ပြည်ပကုန်သွယ်မှုသတင်းများ

          ဗီယက်နမ်-ကျူးဘားကုန်သွယ်ရေးသဘောတူညီချက်ပူးတွဲကော်မတီအောက်တွင် ဗီယက်နမ် ဆပ်ကော်မတီတည်ထောင်သည့် ဆုံးဖြတ်ချက်ကို ဒုတိယဝန်ကြီးချုပ် Bui Thanh Son က အောက်တိုဘာလ ၉ ရက်နေ့က လက်မှတ်ရေးထိုးခဲ့ကြောင်း သိရပါသည်။ ဆပ်ကော်မတီကို စက်မှုနှင့်ကုန်သွယ်ရေးဝန်ကြီးဌာနက ဒုတိယဝန်ကြီးက ဥက္ကဌအနေဖြင့်တာဝန်ယူမည်ဖြစ်ပြီး အဖွဲ့ဝင်များတွင် စက်မှုနှင့်ကုန်သွယ်ရေးဝန်ကြီးဌာန၊ နိုင်ငံခြားရေးရာဝန်ကြီးဌာန၊ ဆောက်လုပ်ရေးဝန်ကြီးဌာန၊ ဘဏ္ဍာရေးဝန်ကြီးဌာန၊ စိုက်ပျိုးမွေးမြူရေးနှင့် သဘာဝပတ်ဝန်းကျင်ဝန်ကြီးဌာန၊ သိပ္ပံနှင့် နည်းပညာဝန်ကြီးဌာနနှင့် ဗီယက်နမ်နိုင်ငံဗဟိုဘဏ်တို့မှ ဦးစီးဌာနအဆင့် တာဝန်ရှိသူများပါဝင်ကြောင်း သိရပါသည်။ စက်မှုနှင့်ကုန်သွယ်ရေးဝန်ကြီးဌာနက အဓိက မဏ္ဍိုင်ဌာနအနေဖြင့် တာဝန်ယူထားပြီး ဆပ်ကော်မတီရုံးချုပ်သည် ဝန်ကြီးဌာနတွင် တည်ရှိကြောင်း သိရပါသည်။

          ဗီယက်နမ်နှင့်ကျူးဘားတို့သည် ဆယ်စုနှစ်ချီ ကုန်သွယ်ရေးဆက်ဆံမှုရှိပြီး နှစ်စဉ် အပြန်အလှန် ကုန်သွယ်မှုတန်ဖိုး အမေရိကန်ဒေါ်လာ သန်း ၁၀၀ ကျော်ရှိကာ ဗီယက်နမ် သည်ကျူးဘား၏ အာဆီယံတွင်ဒုတိယအကြီးမားဆုံး ကုန်သွယ်ဖက်နိုင်ငံဖြစ်ကြောင်း သိရပါသည်။ ၂၀၂၄ ခုနှစ်တွင် အပြန်အလှန်ကုန်သွယ်မှုတန်ဖိုးမှာ အမေရိကန်ဒေါ်လာ ၁၃၄.၇ သန်းရှိပြီး ဗီယက်နမ်က အမေရိကန်ဒေါ်လာ ၁၃၃.၃၆ သန်းတန်ဖိုးတင်ပို့ပြီး အမေရိကန်ဒေါ်လာ ၁.၃၃ သန်းတန်ဖိုး ပြန်လည်တင်သွင်းကြောင်း သိရပါသည်။ အဓိကဗီယက်နမ်ပို့ကုန်များတွင် ဆန်၊ အီလတ်ထရော နစ်၊ အဝတ်အထည်၊ ဖိနပ်၊ အလှကုန်ပစ္စည်းများ၊ ဆောက်လုပ်ရေး လုပ်ငန်းသုံးပစ္စည်းများ၊ အိမ်သုံး ကုန်ပစ္စည်းများ၊ စာရေးကိရိယာများ၊ ဓာတ်မြေဩဇာများနှင့် ဆေးဘက်ဆိုင်ရာပစ္စည်းမျာပါဝင်ကြောင်း သိရပါသည်။ ကျူးဘား၏ အစားအစာဖူလုံရေးအတွက် အရေးအကြီးဆုံး အရာဖြစ်သည့် ဆန်သည်ဗျူဟာမြောက်အဓိကပို့ကုန်ဖြစ်ပြီး ဘိလပ်မြေ၊ စတီးလ်နှင့် အဝတ်အထည်ဝယ်လိုအားမှာလည်း ကြီးထွားလျှက်ရှိကြောင်း သိရပါသည်။ တစ်ချိန်တည်းမှာပင် ကျူးဘားသည် ဆေးဝါးများ၊ ကာကွယ်ဆေးများ၊ activated carbon နှင့် ရမ်တို့ကို ဗီယက်နမ်သို့တင်ပို့ကြောင်း သိရပါသည်။ ကျူဘား၏အဆင့်မြင့် ဘိုင်အိုနည်းပညာနှင့် ဆေးဝါးကဏ္ဍတို့သည် ဆွဲဆောင်မှု အားကောင်းနေပြီး ဗီယက်နမ်တွင် ကျယ်ပြန့်စွာအသုံးပြုနေကြောင်း သိရပါသည်။ ဗီယက်နမ် သည် ကျူဘား၏အကြီးမားဆုံးအာရှ ရင်းနှီးမြှုပ်နှံသူအဖြစ်ရပ်တည်နေပြီး နှစ်နိုင်ငံအကြားများစွာသော ကုန်သွယ်ရေးသဘောတူညီချက်များ လက်မှတ်ရေးထိုးထားကြောင်း သိရပါသည်။

