ပြည်ပကုန်သွယ်မှုသတင်းများ

       ဖိလစ်ပိုင်နိုင်ငံသည် ကမ္ဘာ့ကုန်သွယ်ရေးအဖွဲ့အစည်း (WTO) နှင့်အတူ ငါးလုပ်ငန်းဆိုင်ရာ ထောက်ပံ့မှုကို သဘောတူညီချက်ကို ထိရောက်စွာ အကောင် အထည်ဖော် ဆောင်ရွက်ရန်အတွက် ၎င်း၏ ကတိကဝတ်ကို ပြန်လည်အတည် ပြုလိုက်ကြောင်း သိရပါသည်။ အဆိုပါသဘောတူညီမှု သည် ငါးအလွန်အကျွံ ဖမ်းဆီး ခြင်းနှင့် ရေအရင်းအမြစ်လျော့ပါးခြင်းကို ထိန်းချုပ်စေနိုင်မည့် သမိုင်းတွင် ငါးလုပ်ငန်းဆိုင် ရာထေက်ပံ့မှုဖြစ်ကြောင်း သိရပါသည်။ လူသန်းပေါင်း ၁၁၅ သန်း ကျော်နေထိုင်သော ကျွန်းစုနိုင်ငံတစ်ခုအနေဖြင့် ဖိလစ်ပိုင်နိုင်ငံသားများသည် ၎င်းတို့၏ အစား အစာနှင့် အသက်မွေးဝမ်း‌ကျောင်းကို ငါးလုပ်ငန်းအပေါ်တွင်မှီခိုလျက်ရှိပြီး အဆိုပါ မှတ်တိုင်သည် ၎င်းတို့အတွက် အလွန်အရေးပါကြောင်း သိရပါသည်။ အဆိုပါသဘောတူညီမှုသည် ရေသတ္တဝါမျိုး ကွဲများ၏ လုံခြုံရေး၊ အစားအသောက်ဖူလုံမှု နှင့် ၎င်းတို့အသက် မွေးဝမ်းကျောင်း အထူးသဖြင့် ကမ်းရိုးတန်းဒေသတွင် ငါးဖမ်းလုပ်ကိုင်လျက်ရှိသော အလုပ်များအတွက် ကာကွယ်ရာ ရောက် ကြောင်း သိရပါသည်။ WTO က အဆိုပါ သဘောတူညီချက်ကို အကောင်အထည်ဖော်ဆောင်ရွက် ရန်အတွက် နည်းပညာဆိုင်ရာ အထောက်အကူနှင့် သိုလှောင်ရုံများ တည်ဆောက်မှုများဖြင့် ထောက်ပံ့ပေးရန်အတွက် ရန်ပုံငွေများ စတင်မတည်ပြီး ဖြစ်ကြောင်း သိရပါသည်။ အဆိုပါ သဘောတူညီချက်တွင် စီမံကိန်း ၂ ခုပါဝင်ပြီး ပထမ အာမခံ စီမံကိန်းတွင် ရန်ပုံ‌ငွေပေါင်း အမေရိ ကန် ဒေါ်လာ ၅၀၀၀၀ ခန့် ထားရှိမည်ဖြစ်ပြီး ဒုတိယ အာမခံ စီမံကိန်းတွင် ရန်ပုံငွေပေါင်း အမေရိကန်ဒေါ်လာ ၃၀၀၀၀ ခန့် ထားရှိမည်ဖြစ်ကြောင်း သိရပါသည်။ အဆိုပါ ယန္တရားဖြင့် ဖိလစ်ပိုင်နိုင်ငံသည် ရေရှည်တည်တံ့ခိုင်မြဲသော ကမ်းရိုးတန်းစီမံခန့်ခွဲမှုများကို အဆင့် မြှင့်တင် နိုင်မည်ဖြစ်ပြီး ကမ်းရိုးတန်းတစ်လျှောက်ရှိ ငါးဖမ်းလုပ်သားများအတွက် ကောင်းမွန်သော အကျိုး ခံစားခွင့်များ ဖော်ဆောင်ပေးနိုင်မည်ဖြစ်ကြောင်း သိရပါသည်။ ဖိလစ်ပိုင်နိုင်ငံက အဆိုပါ သဘောတူညီမှုအကောင်အထည်ဖော်ဆောင်ရွက်ခြင်းသည် နိုင်ငံ၏ ပင်လယ်ကမ်းရိုးတန်းအရင်း အမြစ် တည်တံ့နိုင်ရေး လုပ်ဆောင်မှုကို သန်မာလာစေမည်ဖြစ်ပြီး ကမ်းရိုးအသိုက်အဝန်း၏ အနာဂတ်အတွက် ပိုမိုသေချာမှုများ ရရှိစေမည်ဖြစ်ကြောင်း ထုတ်ပြန်ကြေညာခဲ့ပါသည်။ ဖိလစ်ပိုင်နိုင်ငံမှ သံအမတ်ကြီး Manuel A.J Teehankee က WTO နှင့် သဘောတူညီမှု ရရှိခြင်း အပေါ် ကြိုဆိုလျက်ရှိကြောင်း ပြောကြားခဲ့ပါသည်။ ဖိလစ်ပိုင်နိုင်ငံသည် ဖိလစ်ပိုင်နိုင်ငံ ဖွံ့ဖြိုး တိုးတက်‌ရေးအတွက် အထောက်အကူဖြစ်စေမည့် ငါးလုပ်ငန်းရန်ပုံငွေများ တည်ဆောက် မှုကို ကြို ဆိုလျက်ရှိကြောင်း သိရပါသည်။

