလတွင်ဖွင့်လှစ်ရန် စီစဉ်ထားကြောင်း သိရပါသည်။ ဈေးဝယ်စင်တာ တည်ဆောက်မှု ပထမ အဆင့်ကို ရင်းနှီးမြှုပ်နှံမှု ဘတ် ၂၀ ဘီလီယံ အသုံးပြုသွားမည်ဟု သိရပါသည်။ ကုမ္ပဏီသည် ဈေးဝယ်စင်တာကို ဘန်ကောက်မြောက်ပိုင်းမှ ဝယ်လိုအားသစ်များကို ဆွဲဆောင်ရာ တံခါးပေါက် တစ်ခုဖြစ်လာရန် မျှော်လင့်ကြောင်း သိရပါသည်။ Central Khonkean campus နှင့် Central Northville ကို ၂၀၂၆ ခုနှစ် ဒုတိယ ၃ လပတ်ကာလတွင် ဖွင့်လှစ်ရန်မျှော်မှန်းထားကြောင်း သိရှိရပါသည်။

Bangkok Post

DOCA(ရန်ကုန်)