Vietnam Plus                                                                            

DOCA (ရန်ကုန်)

          ၂၀၂၅ ခုနှစ်တွင် ဗီယက်နမ်၏ စုစုပေါင်း ပို့ကုန်-သွင်းကုန်တန်ဖိုးသည် မှတ်တိုင်သစ်ဖြစ်သည့် အမေရိကန်ဒေါ်လာ ၉၀၀ ဘီလီယံပတ်လည်ရောက်ရှိရန်ခန့်မှန်းရကြောင်း ဟနွိုင်းမြို့တွင် အောက်တိုဘာလ ၈ ရက်နေ့ကကျင်းပခဲ့သည့် သတင်းစာရှင်းလင်းပွဲအရ သိရပါသည်။ ၂၀၂၅ ခုနှစ် ၏ ပထမ ၉ လတာကာလတွင် ဗီယက်နမ်၏ စုစုပေါင်းကုန်သွယ်မှုတန်ဖိုးမှာ အမေရိကန်ဒေါ်လာ ၆၈၀.၆ ဘီလီယံထိရောက်ရှိခဲ့ပြီး ၂၀၂၄ ခုနှစ်တူညီသည့်ကာလနှင့် နှိုင်းယှဉ်ပါက ၁၇.၃ ရာခိုင်နှုန်း မြင့်တက်ခဲ့ကြောင်း သိရပါသည်။ စီမံကိန်း၊ ဘဏ္ဍာရေးနှင့် လုပ်ငန်းစီမံခန့်ခွဲရေးဦးစီးဌာန၏ အထွေထွေညွှန်ကြားရေးမှူး Bui Huy Son က ယခုနှစ် တတိယ ၃ လပတ်ကာလတင်ပို့မှုမှာ အမေရိကန်ဒေါ်လာ ၁၂၈.၅၇ ဘီလီယံတန်ဖိုးရှိပြီး ဒုတိယ ၃ လပတ်ကာလနှင့်နှိုင်းယှဉ်ပါက ၉.၆ ရာခိုင်နှုန်းနှင့် ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၁၈.၄ ရာခိုင်နှုန်းမြင့်တက်ခဲ့ကြောင်း သိရပါသည်။ ယခုနှစ်ပထမ ၉ လတာကာလတွင် စုစုပေါင်းပို့ကုန်ဝင်ငွေရရှိမှုမှာ အမေရိကန် ဒေါ်လာ ၃၄၈.၇၄ ဘီလီယံတန်ဖိုးရှိပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၁၆ ရာခိုင်နှုန်းမြင့်တက်ခဲ့ကြောင်း သိရပါသည်။ ထိုဇန်နဝါရီလမှ စက်တင်ဘာလကြားကာလတွင် ပို့ကုန်အမျိုးအစား ၃၂ ခုမှ ဝင်ငွေ အမေရိကန်ဒေါ်လာ ၁ ဘီလီယံကျော်အသီးသီးရရှိခဲ့ပြီး ၇ ခုမှ ဝင်ငွေ အမေရိကန်ဒေါ်လာ ၁၀ ဘီလီယံကျော်အသီးသီးရရှိခဲ့ကြောင်း သိရပါသည်။ အမေရိကန်၊ တရုတ်၊ ဥရောပသမဂ္ဂ၊ အာဆီယံနှင့် ဂျပန်တို့မှာ ဗီယက်နမ်ကုန်ပစ္စည်းများအား အဓိကတင်သွင်း သူများဖြစ်ကြောင်း သိရပါသည်။ ပြုပြင်ထုတ်လုပ်ထားသည့်စက်မှုကဏ္ဍမှာ အမေရိကန်ဒေါ်လာ ၂၉၇.၂ ဘီလီယံဖြင့် ဗီယက်နမ်၏အကြီးမားဆုံးပို့ကုန်ဝင်ငွေရရှိသည့်ကဏ္ဍဖြစ်ကြောင်း သိရပါသည်။  တစ်ချိန်တည်းမှာပင် ဗီယက်နမ်သည် ယခုနှစ်၏ ပထမ ၉ လတာကာလတွင် အမေရိကန် ဒေါ်လာ ၃၃၂ ဘီလီယံနီးပါးတင်သွင်းခဲ့ပြီး ၂၀၂၄ ခုနှစ်တူညီသည့်ကာလနှင့် နှိုင်းယှဉ်ပါက ၁၈.၈ ရာခိုင်နှုန်းမြင့်တက်ခဲ့ကြောင်း သိရပါသည်။ ပြည်တွင်းကဏ္ဍက အမေရိကန်ဒေါ်လာ ၁၀၅.၆၇ ဘီလီယံတန်ဖိုးတင်သွင်းခဲ့ပြီး နိုင်ငံခြားရင်းနှီးမြှုပ်နှံမှုကဏ္ဍက အမေရိကန်‌ဒေါ်လာ ၂၂၆.၂၅ ဘီလီယံတန်ဖိုးတင်သွင်းခဲ့ကြောင်း သိရပါသည်။ တရုတ်နိုင်ငံသည် အမေရိကန်ဒေါ်လာ ၁၃၄.၄ ဘီလီယံဖြင့် အကြီးမားဆုံးရောင်းချသူဖြစ်ပြီး ၎င်း၏နောက်တွင် တောင်ကိုရီးယားကအမေရိကန် ဒေါ်လာ ၄၄.၄ ဘီလီယံ၊ အာဆီယံက အမေရိကန်ဒေါ်လာ ၃၉.၁ ဘီလီယံ၊ ဂျပန်က အမေရိကန် ဒေါ်လာ ၁၈.၂ ဘီလီယံနှင့် အမေရိကန်ကအမေရိကန်ဒေါ်လာ ၁၃.၇ ဘီလီယံဖြင့် အသီးသီးရပ်တည်နေကြောင်း သိရပါသည်။