Source: Philstar                                                                        

DOCA (ရန်ကုန်)

   Vietnam Prosperity Bank မှ ပိုင်ဆိုင်သော စတော့ပွဲစားကုမ္ပဏီ VPBank Securities သည် ယခုလနောင်းပိုင်းတွင် ကနဦးအများပြည်သူကမ်းလှမ်းမှုတစ်ခု၌ အမေရိကန်ဒေါ်လာ ၄၈၁ သန်းခန့် မြှင့်တင်ရန် ရည်မှန်းထားကြောင်း အဆိုပါဘဏ်က အောက်တိုဘာလ ၁ ရက်နေ့တွင် ထုတ်ပြန်ကြေညာခဲ့ပါသည်။ VPBank Securities သည် IPO တွင် ရှယ်ယာပေါင်း ၃၇၅ သန်းခန့် ၂၅ ရာခိုင်နှုန်းအား ပေးဆောင်မည်ဖြစ်ကြောင်း ထုတ်ပြန်ကြေညာခဲ့ပါသည်။ အဆိုပါ ကမ်းလှမ်းမှု ကို ရှယ်ယာ တန်ဖိုးတစ်ခုလျှင် ဒေါင် ၃၃၉၀၀ နှင့်အတူ အောက်တိုဘာလ ၁၀ ရက်နေ့မှ အောက်တိုဘာလ ၃၁ ရက်နေ့တွင် စတင်လုပ်ဆောင်မည်ဖြစ်ကြောင်း သိရပါသည်။ ရှယ်ယာအစု အဝေးတစ်ခု၊ စည်းမျဥ်း အပြောင်းအလဲများနှင့် ကမ္ဘာလုံးဆိုင်ရာ ရည်ညွှန်းကိန်းပံ့ပိုးသူများမှ ရင်းနှီး မြှုပ်နှံမှု အခြေအနေ အဆင့် မြှင့်တက်မှု အလားအလာအပေါ် စိတ်ဝင်စားမှုများ မြင့်တက်ခြင်းကြောင့် ဗီယက်နမ်ရှိ IPO တွင် ရှယ်ယာကမ်းလှမ်းချက်များ များပြားလျက်ရှိ ကြောင်းသိရပါသည်။ ဗီယက်နမ်နိုင်ငံ၏ အကြီးဆုံး လုံခြုုံရေး ကုမ္ပဏီဖြစ်သည့် VPS Securities သည် IPO တွင် အမေရိန်ကန်ဒေါ်လာ ၂၀၂.၃ သန်းခန့်ကမ်းလှမ်းရန် စီမံထားကြောင်း သိရပါ သည်။