Vietnam Plus

DOCA (ရန်ကုန်)                                                                            

  ဂျာမနီနိုင်ငံ၏ စက်မှုထုတ်ကုန်လုပ်ငန်းများသည် ယခင်နှစ်နှင့်နှိုင်းယှဉ်ပါက သြဂုတ်လတွင် ၄.၃ ရာခိုင်နှုန်း သိသိသာသာ ကျဆင်းခဲ့ကြောင်း Federal Statistical Office (Destatis) က အောက်တိုဘာ ၈ ရက်နေ့ ထုတ်ပြန်သော အချက်အလက်များအရ သိရှိရပါသည်။

          စက်မှုလုပ်ငန်းအများစုသည် ထုတ်လုပ်မှုလျော့ကျခဲ့ပါသည်။ ဂျာမနီ၏ အကြီးဆုံး စက်မှု လုပ်ငန်းဖြစ်သည့် မော်တော်ကားထုတ်လုပ်မှုသည် ၁၈.၅ ရာခိုင်နှုန်း ကျဆင်းခဲ့ပါသည်။ ဤကျဆင်း မှုသည် နွေရာသီအားလပ်ရက်များနှင့် ထုတ်လုပ်မှုပုံစံပြောင်းလဲခြင်းတို့ကြောင့် တစ်စိတ် တစ်ပိုင်ပါ ဝင်ပါသည်။

          တခြားသော အဓိက စက်မှုလုပ်ငန်းများဖြစ်သည့် စက်ယန္တရားနှင့် စက်ပစ္စည်းကိရိယာများ ထုတ်လုပ်မှုသည် ၆.၂ ရာခိုင်နှုန်း ကျဆင်းခဲ့ပြီး ဆေးဝါးထုတ်လုပ်မှုသည် သြဂုတ်လတွင် ၁၀.၃ ရာခိုင်နှုန်း ကျဆင်းခဲ့ပါသည်။