Source: CNA                                                                             

DOCA (ရန်ကုန်)

     တရုတ်နိုင်ငံ၏ ကုန်သွယ်မှုဝန်ဆောင်မှုသည် ယခုနှစ် ပထမ ၈ လအတွင်းတွင် တည်ငြိမ် သော တိုးတက်မှုကို ထိန်းသိမ်းထားနိုင်ခဲ့ပြီး စုစုပေါင်း သွင်းကုန်နှင့် ပို့ကုန်ပမာဏသည် ယွမ် ၅.၂၅ ထရီလီယံ (အမေရိကန်ဒေါ်လာ ၇၃၉ ဘီလီယံခန့်) ရောက်ရှိခဲ့ပြီး ယခင်နှစ် အလားတူ ကာလထက် ၇.၄ ရာခိုင်နှုန်း တိုးတက်ခဲ့ကြောင်း စီးပွားရေးဝန်ကြီးဌာနက စက်တင်ဘာလ ၃၀ ရက်နေ့တွင် ပြောကြားခဲ့ပါသည်။

          အထူသဖြင့် ဝန်ဆောင်မှုပို့ကုန်များသည် ၁၄.၇ ရာခိုင်နှုန်း တိုးတက်လာပြီး ယွမ် ၂.၃ ထရီ လီယံပို့ ရောက်ရှိခဲ့ပါသည်။ သွင်းကုန်များသည် ၂.၃ ရာခိုင်နှုန်းတိုးတက်လာပြီး ယွမ် ၂.၉၅ ထရီလီ ယံသို့ ရောက်ရှိခဲ့ကြောင်း ဝန်ကြီးဌာန၏ အချက်အလက်များအရ သိရှိရပါသည်။ ဝန်ဆောင်မှု ကုန်သွယ်မှု လိုငွေသည် ယခင်နှစ် အလာတူကာလနှင့် နှိုင်းယှဉ်ပါက ယွမ် ၂၂၈ ဘီလီယံ လျော့ ကျခဲ့ပါသည်။

          ပညာရေးဝန်ဆောင်မှုများသည် ကုန်သွယ်မှုတွင် ဆက်လက်တိုးတက်လျက်ရှိပြီး သွင်းကုန် နှင့် ပို့ကုန် စုစုပေါင်းသည် ယွမ် ၂.၀၃ ထရီလီယံထိ ရောက်ရှိခဲ့ရာ ယခင်နှစ်ထက် ၆.၇ ရာခိုင်နှုန်း တိုးတက်ခဲ့ပါသည်။

          ခရီးသွားဝန်ဆောင်မှု ကုန်သွယ်မှုစုစုပေါင်းသည် ယွမ် ၁.၄၅ ထရီလီယံရှိခဲ့ပြီး ယခင်နှစ် ထက် ၈.၆ ရာခိုင်နှုန်း တိုးတက်ခဲ့ပါသည်။ ၄င်းတွင် ခရီသွားဝန်ဆောင်မှု ပို့ကုန်များသည် ၅၇.၆ ရာခိုင်နှုန်း မြင့်တက်ခဲ့ကြောင်း သိရှိရပါသည်။

Source : Xinhua                                                                                

 DOCA (ရန်ကုန်)

     ထိုင်းနိုင်ငံ၏ စီးပွားရေးသည် ကုန်သွယ်ရေးနှင့် ကုန်စည်ပို့ဆောင်ရေး ဝန်ဆောင်မှုများ အပေါ် မှီခိုနေရသော စိုက်ပျိုးရေးနှင့် စက်မှုလုပ်ငန်းများအားနည်းလာခြင်းကြောင့် သြဂုတ်လ တွင် ကျဆင်းလာခဲ့ကြောင်း စက်တင်ဘာလ ၃၀ ရက်နေ့တွင် ဗဟိုဘဏ်၏ ထုတ်ပြန်ချက်အရ သိရှိရပါသည်။

          ထိုင်းဘဏ်၏ ပြောကြားချက်အရ ထုတ်လုပ်မှုလုပ်ငန်း ကျဆင်းနေပြီး မော်တော်ကား၊ အစား အသောက်နှင့် အဖျော်ယမကာ လုပ်ငန်းများတွင် ဝယ်လိုအားကျဆင်းခြင်း၊ ကုန်စည် လက်ကျန်များ မြင့်တက်လာခြင်း၊ စက်ရုံများပြင်ဆင်ခြင်းနှင့် နေရာရွေ့ပြောင်းခြင်း တို့အတွက် စက်ရုံများ ယာယီ ပိတ်ထားကြောင်း သိရှိရပါသည်။

          ပုဂ္ဂလိကစားသုံးမှု၊ ရင်းနှီးမြှုပ်နှံမှုနှင့် ကုန်သွယ်မှုများသည် တည်ငြိမ်နေသော်လည်း  အီလက်ထရွန်နစ်ပစ္စည်းများထုတ်လုပ်မှုသည် ယခင်လများတွင်အားကောင်းခဲ့ပြီးနောက် ကျဆင်း သွားကြောင်း ဗဟိုဘဏ်၏ ထုတ်ပြန်ချက်အရ သိရှိရပါသည်။

          ပြည်တွင်း၊ ပြည်ပ ခရီးသွားများထံမှ ဝင်ငွေပိုမိုရရှိခဲ့ခြင်းကြောင့် ခရီးသွားလုပ်ငန်း တိုးတက် လာခဲ့ပါသည်။ ထိုင်းနိုင်ငံသည် ပို့ကုန်များ နှေးကွေးသွားမည်ဖြစ်ပြီး အမေရိကန်၏ အကောက် ခွန်များကြောင့်  စက်မှုလုပ်ငန်းများအပေါ် ဖိအားများ တိုးလာစေမည်ဖြစ်ကြောင်း Chayawadee က သတင်းစာရှင်းလင်းပွဲတွင် ပြောကြားခဲ့ပါသည်။

Source : Xinhua                                                                                

 DOCA (ရန်ကုန်)