          ဂျာမန်မော်တော်ယာဉ်လုပ်ငန်းအဖွဲ့ (VDA) မှ ထုတ်ပြန်ခဲ့သည့် စစ်တမ်းတစ်ခုအရ အလတ် စားမော်တော်ကားထုတ်လုပ်မှုလုပ်ငန်းများသည် အမှာစာ ပြတ်လပ်မှု စံချိန်တင် အဆင့်သို့ရောက်ရှိ ခဲ့ပါသည်။ ကုမ္ပဏီ ၆၇ ရာခိုင်နှုန်းက အမေရိကန်၏ ဥရောပသမဂ္ဂ သွင်းကုန် များအပေါ် ချမှတ်သည့် အခွန်အသစ်များသည် ကြီးမားသော ဝန်ထုတ်ဝန်ပိုးတစ်ခုဖြစ်ကြောင်း ပြောကြားခဲ့ပါသည်။

 DOCA (ရန်ကုန်)

  ဗီယက်နမ်နိုင်ငံ၏ စုစုပေါင်းကုန်ပစ္စည်း လက်လီရောင်းချမှုနှင့် ဝန်ဆောင်မှုလုပ်ငန်းများမှ ဝင်ငွေသည် ၂၀၂၅ ခုနှစ် ပထမ ၉ လအတွင်း အမေရိကန်ဒေါ်လာ ၁၉၆ ဘီလီယံခန့် ရှိသည်ဟု ခန့်မှန်းထားပြီး ယခင်နှစ်နှင့်နှိုင်းယှဉ်ပါက ၉.၅ ရာခိုင်နှုန်း တိုးတက်လာကြောင်း ဗီယက်နမ် အမျိုးသား စာရင်းရုံး (NSO) က အောက်တိုဘာလ ၆ ရက်နေ့တွင် ထုတ်ပြန်ခဲ့ပါသည်။

          ဈေးနှုန်းအချက်အလက်များကို ထည့်မတွက်ပါက တိုးတက်မှုသည့် ၇.၂ ရာခိုင်နှုန်း ရှိပြီး ယခင်နှစ်အလားတူကာလက မှတ်တမ်းတင်ထားသော ၅.၈ ရာခိုင်နှုန်း တိုးတက်မှုထက် ပိုမိုမြင့်မား ကြောင်း  အစီရင်ခံစာတွင် ဖော်ပြထားပါသည်။

          စက်တင်ဘာလတွင် လက်လီရောင်းချမှုနှင့် ဝန်ဆောင်မှုဝင်ငွေသည် အမေရိကန်‌‌ဒေါ်လာ ၂၂.၆၈ သို့ရောက်ရှိခဲ့ပြီး ၁၁.၃ ရာခိုင်နှုန်း တိုးလာကြောင်း NSO ကပြောကြားခဲ့ပါသည်။

DOCA (ရန်ကုန်)

 အင်ဒိုနီးရှားနိုင်ငံသည် အရှေ့ဂျာဗားရှိ Argopuro တောင်တန်းမှ Arabica ကော်ဖီ ၁၅ တန်ကို အောက်တိုဘာ ၇ ရက်နေ့က ပို့ဆောင်ခဲ့ပြီး ၄င်းတို့၏ ကော်ဖီဈေးကွက်ကို တိုးချဲ့ခဲ့ ပါသည်။

          အသေးစားနှင့် အလတ်စားစီးပွားရေးလုပ်ငန်းများ (MSMEs) ဝန်ကြီးဌာန၏ စီးပွားရေး ဆိုင်ရာ ဒုတိယအရာရှိ Bagus Rachman က အင်ဒိုနီးရှားသည် ကမ္ဘာပေါ်တွင် အကြီးဆုံး ကော်ဖီ ထုတ်လုပ်သူများထဲမှ တစ်ခုဖြစ်ပြီး    စိုက်ခင်းများ၏ ၉၀ ရာခိုင်နှုန်းကျော်ကို အသေး စား လယ်သမားများက ထိန်းချုပ်ထားပါသည်။

          Argopuro တောင်တန်းမှ ကော်ဖီတင်ပို့မှုသည် MSMEs များ၏ ကမ္ဘာ့ဈေးကွက်တွင် ယှဉ်ပြိင်နိုင်စွမ်းရှိခြင်းကို ဖော်ပြနေပါသည်။ အင်ဒိုနီးရှား၏ ကော်ဖီတင်ပို့မှုသည် ၂၀၂၃ ခုနှစ်တွင် ကီလိုဂရမ် ၂၇၉.၉၄ သန်းမှ ၂၀၂၄ ခုနှစ်တွင် ကီလိုဂရမ် ၃၁၆.၇၂ သန်းအထိ တိုးလာခဲ့ကြောင်း Statistics Indonesia ၏ ထုတ်ပြန်ချက်အရ သိရှိရပါသည်။

DOCA (ရန်ကုန်)