     အင်ဒိုနီးရှားနိုင်ငံ ကုန်သွယ်ရေးဝန်ကြီး Budi Santoso က ကနေဒါ၊ ဥရောပသမဂ္ဂတို့နှင့် လက်မှတ်ရေးထိုးခဲ့သည့် ဘက်ပေါင်းစုံစီးပွားရေးမိတ်ဖက်သဘောတူညီချက် (CEPA) သည် ကမ္ဘာ လုံးဆိုင်ရာဈေးကွက်တွင် အင်ဒိုနီးရှား၏ကုန်သွယ်ရေးတည်ရှိမှုကို အားကောင်းစေရန် အားထုတ် မှု၏ အစဖြစ်ကြောင်း ပြောကြားခဲ့ပါသည်။ IEU-CEPA (အင်ဒိုနီးရှား-ဥရောပသမဂ္ဂ) ပြီးမြောက်မှု နှင့် ICA-CEPA (အင်ဒိုနီးရှား-ကနေဒါ) လက်မှတ်ရေးထိုးခြင်းသည် လတ်တလောပထဝီနိုင်ငံရေး နှင့် ကမ္ဘာလုံးဆိုင်ရာကုန်သွယ်ရေးဝန်းကျင် တင်းမာမှုများကြားတွင် နိုင်ငံ၏ကုန်သွယ်ရေးတည်ရှိ မှုကို အားကောင်းစေနိုင်ကြောင်း စက်တင်ဘာလ ၂၉ ရက်နေ့ ကကျင်းပခဲ့သည့် ICA-CEPA နှင့် IEU-CEPA မဟာဗျူဟာဖိုရမ်တွင် ပြောကြားခဲ့ပါသည်။၂၀၂၄ ခုနှစ်တွင် အင်ဒိုနီးရှား၏ ကနေဒါသို့ တင်ပို့မှုမှာ အမေရိကန်ဒေါ်လာ ၃.၅ ဘီလီယံတန်ဖိုးရှိပြီး ဥရောပသမဂ္ဂသို့တင်ပို့မှုမှာ အမေရိကန် ဒေါ်လာ ၃၀ ဘီလီယံရှိကြောင်း သိရပါသည်။ ထိုစီးပွားရေးသဘောတူညီချက်များသည် ကနေဒါ နှင့် ဥရောပသမဂ္ဂသို့ အင်ဒိုနီးရှား၏ တင်ပို့မှု မြင့်တက်ရန် မျှော်မှန်းရကြောင်း သိရပါသည်။ ဝန်ကြီး က ICA-CEPA သည် မြောက်အမေရိက ဒေသသို့ အင်ဒိုနီးရှား၏ဈေးကွက်ဝင်ရောက်မှုကို တံခါး ဖွင့်လှစ်ပေးနိုင်မည်ဟု အကောင်းမြင် သုံးသပ်လျှက်ရှိကြောင်း သိရပါသည်။ ICA-CEPA ကို ကနေဒါ နိုင်ငံတွင် ၂၀၂၅ ခုနှစ် စက်တင်ဘာလ ၂၄ ရက်နေ့က လက်မှတ်ရေးထိုးခဲ့ခြင်းဖြစ်ပြီး အလားအလာ ရှိသော အင်ဒိုနီးရှား ပို့ကုန်များတွင် အဝတ်အထည်များ၊ ဖိနပ်၊ ပရိဘောဂ၊ ပြုပြင်ထားသောအစားအစာများ၊ အီလတ်ထရောနစ်ပစ္စည်းများ၊ မော်တော်ကားဆိုင်ရာအီလတ်ထရောနစ်ပစ္စည်းများနှင့် ငှက်သိုက် တို့ဖြစ်ကြောင်း သိရပါသည်။ တစ်ချိန်တည်းမှာပင် IEU-CEPA ကို ဘာလီတွင် ၂၀၂၅ ခုနှစ် စက်တင်ဘာလ ၂၃ ရက်နေ့ကလက်မှတ်ရေးထိုးခဲ့ခြင်းဖြစ်ပြီး သဘောတူညီချက်သည် ကုန်စည် နှင့် ဝန်ဆောင်မှုများကုန်သွယ်ရေးနှင့် အင်ဒိုနီးရှားနှင့် ဥရောပသမဂ္ဂကြား ရင်းနှီးမြှုပ်နှံမှုတို့ အပေါ်လွှမ်းခြုံထားကြောင်း သိရပါသည်။ Santoso က ၎င်း၏အဖွဲ့သည် သဘောတူညီချက် အကောင်အထည်ပေါ်ပေါက်ပြီးနောက် လာမည့် ၅ နှစ်အတွင်း ဥရောပသမဂ္ဂသို့ အင်ဒိုနီးရှား၏ တင်ပို့မှု ၂.၅ ရာခိုင်နှုန်းမြင့်တက်ရန် ရည်မှန်းထားကြောင်း သိရပါသည်။ ထိုပို့ကုန်များတွင် စားအုန်းဆီ၊ ကော်ဖီ၊ အဝတ်အထည်၊ ငါးလုပ်ငန်း၊ အီလတ်ထရောနစ်ပစ္စည်းများ၊ ဖိနပ်၊ သစ်တော ထုတ်ကုန်များနှင့် ပရိဘောဂတို့ပါဝင်ကြောင်း သိရပါသည်။

Antara News                                                                             

DOCA (ရန်ကုန်)